Կարեն Կարապետյանի հայտարարությունը պետք է ստուգվի, ինչը դատախազությունը չի անում

Դեղատների դիմաց դեղատոմս գրելու մասին վարչապետ Կարեն Կարապետյանի երեկվա հայտարարության մեջ գլխավոր դատախազությունում առերեւույթ հանցագործության հատկանիշներ չեն տեսնում: Այս մասին «Հայկական ժամանակ»-ի հարցին, թե արդյո՞ք ստուգվել է Կարեն Կարապետյանի այն հայտարարությունը, որը դեղատների դիմաց դեղատոմս են գրում եւ տրամադրում քաղաքացիներին, դատախազության հանրային կապերի վարչությունից պատասխանեցին. «Առերեւույթ հանցագործության հատկանիշներ չի պարունակում, մենք որեւէ հաղորդում չենք ստացել այդ հայտարարության վերաբերյալ»:

Կառավարության երեկվա նիստում վարչապետ Կարեն Կարապետյանը, արձագանքելով առողջապահության նախարարի տեղակալ Սամվել Մարգարյանի ներկայացրած որոշման նախագծին, որով դեղատոմսով դեղերը տրամադրելու գործընթացի նոր ժամանակացույց է սահմավում, ասել էր. «Պարոն Մարգարյան, խնդրում եմ ուշադիր լինեք: Ինֆորմացիա կա, որ արդեն դեղատոմսերը դեղատների դեմը գրում, տալիս են եւ դրա համար լրացուցիչ վճար կա: Շատ ուշադիր եղեք, որպեսզի բուտաֆորիա չդառնա»:

Առողջապահության նախարարի մամուլի քարտուղար Անահիտ Հայթայանից հետաքրքրվեցինք, թե ի՞նչ գործողություններ է ձեռնարկվել վարչապետի հայտարարությունը ստուգելու ուղղությամբ: Անահիտ Հայթայանը ասաց, որ նախարարի հանձնարարականով ստուգվում են վարչապետի հայտարարությունում տեղ գտած տեղեկությունները, սակայն կարծում են, որ բարձր մակարդակով արված այդ հայտարարությունից հետո դժվար թե որեւէ մեկը համարձակվի դեղատան դիմաց դեղատոմս գրել եւ տրամադրի քաղաքացիներին: Այդուհանդերձ նախարարությունում նման ինֆորմացիա չունեն, որը հնչեցրեց վարչապետը:

Փաստաբան Նորայր Նորիկյանը «Հայկական ժամանակ»-ի հետ զրույցում ասաց, որ մարտի 1-ից դեղատոմսով դեղ տրամադրելու կարգը ենթադրում է, որ դեղատոմսը պետք է կնքվի, ստորագրվի իրավասու բժշկի կողմից եւ նոր տրամադրվի քաղաքացուն: «Ավելին ասեմ՝ այդ դեղատոմսերը հետեւանք են ստուգումների: Պետք է հիվանդը գնա պոլիկլինիկա, ստուգվի, որի արդյունքում ախտորոշում արվի, որի հիման վրա դեղեր նշանակեն: Հետեւաբար դեղատան դիմաց այդ ձեւով դեղատոմս գրելը եւ տալը նոր իրավակարգավորումների շրջանակներում ոչ իրավաչափ վարքագիծ է անկախ նրանից, թե ում կողմից կլինի: Որովհետեւ եթե մարդուն պետք է դեղ տրամադրվի, ապա այդ դեղը ստուգման արդյունքում պետք է տրվի, հետեւաբար դեղատան դիմաց չեն կարող մարդուն ստուգել, որոշել, թե ինչ դեղի կարիք ունի եւ նրան դեղատոմս գրեն»,- ասաց փաստաբանը՝ նշելով, որ եթե վարչապետը նման հայտարարություն է արել, ապա ինքը չի կարծում, որ դա «օդի մեջ արված» խոսակցություն է:

Նորայր Նորիկյանի խոսքով, եղել են մարդիկ, որոնք զեկուցել են վարչապետին, որ այդպիսի գործընթաց կա: «Վարչապետն էլ թող բարի լինի գնա դրանց հետքերով, հայտնաբերեն դեղատոմս գրողներին, պարզեն նրանց իրավասությունները: Արդյո՞ք իրենք իրավասու էին այդպիսի գործունեություն ծավալելու, թե չէ: Եթե կպարզվի, որ նրանք զբաղված են պաշտոնական կեղծիքներով, բնականաբար, առաջ կգա արդեն քրեական պատասխանատվության խնդիր: Բայց եթե օդի միջի խոսակցություն է, ապա պետք է հասկանալ, թե որտեղի՞ց վարչապետին այդպիսի տեղեկատվություն, ո՞վ է նրա նման տեղեկատվություն հաղորդել»,- ասաց նա:

Մեր հարցին, թե այդ ամենը արդյո՞ք չի ենթադրում, որ վարչապետի հայտարարությունը պետք է առնվազն ստուգվի, Նորայր Նորիկյանը պատասխանեց. «Կարծում եմ, որ եթե երկրի գործադիր իշխանության ղեկավարությունն այդպիսի հայտարարություն է անում, ուրեմն առնվազն պետք է ունենա այդ մասին բավարար հիմքեր, առնվազն պետք է լինեն մի քանի դեպքեր այդ մասին: Խոսքը լուրջ գործընթացի մասին է, որովհետեւ մենք գործ ունենք մարդու առողջության եւ կյանքի հետ, հետեւաբար դրան մատերի արանքով նայելն անլրջություն է: Կարծում եմ՝ պետք է իրավասու մարմինները իսկապես հետամուտ լինեն պարզելու համար, թե ՀՀ վարչապետն ի՞նչ սուբյեկտների նկատի ուներ, ովքե՞ր են զբաղվում դեղատոմսեր գրելով եւ արդյոք դա չի պարունակում կոռուպցիոն ռիսկեր»:

Նյութը տպագրվել է «Հայկական ժամանակ» օրաթերթի մարտի 8-ի համարում:

Տպել
3020 դիտում

Թող մեր զինվորները վստահ լինեն, որ այս պատերազմը մենք ենք հաղթելու, որովհետև իրենց թիկունքը շատ ամուր է. Արա Գևորգյան

Լեռնային Ղարաբաղում վերսկսված ցեղասպանություն՝ համավարակի ֆոնին. Forbes-ի անդրադարձը

Որն է ԼՂ հակամարտության լուծման իրանական պլանի էությունը. Արաքչին իր շրջայցը սկսել է Բաքվից

«Բարսելոնան» նախագահի նոր պաշտոնակատար ունի

ՃՏՊ Երևան-Մեղրի ավտոճանապարհին․ տուժածը հոսպիտալացվել է Եղեգնաձորի բժշկական կենտրոն

Թուրքիան փորձում է լիրայի արժեզրկումը զսպել ինտերվենցիաներով, բայց այնուհանդերձ խնդիրը խորանում է. Արտակ Մանուկյան

Մենք խաղաղ բնակիչներից մեր անհաջողությունների վրեժը չենք լուծելու. ՊՆ ներկայացուցիչ

Բերձորի ուղղությամբ մեր ստորաբաժանումներին հաջողվել է որոշակի դիրքային բարելավումներ իրականացնել. Արծրուն Հովհաննիսյան

«Արարատ-Արմենիան» երկարաձգել է պայմանագիրը իր առաջատարներից մեկի հետ

Այս պատերազմը գնալով ավելի է մոտենում հենց կամքի ու խելքի գործոնների կարևորությանը. ՊՆ ներկայացուցիչ

Մտքում վատ, սարսափելի երեւույթներ, հրեշներ մի՛ ստեղծեք․ մասնագետի հոգեբանական խորհուրդները բոլորին

Շուշիում այսօր վիրավորված փրկարարներից Գեղամ Գրիգորյանը վիրահատվում է. Արցախի ԱԻՊԾ

Ֆուտզալի Հայաստանի հավաքականը Եվրո-2022-ի ընտրական փլեյ-օֆֆ փուլի հանդիպումները Վառնայում

Հայաստանը և Արցախը, ի տարբերություն մեր երկու հարևանների, ոչ թե հյուրընկալում, այլ պայքարում են ահաբեկիչների դեմ. ԱԳՆ

Բացահայտվել են Արցախից Հայաստան անօրինական ճանապարհով զենք-զինամթերք տեղափոխելու դեպքեր․ ԱԱԾ

Ռազմական օբյեկտների մոտ գտնվող ադրբեջանական բնակչությանը հորդորում ենք հեռանալ՝ չդառնալ կենդանի վահան. Վահրամ Պողոսյան

Թուրքերի հարձակումից տուժած հայերից 2-ը հոսպիտալացվել են․ մուրճի հարված ստացածը վիրահատության կարիք ունի

Նախագահի հրամանագրով գնդապետ Աշոտ Բալասանյանին շնորհվել է գեներալ-մայորի զինվորական կոչում

ՀՀ նախագահի հրամանագրով գնդապետ Արմեն Գյոզալյանը պարգևատրվել է «Մարտական խաչ» 2-րդ աստիճանի շքանշանով

Ավտովթար է տեղի ունեցել Իջևան-Նոյեմբերյան ավտոճանապարհին. տուժածները հոսպիտալացվել են Իջևանի բժշկական կենտրոն