Հյս. Կորեայում եւ տիեզերքում ՌԴ նախագահի քվեարկության 100% մասնակցություն է գրանցվել

Մարտի 18-ին Ռուսաստանում կայացան նախագահական ընտրությունները: Ընտրությունների ամսաթիվը պատահաբար չէր ընտրված. 4 տարի առաջ նույն օրը տեղի էր ունեցել Ղրիմի կարգավիճակի մասին հանրաքվեն, որի արդյունքում, ըստ ռուսական տվյալների, մասնակիցների գրեթե 97 տոկոսը ցանկացել էր միանալ ՌԴ-ին: Այս հանգամանքը հավելյալ խորհրդավորություն պետք է հաղորդեր ընտրություններին:

Նախագահի ընտրություններում, ինչպես և սպասվում էր, վստահ հաղթանակ տարավ Վլադիմիր Պուտինը: Նա կղեկավարի Ռուսաստանը ևս 6 տարի: Պուտինը ստացավ քվեների 76,7%-ը, այսինքն՝ մնացած 8 թեկնածուների ձայներից 3 անգամ ավելի: Այդպիսով, նա գերազանցեց 2004 թ. ընտրությունների սեփական արդյունքը՝ 71.3%: Երկրորդ տեղում էր ՌԴ կոմունիստական կուսակցության ձայների 11.9 տոկոսը ստացած թեկնածու Պավել Գրուդինինը: Երրորդ տեղը զբաղեցրեց արդեն ավանդական թեկնածուի կարգավիճակով հանդես եկող Վլադիմիր Ժիրինովսկին: ՌԴ լիբերալ-դեմոկրատական կուսակցության թեկնածուն ստացավ 4 միլիոնից ավելի քվե, կամ 5.6 տոկոս: Չորրորդը Քսենիա Սոբչակն էր՝ 1.7%: Մեկ տոկոսի շեմը մի կերպ հաղթահարած վերջին թեկնածուն «Յաբլոկո»-ի առաջնորդ Գրիգորի Յավլինսկին էր՝ 1.04%: «Աճի կուսակցության» թեկնածու Բորիս Տիտովը, «Ռուսաստանի կոմունիստներից» Մաքսիմ Սուրայկինը և «Ռուսաստանյան համաժողովրդական միության» թեկնածու Սերգեյ Բաբուրինը ստացան 1%-ից պակաս ձայներ:

ՌԴ ԿԸՀ տվյալներով՝ ընտրությանը մասնակցել է ընտրելու իրավունք ունեցող քաղաքացիների 67,47%-ը, կամ 73,4 միլիոն մարդ: Ինչ-որ առումով սա անակնկալ է, քանի որ փորձագետները կանխատեսում էին 60-ից 65 տոկոս մասնակցություն:

Պուտինի համար ավանդաբար բարձր ցուցանիշներ ապահովող Հյուսիսային Կովկասի սուբյեկտներին ավելացան ևս երկուսը: Այս նախագահական ընտրությունները առաջինն էին երկու նոր սուբյեկտի՝ Ղրիմի և Սևաստոպոլի համար: Այնտեղ Պուտինի օգտին քվեարկեցին մասնակիցների համապատասխանաբար 92,15% և 90,19%-ը: Պուտինը 90%-ից բարձր ցուցանիշ է գրանցել նաև Հայաստանում գործող երկու ընտրատեղամասերում: Այս ցուցանիշները, սակայն ամենաբարձրը չէին. Սիրիայում քվեարկած բոլոր ռուսաստանցի զինվորականները իրենց ձայնը տվել են Պուտինին:

Հետաքրքրական է, որ Պուտինը հաղթել է ոչ բոլոր տեղամասերում: Ալթայի հանրապետության երկու գյուղերում հաղթանակ է տարել ՌԴԿԿ թեկնածու Պավել Գրուդինինը՝ շրջանցելով Պուտինին, ընդհանուր առմամբ 10 ձայնով:

Մասնակցության ամենաբարձր ցուցանիշը գրանցվել է Հյուսիսային Կորեայում, որտեղ ՌԴ բոլոր 112 քաղաքացիները մասնակցել են ընտրություններին և միջազգային տիեզերական կայանում, որտեղ գտնվող ՌԴ միակ քաղաքացին ևս կատարել է իր քաղաքացիական պարտքը: Ուկրաինայում և Վրաստանում ռուսաստանցիներին չհաջողվեց քվեարկություն կատարել՝ Վրաստանում ՌԴ դեսպանության բացակայության պատճառով, իսկ Ուկրաինայում ոստիկանների և ազգայնականների՝ ՌԴ դեսպանատան շենքը շրջափակելու:

Ընտրախախտումների պատճառով չեղարկվեցին թվով 7 ընտրատեղամասի քվեարկության արդյունքները: Գրեթե բոլոր տեղամասերում չեղարկման պատճառը զանգվածային լցոնումներն են: «Բաց Ռուսաստան» կազմակերպության դիտորդների վկայությամբ Հյուսիսային Կովկասի, մասնավորապես՝ Կարաչաևո-Չերկեսսիայի մի շարք ընտրատեղամասերում հանձնաժողովի գրանցած վերջնական արձանագրության թվերը տարբերվում են ԿԸՀ պաշտոնական կայքի թվերից հօգուտ Պուտինի:

Նախագահի արդեն նախկին թեկնածուներից ոմանք կոշտ քննադատությամբ են հանդես եկել: Վ. Ժիրինովսկին հայտարարել է, որ իրականում Պուտինի օգտին ավելի քիչ տոկոս պետք է լինի` առավելագույնը քառասուն:

ՌԴԿԿ թեկնածու Պավել Գրուդինինը նշել է, որ այս ընտրությունները արդար չէին: Նրա խոսքով կրկնաքվեարկությունը բացառված չէր: «Ցավոք, Նավալնին ճիշտ էր, հնարավոր է երկու-երեք անգամ քվեարկել, և մենք ունեցանք նման դեպքեր Մոսկվայի մարզում»,- ասել է Գրուդինինը:

«Ռուսաստանի կոմունիստներն» ընդհանրապես հայտարարել են, որ Մաքսիմ Սուրայկինի շտաբը չի ընդունում ընտրության արդյունքները և պատրաստվում է կատարել սեփական հաշվարկը: Ընդ որում, Պուտինի հաղթանակը կասկածներ չի հարուցում, խնդիրը ձայների քանակն է:

Ընտրություններն աչքի ընկան ևս մեկ ռեկորդային ցուցանիշով. գրանցվեց միջազգային դիտորդների աննախադեպ քանակի մասնակցություն՝ 1513 դիտորդ աշխարհի 115 երկրից: Դիտորդները հիմնականում դրական գնահատական են տվել: Այստեղ հարկ է նշել, սակայն, որ դիտորդներից շատերի հայրենիքում ժողովրդավարական ինստիտուտների վիճակը գտնվում է ավելի ցածր մակարդակի վրա, քան Ռուսաստանում:

ԵԱՀԿ/ԺՀՄԻԳ դիտորդական առաքելությունը նշել է, որ ընտրություններն անցել են ուժեղ իրավական ու քաղաքական վերահսկողության պայմաններում, սակայն արդյունավետ ու թափանցիկ։ ԺՀՄԻԳ զեկույցում նշվել է ԶԼՄ-ների մեծ մասում ընտրական քարոզարշավի քննադատական ու ամբողջական լուսաբանման բացակայության, ինչպես նաև ընտրությունների լեգիտիմությունը կասկածի տակ դրած ակտիվիստների ձերբակալությունների մասին։ 

Ընտրությունների ավարտից հետո Պուտինն իր նախընտրական շտաբում հանդիպում ունեցավ նաև ԶԼՄ ներկայացուցիչների հետ: Լրագրողներից մեկի հարցին, արդյո՞ք հնարավոր է համարում 2030 թ. նախագահի պաշտոնին վերադառնալը, Պուտինը պատասխանեց. «Իմ կարծիքով, այն ինչ Դուք ասում եք, փոքր-ինչ ծիծաղելի է: Եկեք հաշվենք, ես ի՞նչ է, մինչև 100 տարեկանս պիտի նստեմ, ո՛չ»: Ծանոթ լինելով Պուտինի «сказано-сделано» սկզբունքին, վստահաբար կարող ենք ասել՝ 2030 թ. նա չի հավակնելու նախագահի պաշտոնին:

Տպել
5202 դիտում

Հայտնաբերվել են «Ռենջ Ռովեր»՝ կրակոցի բազմաթիվ հետքերով, և «Կալաշնիկով»-ից կրակված 26 պարկուճ

Արցախում աճել է ծնունդների, նվազել՝ մահերի թիվը

2022 թվականի միայն առաջին 6 ամիսների ընթացքում ՀՀ քաղաքացիություն ստանալու համար ներկայացվել է շուրջ 9917 դիմում

Սպիտակ խոշորացված համայնքի ամառային զորակոչի նորակոչիկները մեկնել են պարտադիր ժամկետային զինվորական ծառայության

Հայ մրցավարները կսպասարկեն ՈՒԵՖԱ Եվրոպա Կոնֆերենցիաների լիգայի Գզիրա-Աթլետիկ Էսկալդես հանդիպումը

«Զվարթնոց» պատմամշակութային արգելոց-թանգարանում հետայսու ավելի կխստացվի միջոցառումների կազմակերպման գործընթացը

Սահմանադրականությունն ինքնին անկախ պետականության հիմքն է, ՀՀ-ում իշխանությունը պատկանում է ժողովրդին․ Շիրակի մարզպետ

Դեսպան Հովհաննես Իգիթյանը մասնակցել է Լիտվայի Յոնիշկիս քաղաքի օրվա փառատոնին

«Լեռնային Արցախ» ֆուտբոլային ակումբը հանդես կգա Հայաստանի Պրեմիեր Լիգայում

Հրդեհ Էջմիածին քաղաքում. այրվել է քաղաքի շենքերից մեկին հարակից խորդանոցի տանիքը

Սարգիս Ադամյանը պաշտոնապես «Քյոլն» ակումբի ֆուտբոլիստ է

10 հզր դրամ «տուգանք»՝ 18+ կայք այցելելու համար, դրամաշորթում, որին զոհ են դառնում քաղաքացիները. ինչ անել նման դեպքերում

Արարատ Միրզոյանը հանդիպել է Իսպանիայի կոնգրեսի նախագահին

Քրեակատարողական ծառայության պետ Սերգեյ Ատոմյանին արդարադատության գեներալ-մայորի կոչում է շնորհվել

Երևանի Կենտրոն վարչական շրջանի՝ ՔՊ-ի տարածքային խորհրդի նախագահ է ընտրվել արդարադատության նախարար Կարեն Անդրեասյանը

Նիկոլ Փաշինյանը ներողություն չի խնդրի Հրայր Թովմասյանից. Վերաքննիչը վերացրել է առաջին ատյանի դատարանի որոշումը

Քննարկվել են վիրավոր ազատամարտիկների սոցիալական խնդիրները. հանդիպում Արցախի նախագահի հետ

«Ռոսավիցիա»-ն կրկին երկարաձգել է երկրի հարավում թռիչքների արգելքը

«Արարատ» ֆուտբոլային ակումբն արդեն Սկոպյեում է

Շիրակի մարզի մի շարք համայնքներում ջրամատակարարումը 24 ժամով կդադարեցվի

Մեր բոլորի ձգտումը պետք է լինի Մայր օրենքում ամրագրված արժեքներին հավատարիմ մնալը. ԲԴԽ նախագահի պաշտոնակատար

Սարգիս Ադամյանը պայմանագիր կկնքի «Քյոլն»-ի հետ

Սոցցանցի միջոցով շուրջ 22 հազար եվրո հափշտակելու գործը ԱՀ ՔԿ-ում վարույթ է ընդունվել

Արցախի ԱԳ նախարարը հեռախոսազրույց է ունեցել Մերձդնեստրի իր գործընկերոջ հետ

Ռուսաստանը չի մասնակցի Երևանում կայանալիք «Մանկական Եվրատեսիլ-2022»-ին

Քննարկվել են Եկատերինբուրգում ՀՀ Առևտրի տան ստեղծմանն առնչվող հարցեր

Ֆինլանդիան և Շվեդիան ՆԱՏՕ-ին անդամակցելու մասին արձանագրություններ են ստորագրել

Հնդկաստանի ԱԳՆ Արևմտյան ուղղության քարտուղարն այցելել է Հայոց ցեղասպանության հուշահամալիր

Խոշոր ավտովթար Գեղարքունիքի մարզում․ կա տուժած

27 տարիների փորձն ու ներուժը պետք է նպատակաուղղվեն հանուն պետականության ամրապնդման․ Վճռաբեկ դատարանի նախագահ

ԱՄՆ-ը պետք է դադարեցնի ռազմական օգնության տրամադրումն Ադրբեջանին. Շերման

ՀՀ նախագահ Վահագն Խաչատուրյանի հրամանագրերով Սահմանադրության օրվա առթիվ բարձր կոչումներ են շնորհվել

Լույս է տեսել 44-օրյա պատերազմում զոհված Ռաֆայել Նահապետյանին նվիրված գիրքը․ հեղինակը հերոսի մայրն է (լուսանկարներ)

Վերցնելու եմ ԱԺ պատգամավորի մանդատը, հեշտ որոշում չէր ստանձնել այսպիսի պատասխանատվություն. Մարտուն Գրիգորյան

Եկեք ամրացնենք մեր պետությունն ու պետականությունը՝ հարգելով մեր Սահմանադրությունն ու օրենքները․ Արսեն Թորոսյան

Ռուսաստանը հայտարարել է Սև և Ազովի ծովերում նավերի համար երկու մարդասիրական միջանցք ստեղծելու մասին

ՔԿ նախագահ Արգիշտի Քյարամյանին շնորհվել է արդարադատության երրորդ դասի պետական խորհրդականի աստիճան

Լիահույս եմ, որ սահմանադրական իրավունքը առանձնահատուկ և կարևոր դեր պետք է ունենա մեր առօրյայում. Հրաչյա Սարգսյան

ԱԱԾ տնօրենի տեղակալ Սամվել Հայրապետյանին շնորհվել է գեներալ-մայորի զինվորական կոչում

«Զվարթնոց» օդանավակայանի անձնագրային և վիզայի բաժինը աշխատում է շուրջօրյա. ոստիկանության պարզաբանումը