Մինսկը «Պոլոնեզ» համակարգեր է վաճառում Բաքվին. ինչպե՞ս է պատասխանում Երեւանը

Հայաստանի ԱԳՆ-ն ու ՊՆ-ն արձագանքել են «Կոմերսանտի» տարածած տեղեկատվությունն առ այն, որ 2018 թ. Բելառուսը մտադիր է 10 «Պոլոնեզ» համազարկային կրակի ռեակտիվ համակարգեր մատակարարել Ադրբեջանին:

Հայկական կողմը ափսոսանք է հայտնում, որ ԶՈՒ նկատմամբ քաղաքացիական վերահսկողություն չունեցող երկրին՝ Ադրբեջանին, սպառազինությունների նման տեսակ է վաճառվում, ինչը որեւէ կերպ չի նպաստում տարածաշրջանում խաղաղության ամրապնդմանը:

Ավելի վաղ «Կոմերսանտը» տեղեկություն է հրապարակել, որ 2018 թ. ՀԱՊԿ-ի գծով ՀՀ դաշնակից Բելառուսը մտադիր է իրականացնել տասը «Պոլոնեզ» համազարկային կրակի ռեակտիվ համակարգերի առաջին արտահանման համաձայնագիրը: Հավանական պատվիրատուն համարվում է Ադրբեջանը. վերջինիս պաշտպանության նախարարն այցելել էր Բելառուս, ծանոթացել էր համակարգերի արտադրման տեխնոլոգիաների հետ:

Հատկանշական է, որ ավելի վաղ՝ 2018 թ. փետրվարին հաղորդվել էր, որ Հայաստանին հաջողվել է արգելափակել Բելառուսի տվյալ գործարքն Ադրբեջանի հետ: Այդ տեղեկատվությունը Բելառուսում «Կոմսոմոլսկայա պրավդային» հայտնել էր ռազմական վերլուծաբան Ալեքսանդր Ալեսինը, որն էլ մինչ այդ շրջանառության մեջ էր դրել Բաքվին «Պոլոնեզների» վաճառքի լուրը: Կրակի վրա յուղ լցրեց  այն, որ ավելի վաղ Լուկաշենկոն Մինսկում Հասանովի հետ հանդիպմանը հայտարարեց, որ «Բելառուսը մտադիր չէ արդարանալ Բաքվի հետ ռազմատեխնիկական ոլորտում համագործակցության համար»:

ՀՀ ԱԳՆ մամուլի խոսնակ Տիգրան Բալայանը, արձագանքելով հիշյալ հրապարակմանը, «Արմենպրես»-ի հաղորդմամբ հայտարարեց. «Մեր դիրքորոշումը Ադրբեջան զենքի մատակարարումների վերաբերյալ հստակ է, այն փոփոխություն չի կրել։ Ինչ վերաբերում է այդ հրապարակմանը, ապա ԱԳՆ-ն սովորություն չունի մեկնաբանել անանուն աղբյուրների տեղեկատվությունը»:

Հարցին՝ եթե տեղեկությունը հաստատվի, Հայաստանը մտադի՞ր է հարցը բարձրացնել ՀԱՊԿ-ում, որի գլխավոր քարտուղարը ՀՀ-ի ներկայացուցիչ, ԶՈՒ ԳՇ նախկին պետ Յուրի Խաչատուրովն է, Բալայանն արձագանքել է. «Դիվանագիտությունը «եթե»-ների արվեստ չէ, այլ կոնկրետ փաստերի: Ես Ձեր առաջին հարցին պատասխանելիս ասացի, որ Ադրբեջանին զենքի վաճառքի վերաբերյալ մեր դիրքորոշումները հայտնի են»:

Լուրը մեկնաբանել է նաեւ ՀՀ ՊՆ մամուլի խոսնակ Արծրուն Հովհաննիսյանը: Նրա խոսքերը հաստատեցին «Կոմերսանտ»-ի աղբյուրների՝ հայկական կողմում այդ համաձայնագրի վերաբերյալ բացասական ընկալումների մասին ենթադրությունները: «Կոմերսանտ»-ի աղբյուրները նկատել են, որ այդ համաձայնագիրը բացասաբար է ընկալվելու հայկական կողմից՝ նշելով, որ «Հայաստանում գտնվող «Իսկանդեր» հրթիռային համակարգերը կարող են զսպող դերակատարություն ունենալ հայ-ադրբեջանական հարաբերութուններում»:

«Անկախ նրանից, թե որ պետությունն է վաճառում Ադրբեջանին նման զինատեսակներ, սա հարուցում է մեր ափսոսանքը, քանի որ այդ համակարգերը հայտնվում են զինված ուժերի վրա քաղաքացիական վերահսկողություն չունեցող պետության ձեռքում, ինչը ոչ մի կերպ չի կարող նպաստել տարածաշրջանում խաղաղության հաստատմանը», - ասել է Ա. Հովհաննիսյանը՝ նկատելով, որ ամեն դեպքում 200 կմ հեռահարություն ունեցող Ադրբեջանում տեղակայվելիք հրթիռները չեն կարող այս իրավիճակում լրջորեն ազգել ԼՂ հակամարտության շփման գծում իրավիճակի վրա, հայտնում է Ազատությունը:

Նշվում է, որ 301 միլիմետր տրամաչափ եւ 7.2 մետր երկարություն ունեցող հրթիռները կարող են արձակվել ընդամենը 50 վայրկյանի ընթացքում: Ինը նման համակարգերը բավարար են, որ 100 ք/կմ մակերեսով տարածքի վրա ոչնչացվեն հակառակորդի օբյեկտները:

Նման սպառազինություն, Հովհաննիսյանի խոսքով, Ադրբեջանը փորձել է գնել, գնել է, եւ փորձելու է գնել: «Մենք սա հաշվի ենք առնում», - նշում է նա ու հավելում, որ համակարգերի ձեռքբերումը Ադրբեջանի կողմից շփման գծում «ուղիղ իմաստով ոչ մի հետեւանք» չի ունենա: Նա նաեւ հրաժարվել է պատասխանել հարցին՝ թե արդյոք Հայաստանն այս հարցը պե՞տք է բարձրացնի ՀԱՊԿ-ում:

Մինչդեռ ԼՂ նախագահի աշխատակազմի ղեկավարի տեղակալ Դավիթ Բաբայանի կարծիքով, եթե վաճառքի մասին տեղեկությունը հաստատվի, Հայաստանը պետք է հարցը բարձրացանի ՀԱՊԿ-ում. «Սա կարծես թե այդ Լապշինի դեպքի շարունակությունն է... Ո՞նց կարելի էր նման երկրին վաճառել այսպիսի զենք: Ադրբեջանն այդ զենքը գնում է ոչ թե պաշտպանվելու համար, այլ հարձակվելու, սպանելու, կոտորելու համար: Սա արմատապես չի փոխելու իրավիճակը: Այնուամենայնիվ բնական է, որ լարվածություն կարող է ստեղծել»:

Նշենք, որ «Պոլոնեզ» համակարգերն Ադրբեջանում դիտարկվում էին որպես հակակշիռ ՀՀ-ում մարտական ծառայություն իրականացնող «Իսկանդեր» համակարգերին: Ադրբեջանը վերջին շրջանում, կարելի է ասել, «Իսկանդեր» համակարգերի քարոզչական հակակշիռների փնտրտուքի մեջ է: Մի ժամանակ որպես հակակշիռ դիտարկվում է իսրայելական «Երկաթե գմբեթ» զինատեսակը, մինչեւ վերջերս էլ խոսում էին «Պոլոնեզ»-ի մասին:

Մինչ այս ռուս փորձագետները կասկածում էին, որ Մինսկը կվաճառի Բաքվի համար այդքան կարեւոր սպառազինության տեսակները, քանի որ դրա «մաքուր» բելառուսական զենք չէ: «Դրա վաճառքի հարցում Մինսկը պետք է հաշվի առնի երրորդ երկրի կարծիքը: Այդ երրորդ երկիրը Չինաստանն է, որի հրթիռներն են օգտագործվում այդ սպառազինության տեսակի կառուցման մեջ: Բելառուսն այդ համակարգը հավաքում է իր տարածքում, սակայն հրթիռը չինական է, ուստի վաճառքի հարցում պետք է լինի Չինաստանի համաձայնությունը»,- նշում էր ռուսաստանցի ռազմական փորձագետ Ալեքսեյ Լեոնկովը:

Թեպետ չկա գործարքի մասին պաշտոնական հաստատում, սակայն դրա վրա չինական կողմի վետո դնելու հեռանկարը կասկածելի է համարում հայաստանցի ռազմական փորձագետ Դավիթ Հարությունովը: «Պետք է հասկանալ, որ Բելառուսը շատ մեծ կարեւորություն է ներկայացնում Չինաստանի համար՝ որպես հարթակ Արեւելյան Եվրոպայում իր ազդեցության տարածման համար: Մյուս կողմից տեխնոլոգիաների տարածման հարցում Չինաստանն ԱՄՆ-ը չէ, որը շատ զգայուն է երրորդ երկրներին իր տեխնոլոգիաների փոխանցման հարցում: Չինաստանը հետաքրքրված է իր տեխնոլոգիաների տարածման հարցում»,- նշում է մեզ հետ զրույցում փորձագետը:

«Հայկական Ժամանակ»-ը Telegram-ում
Տպել
4507 դիտում

Ով չի կարողանում ապրի, պետք է հետ գնա, տեսնի՝ կրթության ո՞ր փուլում է այդ պրոբլեմն առաջացել․ վարչապետ

Ուսումնասիրվում են Վարդան Ղուկասյանի հետ կապվող ձայնագրության վերաբերյալ հրապարակումները. դատախազություն

Ադրբեջանին առաջարկել ենք սկսել խորհրդակցություններ․ ՀՀ վարչապետ

Կարծում եմ՝ մոտ օրերին լուծում կունենանք. Պապոյանը՝ Վրաստանի մաքսակետերում հայկական բեռնատարների խնդրի մասին

Սահմանի երկայնքով լինում են դեպքեր, երբ կան կրակոցներ, սակայն դրանք Հայաստանի ուղղությամբ չեն․ նախարար

Ուզում ենք համոզվել՝ Ադրբեջանում չկա քաղաքական որոշում, որ սկսում են Արևմտյան Ադրբեջանի շարժում․ վարչապետ

Ես առանց սեթևեթանքի ասում եմ՝ Ղարաբաղյան շարժումը մենք չպետք է շարունակենք․ Նիկոլ Փաշինյան

Պողոս Առաքյալի՞ն էր մեջբերում. խայտառակ պահվածքի գնահատականը գյումրեցին կտա մարտի 30-ին. Սարուխանյան

Հայաստանն այլևս ի վիճակի է ինքնիշխան գործառույթ իրականացնել․ վարչապետ

Ինչ են խոսել վարչապետն ու ԱՄՆ պետքարտուղարը․ մանրամասներ

Գյումրին մերժելու է կեղծ բարեպաշտությունը. Բաբաջանյանն անդրադարձել է Ղուկասյանի հեռախոսազրույցի ձայնագրությանը

Հարավային Կորեայում անտառային հրդեհներ են մոլեգնում. կան զոհեր. տեսանյութ

Ժամանակավորապես արգելվել է դաբաղի նկատմամբ ընկալունակ կենդանիների, մսի, չմշակված մորթի ներմուծումը ՀՀ. ՍԱՏՄ

Ամուսինը հայտնել է, որ ԲԿ-ում բուժքույրը իր ներկայությամբ ներարկել է կնոջը, մոտ 1 րոպե անց նա մահացել է

Ինչ փոփոխություններ է արձանագրել տարադրամի շուկան մարտի 26-ին

Պատերազմի վտանգն ինչպես երեկ, այնպես էլ՝ այսօր կա, պատերազմի հիմք չկա․ Ռուբեն Ռուբինյան

Առաջարկում ենք Ադրբեջանին խորհրդակցություններ սկսել ստորագրման վայրի ու ժամկետների վերաբերյալ․ Ռուբինյան

Պահքի շրջանում «բարեպաշտ քրիստոնյային» վայել «բարձրակարգ» բառապաշարը 2000-ականները հիշեցրեց. Բաղդասարյան

Թուրքիայի ներքաղաքական անկայուն վիճակը կարող է խթանել միգրացիոն հոսքը դեպի Եվրոպա. The Telegraph

Թուրքիան վերածվում է անձնիշխանության՝ ինչպես Ռուսաստանը և Ադրբեջանը. Le Monde

Էս բառապաշարով խոսողը Հայաստանում իսկի ժեկի պետ չպիտի լինի ու չի էլ լինի. Ալեքսանյան

Գյումրիում մարդկանց մի խումբ փաստացի վտանգի մեջ է, ինչի ապացույցը ձայնագրությունն է. Հարությունյան

Երևան-Երասխ ճանապարհին վրաերթի ենթարկված տղամարդը մահացել է

Խմբակցությունը որոշումը կկայացնի․ Հովհաննիսյանը՝ Աղազարյանին պատգամավորական անձեռնմխելիությունից զրկելու մասին

«Կիպրոսը Հունաստան է», «Թուրքիա, կորչի՛ր» վանկարկումներ՝ Աթենքի ռազմական շքերթի ժամանակ. տեսանյութ

Տոլմաջյանը ԱՄԿ գլխավոր տնօրենի հետ քննարկել է համագործակցության հնարավորությունն առանցքային ոլորտներում

Ադրբեջանը կրակոցների մասին ապատեղեկատվությունը տարածում է խաղաղության օրակարգը նսեմացնելու համար․ Ղահրամանյան

Շնորհակալ ենք ՀՀ կառավարությանը՝ մեր ծրագրերին մշտապես աջակցելու համար. Իջևանի համայնքապետ

Ըսա՝ պո*նիկներ, ես կանցնիմ, դուք պրոբլեմ կունենաք. հրապարակվել է Ղուկասյանի՝ սպառնալիքներով ձայնագրությունը

Ի՞նչ եղավ Վազգեն Սարգսյանի հետ՝ սպանեցին, ստեղ տենանք՝ ինչ կլինի․ Աղազարյան

Ucom-ը միանում է «ԴեմԱռԴեմ․ Սերունդների երկխոսություն» մարզային ֆորումին

Ես տան ռեմոնտի համար 8000 դոլար վերցրել եմ․ Աղազարյանն անդրադարձել է իր հետ կապված քրեական գործին

Ուկրաինայի հարցով բանակցություններում մեծ առաջընթաց է գրանցվել. Թրամփ

Տղամարդու տանը հայտնաբերվել է մոտ 3 կգ մեթամֆետամին, ավելի քան 1 կգ մարիխունա, նաև՝ հաշիշ, հերոին և ափիոն

Իրանի ԻՀՊ կորպուսը ցուցադրել է ստորգետնյա թունելներով «հրթիռային քաղաքը». տեսանյութ

60 հարկ վճարողի մոտ արձանագրվել են վարձու աշխատողի չձևակերպման դեպքեր. տուգանքի չափը՝ 36 մլն դրամ

Հարկադիր քարաթափում Աչաջուր բնակավայրից դեպի Մակարավանք տանող ճանապարհին

Պապիկյանը հետևել է ԶՈՒ բարձրագույն և ավագ սպայական կազմերի ատեստավորման գործընթացի շարային քննությանը

Հայ և թուրք փորձագետներն ուսումնասիրում են Գյումրի-Կարս երկաթուղու վիճակը. Միրզոյան

Աղազարյանը ոչ մի անգամ չի հերքել գումար ստանալու փաստը․ դատախազ