Հրազդանի պատկերասրահը փակման վտանգի առաջ է կանգնած, աշխատակիցներն ահազանգում են

Հայաստանի Ազգային պատկերասրահի Կոտայքի մարզի Հրազդանի մասնաճյուղը փակման վտանգի առջև է կանգնած: Հրազդանի պատկերասրահի տնօրեն Արամ Ղազարյանը ՀԺ-ի հետ զրույցում ասաց, որ 47 տարի առաջ բացված մասնաճյուղն այսօր փակման եզրին է, պատկերասրահը միացվելու է Երկրագիտական թանգարանին: Աշխատողների կրճատում է եղել՝ հինգ աշխատողներից մնացել են երկուսը:

«Մեզ ոչ մի հստակ բացատրություն չեն տվել, որոշ ժամանակ առաջ Մշակույթի նախկին նախարար Արմեն Ամիրյանի հետ հանդիպում եղավ, մեզ ասաց, որ մուծումները քիչ են եւ ֆինանսապես ձեռնտու չէ նման պայմաններում մշակութային օջախ պահելը: Հիմա մեզ միացնում են Երկրագիտական թանգարանին, իսկ այդ դեպքում Պատկերասրահ անվանումը վերանում է»,-ասաց Արամ Ղազարյանը:

Վերջինս փաստեց նաև, որ Հրազդանում գտնվող մշակութային կենտրոնը համարվում է շահույթ չհետապնդող, պետական ոչ առևտրային կազմակերպություն. «Մենք ի՞նչ կարող ենք անել, սա բիզնես կենտրոն չէ, ես չեմ հասկանում, թե ինչ գումարային ակնկալիքներ ունեն: Փաստն այն է, որ այսօր երկու աշխատողով ենք մնացել գումար չլինելու եւ կրճատումների պատճառով, հիվանդանալու իրավունք էլ չունենք»:

Արամ Ղազարյանը 75 հազար դրամ աշխատավարձ է ստանում, իսկ մյուս աշխատողը՝ 55 հազար: Վերջինս մտահոգություն է հայտում, որ իրենց միացնում են մի կառույցի, որի աշխատաոճն ու նպատակները լրիվ այլ են, իրենցն՝ այլ:

Հրազդանի պատկերասրահն այսօր ունի հինգ սրահ, հիմնական ցուցադրությունները կատարվում են երեք սրահներում, որոնք պետության կողմից տրամադրված միջոցներով են վերանորոգվել, իսկ մնացածը, ըստ Արամ Ղազարյանի՝ ինքն է իր միջոցներով արել, սակայն շինության մնացած հատվածները՝ սկսած սանհանգույցից, անմխիթար վիճակում են:

Արամ Ղազարյանը նշեց, որ վճարովի այցելուներ պատկերասրահը գրեթե չի ունենում, տարեկան ամենաշատը 40 հազար դրամի մուտք է լինում, իսկ ըստ միջոցառումների՝ տարեկան ունենում են մոտ 5 հարյուր անվճար այցելու: Վերջինս ասաց, որ մարզի հաշվետու ցուցահանդեսներ, մշակութային տարբեր միջոցառումներ են կազմակերպվում:

Հրազդանի պատկերասրահի հիմնական սրահներից մեկը

Նշենք, որ Հրազդանի պատկերասրահը եւ Երկրագիտական թանգարանը գտնվում են նույն շենքում, պարզապես սրահների մուտքերն են տարբեր եւ երկուսն էլ գործում են Մշակույթի նախարարության ենթակայության տակ: Հրազդանի պատկերասրահի փակման վերաբերյալ մանրամասն տեղեկություններ ՀԺ-ին տրամադրեց Մշակույթի նախարարի տեղակալ Արև Սամուելյանը:

Վերջինս նշեց, որ ինչպիսի էկսպոզիցիա որ եղել է 27 տարի առաջ, նույնը շարունակվում է մնալ եւ այսօր, գրեթե ոչինչ չի փոխվել: Արև Սամուելյանի վստահեցմամբ՝ պասիվ եւ անմխիթար վիճակը հանգեցրել է նրան, որ պատկերասրահի տարեկան այցելուների թիվը 200-ն անգամ չի գերազանցում: Համաձայն վերջինիս խոսքերի՝ մասնաճուղի գործունեության դադարեցումը պայմանավորված է միջոցների անբավարար լինելով:

Անմխիթար վիճակում գտնվող սրահներից մեկը

Նշեց նաև, որ այնտեղ պատշաճ ձևով չեն կազմակերպվում անգամ միջոցառումները. «Մտածում ենք, որ մեկ սեղմված հիմնարկն ավելի գործուն կլինի, քան երկու թերի հիմնարկները: Նախորդ տարեվերջին պետական կառույցների կողմից հրահանգ ենք ստացել 7 տոկոս կրճատում իրականացնել, հաշվարկվել է, օպտիմալ տարբերակներ գտնվել, որպեսզի հաստիքներ հնարավորիս չկրճատվեն: Ամբողջ Ազգային պատկերասրահի մասնաճյուղերից ամենաթերին աշխատում է Հրազդանի մասնաճյուղը»,- ասաց Արև Սամուելյանը:

Նշեց, որ տարեկան 5 միլիոն դրամ տրամադրվում է Հրազդանի մասնաճյուղին, սակայն այս տարվա տրամադրվող բյուջեն կրճատվել է: Մշակույթի նախարարության առաջարկը ուղարկվել է Կառավարություն, դեռ հստակ որոշում չի  կայացվել, սակայն ամենայն հավանականությամբ մասնաճյուղը կմիացվի Երկրաբանական թանգարանին եւ Հրազդանի պատկերասրահ, որպես այդպիսին, գոյություն չի ունենեա:

Տպել
6309 դիտում

Բաքվում հայերի ջարդերը վաղեմության ժամկետ չունեն, Ադրբեջանը պատասխան կտա. հայտարարություն

Ընտրվեցին ԱԺ մշտական հանձնաժողովի նախագահները. ով՝ որքան քվե է ստացել

2018թ. արձանագրվել է սպանության 36 դեպք. նվազագույն ցուցանիշը 1980 թվականից ի վեր. դատախազություն

Արամ Հարությունյանը Հայաստանում է գտնվում. նրա պաշտպանը հաստատեց, որ նրան չեն թույլատրել լքել երկիրը

Մեզ սպասվում է դինամիկ, շահագրգիռ ու արդյունավետ աշխատանք ԱԺ-ում. Լենա Նազարյան

Տիկնիկայինի աշխատակիցները բողոքում են Ռուբեն Բաբայանից. նրանք դիմելու են դատարան

Վերջնական որոշում այս պահին չկա. Միրզոյանը՝ կառավարության կառուցվածքի նախագծի մասին

Իշխանությունն արդեն լուծել է իր առջեւ դրված թիվ մեկ մարտահրավերը. ԱԺ նախագահը՝ Միքայել Մինասյանին

Սարքում ես Կիկոսի մահը. Գագիկ Ծառուկյանը՝ Հրանտ Մարգարյանին

Մենք հնդկահավերի ֆերմա չունենք. Մանուկյանի որդին՝ աղմուկ հանած հնդկահավերի մասին

Լեւոն Երանոսյանի կողմից պաշտոնեական լիազորություններն անցնելու փաստով նոր քրեական գործ է հարուցվել

Գագիկ Ծառուկյանը՝ 16 տարվա ընթացքում առաջին անգամ ելույթ ունենալու մասին

Դատարանը քիչ առաջ Արամ Հարությունյանին կալանավորելու որոշում կայացրեց

Երեւանի քաղաքապետարանն ամբուլատոր-պոլիկլինիկական բուժհաստատություններում հերթապահություն է սահմանել

Հայաստանը ցանկանում է խորացնել համագործակցությունը Եվրապոլի հետ. ՀՀ դեսպանը հանդիպել է կառույցի գործադիր տնօրենին

Թուրքիայի Մեջլիսը մերժել է Հրանտ Դինքի սպանության ուսումնասիրության պահանջը

Մանվել Գրիգորյանի գործով դատավորը երկրորդ անգամ մերժեց ինքնաբացարկի միջնորդությունը

ՄԻԵԴ-ում ՀՀ ներկայացուցիչը ձեռնարկում է անհրաժեշտ քայլեր Մայրապետյանի գործով դատարանի որոշումը կատարելու համար. ԱՆ

Երեւանում արտակարգ դեպք է գրանցվել. անցած գիշեր զինված մտել են «ՍԱՍ» սուպերմարկետ

Սպասվում է առանց տեղումների եղանակ, բայց ջերմաստիճանը կնվազի 3-5 աստիճանով. ԱԻՆ