Սա քայլ է դեպի աշխարհի չեմպիոնի գոտի. Արամ Ավագյանը՝ պրոֆ բռնցքամարտի 1-ին գոտու մասին

Բռնցքամարտիկ Արամ Ավագյանն անցկացրած վերջին մենամարտում ոչ միայն հաղթեց, այլեւ առաջին գոտին նվաճեց պրոֆեսիոնալ ռինգում (WBC International Silver գոտի): Մայիսի 19-ին իսպանական Էլչե քաղաքում նրա մրցակիցը մեքսիկացի Էմանուել Լոպեսն էր, որին նա պարտության մատնեց 10-ռաունդանոց մենամարտում: Արամը պրոֆ ռինգում սկսել է հանդես գալ Ռիո 2016-ին մասնակցելուց հետո: Սա նրա 8-րդ ելույթն էր, 8-րդ հաղթանակը եւ առաջին լուրջ նվաճումը պրոֆում: «Հայկական ժամանակ»-ի հետ զրույցում նա խոսեց հաղթանակից ու առջիկա ծրագրերից:

-Առաջին գոտիդ ես նվաճել պրոֆեսիոնալ բռնցքամարտում...

-Զգաղոցությունները նույնն են: Առանձնահատուկ զգացողություններ չունեմ: Կարծում եմ՝ երեւի ձեռքս բարձրացնելու պահին փոքրի ինչ հուզվեցի: Իհարկե հաճելի է, որ արդեն փոքր տիտղոս ունես, որը քայլ է դեպի աշխարհի չեմպիոնի գոտի:

-Եթե համեմատես սիրողական բռնցքամարտի մեդալների հետ, զգացողությունների առումով որևէ տարբերություն կա՞:

-Յուրաքանչյուր հաղթանակ ինձ համար նշանակալից է: Կլինի սիրողական թե պրոֆեսիոնալ ռինգում, ինձ համար մեծ նշանակություն ունի, որովհետեւ յուրաքանչյուր հաղթանակի հետեւում կանգնած է աշխատանք, չարչարանք, որը հասցրել է դրան: Հաղթանակն ինձ համար հաղթանակ է, որովհետեւ դրանցից ամեն մեկի համար ես տանջվել եմ, ես չարչարվել եմ, ես անցել եմ ճանապարհ, որն ինձ բերել է այդտեղ:

-Ասացիր, որ զգացողությունները նույնն են հաղթանակների դեպքում, բայց մինչեւ այս մենամարտի մեկնարկն ինչ-որ հատուկ հուզմունք եղե՞լ է: Չէ՞ որ պատրաստվում էիր 1-ին գոտին նվաճելուն:

-Հուզմունք, ո՛չ: Ռինգում շատ հանգիստ եմ: Ավելի շատ ինձ համար բարդ է պատրաստվելու փուլը, որովհետեւ լինում են պահեր, որ բռնցքամարտդ չի ստացվում, լինում են դեպքեր, որ, օրինակ, նյարդայնանում ես, դիետայի հետ կապված շատ ու շատ բաներ, զրկանքներ եւ այլն, գիշերը վատ քնել.... այդ ամենը փոքր ինչ լարվածություն է առաջացնում մարզիկի մոտ: Իսկ կշռման արարողությունից հետո, երբ արդեն գիտես, որ այդ, այսպես ասած, գազանին, որ այդքան ժամանակ հավաքել ես մեջդ, կարող ես բաց թողնել, արդեն ասես մարզիկի համար տոն լինի. վերջապես եկել է այդ օրը, որ պետք է ի ցույց դնես այն, ինչին այդքան գնացել ես:

-Էմանուել Լոպեսի մասին ի՞նչ կասես:

-Բավականին բարդ բռնցքամարտիկ էր: Մեքսիկացիներն ավելի շատ կռվարար ոճի բռնցքամարտիկներ են, եւ նրանք հիմնականում ուզում են թելադրել կռիվ: Բավականին ծանր հարվածներ ուներ, բայց ես նրան հնարավորություն չտվեցի իրագործել դրանք՝ ինչ-որ տեղ մենամարտի տարածությունը կտրելով, հեռու տարածությունից մենամարտելով եւ շատ մոտ տարածության վրա ընդհանրապես շանս չտալով, որովհետեւ արդեն այդ տարածության վրա չէր կարողանում կարճ հարվածներ անել: Ինչեւէ, բավականին ուժեղ մրցակից էր, ես նրան շատ հարգեցի որպես բռնցքամարտիկ, որպես մարդ, որպես կարգապահ մարզիկ:

-Հաջորդ մենամարտիդ հետ կապված նորություններ կա՞ն:

-Ճիշտն ասած, չեմ կարող ասել: Որոշել եմ մոտ 1 ամիս հանգստանալ: Սակայն հանգստանալ չի նշանակում՝ ընդհանրապես սպորտից կտրվելու եմ, ո՛չ. նույն առողջ ապրելակերպ, նույն ճիշտ սննդակարգ... Կարծում եմ՝ երեւի մոտակա մենամարտս կլինի օգոստոսին կամ սեպտեմբերին, ու հուսամ, որ կրկին ձեզ կուրախացնեմ:

-Կրկին գոտո՞ւ համար մենամարտ կլինի:

-Չեմ կարող ասել, կարող է լինել գոտու համար, կարող է լինել վարկանիշային մենամարտ: Դեռ հստակ ոչինչ ասել չեմ կարող:

-Սիրողական բռնցքամարտի հետ կապված ի՞նչ պլաններ ունես:

-Ոչինչ չեմ մտածում, բայց այնպես չէ, որ սիրողական բռնցքամարտում ինձ չեմ տեսնում: Այս պահին կենտրոնացած եմ պրոֆեսիոնալ բռնցքամարտի վրա, բայց շատ հնարավոր է, որ վերադառնամ եւ փորձեմ օլիմպիական ուղեգիր նվաճել ու ինչո՞ւ չէ նաեւ օլիմպիական նպատակս իրագործել, այն է մեդալ նվաճել օլիմպիական խաղերում:

Տպել
1076 դիտում

Ոստիկանները բացահայտել են 3 տարի առաջ Սեւանի թերակղզում լողափից կատարված գողությունը

Գյումրի քաղաքի 4 բնակիչ թունավորվել են տան գազի վառարանի արտահոսքից

Նուռնուս գյուղում հայտնաբերվել է նռնակի նմանվող առարկա

ՊԵԿ-ը 4 ԱԳԼՃԿ-ում հայտնաբերել է շեղումներ ստացված և փաստացի իրացված գազի ծավալների միջև. ստուգումները շարունակվելու են

Մամուլի տեղեկությունը, թե վարչապետը մերժել է ԱԱԾ-ին Սանասարյանի հարցով, իրականությանը չի համապատասխանում

Աննա Հակոբյանն ու Էդիլ Հովնանյանը քննարկել են համագործակցության հաստատումը (լուսանկարներ)

Մանսուրյանի նոր ստեղծագործությունը հատուկ «Երևան» պատանեկան սիմֆոնիկ նվագախմբի համար է

«Русские Автобусы-Группа ГАЗ» ընկերությունը ցանկանում է մասնակցել Երևանի տրանսպորտի բարեփոխման ծրագրին

Ժողովրդին պետք է բացատրել, ժողովուրդը կհասկանա. Արտո Թունջբոյաջյան

Արմեն Սարգսյանը ցավակցական հեռագրեր է հղել Գերմանիայի և Պորտուգալիայի նախագահներին

Կասկածելի գործարքներ Պատմամշակութային արգելոց-թանգարանների և պատմական միջավայրի պահպանության ծառայությունում. բաց նամակ

Աննա Հակոբյանը հյուրընկալել է Տորոնտոյում ՀՀ պատվավոր հյուպատոս Վան Լապոյանին

Իմ դեմ իրականացվողը շինծու է, դա անգամ ապացուցման կարիք չունի. Դավիթ Սանասարյան

Ավագ ուրբաթն աշխատանքային է ՎիվաՍել-ՄՏՍ-ի սպասարկման կենտրոնների համար

Լավրովը և ԵԱՀԿ գլխավոր քարտուղարը ԼՂ հարցը կքննարկեն ապրիլի 24-ին

Նախագահական նստավայրը կարող է անվանակոչվել «Հանրապետության տուն». այստեղ կանցկացվեն մշակութային միջոցառումներ

Վարչապետը հանձնարարական է տվել քննարկում կազմակերպել՝ նախքան նման օրենքի ընդունումը. Եգանյան

ՅՈՒՆԵՍԿՕ-ում ՀՀ մշտական ներկայացուցիչը ստանձնեց Ֆրանկոֆոն խմբի նախագահությունը

Ավտոմատ ամպային հեռախոսային կայան ՎիվաՍել-ՄՏՍ-ից. ծախսարդյունավետ ծառայություն ընկերությունների համար

«Իմ քայլ»-ի պատգամավորները հանդես են գալու սահմանադրական փոփոխությունների գործընթաց նախաձեռնելու առաջարկությամբ