Մոսկվայում հունիսի 13-ին կայացած Փաշինյան-Պուտին հանդիպումը, չնայած տեղեկատվության սակավությանը, շատ կարեւոր եւ հետաքրքիր նրբություններ է պարունակում, որոնք խոսում են երկկողմ հարաբերությունների ներկապնակի մի կողմից որոշակի փոփոխությունների, իսկ մյուս կողմից՝ նոր պայմաններում այդ հարաբերությունների «առօրեականացման» մասին:

Եթե դուրս թողնենք Փաշինյանի ու Պուտինի խոսքերի խիստ պաշտոնական-շնորհավորական մասը, ապա հետաքրքիր շեշտադրումներն ավելի տեսանելի կդառնան: Նախ, տանտիրոջ խոսքում հստակ նշվում էր Ռուսաստանի՝ ՀՀ-ի ամենամեծ առեւտրային գործընկեր լինելու փաստը: «Իհարկե, դրան նպաստում է նաեւ Հայաստանի անդամակցությունը Եվրասիական տնտեսական միությանը, եւ դա ակնհայտ փաստ է: Հույս ունենք, որ մենք կշարունակենք առաջ շարժվել այդ ուղղությամբ»,- դիմելով Փաշինյանին՝ հայտարարել է Պուտինը, ինչը քաղաքագետները հստակ մեսիջ են համարում՝ հիշեցնելով ՀՀ վարչապետի՝ ԵԱՏՄ-ից դուրս գալու նախկինում արված պնդումները: Այլ կերպ ասած, Ռուսաստանում դեռեւս հիշում են այդ պնդումները եւ որոշակի մտավախություններ ունեն:

Մոսկովյան հանդիպման մյուս հետաքրքիր շեշտադրումն արդեն Հայաստանի վարչապետի խոսքում էր: «Ես կարծում եմ, որ թե՛ Հայաստանում, թե՛ Ռուսաստանում բոլորը գոհ են այս զարգացումներով եւ նաեւ հույս ունեմ, որ այդ հարաբերությունները կզարգանան ավելի արդյունավետ՝ երկու ժողովուրդների, երկու պետությունների շահերի եւ սուվերենության նկատմամբ հարգանքի հիման վրա»,- դիմելով Պուտինին՝ հայտարարեց Նիկոլ Փաշինյանը: Շատերը պնդում են, որ սա, թերեւս առաջին անգամն է, երբ Հայաստանի ղեկավարը, այն էլ Մոսկվայում, դիտարկում է երկկողմ հարաբերությունները «սուվերենության նկատմամբ հարգանք»-ի լույսի ներքո:

«Երբեք չեմ հիշում, որ «սուվերենության նկատմամբ հարգանք» արտահայտությունը որեւէ հայ նախագահ օգտագործի Ռուսաստանի նախագահի հետ հանդիպման ժամանակ»,- նկատում է քաղաքագետ Սուրեն Սարգսյանը։ «Սուվերենության հարգանքի մասին Փաշինյանի հայտարարությունը շատ ողջունելի է: Այն խոսում է Ռուսաստանի հետ հարաբերություններում որոշակի նոր շեշտադրումների մասին: Այսինքն՝ մենք պատրաստ ենք խորը համագործակցության, բայց դա չի կարող լինել մեր երկրի ինքնիշխանության հաշվին»,- մեզ հետ զրույցում նկատեց ԵԼՔ խմբակցության պատգամավոր Էդմոն Մարուքյանը:

Տեսախցիկների առջեւ տեղի ունեցած երկխոսության ժամանակ Փաշինյանն ու Պուտինը, կարելի է ասել, միմյանց ու հանրությանը ներկայացրեցին երկկողմ հարաբերությունների մասին սեփական ճշմարտությունները ՀՀ-ում հեղափոխությունից հետո ստեղծված նոր իրավիճակի ֆոնին: Այսինքն, այն, ինչ ճիշտ են համարում Երեւանում ու Մոսկվայում:

Ռուսաստանցի քաղաքագետ Սերգեյ Մարկեդոնովը թեպետ նշում է, որ Մոսկվայում դեռեւս չեն վերացել Փաշինյանի թիմի նկատմամբ կասկածները, սակայն վստահ է. «Փաշինյանի այս այցով հայ-ռուսական հարաբերությունները մտնում են «առօրեականացման» փուլ»: Շուրջ մեկ ամիս առաջ Սոչիում տեղի ունեցած հանդիպումը, ըստ քաղաքագետի, կարելի է դիտարկել զուտ որպես ճանաչողական ակտ: «Դա շատ քիչ էր Հայաստանի նոր իշխանությունների հետ երկխոսելու ու կապեր հաստատելու տեսանկյունից: Դրանից հետո տեղի ունեցավ ՀՀ ԱԳ նախարար Զոհրաբ Մնացականյանի այցը Մոսկվա եւ հանդիպումը Սերգեյ Լավրովի հետ: Սա արդեն մասնագիտական մակարդակ է: Հանդիպումներ եղան նաեւ այլ նախարարների ու գերատեսչությունների ղեկավարների միջեւ: Այժմ հայ-ռուսական հարաբերություններում տեղի է ունենում ամենօրյա աշխատանք, ինչը լավ է»,- նշեց Մարկեդոնովը մեզ հետ զրույցում:

Այնուամենայնիվ, փորձագետը տեսնում է, որ Ռուսաստանի որոշակի քաղաքական ու փորձագիտական շրջանակներում ոգեւորված չեն ՀՀ-ում Փաշինյանի իշխանության գալու փաստով: Առհասարակ նրանք ոգեւորված չեն հեղափոխության առաջնորդներով: «Ու սա ունի բացատրություն»,- ասաց Մարկեդոնովն ու հղում կատարեց Վրաստանի եւ Ուկրաինայի փորձին: «Ես հեռու եմ այն մտքից, որ այդ պետություններում Արեւմուտքն արեց իշխանափոխություն, սակայն այն, որ արեւմտյան պետություններն աջակցեցին հասարակության մի հատվածին՝ ընդդեմ մյուսի, սա առաջացրեց Ռուսաստանում սխեմատիկ որոշակի ընկալում: Այն է՝ ԱՊՀ տարածքում հեղափոխությունները կատարվում են ընդդեմ Ռուսաստանի»,- նշեց նա ու միեւնույն ժամանակ նկատեց, որ սա էլ սխալ ընկալում է:

«Սխալ է, քանի որ Աբխազիայում երկու անգամ իշխանափոխություն է տեղի ունեցել ժողովրդական ընդվզման արդյունքում, սակայն այնտեղ ոչ ոք չի ցանկացել ՆԱՏՕ-ին անդամակցել: Կամ Ղրղզստանում 2010 թ.-ի հեղափոխության արդյունքում իշխանության եկած էլիտան դրեց ԱՄՆ-ի բազան հանելու հարցը»,- ասաց նա:

Նա կարծում է, որ Հայաստանի պարագայում էլ այս սխեմատիկ մոտեցումը չի աշխատում, քանի որ ՆԱՏՕ-ին անդամակցելու ծրագիր Երեւանին չի առաջարկվում, ինչն արվում է Վրաստանի եւ Ուկրաինայի պարագայում: «Բացի այդ, ոչ ԱՄՆ-ը, ոչ էլ ԵՄ-ն պատրաստ չեն Հայաստանին սպառազինություն վաճառել այն պայմաններով, ինչ դա անում է Ռուսաստանը, եւ 102-րդ ռազմակայանի փոխարեն իրենց զորքերը տեղակայել»,- վստահ է փորձագետը:

«Ուստի, այդ սխեմատիկ մոտեցումը կամ կասկածամտությունը կարող են հաղթահարել միայն ժամանակն ու պրակտիկ դաշտում հարաբերությունները: Այն, որ Մոսկվայի դիրքորոշումը հեղափոխության ընթացքում եւ հիմա շատ զսպված էր, խոսում է միայն հօգուտ այս սխեմատիկ պատկերացման վերացման: Չտրվեցին պահի ազդեցությանը ու ժամանակից շուտ ամպագոռգոռ հայտարարություններ չարեցին»,- ընդգծեց մեր զրուցակիցը:

Տպել
2722 դիտում

ԲԴԽ-ում արձակուրդում է գտնվում 21 դատավոր, ինքնամեկուսացման պայմաններում՝ 7 դատավոր. ԲԴԽ

Երևանում ու 6 մարզերում էլեկտրաէներգիայի մինչև 6-ժամյա անջատումներ են սպասվում

Թուրքական դրոշներ ենք այրում, պահանջում ճանաչում, երբ մեր ձեռքից պետություն են տանում ու ոչինչ չենք անում. Բաբաջանյան

Դաշնակցականները որոշել են ապրիլի 24-ին Ծիծեռնակաբերդում խուլիգանությու՞ն անել. Civic

Ոստիկանի ինքնազգացողությունը վատացել է ընդհարման պահին. ակցիայի մասնակիցները փորձել են ներխուժել Դատախազության շենք

Մեղրի և Ագարակ քաղաքներից 79 տնային տնտեսություն 700,000-ական դրամ բիզնես ծրագրի ֆինանսական աջակցություն կստացան

Մեր գործընկերները պատրաստվում են Ծիծեռնակաբերդում կայանալիք միջոցառմանը․ Արայիկ Հարությունյանը լուսանկար է հրապարակել

Վրաստանը Բրիտանական շտամի թիրախում է

Արձակուրդում է գտնվում 21 դատավոր, իսկ COVID-19-ով պայմանավորված` 7 դատավոր գտնվում է ինքնամեկուսացման պայմաններում․ ԲԴԽ

«Ազատություն Նավալնուն» ակցիան ավարտվել է զանգվածային ձերբակալություններով

Ինքնասպանության փորձը կանխվել է

Եվրոպայի երկար սպասված բացումը․ շենքի ներսում սնվելու համար անհրաժեշտ է պատվաստման վկայագիր ներկայացնել

Դե թող հիմա ասեն՝ բե՞ռ է Արցախը, թե՞ վահան. Դավիթ Բաբայանը՝ Սյունիքում առկա իրավիճակի, Արցախում կրակոցների մասին

Այսօր մեքենայի պայթյունից տուժած տղամարդն անգիտակից վիճակում գտնվում է վերակենդանացման բաժանմունքում

4 հայ մարմնամարզիկ կպայքարի մեդալների համար առանձին գործիքների վրա վարժություններում

Դատախազության առջև ակցիա իրականացնողները մերժել են մի քանի հոգով ներս մտնելու առաջարկը․ Գոռ Աբրահամյան

Ջրանջատում Արաբկիր վարչական շրջանում. վթարվել է Արզնի-Երևան մայրուղային ջրատարը

Հայ կիսապաշտպանը պայմանագիր է կնքել ֆրանսիական Լիգա 1-ի թիմի հետ

Ներքին Խնձորեսկում 22 գլուխ խոշոր եղջերավոր կենդանի պատահաբար Ադրբեջանի տարածքում է հայտնվել․ գյուղապետարան

Ակցիայի ժամանակ ինքնազգացողությունը վատացած ոստիկանը հետազոտվում է. բերման է ենթարկվել 14 անձ

Թուրքիայում խոսքի ազատության խնդիրներ, Նավալնիի ազատում, հակամարտություններ. ԵԽԽՎ գարնանային նստաշրջանն ավարտվել է

Արամ Սուքիասյանը հաղթող է ճանաչվել Հանրային հեռարձակողի խորհրդի անդամի թափուր տեղի համար անցկացված մրցույթում

Հակառակորդի սադրիչ և ագրեսիվ գործողությունները նպատակ ունեն տորպեդահարել ՌԴ խաղաղապահ առաքելությունը. Արցախի ԱԳՆ

Դատախազության մոտ հրմշտոցի հետևանքով ոստիկանի ինքնազգացողությունը վատացավ. նրան տեղափոխեցին հիվանդանոց

Հալաբյան-Էստոնական խաչմերուկի լուսացույցները երթևեկելի մասի աջ կողմից կտեղափոխվեն

Լարված իրավիճակ Գլխավոր դատախազության դիմաց. ակցիայի մասնակիցները փորձեցին ներխուժել շենք

«Գրականություն» առարկայի անվան մեջ «հայ» բառը կավելացվի, իսկ «եկեղեցու պատմությունը» առանձին նախատեսվում է ավագ դպրոցում

Հաղարծին գյուղին հարակից անտառում քաղաքացին ընկել է․ վերջինս հոսպիտալացվել է Դիլիջանի ԲԿ

Մենք կողմ ենք ռազմագերիների խնդրի լուծմանը՝ համաձայն «բոլորը բոլորի դիմաց» ձևաչափի. Մարիա Զախարովա

Չարենցի փողոցում կկատարվի երթևեկության կազմակերպման փոփոխություն

17 անիվավոր տրակտորներ և 2 ՈւԱԶ ավտոմեքենա՝ Հայաստանի 8 մարզի «Արոտօգտագործողների միավորում» սպառողական կոոպերատիվներին

«Ժխտողականության հարցում Թուրքիայի ներկա իշխանությունը նախկինից ավելի վատն է». թուրք քաղաքագետ Ջենգիզ Աքթար

ԿԳՄՍ նախարարը կհաստատի Պոլիտեխնիկական համալսարանի ռեկտորի ընտրության արդյունքները

ՊՆ-ն քաղաքացիներին հորդորում է չդիմել ՊՆ իրավասությունների շրջանակից դուրս հարցերով

Էրդողանի նյարդերը տեղի են տալիս

Ընդդիմության ակցիան՝ ի աջակցություն սյունեցիների մեկնարկել է. շարժվելու են դեպի դատախազություն

Արտակ Դավթյանն ընդունել է ՀՀ-ում Սերբիայի գործերի ժամանակավոր հավատարմատարին՝ դեսպանության ռազմական կցորդի ուղեկցությամբ

Հետմահու պարգևատրվել են ԱԱԾ ահմանապահ զորքերի մի խումբ զինծառայողներ

Վերջին 2 տարվա մեջ ՀՔԾ քննիչների 18 որոշում է վերացվել դատախազության կողմից

Երևանի քաղաքապետարանի ճեմասրահում մեկ շաբաթ կգործի «Վտանգված ժառանգություն․ Արցախ». ցուցահանդեսը․ մուտքն ազատ է