Դատարանում Գրիգորյանը խնդրել է պարզել, թե այդ ապրանքներն ինչպես են հայտնվել իր առանձնատանը

Պատգամավորական անձեռնմխելիությունից զրկվելուց հետո երեկ ՀՀԿ-ական, ԵԿՄ նախագահ Մանվել Գրիգորյանին մեղադրանք առաջադրվեց. նա կալանավորվեց երեկ ուշ գիշերին:

Մանվել Գրիգորյանը մեղադրվում է ՀՀ քրեական օրենսգրքի 235 հոդվածի 1-ին եւ 2-րդ կետերով (ապօրինի կերպով զենք ռազմամթերք ձեռք բերելը կրել կամ փոխադրելը, որը կատարվել է մի խումբ անձանց կողմից նախնական համաձայնությամբ), ինչպես նաեւ ՀՀ ՔՕ 179 հոդվածի 3-րդ մասի 1-ին կետով (մի խումբ անձանց հետ նախնական համաձայնությամբ յուրացման եղանակով իր վստահությանը հանձնված առանձնապես խոշոր չափերով ուրիշի գույք հափշտակություն): Մեղադրանք առաջադրելուց հետո նախաքննական մարմինը միջնորդություն էր ներկայացրել դատարան՝ նրան կալանավորելու վերաբերյալ: Միջնորդությունը քննվում էր Երեւան քաղաքի ընդհանուր իրավասության դատարանի Ավան եւ Նորք Նորք վարչական շրջանի նստավայրում: Դատարանը խորհրդակցական սենյակում մնաց շուրջ 4 ժամ, ինչից հետո հրապարակեց որոշումը՝ Մանվել Գրիգորյանին կալանավորելու վերաբերյալ:

Առաջադրված մեղադրանքում Արցախից հերոսի կոչում ստացած Գրիգորյանը իրեն մեղավոր չի ճանաչում: Ավելին՝ դատարանում Գրիգորյանը խնդրել է պարզել, թե այդ ապրանքներն ինչպես են հայտնվել իր առանձնատանն ու ամառանոցում:

Ժամը 17:30-ին արդեն իսկ լրացել էր Գրիգորյանի ձերբակալման 72 ժամը: «Դատավորը հայտարարեց, որ լրացել է 72 ժամը, դուք իրավունք ունեք ազատ լինել, պահանջեց, որ ուղեկցողները դուրս գան։ Դրանից հետո ես պահանջեցի իրավական հետեւանքները, որ մենք կարող ենք ցանկացած ուղղությամբ գնալ, սակայն պարոն Գրիգորյանն ասաց, որ ես որեւէ տեղ չունեմ գնալու, չեմ խուսափում։ Եվ ինչ-որ լինելու է, թող այստեղ լինի»,- լրագողների հետ զրույցում հայտարարեց Մանվել Գրիգորյանի պաշտպաններից Արսեն Մկրտչյանը: Նրա հետ հարցուպատասխանը ներկայացնում ենք ստորեւ.

- Պարոն Մկրտչյան, դատարանի որոշումը հիմնավորվա՞ծ էր, ինչպե՞ս կգնահատեք:

- Ես զերծ կմնամ մեկնաբանությունից, դա նման է մի շարք որոշումների, որոնք նախկինում կայացվել են հայտնի ամբաստանյալների նկատմամբ։

- Քաղաքական դատավարությունների՞ մասին է խոսքը:

-Այո:

- Այսինքն՝  ինքն իրեն քաղբանտարկյա՞լ է համարում:

-Ոչ, ինքն ինձ նման բան չի ասել։

- Ձեր պաշտպանյալը դատարանում ի՞նչ հայտարարությամբ հանդես եկավ, հանրության վերաբերմունքից տեղյա՞կ է:

- Ես տեղեկացրի այն չափով, որ չափով որ ես էի տեղյակ: Համենայնդեպս, կարող եմ մեկ բառով ասել՝ արձագանքը տղամարդկային էր, նա ընդունեց այն, որ պետք է պայքարել եւ նրանք ովքեր որ այսօր ինչ-որ նեգատիվ ունեն իրենց մեջ, պետք է նրանք էլ առիթ ունենան համոզվելու նրա մեջ, որ մեղսագրվող արարքները իրականում չեն կատավել, կամ դա չի, ինչն իրեն մեղսագրվել է:

- Ի՞նչ մեխանիզմներով են այդ քանակությամբ ապրանքները հասել նրա ամառանոց, առանձնատուն:

- Այդ մասով ես մի փոքր կաշկանդված եմ մանրամասներ բացահայտելու... այն նեգատիվը, որը միտումնավոր ստեղծվել է եւ սերմացվում է եւ այլն զինվորի բաժին եւ այլն, շուտ-շուտ ասելով դա չի կպնի Մանվել Գրիգորյանին:

- Այդքան զենք-զինամթերք, փամփուշտներ որտե՞ղից, ի վերջո քառօրյա պատերազմի ժամանակ մենք փամփուշտների, զենքերի խնդիր ունեինք:

- Ես մյուս անգամ իրեն կհարցնեմ, բայց որքան ես եմ տեղեկացված, եղել են նվիրատվություններ:

- Գործի շրջանակում այլ կասկածյալներ կա՞ն:

 - Տեղեկացված եմ այնքան՝ որքան դուք:

- Կալանավորման որոշմանն ինչպե՞ս արձագանքեց, սպասո՞ւմ էր:

- Տղամարդկային, այո, սպասում էր:

- Գլխավոր դատախազն ասաց, որ Մանվել Գրիգորյանի կինը, դուստրը եւ այլ անձինք մասնակից են եղել ապօրինի զենքի ձեռքբերման եւ պահման հարցում...

- Հազիվ գլխավոր դատախազի եւ այդ կառույցի հետ քիչ թե շատ փոխըմբռնման կարգավիճակ է ստեղծվել, հիմա դուք ուզում եք, որ ես գլխավոր դատախազի խոսքերը հնչեցնեմ:

-  Կինն ու դուստրը կարգավիճակ ունե՞ն:

- Այս պահի դրությամբ ոչ մի բան դրա մասին չգիտեմ, ես որպես ներգրավված պաշտպան նման որոշումների տեղեկացված չեմ:

- Գլխավոր դատախազն այսօր միջնորդագիր ներկայացնելիս ասաց, որ Մանվել Գրիգորյանը փորձել է անօրինական ազդեցություն գործել դատավարական կարգավիճակ ունեցող այլ անձի վրա: Սա ինչպե՞ս կմեկնաբանեք:

- Դա իրականությանը չի համապատասխանում:

- Բայց Մանվել Գրիգորյանը գաղտնասվել է:

- Չի համապատասխանում իրականությանը: Ավելի շուտ դա յուրովի մեկնաբանություն է:

- Գլխավոր դատախազը ստո՞ւմ է:

- Գլխավոր դատախազն իր ընկալմամբ է ներկայացրել հարցը:

- Այսինքն՝ Մանվել Գրիգորյանը խուզարկության պահին չի զանգահարել որդուն:

- Հիմա չեմ մեկնաբանի, բայց դուք լսել եք դատախազի մեկնաբանությունը:

- Այսօր քննիչի կողմից որպես կալանավորման հիմք չի՞ ներկայացվել:

- Ներկայացվել է:

Հարազատները նշել են, որ հայտնաբերված սնունդները ժամկետանց են եղել: Այս մասով ձեզ ի՞նչ է հայտնի:

- Դա կարող է եւ այդպես լինել:

- Զինվորներին ուղղված դպրոցականների նամակներն այդ դեպքում ինչո՞ւ չեն փոխանցվել:

- Ինչո՞ւ եք դուք մտածում, որ այդ հարցատերը Մանվել Գրիգորյանն է:

- Հենց իր առանձնատանն են դրանք հայտնաբերվել:

- Ինչի՞ եք դուք մտածում, որ այդ ամառանոցը չի օգտագործվել որպես պահեստներ, համենայնդեպես այդ մարդն ասում է՝ ես տեղյակ չեմ եղել:

- Ի՞նչ գումարներով են այդ տասնյակ ամտոմեքենաները ձեռք բերվել:

- Աշխատած գումարներով:

- Պատգամավորի աշխատավարձը բավականեցնո՞ւմ էր նման թանկարժեք մեքենաների:

- Դեկլարացիայի մեջ միայն պատգամավորի աշխատավա՞րձ է նաեւ նշված:

- Այլ աշխատանք էլ ունի՞:

- Գիտեք ինչ, հարձակվողական բանը թարգեք:

- Խոսքը թանկարժեք մեքենաների մասին է:

- Թանկարժեք մեքենա ունենալը հանցագործությո՞ւն է:

- Ինքը ձեզ այս մասին ասե՞լ է:

- Ինչո՞ւ պետք է ասի:

- Որ հանրությանը պարզաբանեք:

- Չի ասել, բայց անպայման կհարցնեմ, թե որտեղից:

Տպել
29039 դիտում

Հարություն Մաշադյանը ծառայել է ՀՀ ԶՈՒ-ում. դատախազությունը հավելյալ պարզաբանում է տարածել

Դ. Տոնոյանը հանդիպել է Հունաստանի գործընկերոջ հետ, այցելել IDEX-2019 ռազմարդյունաբերական ցուցահանդես

Ստեփանծմինդա- Լարս ավտոճանապարհը փակ է տրանսպորտային բոլոր միջոցների համար

Հայաստանի արտգործնախարարը հանդիպել է ԱՄՆ Ազգային անվտանգության խորհրդի ավագ տնօրենին

Հայ-սերբական հարաբերություններն ունեն զարգացման ներուժ. Ա. Սարգսյանը հանդիպել է Սերբիայի նախագահին

17:00-ի դրությամբ ընտրություններն ամենաակտիվը Օհանավան եւ Ակնաղբյուր համայնքներում են անցնում

Հանրապետության որոշ ավտոճանապարհներին գետնաբուք է

Թմրանյութ պահելու և օգտագործելու կասկածանքով բերման է ենթարկվել Հանրայինի հաղորդավարը

Զոհրաբ Մնացականյանը հանդիպել է Արաբական պետությունների լիգայի գլխավոր քարտուղարին

Հարություն Մաշադյանը ոչ թե կայազորի դատախազ է, այլ՝ կայազորի դատախազության դատախազ. դատախազության պարզաբանումը

Հայաստանի եւ Կիպրոսի ԱԳ նախարարները քննարկել են հայ-կիպրական համագործակցությանն առնչվող հարցերը

14:00-ի դրությամբ ՏԻՄ ընտրություններին մասնակցել է 21 հազար 130 մարդ կամ ընտրողների 33.16%-ը

Նոր Գեղի համայնքի ընտրատեղամասում լարված իրավիճակ է եղել. ԼՀԿ ներկայացուցիչը պարզաբանում է

Լևոն Աղասյանը հռչակվել է Բալկանյան երկրների չեմպիոն՝ հաղթելով ադրբեջանցուն ու թուրքին (տեսանյութ)

Երեւանում բացելով դուռը, ննջասենյակում հայտնաբերել են 53–ամյա տղամարդու կիսաքայքայված դի

Ձյան շերտում մի շարք ավտոմեքենաներ էին արգելափակվել. փրկարարները 15 ուղեւորի են տեղափոխել

11:00-ի դրությամբ ՏԻՄ ընտրություններին մասնակցել է 3276 մարդ՝ քվեարկության իրավունք ունեցողների 9,85%-ը

Զոհրաբ Մնացականյանը հանդիպեց Մալթայի արտաքին գործերի նախարար Կարմելո Աբելային

ՄԻՊ-ը վաղ առավոտից իրականացնում է ՀՀ համայնքներում տեղի ունեցող ընտրությունների դիտարկում

Վրաստանի քաղաքացին Լոռու մարզում վրաերթի է ենթարկել 23-ամյա աղջկա