Երևան
12 °C
ՀՀ կրթության եւ գիտության նախարարությունը մտադիր է դպրոցներում առաջին դասարանցիների ընդունելությունը դարձնել էլեկտրոնային տարբերակով: Այդպիսով, նպատակ է հետապնդվում բացառել կոռուպցիոն ռիսկերը, նաեւ՝ լիցենզիայով թույլատրված շեմից ավելի երեխաներ ընդունելու հնարավորությունը:
Նախարար Արայիկ Հարությունյանն ավելի վաղ անդրադարձել էր առկա խնդրին՝ նշելով, որ «օլիգարխ» դպրոցները, գտնվելով վերահսկողությունից դուրս արտոնյալ պայմաններում, ընդունել են ավելի մեծ թվով աշակերտներ, հետեւաբար պետությունից ստացել են համապատասխանաբար խոշոր գումարներ, ինչն էլ հնարավորություն է տվել տրամադրել ավելի որակյալ կրթություն՝ մյուսներին թողնելով մրցակցությունից դուրս եւ դատապարտելով թերբեռնված գործունեության:
«Ակնհայտ դարձավ, որ սա նաեւ համակարգային խնդիր է: ...Հաջորդ տարվանից ունենալու ենք համակարգային լուծում, այն է՝ այլեւս որեւէ տնօրեն առնչություն չի ունենալու առաջին դասարանցիների ընդունելության հետ: Այսինքն՝ կլինի կայք, սեպտեմբերից առաջին դասարան հաճախող երեխայի ծնողը կմտնի տվյալ կայք, կբացի տվյալ դպրոցի էջը, եւ այնտեղ գրված կլինի, թե որքան թափուր տեղ կա առաջին դասարանցիների համար: Դիցուկ, կլինի 38 տեղ: Ծնողը իր եւ երեխայի անունը կլրացնի, այնուհետեւ արդեն տնօրենները կիրականացնեն ընդունելություն: Երբ որ այդ տեղերը լրանան, այլեւս որեւէ մեկը՝ ո՛չ ծնողը, ո՛չ տնօրենը չեն կարողանա գերազանցել այդ թիվը: Կայքը գրեթե պատրաստ է, հիմա մենք դրա գործունեության համար իրավական հիմք կնախապատրաստենք, եւ արդեն հաջորդ տարվա սկզբին ծնողները շատ հանգիստ կմտնեն եւ կգրանցեն իրենց երեխաներին: Կբացառվեն կոռուպցիոն ռիսկերը, որովհետեւ ասում են՝ այս կամ այն ծնողին կամ երեխային մերժում են, որպեսզի իրենց ուզած մարդիկ անցնեն: Դա էլ կբացառվի, եւ ծնողն էլ շատ հստակ կիմանա արդեն տարվա առաջին ամիսներից, որ ենթադրենք իր թաղամասի «իքս» դպրոցում այլեւս տեղ չկա եւ ինքը պետք է նայի՝ թաղամասի մյուս դպրոցներում որտե՞ղ ազատ տեղ կա եւ գրանցի երեխային»,- մասնավորապես ասել էր Արայիկ Հարությունյանը՝ կիրակի՝ ֆեյսբուքյան ուղիղ եթերում: Նա նաեւ նկատել էր, որ երեխաներին առցանց գրանցելու հնարավորություն չունեցողներին օգնելու համար կլինեն հատուկ կենտրոններ:
Սպասվող նորամուծությունը ծնողների շրջանում առաջ է բերել որոշակի մտահոգություններ ու հարցեր: Նախարարի խոսքից շատերի մոտ տպավորություն է ստեղծվել, թե երեխաները իրավունք կստանան հաճախել միայն իրենց տարածքում գործող դպրոցներ: Մեր հարցմանն արձագանքած ծնողները նաեւ ընդգծում էին, թե ճիշտ չի լինի, որ եթե այս կամ այն դպրոց հաճախող մեկ երեխա ունեցող ծնողը ինչ-ինչ պատճառներով չհասցնի մյուս երեխային ժամանակին գրանցել այդ նույն դպրոցում, ստիպված լինի նրանց տանել տարբեր կրթական հաստատություններ:
ԿԳՆ կրթական տեխնոլոգիաների ազգային կենտրոնի (ԿՏԱԿ) տնօրեն Արտակ Պողոսյանը, մեզ հետ զրույցում մանրամասներ ներկայացնելով առաջին դասարանցիների ընդունելության առցանց համակարգի վերաբերյալ, ասաց, որ այն կգործի ոչ թե առաջիկա 2018-2019 ուսումնական տարվա համար, այլ 2019-2020-ի, որովհետեւ գալիք ուստարվա համար երեխաների հերթագրումը դպրոցներում սկսվել է դեռ մայիսից:
Կայքի հասցեն առայժմ հստակ չէ: Արտակ Պողոսյանը նշեց, որ վերջնական որոշում լինելուց հետո այդ հղումը հասանելի կլինի բոլորին՝ ինչպես ԿԳ նախարարության, այնպես էլ մյուս կրթական կայքերում:
«Համակարգի տրամաբանությունը հետեւյալ կերպ է աշխատում. ծնողը սկզբից գրանցում է իր անուն-ազգանունը, անձը հաստատող փաստաթղթի տվյալները, համակարգը ստուգում է՝ նման անձ գոյություն ունի՞ Հայաստանում, թե չէ, որից հետո մուտքագրում է երեխայի տվյալները: Համակարգը եւս մեկ անգամ ստուգում է՝ հասկանալու համար՝ նման երեխա գոյություն ունի՞, թե չէ, որովհետեւ համակարգը համակցված է պետռեգիստրի բազաներին: Այնուհետեւ Քաղաքացիական կացության ակտերի գրանցման գործակալության բազայի միջոցով ստուգում է՝ արդյոք այդ մարդիկ փոխկապակցվա՞ծ են, այսինքն՝ տվյալ անձը հանդիսանո՞ւմ է տվյալ երեխայի ծնողը, որից հետո հնարավորություն է տալիս գրանցել երեխային դպրոցում»,- տեղեկացրեց Արտակ Պողոսյանը: Նա նաեւ ավելացրեց, որ դպրոցի ընտրության հարցում սահմանափակում չկա, եւ համակարգը այդ հարթակ մուտք գործած ծնողին ներկայացնելու է Հայաստանի ամբողջ տարածքում գործող հանրակրթական ուսումնական հաստատությունները:
Առցանց համակարգի միջոցով ծնողը միեւնույն ժամանակ կտեղեկացվի, թե երեխային դպրոց ընդունելու համար ինչ փաստաթղթեր են անհրաժեշտ, որպեսզի նա հաստատություն ներկայանա՝ արդեն իսկ դրանք նախապատրաստած: Այն ծնողներին, որոնք հնարավորություն չեն ունենա էլեկտրոնային համակարգ մուտք գործել անձամբ, կօգնեն դպրոցներում: Այսինքն՝ նախարարի նշած կենտրոնները կգործեն այդտեղ: «Ծնողը կմոտենա դպրոց եւ դպրոցը պարտավորություն կունենա մուտքագրել այդ երեխայի տվյալները համակարգի միջոցով»,- ասաց Արտակ Պողոսյանը: Անդրադառնալով այն մտահոգությանը, թե գուցե ընդունելության նոր տարբերակով միեւնույն ընտանիքի երեխաները ստիպված լինեն հաճախել տարբեր դպրոցներ, ԿՏԱԿ տնօրենը նկատեց, որ այդ առումով իրավական կարգավորումներ չկան, հարցը քննարկվում է եւ հնարավոր է՝ նրանց առավելություն տրվի:
Նախատեսվում է, որ առաջին դասարանցիների ընդունելության առցանց համակարգը կգործարկվի 2019 թվականի մարտից:
«Հայկական Ժամանակ»-ը Telegram-ում
Lոլիկ, պղպեղ, ելակ, ծաղիկ արտահանողներին կտրվի փոխհատուցում այլ երկրների շուկաներում մրցունակության համար
Ռեկորդային թվով զբոսաշրջային հոսք՝ հունվար-մայիս ամիսների համար
Սերժ Սարգսյանի՝ ՊՆ նախարար աշխատած տարիներին կնքված պայմանագիրը անվավեր է ճանաչվել. կբռնագանձվի 131 մլն դրամ
Հայտնի է՝ երբ կմեկնարկի ամառային զորակոչը և որքան կտևի
Միրզոյանն ու Ռուբիոն ստորագրել են TRIPP-ի վերաբերյալ ՀՀ-ԱՄՆ համաձայնագիրը. այն պատրաստ է վավերացման. տեսանյութ
Հունիսի 5-ին Երևանի Հանրապետության հրապարակում սպասում եմ մեկ մարդու, այդ մեկ մարդը դու ես. Փաշինյան
17 հազար մարդ ականջները կախ ադրբեջանական խոսք ու երաժշտություն է լսում, ու իրենք էլ մնացածին ասում են՝ թուրք
50-ից ավելի հասցեներում խուզարկություններ են իրականացվում
Բարի լույս, լավ օր, և սիրում եմ բոլորիդ. վարչապետը տեսանյութ է հրապարակել
Ճամփորդությունդ դարձրու ավելի հարմարավետ
Պետության վրա թքած ունենալու արվեստը. Հարությունյանը՝ Կուրսկից եկած քաղաքացու հայտարարության մասին
Տեղեկությունը, թե իբր ջերմոցատերերը ՀՀ էկոնոմիկայի նախարարի աշխատասենյակում «բունտ» են արել, սուտ է. ԷՆ
Պատռում են իրենց գրած ծրագիրը, հետն էլ պատռում են Հայաստանի քարտեզը․ բա սա գժանոց չէ՞․ Սաֆարյան
Ռուսաստանը հայկական գյուղատնտեսական արտադրանքը կփոխարինի ադրբեջանականով․ Տիտով
«Ուժեղ Հայաստանի» հավաքին մասնակցող անձի մոտ հայտնաբերվել է դանակ. նա ձերբակալվել է
Քոչարյանը թալանել է ընտանիքիս. ծախվելը պոռնկություն է, Պուտինն ուզում է մեզ կապել իր դռանը. տեսանյութ
Մեկ բանավեճում 104 անգամ Ալիև, Ադրբեջան ասողները մեզ մեղադրում են Ադրբեջանի շահերը սպասարկելու համար․ Թորոսյան
Միջազգային բազմաթիվ գործընկերներ, ԵՄ, ԱՄԷ, Թուրքիա, հետաքրքրված են մեր արտադրողների հետ համագործակցությամբ
Իշխանությունը բոքսի տանձիկի պես դմփացնում է ընդդիմությանը. աղբակույտի դեմը առնել է պետք. Մեհրաբյան. տեսանյութ
Այս ընտրություններն առաջինն են մեր պատմության մեջ, որոնք տեղի են ունենում խաղաղության պայմաններում․ Միրզոյան
«Ուժեղ Հայաստանի» հավաքին պատռել են ՀՀ քարտեզը, վանկարկել «Սամ-վել, Սամ-վել»․ տեսանյութ
«Ուժեղ Հայաստան»-ի հանրահավաքին գնացած քաղաքացիները կարճ ժամանակ անց լքում են Հանրապետության հրապարակը
Սամվել Կարապետյանի հավաքի ընթացքում Հանրապետության հրապարակում ադրբեջաներեն հոլովակ է միացվել․ տեսանյութ
«Ուժեղ Հայաստան»-ի հանրահավաքին վեճ է եղել․ մեկ անձ հեռացվել է տարածքից
Նորատուսի միջազգային ռադիոցանցերը այլևս Սերժ Սարգսյանի փեսա Միշիկի սեփականությունը չեն. Փաշինյան․ տեսանյութ
Ընթանում է «Ուժեղ Հայաստան» կուսակցության ամփոփիչ հանրահավաքը․ լուսանկար
Կսուբսիդավորվի ջերմատնային ապրանքի արտահանումը, կվերադարձվի ԵՄ արտահանվող պտուղ-բանջարեղենի, ծաղկի մաքսատուրքը
Հայաստանի ոչ նյութական մշակութային ժառանգության ցանկը համալրվել է 12 նոր արժեքով
Ազատությունից զրկված անձանց և նրանց իրավունքների առնչությամբ առկա կարծրատիպերը պետք է հաղթահարվեն․ ՄԻՊ
Քաղաքական ենթատեքստով սպառնալից հեռախոսազանգեր, նամակներ են ստանում քաղաքացիները․ ՆԳՆ ոստիկանություն
Տելեգրամյան հավելվածով ապօրինի թմրաշրջանառության դեպք է բացահայտվել․ ամուսնական զույգեր են ձերբակալվել
Ընտրակաշառքը հանցագործություն է, պատիժը ռեալ ազատազրկման ձևով է և անխուսափելի. Կոլեգիայի նիստ է տեղի ունեցել
Բացատրեք ձեր ընտանիքների երիտասարդներին խաղաղության արժեքը, հիշեցրեք՝ ինչ էր կատարվում ՀՀ-ում 2018-ից առաջ
Ռուսաստանի նախագահի հետ պայմանավորվել ենք, ընտրություններից հետո կհանդիպենք, բոլոր ընթացիկ հարցերը կլուծենք
Բլոգեր Միկա Բադալյանը ՌԴ-ում բնակվող ՀՀ քաղաքացիներին ընտրակաշառք է բաժանել․ նախաձեռնվել է քրեական վարույթ
Միջանցքի թեման հորինել է լրտեսական ընդդիմությունը. ՔՊ-ն Գեղարքունիքում շարունակում է քարոզարշավը․ տեսանյութ
Արթիկում քաղաքական ուժերի աջակիցների միջև տեղի ունեցած միջադեպի առթիվ նախաձեռնվել է քրեական վարույթ
ՀԾԿՀ-ն գազամատակարարման ոլորտում նոր կարգավորում անելու որոշում է ընդունել
Դատական ակտերը բեկանվել են․ ընտրություններին մասնակցելու ընտրական իրավունք ունեն միայն ՀՀ քաղաքացիները
Ամիօ բանկը նվազեցրել է ՓՄՁ հաճախորդների գործող վարկերի և լիզինգների տոկոսադրույքները
