ՀԺ-ին թույլ չեն տվել լուսաբանել այսօրվա զորակոչը. ի՞նչ են թաքցնում

Այսօր ՀԺ-ն այցելեց ՀՀ ՊՆ կենտրոնական հավաքակայան, որպեսզի հերթական անգամ լուսաբանի զորակոչը, սակայն ի զարմանս մեզ, հսկիչ անցագրային կետի աշխատակիցները նշեցին, որ չեն կարող մեզ ներս թողնել: Հարցին՝ ո՞րն է պատճառը, պատասխանեցին, որ ՊՆ մամուլի խոսնակ Արծրուն Հովհաննիսյանի թույլտվությունը պետք է ստանանք: Մեր հավաստի տեղեկություններով՝ այսօր բանակ է զորակոչվելու ՀՀ պաշտպանության նախարար Դավիթ Տոնոյանի որդին, արդյո՞ք ՀԺ-ին ներս չթողնելը կապված է սրա հետ:

Հարցի վերաբերյալ պարզաբանում ստացանք ՀՀ ՊՆ մամուլի խոսնակ Արծրուն Հովհաննիսյանից:

- Պարոն Հովհաննիսյան, ինչո՞ւ մեզ այսօր թույլ չեն տվել մտնել կենտրոնական հավաքակայան եւ լուսաբանել զորակոչը:

- Մենք ամսվա սկզբին հայտարարել ենք, որ 30 օրվա զորակոչի ընթացքում մոտավորապես 15-16 օր լինելու են լուսաբանման օրեր, մնացած օրերը չեն լինելու լուսաբանման օրեր: Լուսաբանման օրերին խնդրեմ համեցեք, բոլոր հասանելի ֆորմատներով լուսաբանեք, այլ օրերը չի լուսաբանվում, դա աշխատանքային գրաֆիկի հետ կապ ունի:

- Իսկ ի՞նչն է խանգարում, ինչո՞ւ կան այդպիսի օրեր, որոնք չպետք է լուսաբանվեն:

- Կան աշխատանքային ռեժիմին խանգարող եւ չխանգարող օրեր: Մի ամսվա մեջ 16 օրը չի՞ բավարարում:

- Ճի՞շտ է, որ այսօր պաշտպանության նախարար Դավիթ Տոնոյանի որդին գնալու է ծառայության:

- Պաշտպանության նախարարի տղան, պաշտպանության նախարարի անձնական, ընտանեկան հարցն է, ես իրավասու չեմ մեկնաբանել դա:

- Միգուցե հենց դա է պատճառ հանդիսացել, որ այսօր չենք կարող լուսաբանել զորակոչի ընթացքը:

- Դա չի կարող պատճառ լինել, ծիծաղելի են նման լուրերը: Մեր երկիրը շատ փոքր է, եւ պաշտպանության նախարարի որդու ծառայության վայրը մի քանի ժամ հետո բոլորը կիմանան, հետեւաբար՝ առանձնահատուկ բան չի կարող այդտեղ լինել:

- Այսինքն, բոլորը կիմանա՞ն, թե որտեղ է ծառայում նախարարի տղան:

- Մենք այնքան փոքր երկիր ենք, ինչպե՞ս եք կարծում՝ այսքան ուշադրությունից հետո, այսքան փոփոխություններից հետո, որեւէ մեկի ծառայության վայրը կարո՞ղ է գաղտնիք մնալ, այն էլ պաշտպանության նախարարի տղայի:

- Մեր տեղեկություններով՝ այսօր «Զինուժ»-ը լուսաբանելու է հավաքակայանում տեղի ունեցող իրադարձությունները, դա ճի՞շտ է:

- «Զինուժ»-ը չի լուսաբանում, «Զինուժ»-ը 24-ժամյա ռեժիմով օրինականության պահպանության համար վիճակահանության եւ թափանցիկության տարրերի փոփոխություններն է նկարում՝ վերահսկելիության համար, որպեսզի հետագայում ծնողները, կամ հետագայում ինչ-որ խնդիր լինի պարզաբանման կարիք լինի, մենք կարողանանք իրենց ներկայացնել: Դրանք տարբեր բաներ են, բայց այսօր լուսաբանման օր չէ, այսօր ոչ ոք չի լուսաբանում, այդ թվում նաեւ «Զինուժ»-ը:

Հ.Գ. Նկատենք, որ ՊՆ-ի այս վարքը անհասկանալի է եւ աբսուրդ: Ի՞նչ ունեն թաքցնելու: Եթե վարչապետը հայտարարում է, որ բոլոր ոլորտներում բոլորն անխտիր պետք է թափանցիկ աշխատեն, ինչո՞ւ են կենտրոնական հավաքակայանի դռները կոնկրետ օրերի բացվում լրագրողների առաջ: Որ օրենքի որ պահանջով է ՊՆ խոսնակը նման հրահանգ իջեցնում: Ո՞ւր է զորակոչվելու պաշտպանության նախարարի որդին: Այս ամենը թույլ է տալիս այլ՝ ոչ դրական եզրակացություններ անել:

Տպել
10695 դիտում

Մանվել Գրիգորյանի խափանման միջոցի հարցով որոշումը կհրապարակվի հունվարի 22-ին

Միջուկային խնդրով Հյուսիսային Կորեայի ավագ բանագնացը ժամանել է Վաշինգտոն

Մայրապետյանի գործով ՄԻԵԴ-ը դիմումատուի իրավունքի խախտում չի արձանագրել. դատախազություն

Դավոսի համաշխարհային համաժողովի կայքում լույս է տեսել Փաշինյանի հոդվածը. նա կմասնակցի համաժողովին

Ավարտվել է Հանրապետության նախագահ Արմեն Սարգսյանի պաշտոնական այցն Արաբական Միացյալ Էմիրություններ

Հաստատվեց ԵԽԽՎ հայաստանյան պատվիրակության կազմը. ղեկավարը Ռուբեն Ռուբինյանն է

Գերմանիայից արտաքսել են Վրաստանի 62 քաղաքացու

Սա նոր Հայաստանն է, որտեղ էականը հասարակության, ոչ թե չինովնիկների կամքն է. բաց նամակ Փաշինյանին

Ձեւավորվեց ԱԺ խորհուրդը. Արարատ Միրզոյանի գլխավորությամբ խորհուրդն արտահերթ նիստ է հրավիրել

Բաքվում հայերի ջարդերը վաղեմության ժամկետ չունեն, Ադրբեջանը պատասխան կտա. հայտարարություն

Ընտրվեցին ԱԺ մշտական հանձնաժողովի նախագահները. ով՝ որքան քվե է ստացել

2018թ. արձանագրվել է սպանության 36 դեպք. նվազագույն ցուցանիշը 1980 թվականից ի վեր. դատախազություն

Արամ Հարությունյանը Հայաստանում է գտնվում. նրա պաշտպանը հաստատեց, որ նրան չեն թույլատրել լքել երկիրը

Մեզ սպասվում է դինամիկ, շահագրգիռ ու արդյունավետ աշխատանք ԱԺ-ում. Լենա Նազարյան

Տիկնիկայինի աշխատակիցները բողոքում են Ռուբեն Բաբայանից. նրանք դիմելու են դատարան

Վերջնական որոշում այս պահին չկա. Միրզոյանը՝ կառավարության կառուցվածքի նախագծի մասին

Իշխանությունն արդեն լուծել է իր առջեւ դրված թիվ մեկ մարտահրավերը. ԱԺ նախագահը՝ Միքայել Մինասյանին

Սարքում ես Կիկոսի մահը. Գագիկ Ծառուկյանը՝ Հրանտ Մարգարյանին

Մենք հնդկահավերի ֆերմա չունենք. Մանուկյանի որդին՝ աղմուկ հանած հնդկահավերի մասին

Լեւոն Երանոսյանի կողմից պաշտոնեական լիազորություններն անցնելու փաստով նոր քրեական գործ է հարուցվել