Կարող ենք գլուխներս բարձր հեռանալ. Մոդրիչը ֆուտբոլի ԱԱ 2018-ի եզրափակչում պարտվելու մասին

Խորվաթիայի ֆուտբոլի ազգային հավաքականի ավագ Լուկա Մոդրիչը հպարտ է իր թիմով: Թեեւ երեկ՝ հուլիսի 15-ին, Մոսկվայի «Լուժնիկի» մարզադաշտում կայացած ֆուտբոլի աշխարհի 2018 թ. եզրափակչում իր ընտրանին պարտվեց Ֆրանսիային (4:2), ֆուտբոլիստը գոհ է իրենց անցած ճանապարհից: Եզրափակչից հետո «Հայկական ժամանակ»-ը խառը գոտում էր, որտեղ ֆուտբոլիստները հանդիպումներից հետո կիսվում են տպավորություններով: Մոդրիչը, որը ճանաչվեց ԱԱ 2018-ի լավագույն ֆուտբոլիստ, խոսեց իր խաղի, ինչպես նաեւ ԱԱ-ում իրենց ելույթների մասին: Այն, որ խորվաթներն իսկապես գոհ են արդյունքից, երեւում էր նաեւ նրանից, որ հարցազրույցի ընթացքում Մոդրիչը կրում էր արծաթե մեդալը, թեեւ շատ դեպքերում արծաթեմեդալակիրներն անմիջապես մեդալներն ստանալուց հետո այն հանում թաքցնում են:

-Պետք է, որ գոհ լինես թիմի ելույթից...

-Այո՛, գոհ եմ, բայց տխուր ենք, որովհետեւ այսօր պարտվել ենք: Սա ֆուտբոլ է: Ամեն դեպքում հաշվի առնելով այն, թե ինչ ենք արել, որքան բան ենք ներդրել, կարող ենք բարձր գլխով հեռանալ: Մեզ կշտամբելու ոչ մի պատճառ չունենք, ու դա շատ կարեւոր է: Տխուր ենք, բայց սա ֆուտբոլ է, երբեմն հաղթում ես, երբեմն՝ պարտվում:

-Խորվաթիայի լավագոյն ֆուտբոլիստն ես: Ի՞նչ կասես այս մասին:

-Շնորհակալ եմ այդ բառերի համար: Որպես ավագ շատ գոհ եմ, որ հասանք մինչեւ եզրափակիչ, որ Խորվաթիայի պատմության լավագույն արդյունքը գրանցեցինք, այս ամենի համար հպարտություն եմ զգում եւ հիշելու եմ ողջ կյանքիս ընթացքում: Միշտ երազել եմ որեւէ մեծ նվաճում ունենալ Խորվաթիայի հավաքականի հետ եւ վերջապես հասա սրան: Թեեւ չեմպիոնական գավաթը չէ, ինչն ամենից շատ կուզենայի, բայց երբ որոշ ժամանակ անցնի, կգիտակցենք՝ ինչ նվաճման ենք հասել:

-Սա քո կարիերայի լավագույն տարի՞ն էր (խմբ. 2017-18 մրցաշրջանում Մոդրիչը «Ռեալի» կազմում 3-րդ տարին անընդմեջ նվաճել է Չեմպիոնների լիգայի գավաթը եւ 2-րդ տարին անընդմեջ աշխարհի ակումբային առաջնության չեմպիոնի կոչումը: Ըստ միջազգային մարզական մամուլի ու փորձագետների՝ Խորվաթիայի՝ ԱԱ չեմպիոն դառնալու դեպքում կարող էր արժանանալ «Ոսկե գնդակի»):

-Չգիտեմ, բայց վստահ եմ, որ լավագույններից մեկն էր: Գուցե լավագույնն էր, շատ բաներ հաղթեցի. հերթական անգամ «Ռեալի» հետ հաղթեցինք Չեմպիոնների լիգայում, անհատական մրցանակներ եղան, պատմության մեջ առաջին անգամ Խորվաթիայի հավաքականի հետ հասանք Մունդիալի եզրափակիչ եւ բարելավեցինք նախորդ ցուցանիշը: Թեեւ չեմ սիրում խոսել իմ խաղի մասին, նախընտրում եմ, որ ուրիշները խոսեն, կարծում եմ՝ սա իմ լավագույն մրցաշրջաններից էր, երբ ինձ լավ էի զգում խաղադաշտում, վստահ, կարծում եմ՝ նաեւ լավ էի խաղում:

Տպել
1450 դիտում

Եւս մեկ անգամ հռչակում եմ տնտեսական հեղափոխության կարգախոսը․ հերիք է ինչքան նստեցինք տեղներս, վե՛ր կենանք ու քայլենք

Վարդենյաց լեռնանցքը կցորդիչով բեռնատարների համար փակ է, մարդատար ավտոմեքենաների համար՝ դժվարանցանելի

Տնտեսական հեղափոխության մեր մեթոդը չի տարբերվում քաղաքական հեղափոխության մեր մեթոդաբանությունից․ Նիկոլ Փաշինյան

Չարենցավան-Հրազդան ավտոճանապարհին տեղի է ունեցել ճանապարհատրանսպորտային պատահար․ կան տուժածներ

Վանաձորում մեկնարկել է «Իմ քայլը հանուն Լոռու մարզի» ներդրումային-բիզնես ֆորումը․ ներկա է լինելու վարչապետը

Ստեփանավանում 81-ամյա կինը ինքնասպան է եղել տանիքում

Դեսպան Սամվել Մկրտչյանը հանդիպել է Լեհաստանի ԱԳՆ պետական քարտուղարի հետ

«Զինված խմբի» գործով ամբաստանյալ Արթուր Վարդանյանին հիվանդանոց են տեղափոխել

Արմեն Սարգսյանը հյուրընկալել է Գարեգին Բ եւ Արամ Ա կաթողիկոսներին

«Բժիշկներ առանց սահմանների» միության հայաստանյան առաքելությունը ԱԻՆ-ին ռադիոմետրեր է նվիրել

Արգենտինայում կյանքից հեռացել է Ցեղասպանությունը վերապրած 106-ամյա հայուհին

4 նախկին նախարար ստորագրել են Ամուլսարում հանքի թույլտվությունը. ՀԲՃ-ն անուններ է հրապարակում (լուսանկարներ)

Ուսուցչին որպես բեռնաձի օգտագործելով՝ կրթության որակ չի ապահովվի. մանկավարժները սպառնում են գործադուլով

ԱԱԾ-ն բացահայտել է ՍԱՊԾ մի խումբ աշխատակիցների կողմից կաշառք պահանջելու եւ ստանալու դեպքեր

Վերջին մեկ շաբաթվա ընթացքում 117 ապօրինի հատված ծառ է հայտնաբերվել

Ղազախստանի թղթադրամների եւ մետաղադրամների վրա այսուհետ չեն լինի ռուսերեն գրառումներ

Պետական մակարդակով կազմակերպած երթը ոճրագործության բացահայտման քայլերից մեկն է. Մարտի 1-ի զոհերի հարազատներ

Հուլիսի 1-ից կարգելվի պոլիէթիլենային տոպրակների անվճար տրամադրումը, 3 տարի անց՝ վաճառքը

Ջավախքի Հեշտիա գյուղում ԱրՄաթ ինժեներական լաբորատորիա է բացվել

Մուշուրբան, պարկապզուկը, կոխն ու որդան կարմիրը՝ մշակութային ժառանգության նոր արժեքներ