Հայկական ֆուտբոլային ակումբները ոգեւորությամբ սպասում են ՀՀ Ազգային անվտանգության ծառայության տնօրեն Արթուր Վանեցյանի՝ Հայաստանի ֆուտբոլի ֆեդերացիայի նախագահ դառնալուն: Այսօր՝ հուլիսի 19-ին, լրագրողների հետ զրույցում նա ասել է, որ ունի իր թեկնածությունն առաջադրելու ցանկություն: ՀՀ բարձրագույն խմբի առաջնության 6 ակումբները ողջունում են նրա պատրաստակամությունը ու վստահ են, որ նրա օրոք հայկական ֆուտբոլում դրական փոփոխություններ կլինեն:

Այս առիթով հայտարարությամբ է հանդես եկել «Շիրակը»: Պաշտոնական հաղորդագրություն է տարածել՝ նշելով, որ Վանեցյանի հարցազրույցից հետո որոշվել է վերադառնալ ՀՀ առաջնություն, ու թեեւ ակումբը նախագահի ընտրությանը մասնակցելու իրավունք չունի, քանի որ ՀՖՖ կողմից զրկվել է անդամակցությունից, սատարելու է Վանեցյանին:

«Մենք աջակցելու ենք պարոն Վանեցյանին եւ պատրաստ ենք միասին կերտել ֆուտբոլային նոր պատմություն»,- նշված է հաղորդագրության մեջ:

«Հայկական ժամանակ»-ը կապ հաստատեց նաեւ ՀՀ բարձրագույն խմբի առաջնության մյուս մասնակիցների հետ՝ պարզելու նրաց կարծիքը: Բոլորն էլ նշեցին, որ ողջունում են Վանեցյանի թեկնածությունը: «Բանանցից» մանրամասն մեկնաբանություն չտվեցին, սակայն ասացին, որ իրենք կողմ են Վանեցյանին:

«Ակումբի տեսակետը դրական է»,- նշեցին մամուլի քարտուղարությունից:

Կարճ մեկնաբանություն տվեց նաեւ ՀՀ վերջին 3 տարիների չեմպիոն «Ալաշկերտի» սեփականատեր Բագրատ Նավոյանը: Թեեւ նա ներկայիս նախագահ Ռուբեն Հայրապետյանի գլխավորած գործկոմի անդամ է, սակայն նույնպես դրական է վերաբերվում Վանեցյանի՝ նախագահ դառնալուն:

«Ես մեծ սիրով ողջունում եմ: Հուսով եմ, որ լավ կլինի»,- ասաց նա:

«Գանձասար-Կապանի» գործադիր տնօրեն Գառնիկ Աղաբաբյանը նույնպես դրական է տրամադրված: Համարում է, որ նախագահի թեկնածուի՝ ուժային կառույցի ղեկավար լինելու փաստն օգտակար կլինի:

«Կարծում եմ՝ Վանեցյանը նորմալ, շատ լավ կաշխատի: Կարծում եմ՝ այն, որ ուժային կառույցի ղեկավարն է դառնում ֆեդերացիայի նախագահ, դեպի դրականը կտանի հայկական ֆուտբոլի զարգացումը»,- ասաց նա:

Ըստ «Արարատի» գործադիր տնօրեն Տիգրան Ղարաբաղցյանի՝ հայկական ֆուտբոլում պետք է փոփոխություններ լինեն, ինչպես վերջին շրջանում Հայաստանում մի շարք այլ ոլորտներում տեղի ունեցան: Վանեցյանն էլ, ըստ նրա, ամենահարմար մարդն է այդ փոփոխությունները ղեկավարելու համար:

«Կարծում եմ՝ նա շատ հարմար թեկնածու է այս պահին, որպեսզի հնարավոր լինի ճիշտ կազմակերպել հայկական ֆուտբոլի զարգացումը: Ինձ թվում է՝ նա բավականաչափ ֆուտբոլային գիտելիքներ էլ կունենա»,- ասաց նա:

Վանեցյանի այսօրվա հայտարարության համար շատ ուրախ էր «Փյունիկի» սեփականատեր Արթուր Սողոմոնյանը: Նա ընդգծեց, որ ոչ միայն կողմ է ԱԱԾ տնօրենի ՀՖՖ նախագահ դառնալուն, այլեւ պատրաստակամ է ցանկացած հարցում աջակցել նրան հայկական ֆուտբոլը զարգացման ճիշտ ուղու վրա դնելու համար:

«Ոգեւորությամբ ընդունեցինք այդ լուրը ու շնորհակալ ենք նրան, որ պատրաստ է: Հասկանում ենք՝ որքան զբաղված մարդ է: Մենք մեր կողմից կանենք ամեն ինչ, որպեսզի օգնենք նրան: Շատ երջանիկ կլինենք, եթե հայկական ֆուտբոլն ունենա այսպիսի պարզ, մաքուր ղեկավար: Դա մեզ համար այսօր իրոք շատ լավ նորություն էր»,- ասաց նա:

Վանեցյանը, թեեւ ցանկանում է դառնալ ՀՖՖ նախագահ, սակայն այսօր նշել է, որ վերջնական որոշում չունի: Մյուս կողմից ասել է՝ ինչ փոփոխություններ կարող են տեղի ունենալ իր՝ պաշտոնը ստանձնելու պարագայում: Հայտարարել է, որ գործկոմի կազմը, որի անդամներից են Երեւանի նախկին քաղաքապետ Տարոն Մարգարյանը, ՀՀ Սահմանադրական դատարանի նախագահ Հրայր Թովմասյանը, կփոխվի:

Ակումբներն իրենց հերթին նշում են իրենց տեսանկյունից առաջնահերթ խնդիրները: Օրինակ, ըստ Գառնիկ Աղաբաբյանի, պետք է լուծվի ակումբներին մարզադաշտեր տրամադրելու հարցը, Արթուր Սողոմոնյանն էլ ուշադրության է հրավիրում մանկական, երիտասարդական, պրոֆեսիոնալ ֆուտբոլում, ազգային հավաքականում առկա բացերի վրա:

Ինչ վերաբերում է Ռուբեն Հայրապետյանին, ապա նա պատրաստ է պաշտոնը զիջել Վանեցյանին: Օրերս ԶԼՄ-ների հետ զրույցում Հայրապետյանը տեղեկացրել է, որ չի առաջադրի իր թեկնածությունը, եթե Վանեցյանն առաջադրի: Նշել է նաեւ, որ ընտրողներին խորհուրդ կտա ձայնը տալ ԱԱԾ տնօրենի օգտին:

Հայրապետյանի նման հայտարարությունը այս հարցի վերաբերյալ նրա դիրքորոշման կտրուկ փոփոխություն է: Նրա հրաժարականի մասին երկրպագուները երկար ժամանակ է՝ խոսում են: Ֆուտբոլի աշխարհի 2018 թ. առաջնության նախընտրական փուլից առաջ նա հայտարարել էր, որ կհեռանա, եթե ընտրանին ձախողի շրջափուլը: Հավաքականն ԱԱ եզրափակիչ փուլ դուրս չեկավ, սակայն Հայրապետյանը չհեռացավ, ինչպես շատերին թվում էր, թե կանի:

Նա իրեն անփոխարինելի էր համարում, ու մեկ անգամ չէ, որ ընդգծել է, թե միայն իրեն է պատկերացնում այս պաշտոնում: Նաեւ ասել է, որ իրեն ոչ ոք չի կարող ստիպել հեռանալ: Հունիսի 30-ին գործկոմի նիստից հետո լրագրողների հետ զրույցում վերջին անգամ նշել էր, որ ամենաարժանի թեկնածուն ինքն է:

Հայրապետյանը ՀՖՖ նախագահ է ընտրվել 2002 թ.: 2006, 2010 և 2015 թթ. վերընտրվել է: Որպես ՀՖՖ նախագահի ու գործկոմի ընտրությունների նախնական ժամանակաշրջան սահմանված է 2018 թ. սեպտեմբերի 2-րդ տասնօրյակը: Գործկոմի հատուկ նիստում պետք է հաստատվի ՀՖՖ նոր կանոնադրությունը, կառույցը պետք է իրավաբանական անձանց միությունից վերածվի հասարակական կազմակերպության: Միաժամանակ պետք է ընտրվի նոր նախագահ ու գործկոմ:

Տպել
4055 դիտում

Ֆոսֆորային զինատեսակի կիրառման փաստերը հերքելու համար Ադրբեջանը լծվել է պարզունակ հայտարարություններ տարածելուն

ԿԳՄՍՆ-ն աշակերտներին առաջարկում է արձակուրդն օգտագործել ավելի նպատակային եւ արդյունավետ

Հիվանդանոցում 10 օրից ավել ծայրահեղ ծանր վիճակում գտնվող զինվորին մայրը գտավ, 2 ժամ հետո տղան մահացավ․ Շ.Դանիելյան

ՀԱՊԿ-ի ներգրավման մասին խոսք չկա. ՌԴ-ում ՀՀ դեսպանը պարզաբանել է վարչապետ Փաշինյանի նամակը

Կորոնավիրուսի պատճառով մահացել է դերասան Վասիլ Սարգսյանը

Փաշինյանի՝ Պուտինին ուղղված դիմումն ու ՌԴ ԱԳՆ պատասխանը պետք է դիտարկել որպես կարեւոր գործընթացի մեկնարկ․ Ռուբինյան

ՌԴ ԱԳՆ-ն պատասխանել է ՀՀ վարչապետ Փաշինյանի՝ Պուտինին ուղղված նամակին

Մենք միասնական մարմին ենք, ես զգում եմ մեր արյունը, որը հոսում է իմ երակներով․ Տ․ Սպիվակովան Արցախի մասին ֆիլմ է նկարել

Զորահավաքի ենթակա անձի մոտ կորոնավիրուսի դրական պատասխանի դեպքում վերստուգվելու է ՊՇՌ թեստավորման պատասխանը

Վիեննայում շուրջ 50 իսլամիստ հարձակվել է կաթոլիկ եկեղեցու վրա

Զգուշություն դրսևորելով՝ Ստամբուլի 200 հայ ՀՀ է եկել․ Սինանյանի խոսքով՝ սփյուռքի համախմբումն աննախադեպ է

Ադրբեջանական սոցիալական ցանցերը նոր տեսանյութ են հրապարակել, որում երեւում են 19 հայերի մարմիններ. Արցախի ՄԻՊ

Հայաստանում հաստատվել է կորոնավիրուսի 2381 նոր դեպք. գրանցվել է 41 մահ

Շուշիում Ադրբեջանի հարվածների հետեւանքով քաղաքացիական բնակչության շրջանում կան վիրավորներ

ՀՀ եւ ԱՀ ՄԻՊ-երը միջազգային կառույցներին հրավիրել են Արցախ՝ ցույց տալու ադրբեջանի վայրագությունները

Թուրքիայում տեղի ունեցած երկրաշարժի հետեւանքով զոհերի թիվը հասել է 24-ի

Հայբիզնեսբանկի #հաղթելու_ենք նախաձեռնության առաջին ցուցանիշները՝ աջակցության եվ բարձր վստահության մասին

ՀՀ վարչապետ Նիկոլ Փաշինյանը նամակ է հղել ՌԴ նախագահ Վլադիմիր Պուտինին

Առավոտյան հրթիռակոծվել է Ստեփանակերտը. նյութական մեծ վնաս է հասցվել խաղաղ բնակչությանը (լուսանկարներ)

Հակառակորդը շարունակում է թիրախավորել խաղաղ բնակավայրերը․ կիրառում է արգելված եւ քիմիական զենքի տարրեր