Ազգային ժողովում շարունակվում են Ընտրական օրենսգրքի փոփոխությունների քննարկումները:

Ազգային ժողովում Ընտրական օրենսգրքի փոփոխությունների հարցով ԱԺ 4 ուժերի ներկայացուցիչներից կազմված աշխատանքային խմբի այսօրվա՝ հուլիսի 20-ի նիստն ընթացավ բուռն մթնոլորտում:

Նախ, քննարկումը սկսելուց առաջ ԱԺ ԵԼՔ խմբակցության պատգամավոր Էդմոն Մարուքյանը, որն այսօր վարում էր նիստը, իր խոսքում անդրադարձավ հուլիսի 17-ի քննարկման ժամանակ Արփինե Հովհաննիսյանի հնչեցրած արտահայտությանը, որտեղ վերջինս Ընտրական օրենսգրքի բարեփոխումների կառավարական հանձնաժողովի քարտուղար Դանիել Իոաննիսյանի խոսելու ժամանակ ասում է. «էս մտավոր հետամնացի հետ ի՞նչ քննարկենք»՝ ըստ էության միտք ունենալով վիրավորել վերջինիս:

Մարուքյանը նշեց, որ այսօրվա քննարկմանը Հովհաննիսյանը ներկա չի լինի՝ արձակուրդում լինելու պատճառով.

«Ես կարծում եմ, որ տիկին Հովհաննիսյանը պետք է այստեղ լիներ եւ մեկնաբաներ իր կողմից ասվածը»,- ասաց Էդմոն Մարուքյանը: Նշենք, որ Դանիել Իոաննիսյանը եւս ներկա չէր քննարկմանը:

Քննարկումն ընթանում էր չորս խմբակցությունների առաջարկած՝ փոփոխությունների փոխզիջումների շուրջ:

ՀՀԿ-ն առաջարկում է հիբրիդային մոդել, երբ ընտրողին կտրվի երկու քվեաթերթիկ՝ մեկում կլինի մաքուր համամասնական ընտրություն, որտեղ կլինեն կուսակցությունների անունները, իսկ երկրորդը կլինի տարածքային քվեաթերթիկ, ինչպես եղել է 2017-ի ընտրություններում: Հանրապետականների պնդմամբ՝ չի կարելի հրաժարվել տարածքային ցուցակներից, քանի որ այդ դեպքում մարզերից պատգամավորներ չեն ընտրվի, բոլորը կլինեն Երեւանից:

Ծառուկյան խմբակցության պատգամավոր Նաիրա Զոհրաբյանն իր խոսում նշեց, որ իրենք, իհարկե, պատրաստ են գնալ առավելագույն կոնսենսուսի տարբերակով, որովհետեւ բոլորի խնդիրը մեկն է՝ աշխատանքային խմբում ունենալ մեկ միասնական համաձայնեցված նախագիծ: Նա նշեց, որ ՀՀԿ-ի առաջարկների մեջ առողջ մեսիջներ կան, սակայն այդ տարբերակները բավականին բարդացված են.

«ՀՀԿ-ի առաջարկած տարբերակը նույն ռեյտինգային ընտրակարգն է, սակայն քողարկված»,- ասաց Զոհրաբյանը։ Նա նշեց, որ իրենք խմբակցությունում երկար քննարկել են, եւ հստակ ասում են՝ պետք է լինի մեկ համամասնական ցուցակ.

«Եթե համաձայն չեք մեր առաջարկած քվոտավորման մոդելին, գտնենք ուրիշ մոդել, բայց պետք է լինի մեկ համամասնական ցուցակ։ Մենք պատրաստ ենք կոնսենսուսի, բայց ոչ այս բարդացված եղանակով։ Պետք է լինի 1 համամասնական ցուցակ, ոչ երկուսը, այլապես սա նման է ձախ  ականջը աջ ձեռքով բռնելուն: Մի անգամ գնացինք Սան Մարինոյի մոդելով, հիմա էլ գերմանական մոդելով, եկեք ընտրենք մեր մոդելը, որը աշխատելու է Հայաստանում»,- ասաց Նաիրա Զոհրաբյանը:

ՀՅԴ-ական Արմեն Ռուստամյանն ասաց, որ իրենք կողմ են ցանկացած համամասնական ցուցակի, որն ընտրողին հնարավորություն կտա համապետական ընտրությամբ որոշել կուսակցության ներսում մանդատների բաշխումը: Նա ասաց, որ որեւէ տարբերակ չեն առանձնացրել՝ հնարավոր փոփոխությունների համար լայն դուռ թողնելու նպատակով: Նա իր խոսքում անդրադարձավ ՀՀԿ-ի առաջարկին՝ ըստ էության համաձայնելով Զոհրաբյանի մտահոգության հետ.

«Ինչ վերաբերում է ՀՀԿ-ի առաջարկած տարբերակին՝ ըստ էության մենք հենց սրանից էինք ուզում հրաժարվել: Այսինքն՝ մենք ասում ենք, որ մանդատները չպետք է բաշխվեն անուղղակի: Հիմա այդպես է՝ սկզբից ռեյտինգավորում են տարածքները, հետո տարածքների ներսում բաշխում է կատարվում: Արդյունքում կարող է մանդատ ստանալ նա, ով քիչ ձայն ունի: Անարդար է: ՀՀԿ-ի առաջարկով այդ անարդարությունը չի վերանում».-ասաց ՀՅԴ խմբակցության անդամ Արմեն Ռուստամյանը:

ՀՀԿ-ական Դավիթ Հարությունյանը, խոսելով Նաիրա Զոհրաբյանի ու Արմեն Ռուստամյանի մտահոգությունների մասին, ասաց, որ դրանք ուղղակի անտեղի են.

«Հասկանում եմ, որ հանրապետականները հիմա բոլորի կարծիքով բոբո են եւ բերելու են մեխանիզմներ, որոնք պահանջում են ցանցեր ստեղծել, որ վերահսկեն, բայց ուզում եմ ասել, որ քվեախցիկում այնքան շատ քվեաթերթիկ կա, որ եթե անգամ էդ մարդուն ասում են՝ վերցրու ուրիշի քվեաթերթիկը հանի, ցույց տուր, էնտեղ լիքը քվեաթերթիկ կա»,-ասաց Հարությունյանը՝ նկատի ունենալով քվեաթերթիկները դուրս բերել, մեկ այլ կուսակցության անդամին ցույց տալու մեթոդը, որի մասին խոսում էր Նաիրա Զոհրաբյանը:

Հարությունյանը խոսեց իրենց առաջարկած մոդելի մասին՝ նշելով, որ այն վերացնում է երկու կարեւոր թերություն.

«Առաջինը, որ մենք ընտրողին հնարավորություն չենք տալիս որոշել, թե կուսակցության ցանկից ովքեր պետք է գնան խորհրդարան, եւ երկրորդը՝ ապահովել տարածքային ներկայացվածություն»,-ասաց նա՝ հավելելով, որ կառավարության եւ Ծառուկյան խմբակցության առաջարկած մոդելներն ունեն իր նշած երկու թերությունները: Իսկ ՀՅԴ-ի առաջարկած մոդելը, Հարությունյանի խոսքով, ունի մեկ թերություն՝ այն չի երաշխավորում տարածքային ներկայացվածություն.

«Թեեւ այս դեպքում մեզ համար ավելի ընդունելի կլինի մոդելը, որն ունի մեկ թերություն, քան այն, որն ունի երկուսը»,- ասաց ՀՀԿ-ական Դավիթ Հարությունյանը:

ԵԼՔ խմբակցության պատգամավոր Էդմոն Մարուքյանն ասաց, որ ինչքան բարդ մոդել ընտրվի, այնքան ընտրությունները կհետաձգվեն, քանի որ պետք կլինի այդ մոդելը երկար բացատրել հանրությանը:

Բանավեճ ծավալվեց Արմեն Ռուստամյանի եւ Էդմոն Մարուքյանի միջեւ, երբ վերջինս նշեց, թե որոշ ուժեր ուզում են բարդացնել ընտրության մոդելը՝ դրանով անընդհատ ձգձգելով ընտրությունները: Ռուստամյանն ասաց, որ իրենց կուսակցությունը պատրաստ է օր առաջ գնալ արտահերթ ընտրությունների եւ դրա մասին բազմիցս ասել է, սակայն դրան չի խանգարում իրենց առաջարկած տարբերակը՝  ընտրել այնպիսի մոդել, որ մարզերից նույնպես ներկայացուցիչ լինի խորհրդարանում: Այդ մոդելը, ըստ դաշնակցականների, կարող է լինել եւ՛ բաց, եւ՛ փակ, եւ՛ կիսաբաց ցուցակով, միայն հարկավոր է գտնել ավելի հարմար տարբերակը:

Մարզերի ներկայացուցիչների հարցը մտահոգիչ է նաեւ ԵԼՔ խմբակցության անդամների համար, սակայն այսօրվա քննարկման արդյունքում որեւէ հստակ որոշում չկայացվեց: Հաջորդ նիստը տեղի կունենա երեքշաբթի, որը կվարեն ՀՅԴ խմբակցության անդամները:

Տպել
5503 դիտում

«Կահիրեի Աշտարակը» երեկ լուսավորվել էր Հայաստանի դրոշի գույներով

Վեդի քաղաքում այրվել է մոտ 750 հակ անասնակեր

Մեր նահատակներն ընկան, որ Հայաստանն ու Արցախն ապրեն. վարչապետի ուղերձը Հայաստանի անկախության 30-ամյակի առթիվ

«Տաշիր» գրուպը պատրաստվում է մեծածավալ ծրագրեր իրականացնել Արցախում․ ԱՀ նախագահը Երևանում հանդիպել է Սամվել Կարապետյանին

Անկախության օրվան նվիրված գլխավոր միջոցառումը՝ լուսանկարներով

Միացեք մեզ և օգնեք կառուցել ավելի երջանիկ, բարեկեցիկ և ապահով ապագա Հայաստանի և Արցախի համար․ Սերժ Թանկյանի գրառումը

Արցախի բնակիչը վրաերթի է ենթարկել 3 անչափահաս երեխայի․ ավելի ուշ վարորդի դին հայտնաբերվել է ծառից կախված վիճակում

Ջաստին Թրյուդոյի կուսակցությունը հաղթել է ընտրություններում, բայց մեծամասնություն չի ունենա խորհրդարանում

Պետք է հայրենիքի մեջ լինել, այլ ոչ թե հայրենիքից դուրս. շոու բիզնեսի ներկայացուցիչները՝ Անկախության 30-ամյակի մասին

Երեւանի բուսաբանական այգում կհիմնադրվի Կյանքի պուրակ․ Պատվո պահակախմբի կողմից պահպանվող ծառերը կտեղափոխվեն այնտեղ

Մենք կռվի մեջ էինք, ամեն օր պայքար էր. գյումրեցի Ռաֆայել Չախալյանն արժանացել է «Մարտական ծառայություն» մեդալի

30 տարի առաջ այս օրը հայ ժողովուրդը պատմական որոշում կայացրեց՝ «Այո» ասելով անկախությանը

Հանրապետության հրապարակում մեկնարկել է Անկախության օրվան նվիրված գլխավոր միջոցառումը (լուսանկարներ)

Վարչապետի ուղերձը Անկախության օրվա առթիվ․Ուղիղ

«Ես հիացած եմ նրանով». Ջենիֆեր Լոպեսն ու Բեն Աֆլեքը վերամիավորվելուց հետո առաջին համատեղ հարցազրույցն են տվել

Գնել Սանոսյանը հեռավար մասնակցում է Վիեննայում անցկացվող ԱԷՄԳ Գլխավոր համաժողովի 65-րդ նստաշրջանի աշխատանքներին

Մաաստրիխտի քաղաքապետարանի շենքի վրա ծածանվում է Հայաստանի դրոշը

Պռոշյան գյուղում անասնակեր է այրվել

Թանկ հաճույք է, ձեռքբերում, որի վրա ամեն րոպե պետք է աշխատել. մշակույթի գործիչները՝ ՀՀ անկախության խորհրդի մասին

Մեր հարաբերությունները հիմնված են միմյանց շահերի հարգանքի վրա․ Վալենտինա Մատվիենկոն շնորհավորել է Ալեն Սիմոնյանին

Վանաձորի Հայքի հրապարակում զորահանդես է անցկացվել

Մատաղիսից հայտնաբերվել է ևս մեկ աճյուն

Սիրիա Հայաստան բարեկամության պատգամավորական խմբի անդամներն այցելել են Սիրիայում ՀՀ դեսպանություն

Գյումրիում Անկախության 30-րդ տարեդարձը նշվեց խոնարհումի շեշտադրումներով. պարգևատրվեցին 44-օրյա պատերազմի մասնակիցները

Չինաստանի վարչապետն Անկախության 30-ամյակի առթիվ շնորհավորական ուղերձ է հղել Նիկոլ Փաշինյանին

30-ամյա Անկախության համար մեր քաջորդիներն են իրենց կյանքը դրել, պարտավոր ենք երբե՛ք չմոռանալ նրանց. Փամբուկչյան

Հրդեհ է բռնկվել Մուշավան թաղամասում. հայտարարվել է հրդեհի բարդության «1 ԲԻՍ» կանչ

Վարչապետ Նիկոլ Փաշինյանը շնորհավորական ուղերձներ է ստանում Անկախության տոնի առթիվ

Փա՜ռք նրանց, ովքեր հավատում են հաղթանակին ու մեր անկախ ընթացքի շարունակականությանը. Վահե Ղազարյան

Մենք երբեք չպետք է դադարենք մտածել անկախության և պետականության մասին. նախագահը պետական պարգևներ է հանձնել (տեսանյութ)

Արմեն Գևորգյանը դատական հայց է ներկայացրել ընդդեմ Խաչատուր Սուքիասյանի

Երասխում բարձրացվել է հանրապետությունում ամենամեծ եռագույնը (լուսանկարներ)

Քարի լիճ տանող ճանապարհին ավտոմեքենան կողաշրջվել է. կան հոսպիատալացվածներ

Երգիչ Հայկոն ծանր վիճակում տեղափոխվել է հիվանդանոց. նա վերակենդանացման բաժանմունքում է

ՄԻԵԴ-ը բավարարել է «Հայկական ժամանակն» ընդդեմ Ռոբերտ Քոչարյանի գանգատը

Նախագահ Արմեն Սարգսյանը շնորհավորել է ՌԴ նախագահ Վլադիմիր Պուտինին

Բելառուսի նախագահն Անկախության 30-ամյակի առթիվ շնորհավորական ուղերձ է հղել Նիկոլ Փաշինյանին

Վարչապետը հարգանքի տուրք է մատուցել հանուն Հայրենիքի անկախության կյանքը նվիրաբերած հայորդիների հիշատակին (տեսանյութ)

Արայիկ Հարությունյանը շնորհավորական ուղերձ է հղել Վլադիմիր Պուտինին

Ազատության օրն է ու խոզուկի ծնունդը. փոքրիկները՝ Անկախության օրվա մասին (տեսանյութ)