Մանկապարտեզը պետք է վերաբացվեր սեպտեմբերին, բայց դա կլինի նոյեմբերին. ծնողները դժգոհ են

Երեւանի Ավան վարչական շրջանի N57 մանկապարտեզի դռները սեպտեմբերին չեն բացվի սաների առաջ, չնայած նախապես ծրագրվածի ու հայտարարվածի: Ծնողներն ահազանգում են, որ քաղաքապետ Տարոն Մարգարյանի հրաժարականից հետո դադարեցվել են մանկապարտեզի վերանորոգման աշխատանքները եւ հիմա էլ նշվում է, որ հաստատությունը հնարավոր կլինի նորից շահագործել միայն տարեվերջին:

N57 մանկապարտեզն ընդգրկված է «Ավանի մանկապարտեզներ» համայնքային ոչ առեւտրային կազմակերպության (ՀՈԱԿ) կազմում: ՀՈԱԿ տնօրեն Լուսինե Պողոսյանը մեր զրույցում վստահեցրեց, որ առկա իրավիճակը որեւէ առնչություն չունի Մարգարյանի հրաժարականի հետ: «Բացարձակ կապ չունի, ստահոդ լուրեր են, ուղղակի անիմաստ խոսակցություններ: Տգեղ է այդ խոսքը ասելը, որ պատի տակի խոսակցություն է: Պետք չէ նման բան: Դրանք բոլորովին կապ չունեն»,- ասաց նա: Լուսինե Պողոսյանի խոսքով, բոլորին է հայտնի, որ երբ վերանորոգման աշխատանքներ են իրականացվում թեկուզ սեփական բնակարանում, հընթացս ծագում են չնախատեսված խնդիրներ, ինչն էլ երկարաձգում է վերանորոգման նախատեսված ժամանակահատվածը:

«Երբ տանն էլ վերանորոգում ես անում, մի պատը քանդում ես, կարող է մյուսը ճաքել, ստիպված գործից գործ է բացվում: Միայն այդ պատճառով երկարաձգվեցին աշխատանքները, բայց բոլոր ծնողները, որոնք դիմել են մեզ, մենք նրանց երեխաներին տեղավորել ենք այլ մանկապատեզներում: Ավանում ունենք յոթ մանկապարտեզ»,- նշեց ՀՈԱԿ-ի տնօրենը:  

N57 մանկապարտեզում ներկայումս հաշվառված է 133 երեխա, հիմնանորոգումից հետո դպրոց գնացած սաների փոխարեն նոր ընդունելություն կկազմակերպվի: Այդ 133-ի մոտավորապես կեսը, ըստ Լուսինե Պողոսյանի, ժամանակավորապես տեղավորվել են այլ մանկապարտեզներում, եւ այդպիսի ցանկություն հայտնած որեւէ ծնող մերժում չի ստացել: Իհարկե, ըստ նրա, կան ծնողներ, որ այլ մանկապարտեզ չեն նախընտրում, որովհետեւ չեն աշխատում կամ ցանկանում են սպասել իրենց մանկապարտեզի վերաբացմանը, որովհետեւ երեխան կարող է չհարմարվել նոր պայմաններին:

Ծնողների փոխանցած տեղեկությունների համաձայն, N57 մանկապարտեզի վերանորոգման աշխատանքները դադարեցվել են, որովհետեւ տեղի է ունեցել շինարարական կազմակերպության փոփոխություն: Լուսինե Պողոսյանը հայտարարեց, որ իրեն այդ մասին ոչինչ հայտնի չէ:

Ավան վարչական շրջանի ղեկավար Մանվել Ջավադյանը չհերքեց այդ տեղեկությունը: Նա ասաց, որ համապատասխան մրցույթում հաղթող ճանաչված կազմակերպությունը թերացել է, ինչի պատճառով դադարեցվել է նրա հետ համագործակցությունը, իսկ հետագայում անցկացվել է նոր մրցույթ:

«Քաղաքապետարանի կողմից այս տարի հայտարարված առաջին մրցույթը՝ N57 մանկապարտեզի կապիտալ վերանորոգման վերաբերյալ, շահել էր «Մեծ հիմք» կազմակերպությունը, որն աշխատանքների ընթացքում ունեցել էր թերություններ եւ մեր վերահսկողության իրականացման արդյունքում նաեւ կատարվել էր վարչարարություն, ինչից հետո այդ կազմակերպությունն արդեն հայտնվել է շինարարական կազմակեպությունների սեւ ցուցակում, ինչը նշանակում է, որ հետագայում այլեւս չի կարողանա մասնակցել այլ մրցույթների»,- ասաց վարչական շրջանի ղեկավարը:

Նա նշեց, որ նոր մրցույթի նախապատրաստական աշխատանքները սկսվել են մոտավորապես երկուսուկես ամիս առաջ: «Մրցույթը ավարտվել է մոտավորապես 10-15 օր առաջ: Մրցույթում հաղթող է ճանաչվել «Դավիթշին» կազմակերպությունը, եւ մենք հույս ունենք, որ «Դավիթշին» կազմակերպությունը լիարժեք կկատարի մրցույթով ստանձնած իր պարտականությունները եւ ճիշտ ժամանակին կհանձնի վերանորոգված մանկապարտեզը մեր փոքրիկներին»,- ասաց Ավան վարչական շրջանի ղեկավարը:

Թե հատկապես ինչ խնդիրներ էին առաջ եկել ու ինչ թերացումներ կային, որոնց պատճառով անհրաժեշտ է համարվել խզել «Մեծ հիմք» շինարարական կազմակերպության հետ կնքված պայմանագիրը, Մանվել Ջավադյանը չմանրամասնեց: Միայն ասաց, որ խնդիրը կապված էր պահանջվող որակի չապահովման ու ժամանակացույցի հետ: Վարչական շրջանի ղեկավարը նույնպես հավաստիացրեց, որ քաղաքապետ Տարոն Մարգարյանի հրաժարականը կապ չունի մանկապարտեզի շինաշխատանքները դադարեցվելու հետ:

«Մեծ հիմք կազմակերպությունը, ինչքան գիտեմ, տարբեր շինարարական աշխատանքների մրցույթներ է շահել: Կարող է՝ ծավալը չի հերիքել ամբողջովին իրականացնելու համար: Բայց քաղաքապետարանի պրակտիկայում կա, որ որակի խիստ վերահսկողություն իրականացնելու պարագայում շատերը դժվարանում են դա ապահովել, ու հայտնվում են սեւ ցուցակում, նոր մրցույթներ են հայտարարվում, նոր կազմակերպություններ ընտրվում»,- ասաց Ջավադյանը:

Նա դժվարացավ հիշել, թե նախկինում այդպիսի ինչ դեպքեր են եղել եւ ինչ կազմակերպությունների հետ են խզել շինարարության պայմանագիրը: Ասաց, որ հարթ տանիքների վերանորոգմամբ զբաղվող ՍՊԸ-ն թե նախկինում թե այս տարի տույժերի ու տուգանքների է ենթարկվել ինչ-ինչ թերացումների համար:

Համար 57 մանկապարտեզը նախատեսվում է շահագործման հանձնել նոյեմբերին:

Տպել
2466 դիտում

Օդի ջերմաստիճանը աստիճանաբար կբարձրանա. առաջիկա օրերի եղանակային կանխատեսումը

Ազգային ժողովը «проходной двор» չէ, որ երբ ուզես մտնես ու դուրս գաս. Ալեն Սիմոնյանը՝ ընդդիմադիրների բացակաների մասին

Հակոբ Արշակյանը մասնակցել է ՀԱՊԿ ԽՎ մշտական հանձնաժողովների արտահերթ նիստին

Լոռիում խորտկանոցի սեփականատերը կանանց 1000 և 5000 դրամ է տվել՝ պոռնկությամբ զբաղվելու համար (տեսանյութ)

ՀՀ նախագահն ու Ֆուկուսիմա Մասանորին մտքեր են փոխանակել հայ-ճապոնական երկկողմ օրակարգի շուրջ (տեսանյութ)

Մոսկվան Երևանում տեղի ունեցող ցույցերը Հայաստանի ներքին գործն է համարում. ՌԴ ԱԳՆ

Հայտնի է Եվրոպայի բռնցքամարտի առաջնությունում Հայաստանի հավաքականի կազմը

Երևանի Կիևյան փողոցում «Տոյոտա»-ի վարորդը վրաերթի է ենթարկել մի քաղաքացու, այնուհետ՝ բախվել այլ մեքենայի

Գնել Սանոսյանը և Իրանի նավթի նախարարը քննարկել են գազ՝ էլեկտրաէներգիայի դիմաց ծրագրով նոր պայմանագիրը

Խծաբերդում գումարտակի հրամանատարի կողմից մարտադաշտն ինքնակամ լքելու մասին քրգործն ուղարկվել է դատարան

Բողոքի ակցիաներին մասնակցել է ընդամենը 730 մարդ. Չախոյան

Թանգարանները մայիսի 18-ին անվճար կլինեն բոլոր այցելուների համար

Երևանի տարբեր հատվածներից բերման է ենթարկվել ակցիաների մասնակից 414 քաղաքացի

Ոստիկանությունը չի կարող և չպետք է լավամարդ կամ վատամարդ լինի, մենք էլ պարտավոր ենք նեցուկ լինել նրանց. պատգամավոր

ՄԻՊ-ը դատապարտում է բուժաշխատողների նկատմամբ բռնությունն ու կոչ անում բացառել ցանկացած նման դրսևորում

Քորթնի Քարդաշյանը և Թրեյվիս Բարկերը գաղտնի ամուսնությունից հետո օրինականացրել են հարաբերությունները (լուսանկարներ)

Ստեփանավանում վարորդն ընկել է ինքնաբերաբար ընթացող մեքենայի տակ և մահացել

Վահրամ Դումանյանն ու Արայիկ Խզմալյանը կգործուղվեն Ֆրանսիա

Ընդհարում ընդդիմադիր ակտիվիստների և քաղաքացու միջև, որը պահանջել է բացել ճանապարհը (տեսանյութ)

Շտապ օգնության բժշկի գլխին լինգով հարվածներ հասցրած տղամարդը բերման է ենթարկվել ու խոստովանել արարքը

Մայրաքաղաքում փակ փողոցներ ու տրանսպորտային հանգույցներ չկան. ոստիկանություն

Կդադարեցվի Գեղարքունիքի և Վայոց ձորի մարզերի, Երևանի որոշ հասցեների գազամատակարարումը

Հայաստանի ներկայացուցիչները 11 ոսկե մեդալ են նվաճել հաշմանդամային բազկամարտի ԵԱ-ում

Ժաննա Անդրեասյանը մասնակցել է դպրոցների համապարփակ անվտանգությանը վերաբերող վեբինարին

Երևանի տարբեր հատվածներից ոստիկանության բաժիններ է բերման ենթարկվել ակցիաների մասնակից 286 քաղաքացի

Երևանում ողբերգական ավտովթարից մահացած երիտասարդը «Սոլո» բարի տնօրենն էր

«Հայանտառ» ՊՈԱԿ-ի ՀՅԴ-ական նախկին տնօրենը, չարաշահելով պաշտոնը, աջակցել է իր կուսակիցներին. նրան առաջադրվել է մեղադրանք

ՄԻՊ-ը հայտարարություն է տարածել Երևանի ակցիաների ժամանակ ոստիկանների գործողությունների մասին

Արարատ Միրզոյանը կնախագահի Հայաստան-ԵՄ գործընկերության խորհրդի 4-րդ նիստը. նա մեկնում է Բրյուսել

Ունեիք մեկ կրակոցի հնարավորություն ու կրակեցիք ինքներդ ձեզ վրա, դուք մոռացել եք, որ մենք հիշողություն ունենք. Ազոյան

Մայիսի 6-ից Սևանում անհետ կորած քաղաքացիների որոնողական աշխատանքները վերսկսվել են

Երևանում վերսկսվել են ընդդիմության ակցիաները. բերման ենթարկվեցին Լևոն Քոչարյանը, Նաիրա Զոհրաբյանը, Արմեն Աշոտյանը

Մի քանի ժամով կհոսանքազրկվեն Երևանի ու 6 մարզերի բազմաթիվ հասցեներ

Երևանի «Տաշիր» առևտրի կենտրոնի մոտակայքում մեքենան բախվել է ծառին․ վարորդը տեղում մահացել է

Համավարակը և պատերազմն ի զորու չեղան պարալիզացնել երկիրը, իսկ ովքեր ջանում են դա անել, կհանդիպեն օրենքի կոշտ արձագանքին

Փողոցում հնչողը մանիպուլյացիա է, թե Փաշինյանը շուտով խաղաղության պայմանագիր է ստորագրելու. քաղաքագետ

ՀԱՊԿ գագաթնաժողովի ավարտին կայացել է Նիկոլ Փաշինյանի և Վլադիմիր Պուտինի առանձնազրույցը (տեսանյութ)

Շիրակի մարզպետն արտագնա խորհրդակցություն է անցկացրել Լանջիկում

Ընդդիմությանը առաջարկվել է 6 ամսով երկարաձգել հանձնաժողովի աշխատանքը, առաջարկը ընդունել են, սակայն ԱԺ չեն գալիս. Պապոյան

Մեծամոր խոշորացված համայնքում 18 ոռոգման խորքային հոր կվերականգնվի