Հայաստանի ֆուտբոլի ֆեդերացիան դեռ պաշտոնապես նախագահի թեկնածուների անուններ չունի: Այս մասին «Հայկական ժամանակ»-ին տեղեկացրին մամուլի քարտուղարությունից: ՀՖՖ իրավաբանական անձանց միության անդամները դեռ չեն ներկայացրել իրենց թեկնածուներին, իսկ առաջադրման վերջնաժամկետը լրանում է 6 օրից: Նրանք դա կարող են անել մինչեւ սեպտեմբերի 3-ը ներառյալ:

Ըստ կանոնադրության՝ ընտրական ժողովի գումարման օրը որոշելուց հետո ՀՖՖ-ն 1 ամիս առաջ պարտավոր է ծանուցել իր բոլոր անդամներին, որոնք էլ ծանուցումը ստանալուց հետո իրավունք ունեն ներկայացնելու իրենց պատվիրակներին, ինչպես նաեւ ժողովի անցկացման օրվանից առնվազն 20 օր առաջ իրավունք ունեն ներկայացնելու նախագահի եւ գործադիր կոմիտեի անդամների թեկնածուներին, նրանց կենսագրությունը ու ծրագրերը:

ՀՖՖ-ի՝ այս պահին գործող կանոնադրության համաձայն՝ նախագահ կամ գործադիր կոմիտեի անդամ կարող է ընտրվել 25 տարին լրացած, ընտրական իրավունք ունեցող, Հայաստանում մշտապես բնակվող յուրաքանչյուր քաղաքացի:

Թեեւ պաշտոնապես դեռ թեկնածուներ չկան, սակայն ֆուտբոլային աշխարհում վստահություն կա, որ կառույցի նոր նախագահը դառնալու է ՀՀ Ազգային անվտանգության ծառայության տնօրեն Արթուր Վանեցյանը: Ֆուտբոլային շրջանակներում այս առիթով ոգեւորություն կան: Մասնավորապես՝ Հայաստանի բարձրագույն խմբի առաջնությունում հանդես եկող 9 ակումբները՝ «Փյունիկը», «Արարատ Արմենիան», «Լոռին», «Ալաշկերտը», «Արարատը», «Շիրակը», «Արցախը», «Բանանցը», «Գանձասար-Կապանը», ողջունել են նրա տարբերակը ու իրենց աջակցությունը հայտնել:

Ֆեդերացիան 2002 թվականից գլխավորող Ռուբեն Հայրապետյանը, որը նախկինում բազմիցս նշել է, որ միայն իրեն է տեսնում այդ պաշտոնում, նույնպես կողմ է Վանեցյանին: Նա հայտարարել է, որ, եթե Վանեցյանն առաջադրվի, ինքը չի առաջադրվի:

Վանեցյանը վերջին շրջանում հանդիպումներ է ունենում ֆուտբոլային աշխարհի ներկայացուցիչների հետ: Հաճախ ներկա է լինում խաղերին:

Ընտրությունները տեղի են ունենալու սեպտեմբերի 22-ին: Այդ օրը թեկնածուները ներկայացնելու են ծրագրերը: Ժողովի ընթացքում նաեւ փոխվելու է ՀՖՖ կանոնադրությունը, այն համապատասխանեցվելու է հասարակական կազմակերպությունների մասին օրենքին, այսինքն՝ ՀՖՖ-ն իրավաբանական անձանց միությունից վերակազմավորվելու է ՀԿ-ի:

Ինչպես ՀՖՖ-ից հայտնեցին, ընտրական ժողովը լրատվամիջոցների համար լինելու է բաց: Նախապես լինելու է հավատարմագրում:

Տպել
1565 դիտում

Արտակարգ դեպք Նուբարաշեն ՔՀԿ-ում. 57-ամյա իրանցու դին հայտնաբերվել է ճաղավանդակից կախված. Shamshyan.com

Մահացել է իտալացի ռեժիսոր Ֆրանկո Ջեֆիրելլին

Չինաստանի նախագահն Էրդողանին առաջարկել է ընդլայնել համագործակցությունն ահաբեկչության դեմ պայքարում

Ոստիկանները կրկին մեկնեցին սահման. Օսիպյանը պարգեւատրել է նրանցից մի քանիսին

Արաբկիրի ոստիկանները պարզել են քաղաքացուն դանակահարած անձի ինքնությունը

Ոստիկանները հայտնաբերել են քաղաքացու դրամապանակը գողացած անձին

Սարի թաղում՝ հեռուստաաշտարակի մոտ այրվում է խոտածածկ տարածք

ՀՀ ոստիկանությունում տեղի է ունեցել պարգեւատրման արարողություն

Դավիթ Տոնոյանը այցելել է ՀՀ ԶՈւ-երի մարտական հենակետերից մեկը

Տարբեր երկրների քաղաքացիական հասարակության ներկայացուցիչներ հյուրընկալվել են ՀՀ ԱԺ-ում

Համազգային թատրոնի փոխտնօրենն աշխատանքից ազատման դիմում է ներկայացրել

Ոստիկանները բերման են ենթարկել ավտոմեքենայի պատուհանից ինքնաշեն սարքով կրակած անձին

Ոստիկանները ապօրինի թմրանյութ պահելու եւ օգտագործելու դեպքեր են բացահայտել

Դավիթ Տոնոյանը մասնակցել է հակառակորդի կրակոցից զոհված զինծառայող Արտյոմ Խաչատրյանի հուղարկավորությանը

Հակառակորդը մեկ շաբաթվա ընթացքում շփման գծում հրադադարի ռեժիմը խախտել է շուրջ 140 անգամ

Մանվել Գրիգորյանը «Նաիրի» բժշկական կենտրոնում է, վիճակը միջին ծանրության է

Մայրաքաղաքի փողոցների նորոգման աշխատանքների տնտեսված գումարներով մի քանի փողոց կհիմնանորոգվի

Ինձ համար սկզբունքային էր, որ առաջին պաշտոնական այցը պետք է լինի Արցախ. Հայկ Մարության

ԲՀԿ ղեկավարի նկատմամբ ունեմ միմիայն հարգանքի զգացում, կոնֆլիկտի մասին խոսակցությունները ծիծաղելի են. Տիգրան Ուրիխանյան

ԶՈՒ եւ ԶՈՒ ԳՇ ղեկավար կազմի հետ խորհրդակցություն է անցկացվել