Հայաստանի ֆուտբոլի ազգային հավաքականի կիսապաշտպան Գեւորգ Ղազարյանը նշում է, որ ՀՖՖ նախագահի փոփոխության մասին լուրը սպասելի չի եղել: Նոր նախագահի ընտրությունները տեղի են ունենալու սեպտեմբերի 22-ին, ամենահավանական թեկնածուն ԱԱԾ տնօրեն Արթուր Վանեցյանն է, իսկ գործող նախագահ Ռուբեն Հայրապետյանն ասել է, որ եթե Վանեցյանը առաջադրվի, ինքը չի առաջադրվի:  Հայաստանի հավաքականն այսօրվանից՝ սեպտեմբերի 3-ից, նախապատրաստվում է Ազգերի լիգայի՝ Լիխտենշտեյնի ու Մակեդոնիայի դեմ խաղերին: Այսօր կայացած առաջին մարզումնից հետո լրագրողների հետ զրույցում ֆուտբոլիստը խոսեց առաջիկա խաղերի, պորտուգալական նոր թիմում՝ «Շավիշում» իր ելույթների, ՀՖՖ նախագահի ընտրությունների մասին:

-Ի՞նչ կասես նոր թիմի ու մարզավիճակիդ մասին:

-Նոր թիմում ամեն ինչ նորմալ է: Նույն առաջնությունում եմ խաղում: Ինձ ծանոթ է: Մարզավիճակս էլ նորմալ է:

-Ինչպե՞ս կգնահատես Հայաստանի շանսերը եւ մեր մրցակիցներին:

-Կարծում եմ՝ բոլոր թիմերն էլ, ինչպես մենք, շատ լուրջ են տրամադրված, որովհետեւ որքան մենք ենք համարում, որ սա լավ շանս է Եվրոպայի առաջնությունում հայտնվելու համար, այդպես էլ մյուս թիմերն են տրամադրված: Կարծում եմ՝ հետաքրքիր խաղեր կլինեն, պետք է ամեն ինչ անենք, որպեսզի խմբում առաջին տեղը զբաղեցնենք: Դա միակ նպատակն է:

-Ի՞նչ կասես Լիխտենշտեյնի հավաքականի մասին:

-Կարծում եմ՝ մենք ավելի ուժեղ ենք, ուղղակի պետք է դա նաեւ ապացուցել խաղադաշտում:

-«Շավիշի» ու «Մարիտիմուի» խաղամակարդակները կհամեմատե՞ս:

-Ինձ թվում է՝ նույն մակարդակի թիմեր են: Մրցաշրջանում ընթացքում կերեւա, թե որ թիմը ոնց հանդես կգա:

-«Շավիշի» կազմում արդեն խաղացել ես «Մարիտիմուի» դեմ: Ի՞նչ զգացողություններ էին եւ ինչպիսի՞ ընդունելություն էր երկրպագուների կողմից:

-Շատ հաճելի էր վերադառնալ Մադեյրա: 3 տարի այնտեղ ապրել եմ: Լավ հարաբերություններ ունեմ ինչպես թիմի, այնպես էլ երկրպագուների հետ: Ինչ-որ տեղ դժվար էր, եւ կարոտել էի Մադեյրան:

-Հետեւո՞ւմ ես Հայաստանի առաջնությանը: Ինչպիսի՞ն է մի քանի տարի առաջվա համեմատ:

-Կարծում եմ՝ առաջընթաց կա: Բավականին քանակությամբ լավ ֆուտբոլիստներ են տեղափոխվել Հայաստան, թիմերն են շատացել: Դիտել եմ հանդիպումները: Շատ հետաքրքիր եւ ուժեղ առաջնություն է դարձել:

-Հնարավո՞ր է՝ օրերից մի օր քեզ էլ տեսնենք Հայաստանի առաջնությունում:

-Հնարավոր է:

-Առաջիկա մրցակիցը՝ Լիխտենշտեյնը,  հնարավորինս շատ կպաշտպանվի: Հնարավո՞ր է, որ ամենաշատ խնդիրները ունենանք այն թիմի դեմ խաղում, որից ամենից քիչն ենք սպասում:

-Միշտ այդպես է լինում: Եթե մտածենք թույլ է, խնդիրների առջեւ կկանգնենք, բայց պետք է պատրաստ լինենք ամեն տեսակի պաշտպանության կամ հարձակման:

-Հավաքականի վրա ճնշոււմ չկա՞ այն առումով, որ շատերն ասում են, որ Ազգերի լիգայում պարտադիր պետք է Եվրո 2020-ի ուղեգիր նվաճել:

-Կա: Հավատ էլ կա, ցանկություն ու վստահություն կա, եւ այդ ճնշումը, կարծում եմ, նորմալ է, որովհետ, եթե ոչ այստեղ, ապա որտե՞ղ:

-Այսօր առաջին մարզումը անցկացրիք: Ինչպե՞ս անցավ:

-Շատ բարձր տրամադրություն ունեինք, բոլորս կարոտել էինք միմյանց, բայց միեւնույն մարզիչը նշեց, որ կորցնելու ժամանակ չկա կորցնելու թեթեւ մարզումների կամ տրամադրության համար, պետք անմիջապես կենտրոնանանք կոնկրետ նպատակի վրա:

-Առաջիկայում նախատեսվում է Հայաստանի ֆուտբոլի ֆեդերացիայի նախագահի ընտրություն, եւ ամենայն հավանականությամբ Ռուբեն Հայրապետյանին կփոխարինի այլ մարդ: Դուք՝ ֆուտբոլիստներդ, ինչպե՞ս եք գնահատում Հայրապետյանի աշխատանքը եւ արդյո՞ք սպասելի էր ձեր համար ֆեդերացիայի նախագահի փոփոխությունը:

-Սպասելի դարձավ: Մինչեւ այդ սպասելի չէր, բայց կյանք է, ամեն ինչ էլ լինում է, դա ֆուտբոլի մի մասն է: Բոլորն էլ, ինչպես ֆուտբոլիստները, մարզիչները, այնպես էլ նախագահները կարող են փոխվել:

-Հայրապետյանի աշխատանքը այս տարիների ընթացքում ինչպե՞ս եք գնահատում:

-Կարծում եմ՝ բավականին աշխատանք է տարվել Հայաստանի ազգային հավաքականի, մանկապատանեկան ֆուտբոլի ուղղությամբ: Այս ակադեմիաները, որ կառուցվել են նրա օրոք են: Եթե նայենք՝ ինչպես էր մինչեւ այդ ու հիմա, մեծ փոփոխություն կա:

-Նախագահի նոր թեկնածուին՝ Հայաստանի ազգային անվտանգության ծառայության տնօրեն Արթուր Վանեցյանին, ծանո՞թ եք:

-Ո՛չ:

Տպել
3369 դիտում

Մայիսի 25-ին Չինաստանի ԱԳ նախարարը կայցելի Հայաստան. 2 միջազգային պայմանագիր կստորագրվի

Մնացականյանը կմասնակցի ՀԱՊԿ ԱԳ նախարարների նիստին, որտեղ քննարկվելու է ՀԱՊԿ գլխավոր քարտուղարի հարցը. ԱԳՆ խոսնակ

ԱՄն քաղաքացի հայազգի Արա Դոլարյանը մեղադրվում է օտարերկրյա կառավարությանը զենքի ապօրինի վաճառքի եւ փողերի լվացման մեջ

«Իմ քայլը» խմբակցության անդամ Արթուր Իսպիրյանին քաշքշողների ինքնությունը պարզվել է. ոստիկանություն

Հայ սպորտսմեն Մանվել Մամոյանը «Գինեսի» նոր ռեկորդ է սահմանել Մոսկվայում

Անձրեւները կշարունակվեն նաեւ առաջիկա օրերին, տեղ-տեղ սպասվում է կարկուտ, քամու ուժգնացում

Առաջին անգամ Երևանում անցկացվել է սպորտային պարերի մինչև 21 տ. աշխարհի առաջնությունը

Գեղարքունիքի մարզի 8 գյուղերում 36 ժամ ջուր չի լինելու

Բացահայտվել է կնոջ նկատմամբ սպանության փորձ կատարելու դեպքը. մեղադրանք՝ նախկին ամուսնուն

Միշտ պիտի Արթուրի կողքը լինեմ. Կարո Փայլանը հանդիպել է 13-ամյա Արթուրի հետ

«Mercedes E» ավտոմեքենան բախվել է կայանած 2 այլ մեքենաների. 2 ուղեւորները հիվանդանոցում են

Վանաձոր-Ալավերդի-Բագրատաշեն ճանապարհահատվածը բեռնատարների համար շարունակում է փակ մնալ

Վնասվածքից հետո ապաքինված Արթուր Ալեքսանյանը կմասնակցի միջազգային մրցաշարի

ԱԽ քարտուղար Արմեն Գրիգորյանն աշխատանքային հանդիպումներ է անցկացրել Վաշինգտոնում

Այն, ինչ կատարվել է, մեզնից՝ ինձնից, Վահե Գրիգորյանից թաքուն է կատարվել. Սեդա Սաֆարյանը՝ գործի վարույթը կասեցնելու մասին

Սևան քաղաքում շմոլ գազից թունավորվել է 3 քաղաքացի

Քոչարյանն օգտվում է պաշտոնաթող նախագահի անձեռնամխելության երաշխիքից. դատարանի որոշման հիմնավորումները

«Փյունիկը» խիստ դժգոհ է մրցավարից. արձագանքել են հայտնի ֆուտբոլիստներ (տեսանյութ)

ՀՀ ոստիկանության ստորաբաժանումները երեք օրում բացահայտել են հանցագործության 101 դեպք

Գեղարքունիքի մարզի Արգիճի գետից 30-ամյա քաղաքացու դի է դուրս բերվել