Մալիշկայի համայնքապետի խոսքով՝ պատճառ չկա, որպեսզի իր հրաժարականը պահանջեն

Երեկ Վայոց Ձորի մարզի Մալիշկա համայնքում բողոքի ցույցեր են տեղի ունեցել: Բնակիչները պահանջել են համայնքապետ Մհեր Մովսիսյանի հրաժարականը: Բողոքի ցույցին նաեւ դպրոցականներ էին միացել: Համայնք էր գնացել նաեւ Վայոց Ձորի մարզպետ Արագած Սաղաթելյանը: ՀԺ-ն զրուցեց Մալիշկայի համայնքապետ Մհեր Մովսիսյանի հետ:

- Պարոն Մովսիսյան, ինչո՞ւ էին երեկ Մալիշկա համայնքի բնակիչները ձեր հրաժարականը պահանջում:

- Ժողովրդական խոսք կա, ասում է՝ ինչքան շատ ես անում, այդքան շատ պահանջում են, դա է պատճառը: Բոլոր մեծ գործերը արված են, հրաժարական պահանջողները անգամ գյուղում ապրողներ չեն: Ապրում են Երեւանում, մի քանի հոգով եկել են եւ նման բան են կազմակերպել: Դա քաղաքական է, թե անձնական, չեմ կարող ասել: Ամենաշատ գործերը արվել են մեր գյուղում, 48 կմ խմելու ջրի ներքին ցանց է կառուցվել, 32 կմ գազաֆիկացված է ամբողջ գյուղը: Գյուղը 100 տոկոսով խմելու ջրով ապահովված է, սպորտ դպրոցը վերանորոգված է, կանգառներ եմ տեղադրել, խաղահրապարակներ եմ դրել: Այսինքն, ոչ մի պատճառ չկա, ընդամենը որպես պատճառ նշում են, որ 3.5 կմ ճանապարհ կա, ասֆալտապատելու խնդիր կա: Ես դա նախորդ կառավարության ժամանակ էլ եմ ասել եւ հաշվարկել են, որ դրա համար մոտավորապես 300 մլն դրամ գումար է հարկավոր: Ես պահանջ եմ ներկայացրել, իսկ իրենք կարծում են, թե ես այդ գումարը կերել եմ:

Դրանք սպասեցին դպրոցները բացվի, որ երեխաներին դպրոցից հանեն: Գլխավոր մայրուղին 5-6 մեքենայով փակեցին, պատկերացրեք, թե 5 րոպե հետո ինչքան մեքենա կհավաքվի: Ամեն մեքենայից էլ, եթե 2 հոգի իջնի, դե պատկերացրեք, թե ինչքան մարդ կհավաքվի: Այսինքն, 100 մեքենա եթե կանգնի, մոտ 200 հոգի կիջնի եւ դա նկարում, ցույց են տալիս:

- Այսինքն, արհեստական մարդաքանա՞կ են ապահովել:

- Այո, ԿԳ նախարարը հայտարարում է, որ դպրոցները ապաքաղաքականացված են, ես գնում մտնում եմ դպրոց, երեխաներին հանում են, սա ի՞նչ է նշանակում: Ոստիկաններն էլ այնտեղ կանգնած՝ չեն միջամտում:

- Իսկ դուք ո՞ր կուսակցության ներկայացուցիչ եք:

- Ես անկուսակցական եմ (խմբ. Վայոց Ձորի մարզպետարանի կայքում Մովսիսյանի կենսագրության մեջ նշված է, որ ՀՀԿ անդամ է):

- Հրաժարական չե՞ք տալու:

- Երբ ժողովուրդը կպահանջի, ես պատրաստ եմ: Երբ տեսնեմ՝ ժողովուրդը իրոք ինձնից դժգոհում է, խնդիր չկա, դուրս կգամ: Հիմա ստուգումներ են ընթանում, եթե ես մի կոպեկ կողոպտել եմ, թող ինձ դատեն: Ես երեկ մեր հրապարակում ելույթ եմ ունեցել, ամբողջ ժողովուրդը հավաքվել է, հարցրել եմ՝ ժողովուրդ ջան, դուք համաձա՞յն եք, որ ես շարունակեմ իմ աշխատանքը, բոլորը միասին ծափահարել են եւ սա նկարահանվել է:

Հիշեցնենք, որ այս տարվա հունիսի 26-ին ոստիկանության կազմակերպված հանցավորության դեմ պայքարի գլխավոր վարչության կոռուպցիայի եւ տնտեսական գործունեության դեմ ուղղված հանցագործությունների հակազդման վարչությունից ոստիկանության Եղեգնաձորի բաժնում տեղեկություններ էին ստացվել, որ Մալիշկա համայնքի ղեկավարը, անձնական շահագրգռվածությունից ելնելով, իր պաշտոնեական դիրքը ծառայության շահերին հակառակ օգտագործելով, իր կնոջը եւ երկու որդիներին ձեւակերպել է Մալիշկայի համայնքապետարանի ենթակայության տակ գտնվող մարզադպրոցում, որպես մարզիչներ, սակայն վերջիններս փաստացի չեն հաճախում աշխատանքի եւ ամսական ստանում են ընդհանուր 800.000 - 900.000 դրամ:

Տպել
925 դիտում

«Դիլիջան» ազգային պարկում ծառերը հատելու նոր հնարք են գտել (տեսանյութ)

Հակոբ Նազարյանը դուրս է գալիս «Բարգավաճ Հայաստան» կուսակցությունից ու ընտրական ցուցակից

Ծաղկաձորը ներառվել է ձմեռային հանգստի համար լավագույն վայրերի առաջին հնգյակում

Առաջիկա 5 օրերին Հայաստանում տեղումներ չեն սպասվում

Արման Փաշիկյանը 10 տարի անց նորից դարձել է շախմատի Հայաստանի չեմպիոն

Ադրբեջանական հաքերները կոտրել են մոտ 2 հազար հայկական էլ․ փոստեր եւ ֆեյսբուքյան հաշիվներ

2018-ի 3-րդ եռամսյակում օտարերկրյա ուղղակի ներդրումները 50%-ով աճել են՝ 2017-ի համեմատ. վարչապետ

Վերին Լարս տանող Գուդաուրի-Կոբի ճանապարհահատվածը բացվել է մարդատար մեքենաների համար

Երևանում փրկել են տղամարդու կյանքը, ով անցել է կամրջի վտանգավոր եզրագիծը, փորձել նետվել

Թագավորական անձրևանոցներ՝ գոյություն ունեցող բոլոր գույներով. երանգներ՝ թագուհուց (լուսանկարներ)

Փրկարարները մարել են անասնագոմի տանիքում բռնկված հրդեհը, դուրս բերել 25 խոզ

Կոմիտասի անվան պանթեոնում վարչապետը հարգանքի տուրք է մատուցել Սիլվա Կապուտիկյանի հիշատակին

Ճապոնիայում 113 տարի եւ 179 օր ապրելուց հետո մահացել է աշխարհի ամենատարեց տղամարդը

Կապուտիկյանի 100-ամյակի առթիվ վարչապետը կարդում է «Հայոց աշխարհ» բանաստեղծությունը (տեսանյութ)

Գյումրիում հայտնաբերել են 2 հնդիկների, որոնք կասկածվում են կեղծ փողեր տպելու մեջ

Սկսել եմ անհանգստանալ իմ ընտանիքի անվտանգության համար. Ելենա Աղաջանովա

Ներխուժել են պատերազմի վետերան թբիլիսահայ Սերգեյ Միրզոյանի բնակարան, ծեծի ենթարկել ու թալանել վերջինիս

Իրականացված բարեփոխումների նպատակն էր ունենալ անկախ ու արհեստավարժ դատական իշխանություն. Բակո Սահակյան

Ստեփանծմինդա-Լարս ավտոճանապարհը բաց է միայն մարդատար մեքենաների համար. 428 մեքենա կա ռուսական կողմում

Դեռևս 20 տարեկանում գրական շռնդալից մուտքով նա դարձավ գրասերների հիացմունքի առարկան. վարչապետի ուղերձը