ՀՀ ֆուտբոլի ազգային հավաքականի նախկին կիսապաշտպան Լեւոն Պաչաջյանը, որը խաղում է շվեդական «Լինշոպինգում, դրական արդյունքներ է ակնկալում հայկական ֆուտբոլում սպասվող փոփոխություններից: 16 տարի անց ՀՀ ֆուտբոլի ֆեդերացիան նոր ղեկավար կունենա: Նախագահի ու գործկոմի ընտրությունները կայանալու են սեպտեմբերի 22-ին: Նախագահի միակ թեկնածուն ՀՀ Ազգային անվտանգության ծառայության տնօրեն Արթուր Վանեցյանն է, որն այդ պաշտոնում ընտրելուց հետո կփոխարինի Ռուբեն Հայրապետյանին: Արդեն հայտնի է նաեւ՝ ովքեր են գործկոմի անդամների թեկնածուները: «Հայկական ժամանակ»-ը Պաչաջյանի հետ զրուցել է առաջիկա իրադարձությունների ու դրանց հնարավոր ազդեցության մասին:

- Երկար տարիներ անց ՀՖՖ-ում կտրուկ փոփոխություններ են սպասվում: Ըստ Ձեզ՝ ինչ ազդեցություն կունենան:

- Գիտեք՝ հայկական ֆուտբոլը այնքան էր դեգրեդացվել այս տարիների ընթացքում, որ ցանկացած փոփոխություն բերելու է դրական տեղաշարժի։ Ես լավատես եմ եւ կարծում եմ՝ գոնե այս ժամանակահատվածի համար այդ փոփոխությունը միայն լավ ու դրական ազդեցություն կունենա ֆուտբոլի մակարդակի եւ ընդհանուր մթնոլորտի վրա։

- Ի՞նչ կարծիքի եք ՀՖՖ նախագահի միակ թեկնածու Արթուր Վանեցյանի մասին:

- Մի պահ կարծիք կար սոցցանցերում, որ հայկական ֆուտբոլը ավելի «ֆուտբոլային» մարդու կարիք ունի, բայց, ես կարծում եմ՝ հաշվի առնելով բոլոր ռիսկերը (մասնավորապես՝ կազմակերպված խաղերի վերաբերյալ) ու այն մթնոլորտը, որը տիրում է Հայաստանում, ապա պարոն Վանեցյանի թեկնածությունը շատ բալանսավորված տարբերակ է։ Ու այդ քայլով նաեւ պետական մոտեցում է ի ցույց դրվում, որը ցույց է տալիս, թե ինչքան կարեւոր է ֆուտբոլը երկրի համար։

- Երեկ սոցցանցերում նույն արձագանքն էր նաեւ, երբ հայտնի դարձավ՝ ովքեր են գործկոմի թեկնածուները: Կան նախարարներ ու այլ, այսպես ասած, ոչ ֆուտբոլային մասնագիտության մարդիկ, օրինակ՝ սոցիոլոգ: Շատերը այս դեպքում էլ կենտրոնացան այն հանգամանքի վրա, որ ոչ ֆուտբոլային մարդիկ են:

- Իհարկե, առաջին տպավորությունը այնքան էլ դրական չէ, ավելի շատ հարցեր կան քան պատասխաններ, բայց միեւնույն է ես դրական եմ տրամադրված։ Օրինակ, գործկոմում է Արմեն Մելիքբեկյանը։ Նրա նման ֆուտբոլի գիտակ շատ երկրներում կարելի է երկար փնտրել... Ինձ թվում է՝ այն մարդիկ, որոնք ավելի «ֆուտբոլային» են որոշ բացեր կլրացնեն, եւ ժամանակի ընթացքում հնարավոր է՝ էլ ավելի դրական ու ֆուտբոլային փոփոխություններ տեսնենք։ Այս պահի համար, երեւի, այս կազմը պետք է լիներ։

- Առողջապահության նախարարը իր ներկայությունը բացատրում է նրանով, որ զբաղվելու է իր մասնագիտական ոլորտին առնչվող՝ բժշկական ապահովման հարցերով (ՀՀ-ում սպորտային բժշկության առումով բաց կա): Տարածքային կառավարման նախարարի ներգրավվածությունը կարելի է մեկնաբանել նրանով, որ ֆուտբոլը կենտրոնացած է հիմնականում Երեւանում, եւ մյուս շրջաններում էլ է պետք զարգացնել....

- Այս կամ այն կերպ, ներառյալ բացասական կողմերը, միշտ էլ կարելի է նկարագրել ու բացատրել, բայց պետք է նաեւ համեմատության մեջ նայել այդ ամենին, թե ինչ էր եւ ինչ կլինի։ Իմ սուբյեկտիվ կարծիքով՝ ավելի վատ չի կարող լինել։ Այս կազմը կաշխատի եւ ընթացքում փորձ ձեռք բերելով, հետեւություններ անելով, ավելի էֆեկտիվ կդառնա։ Ես լիահույս եմ, դրական եմ տրամադրված։

- Խոսակցություններ կան, որ Մելիքբեկյանն է լինելու գործադիր տնօրենը: Կարծես, նրա նկատմամբ դրական եք տրամադրված:

- Արդեն նշեցի, որ բացառիկ գիտելիքներով օժտված անձնավորություն է։ Ֆուտբոլի պատմությունը գերազանց գիտի եւ պատկերացնում է, թե ֆուտբոլը ինչ է իրենից ներկայացնում եւ ինչ կարելի է անել այն զարգացնելու համար։ Նրա գործադիր տնօրեն լինելը տրամաբանված եւ ճիշտ որոշում եմ համարում: Մաղթում եմ նրան հաջողություններ:

- Ինչպե՞ս կամփոփեք Ռուբեն Հայրապետյանի պաշտոնավարումը:

- Ներկայիս ֆուտբոլի վիճակը լավագույն նկարագիրն է։ Ուրիշ բան չունեմ ավելացնելու։

- Կարծիքներ կան, որ ֆուտբոլում փոփոխությունները կհասնեն նաեւ հավաքականի գլխավոր մարզիչ Վարդան Մինասյանին:

- Ես կարծում եմ՝ դա տրամաբանական կլիներ... Եթե հեռանում է թիմը, ապա բոլորը պետք է հետեւեն այդ տրամաբանությանը։ Կարծում եմ՝ վերջին երկու խաղերը ցույց տվեցին, որ հավաքականին ինչ-որ նոր բան է հարկավոր, ինչ-որ մոտիվացնող ու առաջ մղող ուժ։ Բոլոր ֆուտբոլիստներն էլ որակներ ունեն ու որոշակի պայմաններում բոլորն էլ կարող են բարձրակարգ խաղ ցույց տալ, բայց հավաքականում նրանց խաղը խամրում է, համագործակցությունը այն չէ, տրամադրվածությունը նույնպես եւ այլն... Կարծում եմ, եթե փոխվում է ամեն ինչ, հավաքականում նույնպես փոփոխություններ են հարկավոր։

- Երկրպագուներն էլ են շատ խոսում հենց կոնկրետ ազգային հավաքականում փոփոխությունների մասին, ու բացի Վարդան Մինասյանից, նշում են նաեւ Հենրիխ Մխիթարյանի անունը: Ըստ նրանց՝ թիմի ավագը պետք է փոխվի, քանի որ չի կարողանում որպես ավագ լիդեր լինել թիմի ներսում:

- Կարծում եմ՝ ֆուտբոլիստների շրջանում ինչ-ինչ խնդիրներ հենց այդ ոչ առողջ մթնոլորտից է գալիս։ Երբ թիմը պարտվում է, մարդիկ ամեն ինչ բացասական լույսի ներքո են տեսնում՝ նաեւ ինչ-որ տեղ մոռանալով, թե տվյալ ֆուտբոլիստը ինչեր է արել նախորդ խաղերում։ Ես կարծում՝ անկախ նրանից՝ Հենոն ավագ է, թե՝ ոչ, նա վերջին տարիներին տարել է թիմն իր հետեւից, եւ շատ խաղերում միակ լուսավոր կետն է եղել։ Այո՛, բոլոր ֆուտբոլիստների մոտ էլ լինում են դժվար պահեր եւ անհաջող խաղեր, բայց հենց այդ դժվար պահերին է երեւում, թե ովքեր են աջակցում։ Ես համոզված եմ, որ Մխիթարյանը թե՛ որպես ավագ, թե՛ որպես թիմի առաջատար դեռ երկար տարիներ ուրախացնելու է հավաքականում խաղալով, եւ այս ժամանակահատվածը շատ արագ է մոռացվելու։

- Ինչպե՞ս կգնահատեք ՀՀ հավաքականի շանսերը Ազգերի լիգայում: 2 խաղից հետո 3 միավորով D դիվիզիոնի 4-րդ խմբի 2-րդ տեղում է՝ 3 միավորով հետ մնալով Մակեդոնիայից:

- Շանսեր դեռ կան, եւ պետք է պայքարել մինչեւ վերջ։ Անկախ ամեն ինչից, մենք դեռ լավ հնարավորություններ ունենք «come back» անելու (խմբ. նկատի ունի իրավիճակը շտկելու)։ Պետք է դրական տրամադրվել եւ պայքարել:

Տպել
2826 դիտում

Նոր Նորքում գտնվող 4000 տարեկան ժայռապատկերները վտանգված են. քաղաքագետը ահազանգում է, քաղաքապետի խոսնակը՝ արձագանքում

Շուտով կբեմադրվի փաստավավերագրական ներկայացում՝ նվիրված Մոնթե Մելքոնյանին. նախագիծն իրականացվում է Մոնթեի կնոջ հետ

«Հայի բախտ ասվածն այլևս չար բախտը չէ»

Ակունք համայնքում անցկացվել է «Գեղարքունյաց Ձմեռ -2020» մարզամշակութային միջոցառումը

Արմավիրի ոստիկաններն ապօրինի թմրաշրջանառության դեպք են բացահայտել (տեսանյութ)

Արմավիրի մարզպետը շնորհավորել է եզդիական համայնքին Սուրբ Խըդըր Նաբիի տոնի առթիվ

Իրանի խորհրդարանական ընտրությունները նշմարում են Ռոհանիի իշխանության ավարտը. իշխող ուժի շանսերը փոքր են

Վթար Կապանում. «Հունդայի Սանտաֆե»-ի 46-ամյա ուղևորը մահացել է

Արարատի ծննդօգնության ծառայություններ մատուցող բժշկական հաստատություններում հունվար ամսին ծնվել է 53 տղա եւ 71 աղջիկ

Քաղաքապետարանում տեղյակ չեն, թե Երեւանին նվիրաբերված սեքվոյա հսկա ծառի սերմերը որտեղ են պահվում

Նախագահական նստավայրում կայացել է ռուսական ռոմանսի երեկո՝ նվիրված Մեծ հաղթանակի 75-ամյակին

Նախ ասել են՝ երեխաս աղիքային խնդիր ունի, հետո՝ իբր մահացել է. տարիներ առաջ ծննդաբերած կինը փնտրում է իր աղջկան

Երևան-Սևան ավտոճանապարհին մեքենան բախվել է երկաթե արգելապատնեշներին. 37-ամյա վարորդը մահացել է

Դիլիջանի «Շլորկուտ» հանդամասում 5000 քմ խոտածածկույթ է այրվել. ԱԻՆ

Նոր Նորք վարչական շրջանում ոստիկանության ուժեղացված ծառայություն է իրականացվել

Ոստիկանությունը իդեալականին մոտ ցուցակներ է խոստանում. այս անգամ կհամագործակցեն նաեւ թաղման բյուրոների հետ

Ամփոփվել են Երեւանի 2019թ. բյուջեի եւ զարգացման ծրագրի հաշվետվությունների վերաբերյալ առաջարկներն ու դիտողությունները

Իրանում կորոնավիրուսը հասել է արդեն մայրաքաղաք Թեհրան. երկրում 18 հաստատված դեպք կա

Սահմանադրական փոփոխությունների հանրաքվեի քարոզարշավը Շիրակի մարզ դեռ չի հասել. Արամ Անտոնյան

Հայկ Մարությանն ընդունել է Հայաստանում Վրաստանի դեսպան Գիորգի Սագանելիձեին