Ազնիվ մրցակցություն ենք տանելու՝ առանց ինտրիգների ու կեղտոտ սեւ տեխնոլոգիաների. ՕԵԿ-ի փոխնախագահ

Մենք  ներկայացնում ենք մրցունակ թիմ, որի 90 տոկոսից ավելին երիտասարդներ են, սրանք այն մարդիկ են, որոնք ե’ւ որոշակի աշխատանքային փորձ ունեն. ե’ւ նորարական գաղափարներ: Մեր խնդիրն է՝ ճանապարհ բացել նոր սերնդի համար: Այսօր այս մասին հայտարարեց Երևանի ավագանու ընտրություններում «Օրինաց երկիր» կուսակցության համամասնական ցուցակը գլխավորող, կուսակցության փոխնախագահ Մհեր Շահգելդյանը:

«Վերջին տարիներին «Օրինաց երկիր»-ը բազմիցս խոսեց ու քննադատեց նախորդ իշխանությունների սխալ աշխատաոճը, նրան անտարբերությունը մեր համաքաղաքացիների խնդիրներին»,-ասաց Մհեր Շահգելդյանը:

Երևանի ավագանու ընտրություններում ՕԵԿ-ը ներկայացրել է ավագանու անդամի 116 թեկնածու: ՕԵԿ-ի կարգախոսն է՝ «Մենք ենք ու մեր Երևանը»:ՕԵԿ-ի անդամներն այսօր իրենց քայլարշավը սկսեցին Շենգավիթ վարչական շրջանի Չարբախի շուկայի մոտակայքից, բնակիչներին ներկայացրեցին նախընտրական ծրագրերն ու տարբեր խոստումներ տվեցին Երեւանի զարգացման հետ կապված. «Առաջարկում ենք՝ առանց կանխավճարի հիփոթեքով բնակարաններ, աղբահանության խնդրի հիմնարար լուծում, Երեւան քաղաքի տրանսպորտային համակարգի արմատական բարելավում, աշխատատեղերի ստեղծում, կանաչ տարածքների ավելացում, համայնքային սոցիալական բնակարանների կառուցում, վթարային շենքերի վերանորոգում եւ վերելակների վերանորոգում»:Մհեր Շահգելդյանը ՀԺ-ի հետ զրույցում ասաց, որ այս ընթացքում ինչքան հասցրել են ծանոթանալ՝ բացի մայրաքաղաքի գլոբալ հարցերից, ամեն մի թաղամաս իր ուրույն խնդիրներն ունի. «Թվում է, թե կենտրոնը խնդիրներ չունի. բարեկարգ է եւ այլն, բայց բացի Մաշտոցի պողոտայից եւ մի քանի այլ փողոցներից, կենտրոնում է գտնվում նաեւ Կոնդը, Նորագյուղը, Կիլիկիան, որտեղ բարդագույն խնդիրներ կան: Նորագյուղի մի ամբողջ հատված զրկված է բնական գազից, մարդիկ ապրում են ինչպես 19-րդ դարում: Կոնդում բնակարանների վիճակը խայտառակ է, Սասունցի Դավթի կայարանի եւ այլ հատվածներում էլ խնդիրներն այլ են»,-ասաց նա:

Վերջինս նշեց, որ տրասնպորտային խնդիրը մայրաքաղաքի ողջ մասշտաբով լուրջ լինելուց բացի մեկ այլ սպառնալիք է հետապնդում. «Այստեղ գծերի մինի օլիգարխիա կա ձեւավորված՝ տրանսպորտով ապահովված չեն ծայրամասային այն հատվածները, որոնք ուղղակի շահութաբեր չեն»:

Մհեր Շահգելդյանը հայտարարեց, որ շատ բարձր է գնահատում իրենց շանսերը, որովհետեւ հեղափոխությունից հետո առաջին ընտրություններն են, որն էլ հօգուտ իրենց է լինելու: Վերջինս համոզմունք հայտնեց, որ այս ընտրությունները կլինեն առանց ընտրակաշառքի, առանց կեղծիքների եւ առանց վարչական լծակների օգնության: «Սա լինելու է գաղափարների եւ ծրագրերի պայքար»,-ասաց նա:

Խոսելով նախորդ տարիների ընտրապայքարի մասին՝ Շահգելդյանն ընդգծեց, որ անցյալում ընտրակաշառքների հեղեղ է եղել, եւ որ իրենք կողմնակից են ոստիկանությունում այդ ուղղությամբ աշխատանքներ տանող հատուկ ստորաբաժանումներ ստեղծելու ու հետեւողական պայքարին: ՕԵԿ-ի փոխնախագահն անդրադարձավ «Բարգավաճ Հայաստան» կուսակցության ցուցակը գլխավորող Նաիրա Զոհրաբյանի հայտարարությանը, որտեղ վերջինս քաղաքական բանավեճ ունենալու մարտահրավեր էր նետել «Իմ քայլը» դաշինքի անդամ, Երեւանի քաղաքապետի թեկնածու Հայկ Մարությանին:

Մհեր Շահգելդյանի բնորոշմամբ՝ բանավեճը պետք է դիտարկել ոչ միայն կարծիքների բախում, այլեւ որպես կարծիքների համադրության հնարավորություն: «Քաղաքական բանավեճի առաջարկություն ամենասկզբում ես եմ արել, որովհետեւ սա էլ ընտրապայքարի տեխնոլոգիաներից մեկն է: Չնայած որ ժամկետներն արդեն սուղ են, բայց կարող են 12 կուսակցության ներկայացուցիչները հանդիպել եւ բանավեճ անցկացնել»,-ասաց նա:

Վերջինիս խոսքով՝ ընտրապայքարի ընթացքում կարելի է համադրել բոլոր խելամիտ գաղափարները: «Ուզում եմ, որ լինի առողջ մրցակցություն, որովհետեւ երկար տարիների ընթացքում երկիրը շատ բարդ վիճակի մեջ է եղել: Երեւանն այսօր այն լոկոմոտիվը կարող է դառնալ, որը Հայաստանի տնտեսությունը դեպի միջազգային ասպարեզ բացելու հնարավորություն կստեղծի: Մենք ազնիվ մրցակցություն ենք տանելու եւ ամեն ինչ անելու ենք, որ աշխատենք առանց ինտրիգների ու կեղտոտ սեւ տեխնոլոգիաների»,-ասաց նա:

ՕԵԿ փոխնախագահ Հեղինե Բիշարյանը եւս վստահեցրեց, որ իրենց թիմի կողմից քարորզարշավն իրականացվում է շատ գրագետ եւ կազմակերպված. «Մեր ավագանու թիմը շատ գրագետ եւ բանիմաց մարդիկ են, որոնք անձամբ են ներկայացնում կուսակցության ծրագիրը, եւ ես վստահ եմ, որ մենք անպայման հաջողություն ենք գրանցելու»:Հեղինե Բիշարյանն ընդգծեց, որ իրենց թիրախային ու ամենակարեւոր կետը համարում են սոցիալական բնակարանաշինությունը, ինչն իր վրա պետք է վերցնի պետությունը, որն էլ պետք է աջակցի համայնքների համաչափ զարգացմանը:

«Մենք կողմնակից ենք խաղաղ քարոզարշավի, կողմնակից ենք ազգաբնակչությանը տալ ջերմություն, բացատրական աշխատանքներ կատարել, որպեսզի նրանք կարողանան հստակ, ճիշտ ընտրության գնալ: Երեւան քաղաքը պետք է ունենա այնպիսի քաղաքապետ, այնպիսի ավագանի, որը խորապես կզբաղվի իր խնդիրներով»,-եզրափակեց Հեղինե Բիշարյանը:

Տպել
1950 դիտում

Խառնակչություններ՝ բանտից եւ աքսորից

Մանկապարտեզի տնօրենն ապօրինի աշխատակից է ընդունել, հետո կռիվ սարքել քաղաքապետարանում. Արմավիրի քաղաքապետ

Մարիամի հետ կիրակի երեկոն անցկացրել ենք Երևանում բացված Ամանորյա տոնավաճառում. Աննա Հակոբյան

Ինչի վրա կծախսվի «Իմ քայլը» հիմնադրամի՝ երեկ հավաքած մոտ 700 մլն դրամը . Լենա Նազարյանը թվարկել է ծրագրերը

Արցախի ՀՅԴ-ն նախագահական ընտրություններին կմասնակցի սեփական թեկնածուով

Այսօր 2700 ստերջացված, պատվաստված ու համարակալված կենդանի կա․Հակոբ Կարապետյան

Երևանում կոտրել են միանգամից մի քանի արագաչափեր

Արժեհամակարգային հակադրություններն արհեստական են

Արագածոտնի Թալին, Ապարան, Աշտարակ քաղաքներում եւ Շիրակի մարզի Լանջիկ գյուղում մառախուղ է

Կապան քաղաքում այրվել է մոտ 1,5 հա բուսածածկույթ

Արմեն Սարգսյանը «Կատար Էյրվեյզ»-ի գործադիր տնօրենի հետ քննարկել է համագործակցության ընդլայնման հեռանկարները

Հայ բռնցքամարտիկները 2 մեդալ են նվաճել միջազգային մրցաշարում

Հայաստանի տարածքում առաջիկա օրերին սպասվում է առանց տեղումների, արեւոտ եղանակ

ՊՆ ծառայողը վրաերթի է ենթարկել 54-ամյա հետիոտնին. վերջինս հիվանդանոցում գիտակցության չգալով մահացել է

Տիգրանաշենի ոլորանների վերջնամասում ավտոմեքենան հայտնվել է ձորում. տուժածներ չկան

Կան գյուղեր, որտեղ ավանդույթի ուժով կանանց արգելված է գնալ գյուղապետարան, հարսներին՝ ծնողական ժողով. Աննա Հակոբյան

Դեկտեմբերի 17-ից ջերմ եղանակին գումարվում են նաև արևի պայծառ շողերը. Սուրենյան

Արմեն Սարգսյանը համագործակցության հնարավորություններն է քննարկել Կատարի գործարարների ասոցիացիայի ներկայացուցչի հետ

Նոր մշակույթ է զարգանում. Նիկոլ Փաշինյանը՝ Աննա Հակոբյանի գործունեության մասին

Ո՞վ է կուլ տալիս Մամեդյարովի նետած քարոզչական խայծը