Ֆրանսիայի ֆուտբոլի ազգային հավաքականի կազմում աշխարհի եւ Եվրոպայի չեմպիոն Յուրի Ջորկաեֆը չի ցանկացել դառնալ Հայաստանի ֆուտբոլի ֆեդեարցիայի նախագահ: «Հայկական ժամանակ»-ի հետ զրույցում «Առաջին հայկական ճակատ» (ՖԱՖ) ֆան ակումբի հիմնադիր-անդամ Սերգեյ Ջանջոյանն ասաց, որ այդ մասին իրենց պատմել է ՀՖՖ նախագահի միակ թեկնածու, ՀՀ Ազգային անվտանգության ծառայության տնօրեն Արթուր Վանեցյանը: Նախկինում երկրպագուների կողմից հաճախ էր բարձրաձայնվում Ջորկաեֆին այդ պաշտոնում տեսնելու ցանկությունը:

«Կարող եմ ասել, որ մենք, ես՝ ինքս ցանկանում էի տեսնել Յուրի Ջորկաեֆին: Դժվար է գտնել մարդ, որը բարի անուն ունի, կոռուպցիայի մեջ չի եղել, ֆուտբոլային վատ պատմությունների մեջ չի եղել եւ այլն: Դրա համար մենք այդ պաշտոնում տեսնում էինք նրան: Երբ Վանեցյանը եկավ մեր սեկցիա, հենց առաջինն այդ մասին խոսեց: Պատմեց, որ հանդիպել է Ջորկաեֆի հետ, առաջարկել է ՀՖՖ նախագահի թեկնածությունը, բայց նա չի համաձայնվել: Մենք էլ տարբեր հանդիպումներ ունեցել ենք Ջորկաեֆի հետ: Նա վերջնական ինչ-որ բան մեզ չէր ասել: Պարզ է, որ ցանկանում է մարզչական կարիերա եւ չի ցանկանում մենեջերական պաշտոն: Վանեցյանը կարծում եմ՝ բավական լավ թեկնածու է եւ կարող է հաջողություն գրանցել»,- ասաց նա:

Սերգեյը, ընդհանուր առմամբ դրական է տրամադրված նաեւ գործադիր կոմիտեի հնարավոր կազմի նկատմամբ: Երբ պաշտոնապես հայտնի դարձավ, թե ովքեր են թեկնածուները, կարծիքները բաժանվեցին 2 մասին: Մի մասը համարում է, որ, այսպես ասած, ոչ ֆուտբոլային մարդիկ, օրինակ, նախարարները. չպետք է ընդգրկված լինեն ֆեդերացիայում, եւ պետք է պարզապես համագործակցեն անհրաժեշտության դեպքում: Մյուս կողմը կարծում է, որ, օրինակ, թեկնածուների կազմում հայտնված առողջապահության կամ տարածքային կառավարման եւ զարգացման նախարարները ֆեդերացիայում աշխատելով կարող են ավելի լավ լուծումներ տալ իրենց ոլորտներին առնչվող խնդիրներին:

«Այո՛, կան մարդիկ, որոնց ներկայությունը ինձ համար էլ զարմանալի է, չեմ ընդունում նրանց՝ գործկոմում լինելը: Չեմ ուզում անուններ տալ, բայց ընդհանուր առմամբ կարծում եմ՝ կունենանք գործկոմ, որը քննարկումներ եւ բանավեճեր կունենա: Այս տարիների ընթացքում գործկոմում չի եղել 1 դեմ, 1 ձեռնպահ կամ հակառակ որոշում: Հիմա կունենանք գործկոմ, որը բանավեճեր կունենա: Որոշ նախարարների եւ, այսպես ասած, ոչ ֆուտբոլային մարկանց անձամբ ճանաչում եմ: Ճիշտ է՝ իրենց կենսագրության մեջ այդքան էլ կապ չեն ունեցել ֆուտբոլի հետ, բայց բոլորը ֆուտբոլասեր են, ֆուտբոլից հասկացող, ոմանք մեզ հետ տրիբունայից աջակցել են (խմբ. նկատի ունի, օրինակ, գործկոմի թեկնածու ՀՀ արտգործնախարարի տեղակալ Ռուբեն Ռուբինայանին) մեր հավաքականին»,- ասաց Ջանջոյանը:

Ըստ ֆուտբոլային շրջանակներում պտտվող լուրերի՝ Արմեն Մելիքբեկյանը գործադիր կոմիտեի նախագահի ամենահավանական թեկնածու են: Նրա մասին դրական կարծիքներ են հնչում: Մելիքբեկյանի ֆուտբոլային մեծ գիտելիքներից են խոսում թե ֆուտբոլիստներ, թե մարզական լրագրողները, եւ թե երկրպագուները: Ջանջոյանը համամիտ է հնչած կարծիքների հետ:

«Այն անձն է, որի հետ ՖԱՖ-ը հենց առաջին աշխատանքն է տարել դեռեւս 10 տարի առաջ: Կարելի է ասել՝ ֆուտբոլի մոլի երկրպագու է՝ ֆուտբոլային ֆանտաստիկ մեծ գիտելիքներով, եւ կարծում եմ՝ բավական օգուտ կտա մեր ֆուտբոլին»,- ասաց նա:

Ջանջոյանը կարծում է, որ հայկական ֆուտբոլում սպասվող կտրուկ փոփոխությունները դրական արդյունքներ կտան: Ըստ նրա՝ 2002 թվականից, ինչ կառույցը ղեկավարել է ներկայիս նախագահ Ռուբեն Հայրապետյանը, որոշումները կայացվել են հիմնականում 1 մարդու կողմից: 2-րդ, 3-րդ կարծիք քննարկումների ժամանակ չի եղել: Նա մտածում է, որ նորացված ֆեդերացիայում՝ նոր գործկոմի կազմով, հակառակ պատկերը կլինի

«Հայրապետյանի պաշտոնավարումը 2 բառով ամփոփել չի կարելի: Նրա օրոք հավաքականի հաջող շրջան ունեցել ենք, բայց բնականաբար բացերը, սկանդալային իրադարձությունները, վատ ֆուտբոլային օրերը շատ ավելին են եղել: Մանավանդ վերջին տարիներին կարելի է ասել՝ սկանդալը հաջորդում էր սկանդալին: Ֆեդերացիան ամբողջովին կախված էր 1 մարդուց: Կարծում եմ՝ բավական փոփոխություններ կլինեն ֆեդերացիայում, ու կաշխատի ոչ թե 1 հոգի, այլ մի ամբողջ համակարգ. ամեն մեկը, լծված լինելով իր գործին, կանի ոչ թե 1 մարդու հրահանգ, այլ այն, ինչի պատասխանատուն, մասնագետն է»,- ասաց նա:

Գործադիր կոմիտեի ու նախագահի արտահերթ ընտրությունները կայանալու են սեպտեմբերի 22-ին: Ընտրությունները արտահերթ են, քանի որ մինչեւ 2019-ի փետրվար ՀՖՖ-ն պետք է իրավաբանական անձանց միությունից (ԻԱՄ) վերակազմավորվի հասարակական կազմակերպության (ՀԿ): Սեպտեմբերի 22-ին տեղի է ունենալու նաեւ այս փոփոխությունը:

Տպել
4908 դիտում

Դատարանի որոշմամբ Մանվել Գրիգորյանի կենսաթոշակի վրա դրված արգելանքը հանվեց

Յունիբանկը բարձրացրել է «Ճկուն» ավանդի տարեկան տոկոսադրույքը մինչև 9%

ՀՀ-ն Մինսկ 2019-ի թիավարությունում որակազրկվել է մարզչի թերացման պատճառով

Իմ քվեն տեխնիկական պատճառով գրանցվել էր դեմ և ոչ թե կողմ. Ռուբեն Ռուբինյանը՝ ՌԴ-ի ԵԽԽՎ վերադառնալու մասին

ՌԴ և Վրաստանի հարաբերությունների վատանալու համար մեղավոր են իշխանությունները. Բուրջանաձե

Ո՛չ Ռոբերտ Քոչարյանը, ո՛չ նրա պաշտպանական խմբի անդամները չեն մասնակցի այսօրվա դատական նիստին. հայտարարություն

Դանակահարություն Արաբկիր վարչական շրջանում. մեղադրանք է առաջադրվել 32-ամյա տղամարդուն

Մանվել Գրիգորյանի պաշտպանը միջնորդեց գործը քննել դռնփակ. դատարանը մերժեց

Լոռու մարզում կինը ձեռքերով սեղմել է անչափահաս դստեր պարանոցին և խեղդամահ անելով սպանել նրան. ՔԿ

Սյունիքի մարզի Գորայքում արտահերթ ընտրություններ տեղի կունենան. փակել են միջպետական ճանապարհը, լարված իրավիճակ է

ԱԺ-ն երկրորդ ընթերցմամբ և ամբողջությամբ ընդունեց Հարկային օրենսգրքի փոփոխությունների փաթեթը

ՀՀ պաշտպանության նախարարի գլխավորած պատվիրակությունը մասնակցում է միջազգային ռազմատեխնիկական համաժողովին

Մանվել Գրիգորյանի ինքնազգացողությունը վատացավ. պաշտպանը խնդրեց, որպեսզի բժիշկը նրան թթվածին տրամադրի

ՄԱԿ-ը հարցեր է հղել Թուրքիային 1915-1923թթ. բռնի տեղահանված հայերի ճակատագրի և նրանց վախճանի մասին

Մանվել Գրիգորյանը քիչ առաջ անվասայլակով բերվեց դատարան

Վարչապետը Մասիսում ներկա է գտնվել Ֆրանկոֆոնիայի զբոսայգու և ընտանեկան մարզահամալիրի բացման արարողությանը

Հանուն ձեր մայրերի և քույրերի, եղե՛ք միմյանց նկատմամբ խնամքով, պատասխանատու և զգոն. Աննա Հակոբյանը՝ զինծառայողներին

Ավարտվեց Կոպա Ամերիկա 2019-ի խմբային փուլը

Իտալիան կընդունի 2026 թ. ձմեռային օլիմպիական խաղերը. ՄՕԿ-ը 925 մլն դոլար կտրամադրի

ՀՀ-ն Վրաստան-Ռուսաստան լարվածությունը հանելու համար պատրաստ է երկկողմ օդային ուղեւորափոխադրում իրականացնել. Ճաղարյան