Երբ նշել «Երեւանի օրը». թեժ քննարկումից հետո կառավարությունը դիրքորոշում չհայտնեց

ԱԺ «Ծառուկյան» խմբակցության պատգամավոր Նաիրա Զոհրաբյանն առաջարկվում է «Երեւանի օրը» նշել հոկտեմբերի երկրորդ շաբաթ օրը: Նման նախագիծ նա ներկայացրել էր կառավարությանը, որը քննարկվեց կառավարության սեպտեմբերի 20-ի նիստում:

Հարցը ներկայացնող տարածքային կառավարման եւ զարգացման նախարար Սուրեն Պապիկյանը նկատեց, որ հոկտեմբերի երկրորդ շաբաթ օրը նշվում է որպես Թարգմանչաց տոն, որը համընկնում է ներկայացված նախագծով առաջարկվող Երեւանի օրը որպես տոն օր նշելու օրվա հետ: Հետեւաբար, նա առաջարկեց նախագծում «շաբաթ օրը» բառերը փոխարինել «կիրակի օրը» բառերով:

Ֆինանսների նախարար Ատոմ Ջանջուղազյանը նշեց, որ նախկինում այդ օրը կառավարությունը կարողանում էր ճկուն կերպով տեղափոխել, իսկ հիմա օրենքով կֆիքսվի:

Փոխվարչապետ Տիգրան Ավինյանը հիշեցրեց, որ այս տարի նման խնդիր եղել է, որ Երեւանի ավագանու ընտրությունների անցկացման հետ կապված, Երեւանի օրը սեպտեմբերից տեղափոխվել է հոկտեմբերի 20-21-ին: Վարչապետ Նիկոլ Փաշինյանն էլ նկատեց, որ դրանից առաջ էլ Երեւանի օրը հոկտեմբերից տեղափոխվել էր սեպտեմբեր՝ Ֆրանկոֆոնիայի գագաթաժողովի անցկացման հետ կապված. «Այսինքն, եթե այս օրենքը հիմա լիներ, մենք խնդիր կունենայինք, այն կհամընկներ Ֆրանկոֆոնիայի գագաթաժողովի առնվազն նախապատրաստման աշխատանքների հետ»:

Տնտեսական զարգացման եւ ներդրումների նախարար Արծվիկ Մինասյանը հայտարարեց, որ տոնը պատմություն ունի, այն նշվել է որպես «Էրեբունի-Երեւան» տոն: Նա առաջարկեց տոնն ամրագրել հենց այդ անունով:

Վարչապետը նկատեց, որ մարդիկ ավանդույթի ուժով նշելու են հոկտեմբերի երկրորդ շաբաթ օրը. «Մենք կարող ենք հունվարի 1-ն էլ փոխել, բայց դա բան չի փոխում: Եթե օրենք ենք ընդունում, թող լինի այն օրը, որը մարդիկ սովոր են: Ինչո՞ւ ենք դիսկոմֆորտ առաջացնում թեկուզ այս փոքր հարցում: Ես նաեւ չեմ կարծում, որ լավ միտք է այս տոնը օրենքով սահմանելը: Օրինակ սեպտեմբերի 1-ը գիտելիքի օրն է, ինչ օրենք էլ ընդունենք: Նույնիսկ եթե հրովարտակ ընդունենք»:

Նա ընդգծեց, որ պետք չէ ընդհանրապես, որ կառավարությունը դիրքորոշում հայտնի այս նախագծի վերաբերյալ. «Ես չեմ հասկանում, թե ինչու է անհրաժեշտ նման օրենքը ընդունել ընդհանրապես: Մենք այս օրը նշել ենք շուրջ 50 տարի, ու ոչ մեկի մտքով չի անցել, թե՝ վայ, էս ինչ ենք անում, ախր օրենք չունենք: Մեր եզրակացությունն այն է, որ նման օրենքի անհրաժեշտություն չկա»:

Տպել
1214 դիտում

Բրազիլիայի կառնավալին հազարավոր մարդիկ «Կեցցե Հայաստան» կասեն. Սիբիլը շքերթի հատուկ հյուրն է

Երևանում և ևս 4 մարզում այսօր էլեկտրաէներգիայի անջատումներ կլինեն

Արտաշատ-Երևան ավտոճանապարհին տեղի ունեցած վթարի հետեւանքով 2 հոգի հոսպիտալացվել է

Կենդանիների կենսաապահովման կետեր կկառուցվեն Հայաստանում

Թուրքիայում հայկական եկեղեցու պատերին արված գրաֆիտիները հեռացվել են (լուսանկարներ)

Վաղարշապատի 5 բնակիչ թունավորվել է գազի կաթսայից շմոլ գազի արտահոսքի հետևանքով

Դոնորների հետ համագործակցության համակարգման հարթակը կենսական պահանջ է․ փոխվարչապետ

Անահիտ Տեր-Մինասյանը ՀՀ ամենահեղինակավոր ուսումնասիրող­ներից է. վարչապետը ցավակցել է պատմաբանի մահվան կապակցությամբ

Շարունակում են փակ մնալ Արագածոտնի մարզի 17 գյուղերի միջհամայնքային ճանապարհները

28-ամյա քաղաքացին սպառնացել է նետվել Երեւանի Հաղթանակի կամրջից

Մանվել Գրիգորյանը լրատվամիջոցից պահանջում է 3 մլն դրամ. նոր հայցադիմում է ներկայացվել

ԵԱՀԿ ՄԽ համանախագահներին հետաքրքրել են Դավոսում ՀՀ վարչապետի և Ադրբեջանի նախագահի հանդիպման մանրամասները

Հանդիպել են Իրաքում ՀՀ դեսպան Հրաչյա Փոլադյանն ու Իրաքի կապի նախարարը

ԳԹԿ կառավարման խորհրդի կազմը հաստատվել է, թեստերի ժողովածուներն էլ վեճի առարկա են

Նիկոլ Փաշինյանը և Աննա Հակոբյանը ներկա են գտնվել Հայ կոմպոզիտորական արվեստի 10-րդ փառատոնի բացմանը

Մենք եկանք անաղմուկ՝ հատուկ ընտրություններին քվեարկելու համար. Նիկոլա Ազնավուրը՝ վարչապետին

Վրաստանի պաշտպանության նախարարը պաշտոնական այցով վաղը կժամանի Երևան

Երեւանում օրը ցերեկով մեքենա ջարդուխուրդ անող երիտասարդների գործով Վերաքննիչն իրարից տարբերվող որոշումներ է կայացրել

Փետրվարի 20-ը հայոց ազգային վերազարթոնքի մի բացառիկ օրինակ էր. ուղերձ՝ Ղարաբաղյան շարժման տարեդարձի առթիվ

Black Box կամ Սեւ տուփ-Փոքր բեմ. Հայաստանում առաջին անգամ ստեղծվել է նոր ձեւաչափով թատրոն