Իր տաժանակիր գործի ընթացքում կհանի փողկապն ու ժամանակ կտրամադրի մշակույթին. դերասանները՝ նոր քաղաքապետի մասին

Կարծում եմ՝ Հայկը քաղաքապետի իր ծանր ու տաժանակիր գործի ընթացքում երբեմն կհանի փողկապն ու ժամանակ կտրամադրի նաեւ մշակույթին:

 Լուսանկարում՝ Ավո Խալաթյան եւ Նունե Եսայան

Դերասան Ավո Խալաթյանի համար երեկ՝ սեպտեմբերի 23-ը, տոնական օր էր, կրկնակի տոն է դարձել, երբ «Իմ Քայլը» դաշինքի քաղաքապետի թեկնածու Հայկ Մարությանը հաղթանակ է տարել Երեւանի ավագանու արտահերթ ընտրություններում:

Դերասանը ՀԺ-ի հետ զրույցում նշեց, որ երեկ իր ծննդյան օրն էր, սակայն հասցրել է մասնակցել ընտրություններին եւ քվեարկել «Իմ Քայլը» դաշինքի օգտին:

«Մորս հետ առավոտյան մասնակցեցի ընտրություներին, իսկ երեկոյան, երբ ընկերներիս հետ ծննդյանս օրն էի նշում՝ տարածվեց Հայկի հաղթանակի լուրը: Դրական էմոցիաներով ավարտվեց մեր երեկոն: Ուրախ եմ շատ Հայկի համար, արտիստի համար բարձրագույն մաթեմատիկայի դժվար աշխարհը շատ ծանր է եւ իսկապես գովելի է, որը Հայկը կարողանում է դա, այդ ջիղը հատուկենտ մարդիկ ունեն: Եվ բացի այդ՝ Հայկը ցանակցած սոցիալական խնդրի եւ թեմայի ժամանակ միշտ առաջին պլանում է եղել, գիտի այդ թեւը»,-ասաց Ավո Խալաթյանը:

Դերասանն իր վրդովմունքը հայտնեց, որ նախքան Հայկ Մարությանի ընտրվելը հասարակության լայն շրջանում քննարկվեց վերջինիս դերասան լինելու հանգամանքը եւ կասկածի տակ դրվեցին մասնագիտական որակները. «Անկեղծ ասած, նեղվում էի, որ անընդհատ շեշտում էին Հայկի դերասան լինելը, օգտագործում որպես խանգարող պատրվակ: Հայկը այդ կարծրատիպն էլ կոտրեց, եւ ես վստահ եմ, որ նա կապացուցի, որ դերասանը շատ լուրջ մասնագիտություն է՝ ծանոթ բոլոր ոլորտներին»:

Դերասանը նկատեց՝  որ մեր մայրաքաղաքը վերջին շրջանում արդեն իսկ ներկայանալի քաղաք է, եւ շատերն են գալով ապշում, սիրահարվում Երեւանին: Ավո Խալաթյանը վստահություն հայտնեց, որ Հայկ Մարությանը մշակութային կյանքին եւս ուշադրություն կդարձնի. «Կարծում եմ, Հայկը քաղաքապետի իր ծանր ու տաժանակիր գործի ընթացքում երբեմն կհանի փողկապն ու ժամանակ կտրամադրի նաեւ մշակույթին, անշուշտ, նաեւ զարգացնելով այդ թեւը»:

Ինչու՞ էի ես առանձնացնում Հայկ Մարությանին:

Լուսանկարում՝ Հրանտ Թոխատյան

«Ասել եմ, որ որեւէ թեկնածուի դեմ ոչինչ չունեմ, բայց սա առաջին անգամն էր, որ այդպես էր: Նույնը բոլոր մեր համաքաղաքացիներին է վերաբերում, նրանք, ովքեր որեւէ թեկնածուի դեմ կասկած ունեին՝ այս անգամ հավատում էին իրենց եւ գիտեին, որ այս մարդիկ գալիս են մեր քաղաքի դեմքն ու ժպիտը վերադարձնելու: Իսկ ինչու՞ էի ես առանձնացնում Հայկ Մարությանին, նախ, որովհետեւ իրեն ամենից լավն եմ ճանաչում, երկրորդ՝ ես տեսել եմ իր կազմակերպչական ունակություններն ու աշխատաոճը: Հայկը ժամանակակից, 21-րդ դարին համապատասխան մտածելակերպ ունի եւ դա շատ կարեւոր է այսօր»,-ասաց դերասան Հրանտ Թոխատյանը:

«Հիմա ամենակարեւոր պահն է եկել. այն երիտասարդը, որն իր քվեն է տվել երիտասարդ Հայկ Մարությանին՝ պարտավոր է կանգնել նրա կողքին: Երիտասարդները ոչ թե պիտի ասեն՝ մենք քեզ տվեցինք մեր քվեն, դե գնա՛ եւ մեր քաղաքը խելքի բեր, այլ լինեն իր կողքին: Մինչեւ բոլորս միասին մեր իսկ ընտրած քաղաքապետի կողքը չկանգնենք ու չփորձենք քաղաքը խելքի բերել՝ ոչինչ չի ստացվի: Երբ որ ասում են, Մարությանը... իր թիմը... եւ այլն, ուզում եմ մի բան հստակ հասկանանաք՝ Մարությանի թիմը մենք ենք՝ բոլորս»,-ասաց նա:

Հրանտ Թոխատյանը նկատեց՝ քաղաքում մթնոլորտ է պետք փոխել, հավատ է պետք վերականգնել: «Անհրաժեշտ է ներդրողներ գտնել, աշխարհասփյուռ մեր հայրենակիցներին ներգրավել, պարտադիր չէ, որ նրանք գան այստեղ ապրեն, կարող են տարբեր ծրագրերում ներգրավված լինել, ներդրումներ անել: Այն երկիրը, կամ այն քաղաքը, որտեղ իրենք հաջողության են հասել, այդտեղից իրենց հետ բերեն իրենց փորձառությունն ու նոր տեխնոլոգիաները: Ես վստահ եմ, որ Հայկն իր մեջ այնքան ուժ, կարողություն ու ճաշակ կգտնի, որ մեր քաղաքի մշակութային տեսքը նույնպես կլինի շատ բարձր մակարդակի վրա»,-վստահեցրեց Հրանտ Թոխատյանը:

Ամեն ընտրությունից հետո ինձ զգացել եմ խաբված, հիասթափված, հուսալքված, իսկ հիմա՝ հպարտությունից հուզված եմ:

Լուսանկարում՝ Մանվել Խաչատրյան

Կոնստանտին Ստանիսլավսկու անվան դրամատիկական թատրոնի դերասան Մանվել Խաչատրյանը ՀԺ-ի հետ զրույցում ասաց, որ հպարտությունից հուզվում է. «Նախկինում, ամեն ընտրությունից հետո ինձ զգացել եմ խաբված, հիասթափված, հուսալքված, հիմա հպարտ եմ, չնայած ընտրություններին չեմ մասնակցել, բայց ինձ հաղթած եմ զգում»: Դերասանն ասաց, որ Գյումրիի գրանցում ունի, դրա համար չի կարողացել ընտրություններին մասնակցել, սակայն դա իրեն չի խանգարում ուրախությունն արտահայտել: «Սպասում եմ, որ Հայկն ու իր թիմը ժողովրդին ժպիտներ բերեն, Հայկի մոտ դա լավ է ստացվում»,-եզրափակեց Մանվել Խաչատրյանը:

Խոսակցություններ կային, որ Հայկը կարող էր մշակույթի նախարար դառնալ`ինքս դեմ էի դրան, իսկ ահա քաղաքապետի պաշտոնում կարծում եմ՝ նա իրեն կարդարացնի:

Լուսանկարում՝ Տիգրան Նալչաջյան

Դերասան Տիգրան Նալչաջյանը հայտնեց, որ ինքն էլ էր քվեարկել Հայկ Մարությանի օգտին եւ ողջամիտ ժամկետներում սպասում է արդյունքներին: «Երբ հեղափոխությունից անմիջապես հետո խոսակցություններ էին հնչում, թե Հայկը կարող է դառնալ մշակույթի նախարար` ինքս դեմ էի դրան: Իր ողջ գործունեության ընթացքում Հայկը ստեղծել է միայն ժամանցային շոուներ, սիթքոմներ, սերիալներ եւ ֆիլմեր, այդ առումով, երկրի մշակույթի թիվ մեկ պատասխանատուն նա չէր կարող լիներ, իսկ ահա քաղաքապետի պաշտոնում կարծում եմ՝ նա իրեն կարդարացնի»,-վստահություն հայտնեց Տիգրան Նալչաջյանը եւ հավելեց, որ Հայկը շատ լավ մենեջեր է, իսկ դա լավագույն որակն է քաղաքը զարգացնելու համար։

Հայկը պայքարող տեսակ է:

Լուսանկարում՝ Նարե Հայկազյան

Դերասանուհի Նարե Հայկազյանը նշեց, որ մտորումներ կան, բայց կարծում է՝ նոր ժողովրդավար երկրում փոփոխություններ կլինեն. «Հայկը պայքարող տեսակ է, ես իրեն դրական եմ վերաբերվում եւ մեծ հույսեր ունեմ: Միակ մտահոգությունս այն է, որ էմոցիոնալ շերտավորումներ չլինեն եւ քայլերն իրատեսորեն արվեն, քանի որ քանդված համակարգի վերականգնման լուրջ փուլեր կան»:

Արհեստականորեն ստեղծված խնդիրներ են՝ մարդկանց «պոկռտելու» համար:

Լուսանկարում՝ Սերգեյ Դանիելյան 

«Էն զզվելի մասսան, որի դեմ միշտ ներկայացումներ եմ բեմադրել, որոնցից զզվել եմ, քննադատել, բացակայում էին: Գնացի ընտրատարածք ու չկային թաղի «ուռոդները»՝ ծիծակ կոշիկներով, ագռավների պես կուչկա-կուչկա հավաքված»,- անդրադառնալով երեկ տեղի ունեցած Երևանի ավագանու արտահերթ ընտրություններին՝ ասաց դերասան Սերգեյ Դանիելյանը:

Սերգեյ Դանիելյանը նշեց, որ սպասում էր Մարությանի բացարձակ հաղթանակին, ասաց, որ ավելիին էլ էր սպասում: Նկատեց, որ արհեստականորեն ստեղծված խնդիրներ են՝ մարդկանց «պոկռտելու» համար:

«Շատ կարեւոր է, որ մայրաքաղաքի գլոբալ խնդիրներից զատ՝ նորմալ իրավաբաններ հավաքի իր շուրջը, որովհետեւ իրավաբանական էնքան ապուշ խնդիրներ կան: Շատ ապուշ խնդիրների ես բախվում, որոնք նախկին իշխանություններն են ստեղծել՝ հատուկ փող լվանալու համար: Վերջերս ես առնչվեցի, եւ՛ հող առա, եւ՛ տուն եմ սարքում, մի խոսքով, գիտեմ ինչ խոչնդոտներ կան, որ մարդիկ նորմալ ապրեն այս քաղաքում: Գյուղատնտեսական անհայտ հողեր կան այս քաղաքում, մնում է կով պահենք»,-ասաց Սերգեյ Դանիելյանը:

Տպել
10340 դիտում

Մեր ընթացիկ խնդիրը հայեցկարգային եւ գաղափարական առումով Հայաստան-Սփյուռք սահմանները վերացնելն է․ վարչապետ

Թող 98թ․-ից առաջ միլիոններ կուտակեին, առյուծներ քշեին. Փաշինյանը՝ Քոչարյանի եւ Սարգսյանի շնորհավորական ուղերձների մասին

Լինելով ԱԱԾ տնօրեն՝ նա հայտարարություն է անում գերագույն հրամանատարի դեմ․ սպայի պատվին դրանից մեծ անարգանք չկա․ վարչապետ

Աղմկոտ միջադեպի գործով Վայոց Ձորի մարզպետի օգնականը կալանավորվել է

«Հյուսիս-Հարավ»-ի գործով մեղադրյալ, «Մուլտի Գրուպ» կոնցեռնի տնօրենը 20 մլն դրամ գրավի դիմաց ազատ է արձակվել

Կդադարեցվի Ծաղկաձորի մի շարք օբյեկտների եւ Արագածոտնի մի շարք գյուղերի գազամատակարարումը

Արարատի մարզում աղջկա համար վիճաբանությունն ավարտվել է դանակահարությամբ. 2 անձ տեղափոխվել է հիվանդանոց. Shamshyan.com

Կրակել են կարմիրգրքյան Սեւ արագիլի վրա, որից Հայաստանում ընդամենը վեց զույգ կա. Նաիրա Զոհրաբյան

Մանվել Գրիգորյանը պաշտոնը դադարեցնելիս 6 անշարժ գույք եւ 9 ավտոմեքենա ավելի է ներկայացրել, քան պաշտոնը ստանձնելիս

Վարչապետ Նիկոլ Փաշինյանն արդեն Լոս Անջելեսում է

Կապանում 3 կգ-անոց գազի բալոնից տեղի է ունեցել գազի արտահոսք՝ հրդեհի բռնկմամբ․ մի քաղաքացի այրվածքներ է ստացել

Այսօր ցրտել է, սակայն առաջիկա օրերին զգալի տաքանալու է․ Գագիկ Սուրենյան

Հրշեջ-փրկարարները մարել են մոտ 59.5 հա խոտածածկ տարածք ընդգրկող 47 հրդեհ

Մեղադրանք է առաջադրվել «Վերածնունդ» միջազգային մրցույթ-փառատոն» ՀԿ նախագահին

Մարտի մեկը պետք է քննություն անցնի, ես կարծեմ 2009-ին ցուցմունք չեմ տվել. Խաչատուր Սուքիասյան

«Ամուլսարի հանքի շահագործմանը փայլուն եմ վերաբերում». Խաչատուր Սուքիասյան

Պետք է զարգացնենք հայոց պետականության նվիրական արժեքը. Արման Թաթոյան

100 փաստերը չեն տալիս ելակետային տվյալներ, որպեսզի համեմատություններ անցկացվեն. Վարդանյան

Փոխվարչապետ Ավինյանն Ուրբասեր ընկերության պատվիրակության հետ քննարկել է բիզնես և ներդրումային միջավայրի հարցեր

ՀՀ պաշտպանության նախարարն ընդունել է Բելառուսի զինված ուժերի գլխավոր շտաբի պետին