ՀՖՖ-ն արտասահմանցի մարզիչ հրավիրելու համար ֆինանսական խնդիրներ չի ունեցել. Արմեն Նիկողոսյան

Հայաստանի ֆուտբոլի ազգային հավաքականի նոր մարզչի անունը միանշանակ չընդունվեց երկրպագուների կողմից: Մի մասը նշում է, որ Արմեն Գյուլբուդաղյանցն այս պահին ամենաօպտիմալ տարբերակն է, մյուսներն էլ կարծում են, որ նրա հետ ընտրանուց ոչինչ պետք չէ սպասել: Բացի այդ՝ հույսեր կային, որ աշխատանքը կարող է հանձնվել արտասահմացի ճանաչված մասնագետի: Հայտնի է, որ սեպտեմբերի 21-ին Վարդան Մինասյանի հրաժարականից հետո ՀՖՖ-ն բանակցություններ է վարել նաեւ արտասահմանցիների հետ, որոնց թվում են իտալացիներ Ջանի դե Բիազին եւ Դելիո Ռոսին: Այն, որ ի վերջո Ազգերի լիգայի խմբային փուլի Ջիբրալթարի ու Մակեդոնիայի դեմ խաղերից առաջ թիմի ղեկը ստանձնեց տեղացի մասնագետը, ոմանց համար հիասթափեցնող էր: «Հայկական ժամանակ»-ը նոր նշանակման մասին խոսել է ՀՖՖ փոխնախագահ Արմեն Նիկողոսյանի հետ:

-Այլ թեկնածուների անուններ էլ կային...

-Թեկնածուների բավականին մեծ շարք է եղել, որոնց թվում միշտ եղել է Գյուլբուդաղյանցը: Եղել են մի քանի թեկնածուներ՝ արտասահմացի, որոնցից մի քանիսը եկել են Հայաստան: Չենք ունեցել ոչ մի ֆինանսական խնդիր: Բոլոր ֆինանսական հարցերը համաձայնեցվել են, նոր են եկել: Խնդիր դարձավ միայն ժամանակի հարցը. այս կարճ ժամանակում չցանկացան մտնել այս բեռի տակ:

-Մամուլում քննարկվում էին մի շարք արտասահմանցի մասնագետների անուններ՝ մասնավորապես՝ Ջանի դե Բիազի, Էդուարդո Ռեյա, Բերտ վան Մարվեյկ, Դելիո Ռոսի: Նրանցից կոնկրետ ո՞ւմ հետ եք բանակցել:

-Երեւան եկել է 2 մասնագետ՝ Ջիանի դե Բիազին եւ Դելիո Ռոսին: Շատ հայտնի մասնագետներ, որոնք պատրաստ էին, ուղղակի ժամանակի կարճ լինելու պատճառով չցանկացան: Բոլոր բանակցություններին մասնակցել է Արմեն Գյուլբուդաղյանցը: Նա հենց սկզբից եղել է բանակցությունների համակարգողը: Նա նաեւ կազմել է հավաքական հրավիրվող ֆուտբոլիստների ցանկը, որը մենք տվել ենք ժամանակին՝ խաղերից դեռեւս 15 օր առաջ, ինչը ՈՒԵՖԱ-ի պահանջն է: Գյուլբուդաղյացը ներգրավված է եղել մարզիչների հետ կատարվող բոլոր բանակցություններին: Եթե որեւէ այլ տարբերակ լիներ՝ արտասահմանցի, միեւնույն է այս խաղերը Գյուլբուդաղյանցը պետք է անցկացներ որպես 2-րդ մարզիչ: Նրան մենք սկզբում դիտարկել ենք եւ ի վերջո կանգնեցինք այս տարբերակին:

-Արտասահմացի մասնագետները կոնկրետ ինչպե՞ս են ձեւակերպել մերժման պատճառը:

-Որ իրենք չեն կարող այս մնացած 10 օրում կամ 1 շաբաթում ծանոթանալ թիմին եւ դրա ներուժին:

-Երկրպագուների շրջանում հաճախ էին խոսում Աբրահամ Խաշմանյանի մասին:

-Առաջին օրվանից 287 հոգի է եղել մեր ցուցակում: Վերջնական կանգնել ենք Արմեն Գյուլբուդաղյանցի տարբերակի վրա: Եթե կա երկրպագուների մի խումբ, որը Խաշմանյանին է ուզում, հաստատապես կա մի խումբ, որը ուզում է Գյուլբուդաղյանցին, եւ կա մի 3-րդ խումբ, որը չի ուզում ո՛չ սրան, ո՛չ նրան: Մեր ընտրությունը Արմեն Գյուլբուդաղյանցն է: Խաշմանյանը մեր լավագույն մարզիչներից է: Մենք պարբերաբար հանդիպում ենք նրա հետ, քննարկում ենք ֆուտբոլային հարցեր:

-Երկրպագուների շրջանում Գյուլբուդաղյանցի նշանակման հետ կապված կան դժգոհություններ:

-Երկրպագուները կարող են դժգոհ լինել Հայաստանի հավաքականի խաղից կամ արդյունքից, օրինակ, եթե բերում ենք մի մարզիչ, որը նույն արդյունքն է գրանցում, ինչ նախորդը: Երկրպագուները գոհ կլինեի՞ն, օրինակ, եթե Ֆաբիո Կապելլոն կամ Զինեդին Զիդանը լինեին, բայց մեր թիմը էլի չխաղար եւ պարտվեր:

-Այս պահին արդյունքներ չկան, կա միայն նշանակումը, ու կան դժգոհություններ:

-Նորմալ է: Դժգոհություններ կարող են լինել ցանկացած մարզչի պարագայում: Մենք հասկանում ենք այդ ռիսկը: Հասկանում ենք, որ այդ դժգոհությունները շատ ավելի մեծ կլինեն, եթե հավաքականի խաղերը չընթանան մեր ուզածով: Բայց նաեւ պետք է հասկանան մեկ այլ բան. ֆեդերացիայի նախագահը դեռեւս իր առաջին ելույթում ասաց, որ չի կարելի ֆեդերացիայի աշխատանքը գնահատել ազգային հավաքականի ցուցադրած արդյունքներով: Հիմա եթե նորից նույն լրագրողները, նույն հասարակությունը ֆեդերացիային պետք է նայեն միայն որպես ազգային հավաքական, կներեք, մեր՝ ոչ այստեղ գալն էր պետք, ոչ էլ ընդհանրապես ֆեդերացիայում ինչ-որ բան փոխելը:

Պետք է մոտեցումը փոխել, պետք է հասկանալ, որ ֆեդերացիայի հիմնական աշխատանքներից մեկը, այո՛, ազգային հավաքականն է, բայց բացառապես միայն դա չէ: Եթե Հայաստանում իրավիճակ է փոխվել, իրավիճակ պետք է փոխվի ոչ միայն ֆուտբոլի ֆեդերացիայում, այլեւ ընկալումների մեջ: Պետք է վերջապես հասկանանք՝ ինչ ենք ուզում մենք մեզնից: Եթե որեւէ երկրպագուի թվում է, որ ամեն խաղում պետք է Ֆրանսիայի կամ Գերմանիայի հաղթենք եւ եթե չենք հաղթում ուրեմն աշխարհի ամենավատ թիմն ենք, դա այդպես չէ: Պետք է ռեալ գնահատենք՝ ինչ ունենք մենք այսօր, ռեալ գնահատենք ռիսկերը ու դրանով շարժվենք առաջ: Եթե դուք համարում եք, որ մեր ներուժն այնքան է, որ մենք աշխարհի լավագույն թիմերց ենք ու աշխարհի լավագույն մարզիչները պետք է ունենանք, դա ձեր ընկալումն է, եւ ես խորհուրդ կտամ փոխել այն:

-Նշեցիք, որ մոտեցումներ է պետք փոխել, ֆեդերացիան միայն հավաքականը չէ.... բայց երկրպագուները արդյունքներ են ուզում: Նրանց շրջանում կան մարդիկ, որոնք այնքան էլ ուրախ չեն, որ պետք է գուցե առնվազն տասնամյակ սպասեն, որ ֆեդերացիայի նոր ղեկավարության նոր ծրագրերի արդյունքում լինի նոր սերունդ ու արդյունքներ:

-Եթե որեւէ մեկին թվում է, որ ֆեդերացիայի նախագահ փոխելով՝ մենք 11 Հենրիխ Մխիթարյան ենք ունենալու հավաքականում, դա այդպես չէ: Մենք ի՞նչ ենք ուզում մեր հավաքականից: Արթուր Վանեցյանը եւ փոխնախագահները կամ ֆեդերացիայի նոր աշխատողները դաշտ չեն մտնելու: Դաշտ մտնելու են այն ֆուտբոլիստները, որոնք այս պահին պատրաստ են: Բնականաբար այդ ցանկում էլ կլինեն մարդիկ, որոնց մի մասը ոմանց դուր չի գա: Մենք ունենք 21-երի հավաքական, 19-երի հավաքական... շատ լավ տիրապետում ենք: Նորից եմ կրկնում՝ մենք հիմա պետք է կարողանանք ուղղակի գանահատել մեր ներուժը. օդից ֆուտբոլիստ չի ընկնելու: Հայաստանում կան այս ֆուտբոլիստները, այս բազան:

-Գյուլբուդաղյանցի մասին նշում են, որ երիտասարդների հետ շատ լավ է աշխատում, բայց ոչ մեծահասակների:

-Դա կարող են ցույց տալ առաջիկա արդյունքները: Նույն բանը կրկնվել է Արսեն Վենգերի մասին, որի մարզչական կարիերայի ընթացքում ասում էին՝ երիտասարդների հետ աշխատող մարզիչ է, բայց փաստ է, որ նա ֆուտբոլի պատմության լավագույն մարզիչներից է:

-Հնարավո՞ր է՝ առաջիկայում, օրինակ Եվրո 2020-ի ընտրական փուլից առաջ, որոշվի արտասահմանցի մասնագետ հրավիրել, ու Գյուբուդաղյանցը 2-րդ մարզչի կարգավիճակում մնա, այն տարբերակով, որը քիչ առաջ նշեցիք:

-Ֆուտբոլում ամեն ինչ շատ արագ է փոխվում, եւ ես հիմա չեմ կարող կանխատեսել, ուղղակի կարող եմ ասել մի բան. մինչեւ 2019 թ. մարտ ամիսը թե՛ ֆուտբոլի ֆեդերացիան, թե՛ ազգային հավաքականը կունենան հստակ աշխատանքային ծրագրեր, որոնք կներկայացվեն հանրությանը: Հույս ունենք մինչեւ մարտ ներկայացնել: Ամեն ինչ կանենք թափանցիկ, հանրությանը կներկայացնենք մի քանի ծրագրեր՝ մարզային զարգացման, մանկապատանեկան, սիրողական ֆուտբոլի զարգացման, նաեւ ազգային հավաքականի կոնցեպտուալ մոտեցումներ:

-Գյուլբուդաղյանցի առջեւ ի՞նչ առաջադրանք է դրվել: Արդյո՞ք կա երկարաժամկետ ծրագիր, թե՞ նա կարճ ժամանակով է նշանակվել:

-Նրա հետ կապված երկարատեւ ծրագիր ունենք: Այնպես չէ, որ պետք է այս 2 խաղերը մարզի ու գնա: Եվ ցանկացած մարզչի առաջ դրվում է ծրագիր, ուղղակի մարզչի ծրագիրը միշտ պետք է նրա արդյունքների հետ համաչափ լինի: Աշխարհում չկա մի մարզիչ, որը լավ արդյունքների հասնի, եւ նրան հանեն: Այնպես որ մարզչի աշխատանքի երկարակեցությունն ուղղակիորեն կախված է նրա ծրագրերից եւ արդյունքներից: Այնպես չէ, որ Ազգերի լիգայի միջոցով Եվրո 2020-ի ուղեգիր չնվաճելու դեպքում Գյուլբուդաղյանցը հեռացվելու է: Նրա հետ ունենք նաեւ Եվրոպայի առաջնության ընտրական փուլի հետ կապված ծրագիր:

-Ֆեդերացիայի համար հավաքականի լավ արդյունքը կոնկրետ ո՞րն է:

-Արժանապատիվ խաղը: Այսօր մեզ համար լավ արդյունքը արժանապատիվ խաղն է: Խաղ, որից հետո մենք չամաչենք, որ ֆուտբոլիստները դաշտում չկանգնեն, որպեսզի մենք տեսնենք աշխատանք, որ, եթե չստացվի, դա լինի ուղղակի մրցակցի ուժեղությունը, որը թույլ չի տալիս, որ հասնենք դրական արդյունքի:

-Ինչ-որ ժամանակ հավաքականը մարզիչ չուներ, այդ առումով անորոշություն էր, դա կարո՞ղ է ազդել հավաքականի ելույթների վրա:

-Ինչ պետք էր անել հավաքականի համար, արվել է, արվել է Գյուլբուդաղյանցի ղեկավարությամբ: Շատերդ գրում էիք, թե մարդ չի հրավիրվել հավաքական: Հավաքական մարզիչը երբեք չի հրավիրում: Հրավիրում է ՀՖՖ-ն, այո՛, մարզչի առաջարկով: Հավաքականների բաժինը ոչ մի օր ոչ մի ժամ չի ուշացել հայտացուցակը ՈՒԵՖԱ-ին ներկայացնելու, ակումբներին հրավերները ուղարկելու, տոմսերի, տղաների հետ աշխատանքի, մարզումային ծրագրերի հարցում: Այդ աշխատանքը ոչ մի րոպե չի դադարեցվել, մենք ընդամենը մինչեւ երեկ չենք հայտարարել մարզչի անունը:

Տպել
2247 դիտում

Հայաստանի ֆուտբոլի հավաքականը պարտվեց Եվրո 2020-ի ընտրական 1-ին խաղում

Կրակոցներ Լոռու մարզում. 3 քաղաքացի տեղափոխվել է հիվանդանոց, որոնցից երկուսը հայր ու որդի են

Փոցխ ու ձեռնոց նաեւ ԵՄ դեսպանին. Պյոտր Սվիտալսկին Գյումրիում միացել YIC-ի շաբաթօրյակին

Վարդենյաց լեռնանցքը կցորդիչով բեռնատարների համար դժվարանցանելի է

Առանձնատնից գողություններ կատարածներն անչափահասներ էին. նրանք ձերբակալվել են

Զինծառայողները եւս մասնակցել են համապետական շաբաթօրյակին

Ոստիկանությունը հայտնաբերել եւ բերման է ենթարկել ավտոլվացման կետից ավտոմեքենա փախցրած անձին

Հայաստանն ընտրվել է ՄԱԿ-ի Կանանց կարգավիճակի հարցերով հանձնաժողովի նախագահող

Համալասարանական հիվանդանոցների ղեկավարները ներկայացրել են կատարված աշխատանքները

ՀԱՊԿ գլխավոր քարտուղարի հարցի շուրջ կառույցի ներսում քննարկումները շարունակվում են. ՀՀ ԱԳՆ

Թուրքիայի նախագահ Ռեջեփ Թայիփ Էրդողանը ապրիլի 8-ին կայցելի Ռուսաստան

Մենք պետք է մեր շրջապատի մաքրությունն ապահովենք ամենօրյա աշխատանքի միջոցով․ Սուրեն Պապիկյան

Ռոբերտ Քոչարյանը 5-րդ գանգատն է ներկայացրել ՄԻԵԴ՝ կալանավորման դեմ բողոքը անհապաղ չքննելու վերաբերյալ

Արցախի պողոտայում բախվել են ավտոմեքենաներ. կա տուժած

Արմավիր քաղաքում լայնամասշտաբ ծառատունկ է իրականացվել․ նպատակ ունեն քաղաքում երկրորդ զբոսայգին հիմնել (լուսանկարներ)

Արտակարգ իրավիճակների նախարարության աշխատակիցները հանրապետության ողջ տարածքում ակտիվ մասնակցել են շաբաթօրյակին

Լոռու մարզի դատախազությունում խորհրդակցություն է եղել բնակարանային գողությունները նվազեցնելու թեմայով

ՀՀ քննչական կոմիտեի աշխատակիցները մասնակցել են համապետական շաբաթօրյակին

Շիրակի մարզպետն ու Գյումրու քաղաքապետը վաղ առավոտից են բահերով զինված

ՄԻՊ ներկայացուցիչները չհայտարարված այցեր են կատարել «Նուբարաշեն» եւ «Վարդաշեն» ՔԿՀ-ներ