Մովսիսյանի ու Մխիթարյանի հարաբերությունները լարված չեն. վստահեցնում է Գյուլբուդաղյանցը

ՀՀ ֆուտբոլի ազգային հավաքականի ավագ Հենրիխ Մխիթարյանի եւ հավաքական վերադարձած հարձակվող Յուրա Մովսիսյանի հարաբերությունները լարված չեն: Այս մասին այսօր՝ հոկտեմբերի 15-ին, Ազգերի լիգայի D դիվիզիոնի 4-րդ խմբի 4-րդ տուրի Մակեդոնիայի դեմ վաղը կայանալիք տնային հանդիպումից առաջ՝ լրագրողների հետ հանդիպման ժամանակ ասաց ընտրանու գլխավոր մարզիչ Արմեն Գյուլբուդաղյանցը: 3-րդ տուրի Ջիբրալթարի դեմ խաղից առաջ՝ նախախաղյա մարզման ժամանակ լրագրողները որոշակի սառնություն էին նկատել 2 ֆուտբոլիստների միջեւ: Այս մասին հետագայում խոսեցին նաեւ երկրպագուները: Այսօր էլ հրապարակում եղավ նաեւ մակեդոնական մամուլում: Մարզիչը նշեց, որ նման բան չկա: Նա նաեւ անդրադարձավ ընտրանու ու հայկական ֆուտբոլի ֆերաբերյալ այլ հարցերի:

-Այս անդունցի դուրս գալու ճանապարհը տեսնո՞ւմ եք:

-Իհարկե տեսնում եմ: Երկարաժամկետ ծրագիր է պետք: Հիմա այն, ինչ խոսում եմ Ջիբրալթարի դեմ խաղի մասին չեմ խոսում, խոսում եմ ընդհանրապես հայկական ֆուտբոլի մասին: Պետք է երկարաժամկետ ծրագիր գրենք՝ սկսած մանկապատանեկան դպրոցներից, թիմերից: Ինչի՞ համար, որպեսզի մրցակցություն լինի, ուժեղ ֆուտբոլիստներ գան, որ մրցակցություն ու առաջադիմություն լինի: Հիմա տեսեք, անցած խաղի համար ասում եք. «Այսինչը վնասվածք ունի, կամ ինչո՞ւ պետք է գա հավաքական, որ մարզավիճակ հավաքի»: Դա լավ օրից չէ: Եթե ունենանք 2 Յուրա Մովսիսյան, հաստատ առողջին կխաղացնենք:

-Ինչպե՞ս եք կարողացել հավաքականին տրամադրել Մակոդոնիայի դեմ խաղին, եւ արդյո՞ք նոր անուններ կտեսնենք վաղվա խաղում:

-Գիտեք, որ մարզվում է 25 ֆուտբոլիստ: Այո՛, կազմի մեջ փոփոխություններ կլինեն:

-Անուններ կնշե՞ք:

-Այսօր դեռ մարզում ունենք: Մարզումից հետո ավելի կոնկրետ կհասկանանք՝ ով է խաղալու:

-Մրցակցության բացակայության մասին խոսեցիք: Այդ մասով կմանրամասնե՞ք: Երկրպագուներն ասում են՝ թող այս խաղացողներին հանեն, ուրիշների բերեն: Արդյո՞ք այդ ռեսուրսն ունենք, որպեսզի փոխենք կազմը:

-Երկարաժամկետ ծրագիրն ինչի՞ համար է: Այո՛, մենք ռեսուրսներ ունենք երիտասարդական հավաքականից, որ կգան: Բայց այս փուլում մենք ուզում էինք անպայման արդյունքի հասնել, իսկ արդյունքի համար այդ երիտասարդներին ժամանակ էր պետք, որպեսզի փորձ ձեռք բերեին: Ինչ վերաբերում է ռեսուրսներին, եթե այդ երկարաժամկետ ծրագիրն անենք, իմ կարծիքով՝ ավելի ուժեղ, ավելի լավ երիտասարդներ կպատրաստենք՝ ճիշտ մեթոդներով, ճիշտ մոտեցումներով: Հիմա ոչ թե սխալ մեթոդներ են, այլ ավելի կազմակերպված կլինենք:

-Ջիբրալթարի դեմ մենք խաղացինք առաջին համարով, եւ հաշվի առնելով մրցակիցների տարբերությունը՝ տակտիկական ի՞նչ նորամուծություն պետք է մտցվի, Մակեդոնիայի դեմ խաղում: Արդյո՞ք հնարավոր են փորձարկումներ տակտիկայի հետ կապված:

-Իհարկե կլինեն նոր բաներ: Մակեդոնիայի եւ Ջիբրալթարի մեջ մեծ տարբերություն կա: Մակեդոնիան փորձում է միշտ առաջին համարում խաղալ: Այս վերջին խաղն էլ նայել, վերլուծել ենք: Ավելի շատ հարձակվողական ֆուտբոլ են խաղում: Կփորձենք համարժեք դիմադրություն ցույց տալ:

-Արդյո՞ք չեք մտածում, որ այս հավաքականը թեկուզ տարիքային առումով իրեն սպառել է, ու ժամանակն է ինչ-որ տեղ արդյունքի հաշվի նոր, երիտասարդ ֆուտբոլիստների ներգրավել թե երիտասարդական հավաքականից, թե նոր կադրեր փորձել բերել, որ գոնե 1-2 տարի հետո ինչ-որ արդյունքներ լինեն:

-Եթե վերաբերում է կոնկրետ այս խաղին, ապա հոկտեմբերի 16-ին երիտասարդական հավաքականը Սերիբիայում խաղում է Սերբիայի հավաքականի դեմ: Մենք չենք կարող անել դա: Իսկ ընդհանրապես, այո՛, պետք է նոր, երիտասարդ ֆուտբոլիստներ համալրեն հավաքականը:

-Խոսեցիք երկարաժամկետ ծրագրի մասին: Մի փոքր կմանրամասնե՞ք՝ ինչ է ենթադրում, 2-3 կարեւոր կետ, որ պետք է արվի ու ի՞նչ ժամկետների մասին է խոսքը, արդյունք ե՞րբ կտեսնենք:

-Կարրճ ասեմ: Մեզ մոտ՝ Հայաստանում, երեւի 2-3 ակումբ կա: Ակումբ ասվածն իր ենթակառուցվածքներով հասկանում ենք մարզադպրոցներ, դրանից հետո ակադեմիաներ: Մեզ մոտ ակադեմիա՝ որպես ենթակառուցվածք՝ իր մարզիչներով, իր ղեկավարներով, չկա: Ես ուզում եմ, որ Հայաստանում ավելի շատ լինեն ակադեմիաներ, ակումբներն ունենան իրենց ակադեմիաները, որ իրենց մանկապատանեկան լավագույն ֆուտբոլիստները գնան, ակադեմիայում մարզվեն: Նայեք՝ ինչ է ստացվում. մինչեւ 13-14 տարեկանների համար, ասում են՝ մեր երեխաները, պատանիներն ամենալավն են, բայց 14 տարեկանից հետո նրանք պետք է գնան ակադեմիաներ, միասին սնվեն, օրը 2 անգամ անհատական մարզումներ ունենան... Ես նորություն չեմ ասում, Իսպանիայում, Անգլիայում, Հոլանդիայում... եվրոպական բարձրակարգ ակումբներում այդպես է: 14 տարեկանից հետո շատ անհատական մարզումներ են անցկացնում, որպեսզի նրանք իմանան՝ ինչ է նշանակում տակտիկա, ժամանակ, տարածություն, փոխհամագործակցություն, որ ֆուտբոլիստը 17 տարեկանում արդեն կրթված լինի ամեն ինչով, ոչ թե գա 18, 19, տարեկան, 21-երի կամ ազգային հավաքական նոր փոխանցման որակի մասին խոսենք:

-Որպես հավաքականի գլխավոր մարզիչ որքանո՞վ կարող եք ազդեցություն ունենանալ ակումբների վրա, որ այդ ծրագիրը կյանքի կոչվի:

-Չգիտեմ:

-Ձեր կարծիքով՝ հավաքականի առաջիկա 3 հանդիպումներն Ազգերի լիգայում ի՞նչ բնույթ են կրելու: Արդյո՞ք լինելու են զուտ ձեւական հանդիպումներ: Հնարավո՞ր է, որ արդեն սկսել եք պատրաստել թիմին մյուս ցիկլի համար:

-Ո՛չ: Այդ դաժան, ցավագին պարտությունից հետո ուզում ենք, որ այս խաղում մեր ֆուտբոլիստները լավ արդյունք գրանցեն: Կենտրոնացած ենք Մակեդոնիայի դեմ խաղի վրա:

-Ջիբրալթարի դեմ խաղից հետո ֆեդերացիայի նորանշանակ նախագահի հետ հանդիպում եղե՞լ է: Ձեր ծրագրերի հետ կապված ֆեդերացիայում քննարկումներ եղե՞լ են:

-Ֆեդերացիայի նախագահի հետ չեմ հանդիպել, բայց փոխնախագահների հետ հանդիպել եմ: Մինչեւ ազգային հավաքականի ղեկը ստանձնելը փոխնախագահների ու ֆեդերացիայի նախագահի հետ խոսել ենք մեր ընդհանուր ֆուտբոլի մասին, եւ առաջին 2 բաներից մեկը, որ ինձ անհանգստացնում էր, մանկապատանեկան ֆուտբոլի խնդիրն էր: Նրանք արդեն ունեին ծրագիր, որն իմ մտածածին շատ մոտ է: Եվ կարեւոր է մասսայական ֆուտբոլը:

-Արդյո՞ք հավաքականի ֆուտբոլիստների միջեւ լարվածություն կա:

-Ազնիվ խոսք, ես չեմ նկատեկ, ընդհակառակը շատ ջերմ հարաբերություններ եմ տեսնում մարզումների ժամանակ:

-Խոսքը Հենրիխ Մխիթարյանի եւ Յուրա Մովսիսյանի մասին է:

-Խոսքը հենց Հենրիխի ու Յուրայի մասին է: Երեկ գայիք, տեսնեիք, ամբողջ մարզումն իրար հետ էին:

-Երբ թիմը չի կարողանում ստեղծել գոլային պահեր, դա մտածելու տեղիք է տալիս, բայց տեսանք, որ Ջիբրալթարի դեմ խաղում գոլային պահեր կային, պարզապես չստացվեց իրացնել դրանք: Ըստ Ձեզ՝ խնդիրն ավելի հոգեբանական է, թե՞ կա պատրաստվածության խնդիր:

-Այդ 2-ը միշտ իրար հետ են լինում: Եվրոպայում էլ լինում են հարձակվողներ, որ 7-8 խաղ գոլեր չեն խփում: Ի՞նչ է նշանակում: Մոռացա՞վ իր վարպետությունը: 2-3 խաղից հետո հոգեբանական լարվածություն է մտնում, հետո էլի 1 գոլով հետ է բերում: Գոլային պահերի մասին ասեմ, վերլուծական InStat կայքով նայել ենք. 36 հարված ենք կատարել: Ստացվում է՝ 3 րոպեն մեկ մենք հարված ենք արել դարպասին, ճիշտ է՝ 8-ն է դեպի դարպասն ընթացել: Բայց եթե 2:1 հաղթեինք էլ, իմ ասածներից հետ չեմ կանգնի, որ պետք է մանկապատան եկան ֆուտբոլը ուժեղացնենք, որ մեր ֆուտբոլը մի ուրիշ տեղ գա, որովհետեւ ինչո՞ւ պետք է հիմա խոսենք այն մասին, թե արդյոք չկան երիտասարդներ, որ գան: Այնպես պետք է լիներ, որ արդեն գային ու մրցակցություն ստեղծեին:

-Ազգերի լիգայում կարծես ամեն ինչ վերջացած է հավաքականի համար: Ո՞րն է լինելու թիմի մոտիվացիան:

-Մեր երկրպագուները մեզ մինչեւ վերջ մեզ աջակցում էին, ազգն ուզում էր հաղթանակ, չկարողացանք: Իսկապես դաժան, ցավագին պարտություն եղավ, գոնե կարողնանք վաղվա խաղով հետ բերել հույսը, հավատը:

Տպել
2383 դիտում

2021-ի փետրվարին նախորդ տարվա նույն ամսվա համեմատ՝ ձուն թանկացել է 52.5 տոկոսով, ձեթը՝ 50.4, իսկ շաքարավազը 40.6 տոկոսով

365 կգ հերոինի գործով մեղադրյալների թվում նաև իրանցի կա. 6 ձերբակալվածներից 3-ը ազատ են արձակվել. մանրամասեր

Ճիշտ կեցվածքը ընդդիմադիր լինելն է. Գոգոլի անվան դպրոցի տնօրենը՝ իր գրառումների, հայացքների ու հարուցված քրգործի մասին

Մյանմայում այսօր բախումների հետևանքով 38 մարդ է սպանվել. իրավիճակը շարունակում է լարված մնալ

ԵԱՏՄ-ում առավել շատ թանկացած ապրանքներն են շաքարավազը, կարտոֆիլը և արևածաղկի ձեթը

Հայտնաբերվել են մեքենայի հայելիները գողացողները. 25 և 33 տարեկան երկու տղամարդ է բերման ենթարկվել (տեսանյութ)

Լոռու մարզպետը ներկայացրել է համայնքների խոշորացման վերաբերյալ նախնական մոտեցումները

Համբարձում Մաթեւոսյանը «Թումո» կենտրոնում այսօր հանդիպում է ունեցել գործադիր տնօրեն Մարի Լու Փափազյանի հետ

ԳՇ զորքերի ծառայության վարչության սպաներն իրականացրել են անվտանգության ռիսկերի նվազեցման մեթոդական պարապմունքներ

Արտյոմ Կարապետյանն «Արմենիայից» տեղափոխվել է «Առաջին ալիք»

Մոսկվայում Հայ իրավաբանների ասոցիացիան աջակցություն կցուցաբերի ֆիզիկական և իրավաբանական անձանց անկախ քաղաքացիությունից

Լարսը բաց է. ռուսական կողմում 600 բեռնատար է կուտակվել

Երեւանի կենտրոնում կայանած շարժական կլինիկայում մարդիկ հեպտատիտ C-ի, B-ի, սիֆիլիսի և ՄԻԱՎ-ի թեստ հանձնեցին

Ադրբեջանի կողմից հայկական ժառանգությունը սեփականացնելու նոր քաղաքականություն է իրագործվում. Ն.Ս.Օ.Տ.Տ. Գարեգին Բ

Բքի պատճառով Թթուջուր-Նավուր ավտոճանապարհը փակ է

Արցախի Հանրապետության արտաքին քաղաքական օրակարգը խաղաղությունն է և երկրի անկախության միջազգային ճանաչումը. ԱՀ նախագահ

Անմահության ճանապարհ․ Դիպուկահարի փամփուշտը Արայիկ Ալոյանի ձեռքի միջով դիպավ Արտյոմին (տեսանյութ)

Կարող են իրավիճակներն այնպիսին լինեն, որ շատ ավելի կտրուկ գործողությունների կարիք լինի. Վազգեն Մանուկյան

Տեսչական մարմինները զգուշացնում են՝ կորոնավիրուսի հետագա տարածումից խուսափելու նպատակով վերահսկողությունը խստացվում է

Իշխանությունը զավթելու կոչեր հնչեցնելու գործով Վազգեն Մանուկյանը ներգրավվել է որպես մեղադրյալ

ՀՀ զինված ուժերի և ԱԱԾ սահմանապահ զորքերի ստորաբաժանումները վերահսկում են սահ­մա­նային իրավիճակը

Կան ողջամիտ սահմանաչափեր. ԱՀ կառավարությունը՝ ի պատասխան կոմունալ ծառայությունների անվճար լինելու մասին լուրերի

Մշակվել են ներմուծման դիվերսիֆիկացիայի ուղեցույցներ 5 ապրանքախմբերի համար

Մենք պետք է վերադառնանք դիմակների կրման ավելի խիստ պահպանման ռեժիմի. առողջապահության նախարար

Լոնդոն-Փարիզ. փոխվել է բռնցքամարտի օլիմպիական վարկանիշային մրցաշարի անցկացման վայրը

Ակնհայտ է, որ Ադրբեջանի համար գերիների հարցը դառնում է խնդրահարույց. Արա Այվազյան

Դանակահարություն Աշտարակի Լինչի փողոցում. հանցագործության գործիք դանակը հայտնաբերվել է (տեսանյութ)

Աբու Դաբիի ռազմարդյունաբերական ցուցահանդեսի մասով ծառայողական քննությունն ընթացքի մեջ է. Արշակյան

21-ամյա Միքայել Միքայելյանը դահուկավազքի աշխարհի առաջնությունան 15 կմ մրցավազքում ընդգրկվել է լավագույն 50-յակում

Վաղվանից կսկսվեն փոսային նորոգման աշխատանքները. Շիրակի մարզպետը հանդիպել է Լիու Մինգջիանիի հետ

Հայաստանի և Իտալիայի ԱԳ նախարարները մտքեր են փոխանակել տարածաշրջանային անվտանգության և կայունության հարցերի շուրջ

Վարույթ է ընդունվել «Ազատության» լրագրողի մասնագիտական գործունեությունը խոչընդոտելու դեպքի առթիվ հարուցված քրգործը․ ՔԿ

ԱԺ շենքից հրազենի ցուցադրությունը խաղաղ հավաքին պետության կողմից գործադրված անվտանգության անհամարժեք միջոց է․ ՄԻՊ

Կամո Հովհաննիսյանի չիրացրած 11 մետրանոցը «թանկ նստեց» «Կայրաթի» վրա

Ես հրավեր եմ հղել խորհրդարանական ուժերի ղեկավարներին եւ պլանավորում եմ առաջիկա օրերին հանդիպել նրանց հետ. վարչապետ

Հենց այս պահին բանակցություններ են ընթանում, որպեսզի Boeing 737 օդանավը այսօր վերադառնա Երևան. Տիգրան Ավինյան

Տիգրան Ավինյանը՝ համացանցում տարածված փաստաթղթի մասին

Հազվագյուտ կադրեր Հայաստանի բնաշխարհից․ Մարտի 3-ը՝ Վայրի բնության համաշխարհային օր (տեսանյութ)

Մինչև երեկո պարզ կլինի, թե ինչ դիրքորոշում կարտահայտի նախագահը. ըստ այդմ՝ կլինեն մեր գործողությունները. Մանուկյան

Պատրաստ ենք ընդդիմության հետ քննարկել արտահերթ խորհրդարանական ընտրություններ անցկացնելու հարցը. Ավինյան