Հայրս չէր գնալու Ֆրանսիա եւ Գեւորգ Մանուկյանի ոտքերը ջարդեր, դա ընդամենը արտահայտություն է. Դիանա Գասպարյան

«Ես տեղյակ չեմ եղել, որ իմ հայրը զանգահարել է Գեւորգ Մանուկյանին: Սա առաջին դեպքն էր, եւ շատ ցավում եմ դրա համար: Ես հորս հետ շատ լուրջ խոսել եմ, եւ վստահեցնում եմ, որ նման բան այլեւս չի կրկնվի»,- այս մասին «Հայկական ժամանակ»-ի հետ զրույցում ասաց Էջմիածնի քաղաքապետի ՔՊ-ական թեկնածու Դիանա Գասպարյանը՝ անդրադառնալով նրան, որ իր հայրը Մարտի 1-ի գործով նախկին քաղբանտարկյալ Գեւորգ Մանուկյանին ասել է «ոտքերդ կջարդեմ»՝ իր դստեր վերաբերյալ վիրավորական գրառումներ անելու համար:

Մարտի մեկի գործով նախկին քաղբանտարկյալ Գեւորգ Մանուկյանը ֆեյսբուքյան իր էջում պարբերաբար գրառումներ է արել Էջմիածնի քաղաքապետի ժամանակավոր պաշտոնակատար, քաղաքապետի ՔՊ-ական թեկնածու Դիանա Գասպարյանի վերաբերյալ՝ նրան անվանելով նախկին իշխանությունների կամակատար: Մանուկյանը նաեւ գրել է, որ Դիանա Գասպարյանը աշխատել է մի դատարանում, որտեղ մարդկանց դատել են քաղաքական հայացքների համար:

Դիանա Գասպարյանի հայրը վրդովվել է այս մեղադրանքներից եւ Գեւորգ Մանուկյանին հարցրել՝ ինչու է վարկաբեկում իր դստերը, ինչու է սուտ տեղեկություններ տարածում ու սպառնացել՝ ջարդել վերջինիս ոտքերը:

Դիանա Գասպարյանը մեր զրույցում ասաց, որ ինքը տեղյակ չի եղել, որ իր հայրը զանգել է Մանուկյանին, որովհետեւ, չնայած նրան, որ հայրն իր ընտանիքի անդամն է, Գասպարյանը ողջ օրը զբաղված է լինում քարոզարշավով: Նա ասաց, որ Մանուկյանից արդեն իսկ ներողություն է խնդրել.

«Որքան էլ սա տհաճ միջադեպ է, արդեն ներողություն եմ խնդրել պարոն Մանուկյանից, մի քանի լրատվականով, հորս եւ նրա հեռախոսազրույցը հրապարակած լրատվականով, ասել եմ, որ դատապարտում եմ այս քայլը, եւ ներողություն եմ խնդրել: Խնդրել եմ անձամբ փոխանցել, խնդրել եմ այս դեպքը դիտարկել ուղղակի մի հոր պահվածք, որի նյարդերը տեղի են տվել, քանի որ իմ ընտանիքն արդեն երեք ամիս եւ, հատկապես քարոզարշավի օրերին ինչ սադրիչ, վիրավորական, էժանագին մեկնաբանություն ու վիրավորանք ասես, որ չի կարդացել իմ մասին, եւ հորս նյարդերը պարզապես տեղի են տվել, դա է»,- ասաց Դիանա Գասպարյանը:

Մեր հարցին՝ հնարավո՞ր է, որ հոր նյարդերը տեղի տան ու իսկապես ջարդի Գեւորգ Մանուկյանի կամ որեւէ մեկի ոտքերը, Գասպարյանը պատասխանեց, որ դա ընդամենը արտահայտություն է եւ ոչ ավելին. «Կարծում եմ՝ ակնհայտ է, որ հայրս չէր հասնելու Ֆրանսիա եւ Գեւորգ Մանուկյանի ոտքերը չէր կոտրելու: Դա ընդամենը արտահայտություն է, որը մարդիկ անընդհատ օգտագործում են: Դա չի նշանակում բառացի գնալ եւ ոտք ջարդել բնականաբար, հատկապես, երբ Գեւորգ Մանուկյանը Ֆրանսիայում է»,- ասաց Էջմիածնի քաղաքապետի թեկնածուն:

Նա ասաց, որ հնարավոր է՝ իր հայրը՝ Մնացական Գասպարյանը, հետեւում է դստեր վերաբերյալ բոլոր գրառումներին, վիրավորական արտահայտություններին, բայց սա նմանատիպ առաջին դեպքն է. «Եւ ես շատ ցավում եմ դրա համար, նման բան այլեւս չի կրկնվի»:

Դիանա Գասպարյանը մեր զրույցում ասաց, որ ինքն անձամբ է Գեւորգ Մանուկյանից ներողություն խնդրել «Դրա մեջ որեւէ խնդիր չեմ տեսնում: Սա իմ անձի մասին է, իմ դեմ է օգտագործվում: Ամեն դեպքում ես եմ պատասխանատու, ես եմ ներողություն խնդրել»,-ասաց նա:

Ինչ վերաբերում է մամուլում շրջանառվող այն տեղեկություններին, որ Դիանա Գասպարյանն իր քարոզարշավի ընթացքում վարչական ռեսուրսներ է օգտագործում, վերջինս ասաց, որ դրանք եւս իր դեմ ուղղված սադրանքներ են:

Մեր հարցին՝ ինչպե՞ս կմեկնաբանի այն հանգամանքը, որ իր քարոզարշավին մասնակցում են պաշտոնատար անձինք, նախարարներ, Գասպարյանն ասաց, որ բոլոր պաշտոնյաները, որոնք ներկա են եղել «Իմ քայլի»՝ Էջմիածնում երեկ տեղի ունեցած հանրահավաքին, ներկա են եղել որպես ՔՊ անդամներ, այլ ոչ պետական պաշտոնյաներ. «Խոսքս վերաբերում է նաեւ ՏԿԶ նախարար Սուրեն Պապիկյանին: Թող բոլորը մեկընդմիշտ արձանագրեն, որ նրանք եկել են որպես կուսակից ընկերներ, ինչպես անում են բոլոր քաղաքներում, ինչպես Երեւանում: Բայց, կարծես թե, միայն մեր քաղաքում է, որ թեկնածուները, մոռանալով իրենց արարքները, սեւեռվել են դրա վրա: Եթե նրանք ունեն արժանիքներ, թող ներկայացնեն այդ արժանիքները, դրա շնորհիվ հաղթեն: Այստեղ եղել են ՔՊ անդամներ, եւ դա վարչական ռեսուրսի օգտագործում չեմ համարում»,- ասաց Դիանա Գասպարյանը:

Նա նաեւ անդրադարձավ դատարանում ունեցած իր աշխատանքին ու դրա վերաբերյալ Գեւորգ Մանուկյանի քննադատությանը: Գասպարյանն ասաց, որ ինքը եղել է դատավորի գործավար, որն ընդամենը ապահովում է նիստերի բնականոն ընթացքը. «Դատավորի գործավարը չի կայացնում որոշում, մարդու չի դատում, պատասխանատու բան չի որոշում: Նույնը վերաբերում է նաեւ արդարադատության նախարարության իմ աշխատանքին: Եւ ի՞նչ է նշանակում նախկին իշխանությունների կամակատար: Ես երբեք չեմ եղել նախկին իշխանությունների կամակատարը: Ինձ ճանաչող մարդիկ լավ գիտեն, միշտ ըմբոստացել եմ գործող բարքերի դեմ եւ ՀՀԿ-ի ու նրա առաջնորդների վերաբերյալ միշտ էլ սուր քննադատություններով եմ հանդես եկել: Ու եթե ֆեյսբուքյան իմ էջը փորփրում են՝ տարատեսակ սադրիչ նյութեր գտնելու համար, թող բարի լինեն՝ նաեւ քննադատական նյութերը հրապարակել: Սրանք ընդամենը իմ դեմ ուղղված սադրանքներ են»,- «Հայկական ժամանակ»-ի հետ զրուցում ասաց Էջմիածնի քաղաքապետի թեկնածու Դիանա Գասպարյանը:

Տպել
15361 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում