Հայազգի արվեստագետի հաղթող քանդակը՝ Ֆլորենցիայի թանգարանում

06/11/2018 schedule20:17

Ֆլորենցիայի Օպերա դել Դուոմո  թանգարանի նախասրահում հայազգի քանդակագործ Միքայել Օհանջանյանի ստեղծագործությունը ժամանակակից արվեստի լեզվով Վերածննդի շրջանի գրավչությունն ընդգծող նմուշ է:

Վերջերս թանգարանում քանդակի բացման արարողության մասնակիցներն ունեցան հնարավորություն՝ մարդկությանը դարերով  հիացնող  աշխարհահռչակ գործերը տեսնել Միքայել Օհանջանյանի քանդակի  ուղեկցությամբ:

Հայազգի քանդակագործը համաշխարհային մրցույթի մասնակից 45 արվեստագետներից մեկն է. հաղթել է հույսի մարմնավորման իր ինքնատիպ մոտեցմամբ: Քանդակի բացման արարողությունը հոկտեմբերի վերջին էր:

Արվեստի միջազգային հարթակներից հայտնի քանդակագործը հույսի  մարմնավորումն իրականացրել է յուրահատուկ ոճով. բազալտի 9 բեկորների դասավորությունն ու հերթականությունը խորհրդանշում են հավերժություն: Քանդակի յուրաքանչյուր մաս նախորդի շարունակությունն է: Բեկորների նիստերին հայատառ գրություն կա. «Շեմը ակունք է»: Քանդակագործի մեկնաբանությամբ, յուրաքանչյուր իրականության մեջ գոյություն ունեն շեմեր. «Բավական է փնտրել եւ հասնել: Այսինքն հույսը շարժում է»:

Արվեստի արդի մոտեցմամբ կերտած քանդակը գնահատելիս՝  համաշխարհային ճանաչում ունեցող թանգարանի տնօրեն Թիմոթի Վերդոնը բացատրում է. «Միքայել Օհանջանյանն ընտրել է ժամանակից դուրս լեզու, պարզ քար… Աստծո ստեղծածը քանդակել եւ մշակել է մարդը, դա արարողի եւ էակի կապն է… Քարն ունի խորհրդանշական իմաստ, որի գոյությունը փոխանցվում է սերնդե սերունդ»:

«Մեծ արվեստն ի զորու է դիպչել տարբեր կրոնական համոզմունք ունեցող, տարբեր էթնիկ խմբերի, տարբեր տարիքի մարդկանց հոգիներին... Միքայելը քարը թողել է իր բնական ուժի մեջ»,– Թիմոթի Վերդոնի բացատրությունն է, թե ինչու է ընտրվել Միքայել Օհանջանյանի ստեղծագործությունը՝ թանգարանին նոր շունչ տալու նպատակով:

Աշխարհի նման հին քարի էներգիան փոխակերպվել է պարբերական հաջորդականությամբ. յուրաքանչյուր հաջորդ բեկորից քանդակի մաս է դարձել միայն կեսը… դա հույսի իրականացման ճանապարհն է հիմնավոր մտայնությամբ՝ շարժում եւ լուռ դինամիկա:

«Շեմը ակունք է» խորագրի մեկնաբանությունն Ադելինա Վոն Ֆյուրշտենբերգը ներկայացնում է՝ վկայակոչելով հայկական լեռնաշխարհում առկա Զորաց քարերի խորհրդանշական էությունը: Արվեստի հանրահայտ համադրողի բնորոշմամբ, Միքայել Օհանջանյանի ստեղծագործությունը հեռու է առարկայական կոփվածքից.  դա, նրա մեկնաբանությամբ, «հույսի շեմերով անցնելու նուրբ հուշում է»:

Նախատեսված է, որ Միքայել Օհանջանյանի քանդակը թանգարանի մշտական հավաքածուին մաս կկազմի առնվազն վեց ամիս:

Անուշ Մարտիրոսյան

Տպել
1619 դիտում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները

Վրաստան մուտքն արգելող որոշումը շարունակվում է ուժի մեջ մնալ. Ստեփանծմինդա-Լարսը բաց է միայն բեռնատարների համար

Իջևան-Բերդ ավտոճանապարհին մեքենան բախվել է էլեկտրասյանը․ տուժածներ չկան

ԵՊՀ հայ բանասիրության ֆակուլտետն իր անվստահությունն է հայտնել ծրագրերի և չափորոշիչների աշխատանքային խմբին

Հրշեջ-փրկարարները մարել են 7 հա տարածքում բռնկված հրդեհները