Վահանն էլ է սխալվում, կտեսնենք, որ ձայն կտան. Շարմազանովը՝ դալաններում ծեծվելու մասին

Հայաստանի Հանրապետական կուսակցության՝ նոյեմբերի 11-ին նախատեսված համաժողովը չեղարկվել է: Փոխարենը լինելու է ՀՀԿ խորհրդի ընդլայնված նիստ, որին մասնակցելու են մոտավորապես 250 հոգի: Այս մասին «Հայկական ժամանակ»-ի հետ զրույցում ասաց ՀՀԿ խոսնակ Էդուարդ Շարմազանովը: «Խորհրդի նիստն ավելի արդյունավետ է, նեղ կազմ չի լինելու, 250 հոգի մարդ է լինելու»:

Տեղեկություններ կան, որ այդ համաժողովի ժամանակ պաշտպանության նախկին նախարար, ՀՀԿ ԳՄ անդամ Վիգեն Սարգսյանն ընտրվելու է կուսակցության նախագահի առաջին տեղակալ: Էդուարդ Շարմազանովն այդ տեղեկությունները չհերքեց, բայց եւ ուղիղ պատասխան էլ չտվեց: «Վիգեն Սարգսյանը կարողա՞ այլ կուսակցությունից է: Վիգեն Սարգսյանը մեր կուսակցականն է, չենք քննարկել, կքննարկենք՝ կտեսնենք: Նման որոշումները խորհրդի նիստով ենք իրականացնում: Կուսակցութան նախագահի տեղակալներն ընտրվում են խորհրդի նիստով: Ցանկացած խորհրդի նիստով կարող ենք ընտրել»,- ասաց Շարմազանովը:

ՀՀԿ խոսնակը չցանկացավ մանրամասնել, թե ՀՀԿ խորհրդի նիստի օրակարգում ինչ հարցեր են քննարկվելու: Առաջարկեց սպասել նիստին: «Իմ քարտերն ինչո՞ւ պետք է բացեմ: Մենք Ընտրական օրենսգրքին համապատասխան ընտրարշավ ենք իրականացնելու, իսկ հիմա էլ աշխատանքային մթնոլորտ է: Թե ով է լինելու առաջին համարը՝ քննարկումներից հետո կլինի»,- նշեց Շարմազանովը եւ անդրադառնալով մեր հարցին, թե շրջանառվում է, որ ՀՀԿ-ի ցուցակը Վիգեն Սարգսյանն է գլխավորելու, ասաց. «Լավ է արվում շրջանառվում է, ի՞նչ եք ուզում: Վիգեն Սարգսյանն էլ է հնարավոր, Արմեն Աշոտյանն էլ է հնարավոր, Արփինե Հովհաննիսյանն էլ է հնարավոր, Վահրամ Բաղդասարյանն էլ է հնարավոր, բայց չենք քննարկել հարցը»:

Տեղեկություններ կան, որ ԱԺ փոխնախագահ Արփինե Հովհաննիսյանը եւ արդարադատության նախկին նախարար Դավիթ Հարությունյանը կտրականապես հրաժարվել են ռեյտինգային ընտրակարգով առաջադրվել: Փոխարենը Վիգեն Սարգսյանն առաջադրվելու է Արաբկիր, Դավթաշեն եւ Աջափնյակ վարչական շրջաններից՝ Մարգարիտ Եսայանի հետ:  Կենտրոն-Էրեբունին փակելու է Արմեն Աշոտյանը, Շարմազանովը եւ Վահրամ Բաղդասարյանը փորձելու են ձայներ հավաքել Լոռու մարզում: «Հանդիպել եմ տիկին Հովհաննիսյանի եւ պարոն Հարությունյանի հետ, երկուսի տրամադրություններն էլ բարձր էին: Ռեյտինգայինի հետ կապված՝ բոլորս առաջադրվելու ենք, կարող է մեկ-երկու բացառություն լինի, բայց ովքեր լինելու են համապետական ցուցակում, լինելու են նաեւ տարածքային ցուցակներում՝ հատկապես առաջին տասնյակը»:

ՀՀԿ-ական նախկին ռեյտինգային պատգամավորներ Սամվել Ալեքսանյանը, Արայիկ Գրիգորյանը եւ Կարեն Կարապետյանն արդեն հայտարարել են, որ չեն մասնակցելու ընտրություններին: Նրանք այն թեկնածուներն են, որոնք նախորդ ընտրություններին տասնյակ հազարավոր քվեներ էին ապահովել ՀՀԿ-ի համար: Շարմազանովից հետաքրքրվեցինք՝ եթե այս թեկնածուները չլինեն, ՀՀԿ-ի համար մտահոգիչ չէ՞: «Եթե հարցը դնում ենք, որ ՀՀԿ-ն պետք է 50+1 հավաքի, ուրեմն խնդիր է, եթե հարցը դնում ենք, որ ՀՀԿ-ն պետք է լինի 2-րդ ուժը, ապա խնդիր չէ: ՀՀԿ-ն այսօր ունի լուրջ ներուժ, որ Նիկոլ Փաշինյանից հետո պետք է լինի երկորդ ուժը: Մեր պայքարը դրա համար է, որ մենք լինենք 2-րդ բեւեռը խորհրդարանում»,- ասաց նա:

ՀՀԿ-ի մահը գուժողներին Շարմազանովը խորհուրդ է տալիս ՀՀԿ-ի դարդերը թողնեն եւ «իրենց լացը լացեն»: Օրեր առաջ ԵԼՔ խմբակցության ղեկավար Լենա Նազարյանը ՀԺ-ի հետ զրույցում նշել էր, որ Շարմազանովին, Աշոտյանին Սամվել Ալեքսանյանն է անցկացրել խորհրդարան՝ հազարավոր քվեներ ստանալով: Էդուարդ Շարմազանովը գործնկերոջը հակադարձեց. «Լենա Նազարյանը, եթե ամեն ինչով պարտական է Նիկոլ Փաշինյանին, ապա Շարմազանովը պարտական է միայն Աստծուն եւ իր ծնողներին: Հերիք է, որ Նիկոլ Փաշինյանի թիկունքում աչոկներ հավաքեն: Փաշինյանի շողքի տակ դարձել են հերոսներ ու հայտարարում են՝ սա կընտրվի, նա չի ընտրվի: Դուք ձեզնից քաղաքական զրո կապիտալ եք ներկայացնում: Նիկոլը չլինի, մի շաբաթ այդ տղան գրիպ ընկնի, բոլորով կկորեն քաղաքական դաշտից»:

2013 թվականին ՀՅԴ-ական գործիչ Վահան Հովհաննիսյանն, ԱԺ-ում դիմելով ՀՀԿ-ականներին, ասել էր, որ եթե չլինի նախագահը, վարչապետը եւ մյուս լծակները, ապա իրենք չեն ընտրվի: «Ես ուզում եմ հարց ուղղել պարոն Աշոտյանին, նրա հարեւան պարոն Թովմասյանին, մի շարք այլ նախարարների եւ կառավարության անդամների՝ դուք որ առանձին մի տեղ ձեր թեկնածությունը ընտրությունների ժամանակ դնեք, ձեզ չպաշտպանի ՀՀ նախագահը, Հովիկ Արգամիչը, ՀՀ ոստիկանապետը, դատախազը եւ հայկական բանակը, դուք քանի՞  ձեն կհավաքեք: Ձեզ էնքան կծեծեն դալաններում, որ ոչ միայն ԱԺ չեք գա, այլ դուք կարտագաղթեք: Տղերք, դուք ոչ մեկդ չեք կարողանա մեր ժողովրդի մեջ մի ձայն հավաքել»,- մասնավորապես, ասել էր Վահան Հովհաննիսյանը:

Հինգ տարի անց, երբ արդեն Արմեն Աշոտյանը եւ շատ այլ ՀՀԿ-ականներ առաջադրվելու են եւ չունեն վարչական լծակներ, Շարմազանովից ՀԺ-ն հետաքրքվեց՝ արդյո՞ք կկարողանան քվե ստանալ, թե՞ ինչպես Հովհաննիսյանն էր ասել՝ դալաններում ծեծ կուտեն: «Վահանն էլ է սխալվում, Սերժ Սարգսյանը նախագահ չէ, բայց Արմեն Աշոտյանը քաղաքական գործիչ է: Դե կտեսնեք, որ ձայն կտան»,- ասաց Շարմազանովը:

Ալավերդու պղնձաձուլական գործարանի աշխատանքները դադարեցված են: Գործարանի սեփականատերը Սերժ Սարգսյանի մտերիմ ընկերն է: Շարմազանովից հետաքրքրվեցինք՝ արդյո՞ք աշխատանքները դադարեցված են, որ նա նախընտրական շրջանում քննադատությունների թեման ունենա, պատգամավորը նշեց. «Ես Ալավերդիում իմ հայրական տնից բացի գառաժ չունեմ: Իմ հույսը միայն Ալավերդին չէ, որ իմ համար նման բան անեին»:

ՀԺ-ի դիտարկմանը՝ ինչո՞ւ պետք է քաղաքացին վստահության քվե տա մի կուսկացության, որի իշխանության օրոք ապօրինի հարստացողներ են եղել, կրիմինալն է իր ուրույն տեղն ունեցել, Շարմազանովը նկատեց, որ իրենք սխալվել են, իսկ հիմա ուղղում են, որ դառնան իրական ընդդիմություն: «Այս վեց ամսվա մեջ գնաճ է եղել, ՀԱՊԿ-ում քարտուղարը զադնի է արել, իրանի հետ հարաբերություններում կան խոչընդոտներ, ներդրումները 11 անգամ պակասել են, ֆրանկոֆոնիան, որ անում են ու ծափահարում են՝ մեր արածն է: Մերկելը, որ գալիս է ու սելֆի են անում՝ մեր հրավերքն է: Մեր իշխանության ժամանակ բոլտոններ չէին գալիս ու ասում՝ ձեր պատմական կաղապարներից հրաժարվեք, մենք կարմիր գծեր ու կամեռաներ ենք դրել, որը հիմա վայելում են, բայց մեզ քննադատում էին: Մեզ պետք է ընտրեն, որովհետեւ մեր հասարակությունը կարիք ունի իրական այլընտրանքի, որ իրական քննադատի: Ո՞վ է լինելու այլընտրանքը, Ծառուկյան դաշի՞նքը, որ վեց ամիս էլ ծափահարում է Փաշինյանին, Դաշնակցությո՞ւնը որ մեկ-մեկ է խոսում, թե՞ Մարուքյանի կուսակցությունը: Մեզ պետք չի հերթական ֆեյք ընդդիմությունը: Վարչապետի ընտրության օրը, հերթ չտալով, Նիկոլին գովում էին, էն խեղճ ՔՊ-ականներին հերթ չհասավ ու ասում են՝ մենք ընդդիմություն ենք, արա՛, դուք ի՞նչ ընդդիմություն: Իմ կռիվ այն է, որ եթե Նիկոլ Փաշինյանին չեն ընտրում, ուրեմն մեզ պետք է ընտրեն»,- եզրափակեց Էդուարդ Շարմազանովը:

Տպել
4940 դիտում

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան

2 զոհ, 7 վիրավոր. վթար Մարգարա-Վանաձոր-Տաշիր ճանապարհին

Գագիկ Սուրենյանը սպասված նորություն է հայտնել

«Տոյոտա»-ի 51-ամյա վարորդը, լինելով խմածության ամենաբարձր աստիճանի, բախվել է 3 մեքենայի

Քննչական կոմիտեի վետերանները հանդիպել են նորանշանակ քննիչների հետ

ԼՂ-ից բռնի տեղահանվածները ևս 9 ամիս սոցիալական աջակցություն կստանան, ընդլայնվել է նաև շահառուների շրջանակը

Հայաստանը մարդասիրական օգնություն կցուցաբերի Գազային

Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց․ ՊԵԿ

ԼՂ-ից բռնի տեղահանված շուրջ 17 հազար երեխա կրթություն է ստանում ՀՀ դպրոցներում

Խմելու ջրի սակագինը չի թանկանա

ԱՄՆ-ը համաձայն չէ Ադրբեջանի պնդումների հետ․ Մեթյու Միլլեր

Հայաստանը կստանա 92,3 մլն եվրոյի բյուջետային վարկ և 16 մլն եվրոյի դրամաշնորհ. ինչ նպատակների համար կծառայեն դրանք

Հայաստանում, բացի ՀՀ կառավարությունից, որևէ այլ կառավարություն չի կարող գոյություն ունենալ. Փաշինյան

Ադրբեջանի ՊԱԾ ղեկավարը Հայաստանին սպառնում է՝ մեղքը բարդելով Ֆրանսիայի վրա

«Կովկասի գերուհի» ռեստորանի մենեջերը կասկածվում է 11 միլիոն դրամ հափշտակելու համար

ԱԱԾ-ն հայտարարություն է տարածել

Հայաստանը ՀԱՊԿ-ից դուրս գալու ծանուցում չի ուղարկել, բայց աշխատանքներին չի մասնակցում. Թասմագամբետով