Աշխատանքի եւ սոցիալական հարցերի նախարարությունն ու Մշակույթի նախարարությունը նոյեմբերի 10-ից սկսում են համատեղ ծրագիր:

Ծրագրի շրջանակներում պետության կողմից աջակցություն ստացող ցանկացած միջոցառման տոմսերի մի հատված այսուհետեւ Մշակույթի նախարարությունը կտրամադրի Աշխատանքի եւ սոցիալական հարցերի նախարարությանը՝ թոշակառուներին տրամադրելու համար։ Այս մասին նոյեմբերի 9-ին հրավիրված մամուլի ասուլիսի ժամանակ հայտարարեցին ՀՀ մշակույթի նախարարի պաշտոնակատար Լիլիթ Մակունցն ու Աշխատանքի եւ սոցիալական հարցերի նախարարի պաշտոնակատար Մանե Թանդիլյանը:

«Մշտապես, երբ ճամփորդել եմ, այն տպավորությունն եմ ունեցել, որ արտերկրում, հատկապես եվրոպական երկրներում թոշակի անցած տարեց մարդիկ հենց այդ տարիքում են սկսում վայելել կյանքը: Սկսում են հաճախել մշակութային հաստատություններ, ճամփորդել եւ օգտվել այլ արտոնյալ հնարավորություններից, որն իրենց ընձեռում է պետությունը: Ուստի՝ ունենալով որոշակի հնարավորություններ, տիկին Թանդիլյանի հետ եկանք այն եզրակացության, որ եղած միջոցներով նման պայմաններ ստեղծենք հայաստանաբնակ մեր թոշակառուների համար»,-ասաց Լիլիթ Մակունցը:

Վերջինս հայտնեց, որ հանդիպել է նախարարության ենթակայության տակ գտնվող մշակութային հաստատությունների համերգասրահների եւ թատրոնների տնօրենների հետ, որի արդյունքում էլ որոշվել է, որ յուրաքանչյուր հաստատություն իր ներդրումն է ունենալու:

«Թվաքանակը դեռ ֆիքսված չէ, որովհետեւ սկսվում է դահլիճի նստատեղերի 2,5 տոկոսից մինչեւ 10-20 տոկոսը։ Այսօրվանից սկսվում է ծրագիրը։ Նոյեմբեր եւ դեկտեմբեր ամիսներին ծրագրին ամբողջ Հայաստանում կկարողանա մասնակցել ավելի քան 4000 թոշակառու։ Այսինքն՝ տարվա կտրվածքով յուրաքանչյուր ամիս առնվազն 2000 թոշակառու կարող է այցելել թատրոն կամ համերգասրահ»,-պարզաբանեց Լիլիթ Մակունցը։

Վերջինիս համոզմամբ՝ ծրագրի իրականացման համար հավելյալ ռեսուրսներ չեն պահանջվելու պետական բյուջեից․ «Շատ դեպքերում համերգասրահներում ազատ տեղեր են լինում, իսկապես ափսոս է, որ միջոցներ են ծախսվում, բայց արդյունավետությունը 100 տոկոսով չի ապահովվում»:

ՀՀ աշխատանքի եւ սոցիալական հարցերի նախարարի պաշտոնակատար Մանե Թանդիլյանն էլ համոզմունք հայտնեց, որ այս ծրագրով իրենց կհաջողվի փոփոխություն բերել թոշակառուների կյանքում: «Նրանք, բնականաբար, արժանի են ավելիին, բայց այս պահին մենք մեր հնարավորությունների սահմաններում պատրաստվում ենք իրենց կյանքը փոքր-ինչ ավելի հետաքրքիր դարձնել մեր երկրում»,-ասաց նա եւ շեշտելով կին նախարարների օպերատիվությունը՝ խոստացավ այդ ոլորտում այլ լուծումներ եւս գտնել:

Թանդիլյանը վստահեցրեց, որ հետագայում ծրագրի շրջանակներում կներառվեն նաեւ սոցիալապես անապահով ու խոցելի անձինք: «Գտնում ենք, որ մեր պետությունը պետք է կարողանա հնարավոր ամեն բան անել, որպեսզի սոցիալական կարգավիճակը չհանդիսանա խոչընդոտ՝ մշակութային եւ հասարակական կյանքին մարդկանց ներգրավվածությանը:

Նախարարները ծրագիրը ներկայացնելուց հետո համատեղ հուշագիր ստորագրեցին:

Թոշակառուներին տոմսերը հատկացվելու են հենց համերգասրահների եւ թատրոնների կողմից: Լիլիթ Մակունցը փոխանցեց, որ սոցիալական ապահովության ծառայությունից առաջարկ են ստացել՝ տոմսի վրա նշել, որ վաճառքի ենթակա չէ: Տոմսի վրա հիշատակված է լինելու, որ այն երկու նախարարների համատեղ ծրագիրն է:

«Երբ թոշակառուները որոշեն, որ իրենց տոմսը փոխանցում են երեխաներին կամ թոռնիկներին, այն հսկիչների կողմից պարզապես չի ընդունվի: Եվ ես պետք է կոչ անեմ մեր թոշակառուներին, որպեսզի օգտվեն իրենց ընձեռնված հնարավորությունից, ես հասկանում եմ, որ ավանդաբար մեր ծնողները, տատիկ, պապիկները մշտապես հոգ են տանում մեր մասին եւ ցանկանում են այդ հնարավորությունն ընձեռել մեզ, բայց պետք է կարողնանանք նրանց վստահեցնել, որ մենք մեզ ավելի լիարժեք ու երջանիկ ենք զգում, երբ կարողանում ենք լցնել իրենց առօրյան»,- հավաստիացրեց Լիլիթ Մակունցը:

Մանե Թանդիլյանն էլ հայտնեց, որ Աշխատանքի եւ սոցիալական հարցերի նախարարությունը միջոցառումից 10-15 օր առաջ կապ կհաստատի թոշակառուների հետ եւ կտրամադրի տոմսերը, գուցե լինեն մարդիկ, որոնք կցանկանան զբոսանքի ձեւով դուրս գալ տներից եւ անձամբ ձեռք բերել տոմսերը, մենք նման հնարավորությունը չենք սահմանափակում: Ամեն դեպքում նախարարությունը հետամուտ կլինի, որ յուրաքանչուր տոմս իր հասցեատիրոջը հասնի:

Տպել
3404 դիտում

Աղմկոտ միջադեպի գործով Վայոց Ձորի մարզպետի օգնականը կալանավորվել է

«Հյուսիս-Հարավ»-ի գործով մեղադրյալ, «Մուլտի Գրուպ» կոնցեռնի տնօրենը 20 մլն դրամ գրավի դիմաց ազատ է արձակվել

Կդադարեցվի Ծաղկաձորի մի շարք օբյեկտների եւ Արագածոտնի մի շարք գյուղերի գազամատակարարումը

Արարատի մարզում աղջկա համար վիճաբանությունն ավարտվել է դանակահարությամբ. 2 անձ տեղափոխվել է հիվանդանոց. Shamshyan.com

Կրակել են կարմիրգրքյան Սեւ արագիլի վրա, որից Հայաստանում ընդամենը վեց զույգ կա. Նաիրա Զոհրաբյան

Մանվել Գրիգորյանը պաշտոնը դադարեցնելիս 6 անշարժ գույք եւ 9 ավտոմեքենա ավելի է ներկայացրել, քան պաշտոնը ստանձնելիս

Վարչապետ Նիկոլ Փաշինյանն արդեն Լոս Անջելեսում է

Կապանում 3 կգ-անոց գազի բալոնից տեղի է ունեցել գազի արտահոսք՝ հրդեհի բռնկմամբ․ մի քաղաքացի այրվածքներ է ստացել

Այսօր ցրտել է, սակայն առաջիկա օրերին զգալի տաքանալու է․ Գագիկ Սուրենյան

Հրշեջ-փրկարարները մարել են մոտ 59.5 հա խոտածածկ տարածք ընդգրկող 47 հրդեհ

Մեղադրանք է առաջադրվել «Վերածնունդ» միջազգային մրցույթ-փառատոն» ՀԿ նախագահին

Մարտի մեկը պետք է քննություն անցնի, ես կարծեմ 2009-ին ցուցմունք չեմ տվել. Խաչատուր Սուքիասյան

«Ամուլսարի հանքի շահագործմանը փայլուն եմ վերաբերում». Խաչատուր Սուքիասյան

Պետք է զարգացնենք հայոց պետականության նվիրական արժեքը. Արման Թաթոյան

100 փաստերը չեն տալիս ելակետային տվյալներ, որպեսզի համեմատություններ անցկացվեն. Վարդանյան

Փոխվարչապետ Ավինյանն Ուրբասեր ընկերության պատվիրակության հետ քննարկել է բիզնես և ներդրումային միջավայրի հարցեր

ՀՀ պաշտպանության նախարարն ընդունել է Բելառուսի զինված ուժերի գլխավոր շտաբի պետին

Հայաստանի ազատ ոճի ըմբիշները ձեռնունայն կվերադառնան Աշխարհի առաջնությունից

Ադրբեջանում գտնվող Ղազարյանները պետք է վերադարձվեն Հայաստանին. Զոհրաբ Մնացականյան

Ծանրամարտի Աշխարհի առաջնություն. Իզաբելա Յայլյանը 6-րդն է B խմբում