Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Պետական պահպանության ծառայության պետի նախկին առաջին տեղակալ, Սերժ Սարգսյանի թիկնազորի նախկին պետ Վաչագան Ղազարյանի պաշտպանների համար Վճռաբեկ դատարանի որոշումն անհասկանալի ու զարմանալի է եղել:

Այս մասին այսօր մեր հարցին ի պատասխան ասաց նրա պաշտպան Արմեն Հարությունյանը: Վերջինս նաեւ տեղեկացրեց, որ պաշտպանական կողմը քննարկում է կրկին գրավի միջնորդությամբ դատարանում հանդես գալու հարցը:

Վաչագան Ղազարյանը կրկին կալանավորվել է երեկ՝ նոյեմբերի 15-ին: Վճռաբեկ դատարանը բավարարել է դատախազության կողմից ներկայացված բողոքը՝ գրավն անթույլատրելի ճանաչելու վերաբերյալ:

Թավշյա հեղափոխությունից հետո կալանավորված Վաչագան Ղազարյանին մեղադրանք է առաջադրվել Բարձրաստիճան պաշտոնատար անձանց էթիկայի հանձնաժողով ներկայացրած հայտարարագրերում իր ունեցած դրամական միջոցների իրական չափի մասին հայտարարագրման ենթակա տվյալները թաքցնելու, ինչպես նաեւ ապօրինի հարստանալու համար: Սերժ Սարգսյանի թիկնազորի պետը կալանավորվել էր երկու ամսով, եւ պաշտպանական կողմը, համաձայն չլինելով դատարանի որոշմանը, այն բողոքարկել էր Վերաքննիչ ատյան, որն էլ իր հերթին նրան 1 միլիարդ դրամ գրավի դիմաց ազատ էր արձակել:

Ըստ ՀՔԾ-ի, Ղազարյանը չի հայտարարագրել 1 միլիոն 272 հազար 900 դոլար, 218 հազար եվրո եւ 460 միլիոն դրամի գույք:

Պաշտպանական կողմը նույնպես վճռաբեկ բողոք էր ներկայացրել Վերաքննիչ դատարանի որոշման դեմ, սակայն ոչ թե գրավի մասով, այլ՝ այն մասով, որ կողմի՝ 2018 թվականի ապրիլի 9-ից հետո ՀՀ քրեական օրենսգրքի 310.1 եւ 314.3 հոդվածներով նախատեսված արարքները սուբյեկտի մասով ապաքրեականացվել են։ Ըստ պաշտպանական կողմի՝ այս իրավական հարցին Վերաքննիչ քրեական դատարանը իր որոշմամբ պատշաճ գնահատական չի տվել։

Վաչագան Ղազարյանի պաշտպան Արմեն Հարությունյանը պատասխանել է մեր մի քանի հարցերին:

- Պարոն Հարությունյան, ձեր բողոքը Վճռաբեկ դատարանը քննե՞լ է:

- Վճռաբեկ դատարանը մեր բողոքը վարույթ ընդունելը մերժել էր, վարույթ էր ընդունել միայն դատախազության բողոքը եւ երեկ քննարկվել է միայն դատախազության բողոքը:

- Դատախազությունը ի՞նչ պահանջով էր բողոք ներկայացրել Վճռաբեկ դատարան:

- Այո, ըստ դատախազության՝ գրավի կիրառումը թույլատրելի չէր, քանի որ ազատության մեջ գտնվելով՝ Վաչագան Ղազարյանը կարող էր խոչընդոտել քննությանը եւ խուսափել քննությունից: Այս հիմքը վկայակոչելով՝ դատախազությունը գտնում էր, որ Վաչագան Ղազարյանի գրավով ազատության մեջ հայտնվելը չի կարող համարվել թույլատրելի:

- Վճռաբեկ դատարանի երեկ կայացրած որոշումը ինչպե՞ս եք գնահատում:

- Ամբողջական դիրքորոշում կհայտնենք, երբ ստանանք Վճռաբեկ դատարանի որոշումը, այն դեռ չի տրամադրվել: Բայց ինձ համար այդ որոշումը առնվազն անհասկանալի ու զարմանալի էր: Բողոքի քննության ընթացքում դատախազութունը ինքը ընդունեց, որ խուսափելու, թաքնվելու հիմքերը վերացել են, հենց քննության ընթացքում դատախազը հայտնեց, որ Վաչագան Ղազարյանը, 4 ամիս գտնվելով ազատության մեջ, երբեք չի խուսափել նախաքննությունից, չի խոչընդոտել քննությանը, ավելին՝ համագործակցել է, ներկայացրել է համապատասխան փաստաթղթեր, մանակցել է դատավարական եւ քննչական ակտիվ գործողությունների: Հենց դատախազությունը ընդունեց, որ էդ հիմքերը բացակայում են, բայց պնդեց իր բողոքը, այսինքն՝ պնդեց, որ Վաչագան Ղազարյանը ցանկացած դեպքում պետք է կալանավորվի, մեզ համար դա իհարկե անհասկանալի է: Առավել զարմանալի էր մեզ համար, որ այս պայմաններում Վճռաբեկ դատարանը նման որոշում կայացրեց:

Իսկ Վաչագան Ղազարյանը ի՞նչ դիրքորոշում է հայտնել:

- Որոշումը կայացնելուց մեկ ժամ հետո կամայական ներկայացել է վարույթն իրականացնող մարմնին, որտեղ նրան ազատությունից զրկել են եւ տեղափոխել քրեակատարողական հիմնարկ: Նույնիսկ էս պայմաններում չի խոսափել եւ իր կամքով ներկայացել է վարույթն իրականացնող մարմնին:

- Պարոն Հարությունյան, այս 4 ամիսների ընթացքում Վաչագան Ղազարյանի մասնակցությամբ ի՞նչ քննչական գործողություններ են իրականացվել:

- Բազմաթիվ գործողություններ են իրականացվել, հարցաքննվել է, ցուցմունք է տվել Վաչագան Ղազարյանը, մանրամասները, իհարկե, նախաքննության գաղտնիքից ելնելով՝ չեմ ուզում այս պահին բացահայտել: Բավականին մեծ ծավալով քննչական գործողություններ են իրականացվել, ստուգումներ, փորձաքննություններ են նշանակվել:

- Դուք ասացիք՝ Ղազարյանը ցուցմունք է տվել, այսինքն՝ ազատության մեջ հայտնվելուց հետո՞ է սկսել ցուցմունքներ տալ:

- Կալանքի տակ գտնվելու ժամանակաշրջանը բավականին կարճ էր, որպեսզի հնարավոր լիներ հասկանալ, այսպես ասած, ինչ է կատարվում: Ի սկզբանե մեր իրավական դիրքորոշումը այն էր, որ այս պրոցեսը, նրան ազատությունից զրկելը ապօրինի է կատարվում, ուստի պետք է ինքներս հասկանայինք՝ ինչ է կատարվում, որ կարողանայինք ցուցմունք տալ: Երբ հանգամանքները պարզ են եղել, ցուցմունք է տվել:

- Պարոն Հարությունյան, օրեր առաջ ՀՀ քննչական կոմտեն հաղորդագրություն տարածեց՝ նշելով, որ հարկային չարաշահումներ են հայտնաբերվել «Յանս» ռեստորանային համալիրում, նշվում էր, որ պետությանը հասցվել է 1 միլիարդից ավելի վնաս: Սա որքանո՞վ է առնչվում ձեր պաշտպանյալի հետ:

- Փորձ է արվում «Յանս» ռեստորանային համալիրում էդ ամպագոռգոռ թվերը հրապարակայնացնել ու դա կապել Վաչագան Ղազարյանի հետ: Կոնկրետ այդ ստուգումների արդյունքում առաջադրված գումարները բացարձակ կապ չունեն, դա վերաբերում է ռեստորանային համալիրը շահագործող կազմակերպությանը, որը բացարձակապես Ղազարյան ընտանիքի հետ կապ չունի: Եթե մենք Յանսի շենք-շինությունը նկատի ունենք, ապա դա պատկանում է մի ընկերության, որի բաժնետերը հանդիսանում է Ռուզաննա Բեգլարյանը՝ Վաչագան Ղազարյանի կինը:

- Վճռաբեկ դատարանի որոշումը ստանալուց հետո ձեր հետագա գործողությունները որո՞նք են լինելու:

- Մենք, ըստ ամենանայնի, քննարկում ենք դատարանում կրկին գրավի միջնորդությամբ հանդես գալու տարբերակը, ինչպես նաեւ դիմել դատախազություն, որպեսզի խափանման միջոց կալանավորումը փոխվի, քննարկումներ գնում են նաեւ ներպետական ատյանները սպառելուց հետո Մարդու իրավունքների եվրոպական դատարան դիմելու հարցը:

Նշենք, որ Ղազարյանին առաջադրված մեղադրանքն, ըստ էության, առաջինն էր՝ Հայաստանում ապօրինի հարստացման հոդվածով:

Տպել
6584 դիտում

Առաջիկայում Հայաստանում նախատեսվում է բացել իրանական ապրանքների առևտրի կենտրոն

Որ սահմանին վիճակը լարված է, ճիշտ է, դա ՌԴ-ի անսկզբունքայնության պատճառով է. նրանց շահավետ չէ խաղաղությունը. Գրիգորյան

Միջոցառումներ Մարշալ Հովհաննես Բաղրամյանի ծննդյան 125-ամյակին նվիրված․ Սուրեն Պապիկյանը պարգևատրել է մարշալի թոռանը

Քեթրին Կոլոննան խոսել է Հայաստանում տեղակայված ԵՄ դիտորդական առաքելության մանդատի ժամկետների մասին

Ողբերգական դեպք Կոտայքում․ Նաիրի գյուղի տներից մեկում հայտնաբերվել է 6-ամյա տղայի դի

Դավիթ Տոնոյանին կալանքի տակ պահելու հիմքեր չկան․ պաշտպանական խմբի հայտարարությունը

Լիկբեզ Հայաստանի տարածքին վերաբերող հայտարարությունները միտումնավոր խեղաթյուրող գործիչների համար

Վերահաստատել ենք մեր լիակատար աջակցությունը Արցախի Հանրապետության ինքնիշխանության հարգմանը․ Պատրիկ Կաններ

Երևանում թիվ 63 երթուղին սպասարկող «Գազել»-ը վթարի է ենթարկվել․ փրկարարները երթուղայինից 14 ուղևորի են դուրս բերել

Դատարանը վերադարձրել է Տարոն Չախոյանի դեմ Հակոբ Կարապետյանի ներկայացրած հայցադիմումը

Անհետացած համարվող կենդանին վերադարձվում է բնություն․ լուսանկարներ «Կովկասյան ազնվացեղ եղջերուների բազմացման կենտրոն»-ից

Տանը չենք ասում, չէ՞, եկեք ափսեները չլվանանք, մյուս գործն անենք. Երևանի ավագանու անդամները՝ տոնական միջոցառումների մասին

Վանաձորի բժշկական կենտրոն է ընդունվել այրվածքներ ստացած 1.5 տարեկան երեխա

Քննարկվել են Լոռի-ՊԱԿԱ համագործակցության կարևոր հարցեր. մարզի պատվիրակությունը եռօրյա այցով Ֆրանսիայում է

Կարճ ասած՝ զգուշացեք, list. am-ի կեղծ կայքերով քարտից փող գողացող ժուլիկները հայերեն են սկսել գրել․ Սամվել Մարտիրոսյան

«Երևանի Մանկան տուն» ՊՈԱԿ-ում երեխաներն այսօր զարդարել են եղևնին

Վախենում եմ, որ մի օր այնքան հեռանանք իրարից, որ այլեւս չճանաչենք. լույս է տեսել Անուշ Քոչարյանի «Վայրի խոտերը»

Ճգնաժամային կառավարման արդյունավետության հիմնաքարը ճշգրիտ լրատվությունն է. ամփոփվել է ԱԻՆ-ՃՄՀԳ համագործակցությունը

Առկա են և՛ ֆինանսներ, և՛ ռեսուրսներ, որպեսզի սպորտն ավելի մասսայական դառնա․ Կարեն Գիլոյանն այցելել է Արագածոտնի մարզ

Ֆրանսիական կողմը պատրաստակամ է իրականացնել համատեղ ծրագրեր․ Փարիզում է եղել Երևանի քաղաքապետարանի պատվիրակությունը

Բացառել ամանորյա դրամահավաքությունը, դասասենյակներում ապահովել նորմալ ջերմաստիճան․ Շիրակի մարզպետն այցելել է դպրոցներ

Արձանագրված 72 դեպքից 40-ով հաշվարկվել է 26 մլն 401 հազար 432 դրամի չափով վնաս․ ԲԸՏՄ-ն հաշվետվություն է ներկայացրել

2023 թվականի հունվարի 1-ից բոլոր իրավաբանական անձինք պարտավոր են ներկայացնել իրական շահառուների վերաբերյալ հայտարարագիր

Եգիպտոսի նորանշանակ դեսպանը պատրաստակամություն է հայտնել հնարավորինս աջակցել Հարավային կովկասում խաղաղության հաստատմանը

Ժամը 18։00-ի դրությամբ Երևանի մետրոպոլիտենի երթևեկությունն ամբողջ գծով վերսկսվել է

«Արմլեքս»-ի բացառիկ իրավունքը և ծրագրային ապահովման կոդերը փոխանցվել են Հարկադիր կատարումն ապահովող ծառայությանը

ԱՄՆ-ի Արդարադատության դեպարտամենտում քննարկվել է Հայաստանից հանցավոր ճանապարհով դուրս բերված ակտիվների վերադարձի հարցը

Գետափ-Մարտունի ճանապարհահատվածում մեքենաներ են բախվել․ կան տուժածներ

Երևանում կայացել է ՀԱՊԿ պետությունների անօրինական միգրացիայի դեմ պայքարի իրավասու մարմինների ղեկավարների խորհրդի նիստը

Չմատուցված ծառայությունների դիմաց անհիմն վճարվել է 3 մլրդ 2 մլն 486 հազ. դրամ. ձերբակալվել է Երևանի նախկին փոխքաղաքապետը

Ժամկետանց սարդելկա, քյուֆթա, հավ և այլ սննդամթերք է վաճառել Երևանի «Ջեստ» սուպերմարկետը․ ՍԱՏՄ-ն արձագանքել է ահազանգերին

Լևոն Արոնյանն ու կինը դստերն անվանել են Զաբել․ Անիտան «Ինստագրամ»-ի իր էջում տեսանյութ է հրապարակել

Բժշկական կենտրոնի շտապօգնության բժշկի մոտ թմրամիջոց է հայտնաբերվել. նա հայտնել է, որ այն իր օգտագործման համար է

ԱԻ նախարարն ու Ճապոնիայի դեսպանը քննարկել են համագործակցության մասին հարցեր

Արցախում նախատեսվում է պարտադիր զինծառայությունից ազատվելու հնարավորություն տալ 44-օրյա պատերազմի զոհերի եղբայրներին

Բացահայտվել է 40-ից ավել գողություն և գողության փորձ. բոլոր դեպքերով «գլխավոր դերում» 28-ամյա երիտասարդն է

Տարածաշրջանում գնաճի ամենացածր տեմպերն արձանագրվել են Հայաստանում

Հովհաննես Քոչարյանը նշանակվել է զինդատախազի տեղակալ. նշանակումներ, կադրային փոփոխություններ գլխավոր դատախազությունում

Քրեական վարույթի շրջանակներում որոնվում են տեսագրության մեջ պատկերված անձինք (տեսանյութ)

21 նոր փորձագետով է համալրվել «Հայաստանի Հանրապետության փորձագիտական կենտրոն» ՊՈԱԿ-ը