ԲՀԿ-ն Գյումրիում հետընտրական գումար է խոստացել. «Իմ քայլը» դաշինքի թեկնածու Նազելի Բաղդասարյանը դիմել է ոստիկանություն

«Նախընտրական քարոզի մեկնարկը չտրված՝ արդեն ստանում եմ ահազանգեր խախտումների մասին: Մասնավորապես՝ որոշ քաղաքական ուժեր եւ թեկնածուներ սկսել են նախընտրական բուկլետների բաժանումը, ցուցակներով տնայցերը, շտաբներին կից ԱՁ-ների ու ՀԿ-ների անվան տակ վարձու աշխատողների մասսայական ընդունումը, որը ընտրակաշառքի բաժանման նոր հնարքներից է։

Հրավիրում եմ բոլոր ԶԼՄ-ների, իրավապահների եւ ԿԸՀ-ի ուշադրությունը․ Ընտրությունների մեկնարկն արդեն իսկ տրվում է օրենքի խախտմամբ»։Իր ֆեյսբուքի էջում նման գրառում էր այսօր արել «Իմ քայլը» դաշինքի վարկանիշային ցուցակով որպես պատգամավորի թեկնածու առաջադրված գյումրեցի Նազելի Բաղդասարյանը:

«Ես ֆեյսբուքի գրառումից զատ նաեւ դիմել եմ ոստիկանություն, ներկայացրել եմ հաղորդում հանցագործության մասին: Իրավապահ մարմինները խոստացել են, որ այս հարցով կզբաղվեն եւ մեղավորներն օրենքի առաջ պատասխան կտան»:

ՀԺ-ն պարզել է, թե հատկապես ինչ իրավախախտման մասին է խոսքը: Ամեն ինչ սկսվել է Նազելի Բաղդասարյանի նախընտրական շտաբ այցելած երկու կանանց հարցադրումներից, պատմեց պատգամավորի թեկնածուն:

«Խնդիրը ծագեց այն պահին, երբ եկան մեր նախընտրական շտաբ եւ հարցրեցին, թե այստեղից  կարո՞ղ ենք գումար ստանանք: Մենք փորձեցինք զրույցի միջոցով պարզել, թե է՞լ որտեղից են գումար ստանում: Մատնանշեցին այս դեպքում կուսակցություններից մեկը, որը մարդկանց է ցուցակագրել: Այսօր ցերեկը տարբեր քաղաքացիներից ստացանք նաեւ զանգեր, որ տարբեր կուսակցություններ Գյումրիում ցուցակագրելով գումար են բաժանում: Զանգեր էինք ստացել, որ մասնավորապես 58 եւ Մուշ թաղամասերում ցուցակներով ներկայանում են եւ մարդահամար անցկացելու ձեւակերպմամբ հորդորում են այս կամ այն թեկնածուին ընտրել: Հեռախոսազանգի հեղինակները նաեւ պատմեցին, որ  մատնանշում են, որ օրինակ «Իմ քայլը» դաշինքը, Նիկոլ Փաշինյանը միեւնույն է՝ անցնելու են, կարիք չկա այդ դաշինքի թեկնածուներին ընտրել, եւ հորդորում են՝ օրինակ, որ ընտրեն մեկին ԲՀԿ-ից կամ այլ կուսակցությունից»,-ասաց Նազելի Բաղդասարյանը:

Խոսեք բաց տեքստով եւ ասեք, թե հատկապես որ կուսակցութունն է հիմա գումար բաժանում, ըստ ձեր շտաբ այցելած կամ զանգարհարած քաղաքացիների՝ ՀԺ-ի հարցին Բաղդասարյանը պատասխանեց, թե հստակ անուններ տալ չի կարող: «Նշվում են տարբեր թեկնածուների անուններ, բայց քանի որ հստակ փաստով չեն արտաբերել, ես կդժվարանամ ինչ-որ մեկի անունը տամ»:

Բայց որոշ մանրամասներ, այնուամենայնիվ, ներկայացրեց: Մասնավորապես այն, որ, օրինակ ԲՀԿ-ն, ըստ քաղաքացիների, Գյումրիում հետընտրական գումար է խոստացել:

«Քաղաքացիները նշում են, որ կուսակցություններից ցուցակագրում են գումարի բաժանման մասով եւ երկրորդ, նշում են, որ այս ընթացքում ընտրություններից հետո էլ են գումար տալու, որովհետեւ առջեւում ամանորի տոներն են, իսկ կոնկրետ Գագիկ Ծառուկյանը երբեք իր կուսակիցներին եւ ժողովրդին չի թողել անտարբեր: Այսինքն հետընտրական որոշակի գումարների մասին է խոսքը»,-ՀԺ-ի հետ զրույցում ասաց Բաղդասարյանը:

Երրորդ խնդիրն էլ կա: Ըստ Նազելիի՝ Գյումրիում խոսակցություններ կան այն մասին, որ թեկնածուներից շատերը նախընտրական շտաբներին կից Ա/Ձ-ի կամ ՀԿ-ի անվան տակ մարդկանց են գրանցում որպես աշխատակիցենր: «Նրանց գրանցում են եւ գումար են տալիս որպես աշխատողներ: Նշվում է 40.000-ից 50.000 դրամ, հաշվի է առնվում ոնց որ մեկ ընտանիքի 4-5 անդամի չափով: Սա էլ մյուս մեքենայությունը, որի մասին խոսվում է քաղաքում: Այս խոսակցությունները կոնկրետ այսօր եղել են իմ նախընտրական շտաբում, եւ ես չէի կարող անտարբեր մնալ: Ես, որպես անհատ, որպես քաղաքացի, մարդ, ով տեւական ժամանակ զբաղվել է լրատվությամբ, ահազանգում եմ այն ամենի մասին, ինչը նախընտրական շրջանում կա, եւ կարող է լինել: Այս ամենի մասին խոսել եմ բազմիցս, լինելով լրատվության դաշտում, եւ, եթե այս փուլում մուտք եմ գործում քաղաքականություն՝ դրա մասին չեմ կարող լռել»:

ՀԺ-ի հետ զրույցում նաեւ անդրադարձ է եղել նախընտրական քարոզարշավի ոչ պաշտոնական, բայց բուռն մեկնարկին: «Ես նման քայլերից զերծ եմ մնում, ինձ համար քարոզարշավը կմեկնարկի նոյեմբերի 26-ից, իսկ մինչ այդ ես զբաղված եմ նախընտրական քարոզարշավի նախապատրաստական աշխատանքներով»,-ասաց Բաղդասարյանը:

«Մինչեւ նոյեմբերի 26-ը, այսինքն պաշտոնական քարոզի մեկնարկը, իմ ֆեյսբուքյան նկարը կամ ետնապատի նկարը նույնիսկ չեմ փոխելու, շարունակելու եմ սովորական նկարները պահել, որովհեետւ ինձ համար սուբյեկտիվորեն քարոզարշավի մեկնարկը 26-ից է տրվում: Չնայած որ, ԸՕ 19 հոդվածը սահմանում է, որ քարոզչության ժամանակահատվածով չպայմանավորված այլ ժամանակահատվածում քարոզչություն իրականացնելը չի արգելվում, եթե դա չի սահմանափակվում ԸՕ-ով: Դա կարծես թե, օրենսդրական որոշակի բաց չասեմ, բայց հնարավորություն է տալիս տարընթերցման, ինչից կարող են օգտվել քաղաքական ուժերը, այսինքն ԸՕ 19 հոդվածը մատնանշում է կոնկրետ արգելքները, բայց նաեւ մատնանշում է, որ նախընտրական քարոզչությունից զատ այլ ժամանակահատվածում օրենքով չարգելված ձեւերով քարոզչություն թույլատրվում է: Հիմա թե ինչը նկատի ունեն այս պարագայում, ես չեմ կարող ասել, բայց ամեն դեպքում նախընտրական շտաբների վրա ուղղորդումներ, կոչեր, համարներ ու պիտակներ չպետք է լինեն եւ սա ամրագրված է օրենքով»:

Դուք նախքան Ձեր առաջադրումն արդեն քաղաքի գրեթե բոլոր մարդաշատ փողոցներում հսկա ցուցապաստառներ ունեիք հեղինակային «Իրականում» հաղորդաշարի շապիկով, որը տպագրվել էր հաղորդման 6-րդ տարեդարձի առիթով: Գյումրեցիները սա արդյո՞ք չեն ընկալել որպես քարոզի տարբերակ, քանի որ կան նման շահարկումներ՝ հարցին Նազելի Բաղդասարյանը պատասխանեց, որ դրանք քաղաքում փակցվել են իր պատգամավորի թեկնածու գրանցվելուց 10-ից 15 օր առաջ:«Հաղորդման պաստառներն ու հաղորդման հետ կապված ամեն ինչը նախապես է պատրաստվել, իմ  թեկնածու գրանցվելուց 10-15 օր առաջ: Հաղորդման մեկնարկի մասին վկայող տեսանյութերը համացանցում կան 6 տարի առաջ: Հազիվ թե ես 6 տարի առաջ նոյեմբեր ամսին ենթադրեի, որ առաջադրվելու եմ ԱԺ պատգամավորի թեկնածու, որպեսզի այդ ամենն իրականացնեի: Ավելին, պաստառի վրա նշվում է «Իրականում» հաղորդաշար, նշվում է Նազելի Բաղդասարյան, եւ ոչ մի բառ կամ տառ, որը կասոցացվեր «Իմ քայլը» դաշինքի կամ պատգամավորության թենածու Նազելի Բաղդասարյանի հետ: Նույն տրամաբանությամբ մենք կարող ենք ասել, որ օրինակ Երեւանի քաղաքապետ Հայկ Մարությանը երբ նկարահանվում էր տեսահոլովակներում կամ ֆիլմերում, քարոզ էր: Նույն տրամաբանաւթյամբ, ես հաղորդում եմ վարել այս 6 տարիների ընթացքում: Ավելին, ըստ Ընտրական օրենսգրքի, ես նոյեմբերի 26-ից պետք է դադարեցնեի իմ հաղորդում վարելը, բայց ես սեփական որոշմամբ մեկ շաբաթ շուտ եմ դադարեցրել այն»:

Ի դեպ, այսօր Գյումրիում «Իմ քայլը» դաշինքի մեկ այլ թեկնածու՝ Էմմա Պալյանն իր էջում գրել էր հետեւյալը. «Ազգային Առաջընթաց կուսակցությունը, խախտելով օրենքը, սկսել է արդեն իր քարոզարշավը: Մտնում են տները և բաժանում իրենց նախընտրական բուկլետները, վրան էլ գրիչով թվեր են գրում, որ ընտրողները հատուկ ուշադրություն դարձնեն հենց այդ համարի տակ գտնվող թեկնածուին»:

Լուսանկարը վերցված է Էմմա Պալյանի ֆեյսբուքի էջից

Տպել
7673 դիտում

Պրոթեզավորում և օրթեզավորում կիրականացվի նաև «Օրթեզ» պրոթեզավորման և օրթեզավորման կենտրոնում

6 ժամ լույս չի լինի Երևանի և 3 մարզի որոշ հասցեներում

ՀՀ տարածքում ավտոճանապարհներն անցանելի են

Գեղարքունիքի հատվածում ԱԹՍ-ների` ՀՀ օդային տարածք մուտք գործելու փորձերը կասեցվել են

«Արարատը» պայքարեց մինչև վերջ, բայց, ի վերջո, դուրս մնաց եվրագավաթներից

Փրկարար ծառայություն 19 ահազանգ է ստացվել հանրապետության տարբեր տարածքներում փակ դռների վերաբերյալ

Կոտայքի մարզի Բյուրեղավան քաղաքում բնակելի տարածք կնվիրվի դրանք զբաղեցնող քաղաքացիներին

Մուսալեռ համայնքում ևս 19 տնտեսություն կապահովվի կապույտ վառելիքով

Աբովյանում ասֆալտապատվում են ներհամայնքային ճանապարհները

Անցկացվել է կրակային պատրաստության գործնական պարապմունք․ ՊՆ

Շարունակվում է զրոյից բիզնես ստեղծելու գաղափարների իրագործման 19-րդ միջոցառման հայտերի ընդունումը

Երկրաշարժ է տեղի ունեցել Գեղարքունիքի մարզի Շորժա գյուղից 3 կմ հյուսիս-արևելք

Արմեն Գրիգորյանը հեռախոսազրույց է ունեցել Ֆիլիպ Ռիքերի հետ

Վահրամ Դումանյանն ընդունել է Օրգանական և դեղագործական քիմիայի գիտատեխնոլոգիական կենտրոնի աշխատակիցներին

Արտակ Բեգլարյանը աշխատանքային շրջայց է կատարել Մարտակերտի վերին ենթաշրջանի մի շարք համայնքներում

ԵԱՀԿ ՄԽ համանախագահներն անհրաժեշտ են համարում առանց նախապայմանների բանակցությունները. «Արմենպրես»

Վաղը ՀՀ Ազգային ժողովի արտահերթ նիստ տեղի կունենա

Արմեն Գրիգորյանը եւ Տոյվո Կլաարը ընդգծվել են ջանքերի գործադրման կարևորությունը՝ իրավիճակի դեէսկալացիայի ապահովման համար

Ջրափրկարարներն ափ են դուրս բերել ջրահեղձվող քաղաքացու (տեսանյութ)

Նազիկ Ավդալյանի կենսագրությունն ինչ-որ չափով նման է Արցախի նորագույն պատմությանը․ Դ․ Բաբայանն ընդունել է ծանրամարտիկին

Ավազակություն՝ վարկերի տրամադրման և տարադրամի փոխանակման կետում (տեսանյութ)

Ադրբեջանից բռնագաղթած փախստական 24 ընտանիքների այսօր տրամադրվել են բնակարանի գնման վկայականներ

22-ամյա Արթուրը թեեւ պետությունից տուն է ստացել, շարունակում է ապրել դրսում եւ հաշվառված է Հյուսիսային պողոտայում

ԱՄՆ-ում վերաքննիչ դատարանը մերժել է Էրդողանի թիկնապահների գործը կասեցնելու Թուրքիայի պահանջը

10 օրում մահացել է վեց կուբացի բարձրաստիճան սպա

Վերացվել է «Բանդիվան Կաթ» ընկերության արտադրամասի կասեցումը

Ավարտվել է հայերի և եզդիների միջև ազգային թշնամանք հարուցելու դեպքով քննվող քրեական գործի նախաքննությունը

Համարանիշեր գողացած ու մեքենայատերերից շորթմամբ փող հափշտակած երիտասարդը կալանավորվել է (տեսանյութ)

Բաքվում եւս 13 հայ ռազմագերի դատապարտվել է 6 տարվա ազատազրկման

ՀԱՊԿ գլխավոր քարտուղարը մտահոգված է հայ-ադրբեջանական սահմանին տիրող իրավիճակով

Օպերայի հարակից տարածքների բարեկարգման մրցույթի հաղթողին խոստացված 3 միլիոն դրամը դարձել է 8. նախորդին մասնակից չէր եղել

Մահացել է գրող Արմեն Շեկոյանը

Ռեկտոր ընտրվելու համար այլեւս դոկտոր, պրոֆեսոր լինելը պարտադիր չէ. Կառավարությունն ընդունեց որոշումը

Խնդիր ունեցող զինծառայողները հնարավորություն կունենան վերականգնողական ծառայություններ ստանալ «էկզոսկելետոնի» օգնությամբ

Թափուր տեղերի մրցույթին հայտագրվել էր 940 դիմորդ, որոնցից 16-ը չի հաղթահարել շեմը. ցուցակները կհրապարկվեն մինչև վաղը

Ջրականից տարհանվել է ևս մեկ հայ զինծառայողի աճյուն

ԱՀ ԱԳՆ հայտարարությունը 3 երկրների խորհրդարանների նախագահների՝ Արցախի օկուպացված տարածքներ ապօրինի այցի կապակցությամբ

Արման Խոջոյանը Իտալիայում մասնակցում է Պարենային համակարգերի նախագագաթնաժողովին

Աշխարհի տարբեր երկրներ պատվաստվելը խրախուսում են թխվածքից մինչեւ կով նվիրելով. ինչ կարծիքներ կան Հայաստանի մեթոդի մասին

Կրեմլը մեկնաբանել է հայ-ադրբեջանական սահմանին սրումը