Աշոտյանին մեղադրում են նախարարի պաշտոնում լիազորությունները վերազանցելու համար. քրգործ

ՀՀ կրթության եւ գիտության նախկին նախարար, Հանրապետական կուսակցության փոխնախագահ Արմեն Աշոտյանը նախօրեին հայտնել էր, որ հրավիրվել է Երեւանի քննչական վարչություն՝ հարցաքննության: «Այս պահին գտնվում եմ Երեւանի քննչական վարչությունում արդեն մի քանի ամիս ձգվող անհեթեթ գործով, դեռեւս որպես վկա։
Վերջին անգամ հրավիրել էին հարցաքննության մոտ երկու ամիս առաջ»,- ֆեյսբուքի իր էջում գրել էր նա։

Ավելի ուշ մանրամասնեց, որ տվյալ քրեական գործը հարուցվել է մինչեւ հեղափոխությունը, բայց ինքը սկսել է գործով որպես վկա անցնել, ինչպես շեշտեց, ընդդիմություն դառնալուց հետո: Քրեական գործն առնչվում է բարձրագույն ուսումնական հաստատությունների նպատակային տեղերում պետական պատվերով կրթություն տրամադրելուն: Հայտնի է, որ գործող օրենսդրության համաձայն, երբ այս կամ այն բնակավայրում ասենք ուսուցչի կարիք է լինում, մարզպետը դիմում է ԿԳ նախարարին՝ դիմորդների համար նպատակային տեղերում կրթություն ապահովելու եւ հետագայում համայնքի մասնագիտական կարիքները բավարարելու համար: Պետությունը ստանձնում է այդ դիմորդների ուսման վարձը փոխհատուցելու պարտավորությունը՝ պայմանով, որ ուսումնառության ավարտից հետո նրանք պետք է գնան տվյալ դպրոցում աշխատելու: Գեղարքունիքի մարզի Զոլաքար գյուղի N2 դպրոցի դեպքում էլ ժամանակին նման իրավիճակ է ստեղծվել. երեք դիմորդի ուսումը պետպատվերով կազմակերպվել է, բայց նրանք այդպես էլ չեն աշխատել նշված դպրոցում: Մանկավարժական համալսարանը դիմել է դատարան՝ պետությանը պատճառած մոտ 4 միլիոն դրամ ընդհանուր վնասը ուսումնական հաստատությունից գանձելու համար:

«Հեռավոր գյուղերից մեկի դպրոցի գլխին այսպես ասած կախվում է մի դատավճիռ, ըստ որի այդ դպրոցը պետք է փոխհատուցի տվյալ ուսանողների ուսման վարձը: Դպրոցը, որը չունի սեփական միջոցներ, ֆինանսավորվում է բացառապես պետական բյուջեից, ստիպված է մուծել գումար, որի հետ կապված մեղք ինքը չունի: Եվ բնական է, որ դպրոցը կանգնում է փակման եզրին, որովհետեւ եթե այդ 3-4 միլիոնը մուծի, երեխաները զրկվելու են կրթության իրավունքից, ուսուցիչները մնալու են գործազուրկ: Երբ որ այս դատական պրոցեսը տեղի էր ունենում, համայնքից ինձ գալիս էին խնդրանքներ, դժգհություններ, բողոքներ, որ էս ինչ եք անում, գյուղի դպրոցը ոնք եք փակում, մենք փող չունենք, մենք մեղավոր չենք, որ այս մեխանիզմը անկատար է»,- պատմեց Արմեն Աշոտյանը՝ հավելելով, որ դրանից հետո ինքը՝ որպես կրթութան եւ գիտության նախարար, հարկ է համարել միջամտել ու խնդրել է Մանկավարժական համալսարանի ռեկտորին՝ հրաժարվել գումարը փոխհատուցելու պահանջից: «Ինձ փորձում են մեղադրել, որ ես վերազանցել եմ իմ լիազորությունները եւ հանձարարել եմ ռեկտորին չգանձել դպրոցից գումար: Իրականում դպրոցը չփակելու, երեխաներին կրթությունից չզրկելու համար: Զավեշտալի մի պատմութուն, որ չի տեղավորվում որեւէ տրամաբանության մեջ»,- հայտարարում է Արմեն Աշոտյանը:  

Նկատենք, որ այն դեպքում, երբ նպատակային տեղում սովորած ուսանողն է հրաժարվում աշխատել նախանշված վայրում, պետությանը հասցված վնասի փոխհատուցումը գանձվում է նրանից, իսկ երբ շրջանավարտին հրաժարվում է ընդունել դպրոցը, փոխհատուցելու պարտավորությունն ընկնում է տվյալ հաստատության վրա: Մանկավարժական համալսարանի իրավաբանական կենտրոնի ղեկավար Արմեն Ֆերոյանը, պատասխանելով մեր հարցին, հաստատեց, որ Զոլաքարի դեպքում պայմանագրային պարտավորությունները չկատարողը դպրոցն է: Դպրոցի տնօրեն Սամվել Մելիքյանը պատճառաբանեց, որ աշակերտների թիվը կրճատվել էր, ուստիեւ ուսուցչի թափուր հաստիք այլեւս չկար: «Այդ հայտը որ տրվել է, այդ ժամանակ դպրոցում եղել է 1 000 աշակերտից ավելի: 2008-ին, երբ նրանք ավարտել, եկել են, աշակերտների թիվը մոտ 300-ով պակասել է, դարձել է 800: Դասարանների թիվը կրճատվել է կտրուկ: Ֆորսմաժորի տարբերակը չկա, դա պայմանագրային կետերի սխալ ձեւակերպում էր, մարդիկ չէին մտածել, որ կարող է այդքան աշակերտ պակասի: Հետո «Աշխատանքային օրենսգրքում» փոփոխություն կատարվեց: Եթե թոշակառուն ազատվում էր 60 տարեկանը լրանալուց հետո, դրանից հետո աշխատում է, այդ կետն էլ վերացվեց: Այսինքն՝ ուսուցիչների տեղերը չազատվեցին, որ շրջանավարտներն ընդունվեին: Շատ ու շատ պատճառներով տեղ չկար, մարդկանց չեն ընդունել»,- ասաց Սամվել Մելիքյանը:

Կրթության եւ գիտության նախկին նախարար Արմեն Աշոտյանն իր շուրջը տեղի ունեցող այս զարգացումներին քաղաքական երանգավորում է տալիս: Նշում է, որ նախորդ ամիսներին հարցաքննության է հրավիրվել արդեն մի քանի անգամ, բայց եւ ընտրարշավի օրերին դարձյալ հրավիրվելը որակում է իր ու կուսակցության քարոզարշավը խոչընդոտելու, սուր ճոճելու եւ ահաբեկելու փորձ: «Որովհետեւ ես Նիկոլ Փաշինյանին անձամբ քննադատող ամենատեսանելի քաղաքական գործիչներից մեկն եմ: Ես ձեզ որքան ժամանակ է՝ ուզում եմ հասկացնել, որ որեւէ սպառնալիք ինձ եւ իմ ընկերների վրա ազդել չի կարող»,- ասում է Արմեն Աշոտյանը: Նա պատգամավորության թեկնածու է ռեյտինգային ընտրակարգով եւ միաժամանակ «Հանրապետականի» քարոզչության պատասխանատուն: «Պարբերաբար շշուկներ են պտտվում, որ այս գործը առանձնացվելու է, ուղարկվի ՀՔԾ ե այլն: Կոմիքսներ են նկարում, հոլիվուդյան բլոկբաստերներ, «ուժասներ», թե ինչպես հանրապետական նախարարը թույլ չտվեց, որ փակվի դպրոցը»,- հայտարարում է Աշոտյանը:

Նա, ինչպես նշեց, այս առնչությամբ դիմել է դիտորդներին, դեսպանատներին, թե ինչպես է գործող իշխանությունը խաթարում ՀՀԿ քարոզչության պատասխանատուի աշխատանքը, թեկնածուներից մեկի քարոզչությունը իր ընտրատարածքում եւ քաղաքական վենդետայի եւ սպառնալիքների լեզվով խոսում: ՀՀԿ-ական գործիչն, ի դեպ, քանիցս ընդգծում է, որ հարցաքննության այս հրավերը իրեն արված նվեր է: Ու դա, փաստորեն, լիուլի կարող է շահարկվել:

Տպել
4472 դիտում

Փարթին շարունակվում է. Նիկոլ Փաշինյան

Երեւանի քաղաքապետ Հայկ Մարությանը ներկա է գտնվել «Վերջին զանգ»-ի միջոցառմանը

Հայաստանում առաջին անգամ մենահամերգով հանդես կգա օպերային դիվա Վերոնիկա Ջիոևան

Վարչապետը ՊԵԿ նախագահ Դավիթ Անանյանին արձակուրդ տրամադրելու մասին որոշում է ստորագրել

Բաքուն մտադիր է «սև ցուցակում» ընդգրկել «Известия» թերթի՝ Արցախ այցելած ռուս լրագրողին

Տիգրան Գեւորգյանը նշանակվել է Հորդանանում Հայաստանի դեսպան՝ համատեղության կարգով

Գյումրու շուկայում ՊՆ օճառների հայտնվելու վերաբերյալ կարող է մի քանի տարբերակ լինել. ԶՈւ թիկունքի պետի պարզաբանումը

Իշխանությանը դեղին քարտ է ցույց տալիս այն ուժը, որին ժողովուրդը 5 ամիս առաջ կարմիր քարտ ցույց տվեց և «հեռացրեց դաշտից»

Գառնիկ Բադալյանը նշանակվել է ՀՀ արտակարգ եւ լիազոր դեսպան նաեւ Տաջիկստանում

Համոզված ենք՝ կհաջողվի ձևավորել վստահելի դատական համակարգ. վարչապետը հանդիպել է ՀՀ-ում հավատարմագրված դեսպաններին

Օպերային թատրոնի կոլեկտիվը դեմ է կառավարման խորհրդի նախագահի պաշտոնում Նազենի Ղարիբյանի ընտրությանը

Ուժգին քամին քշել է Զույգաղբյուր գյուղի խանութի տանիքը, վնասել ապրանքն ու ցուցափեղկերը

Եթե Ջուլիետին չտեսնեի, գուցե այս պիեսը չբեմադրեի. Ռուսական թատրոնում պրեմիերա է սպասվում

Առողջապահության նախարար Արսեն Թորոսյանը կմեկնի Ուզբեկստան

Երթեւեկության կազմակերպման փոփոխություն Երեւանի Իտալիայի փողոց−Խորենացու փողոց−Վ.Սարգսյան փողոց խաչմերուկում

ԿԳ նախարար Արայիկ Հարությունյան. «ԴասA»-ն և դպրոցներում կյանքի կոչվող մշակութային այլ ծրագրերը լինելու են շարունակական

Ես Փաշինյանին չեմ դատի տվել, եթե անգամ 1 տոկոս կասկած ունենայի, որ չեմ շահի՝ դատարան չէի դիմի. Օրբելյան

Գայանե Մարկոսյանը նշանակվել է Լոռու փոխմարզպետ

ՃՈ հատուկ տարածքներ են տեղափոխվել 116 ավտոմեքենա. 71-ը վարել են անչափահասներ

ԱՄԷ-ն հումանիտար օգնություն է տրամադրել Շիրակի մարզի 350 կարիքավոր ընտանիքի