Ուսուցումը 5 տարվա փոխարեն պետք է լինի 4 տարի. Ագրարայինի նորընտիր ռեկտոր Վարդան Ուռուտյան

Հայաստանի ազգային ագրարային համալսարանի (ՀԱԱՀ) հոգաբարձուների խորհուրդն այսօր ռեկտոր ընտրեց: Թեկնածուն մեկն էր՝ ռեկտորի պաշտոնակատար, Ագրոբիզնեսի հետազոտությունների եւ կրթության միջազգային կենտրոն հիմնադրամի տնօրեն, տնտեսագիտության թեկնածու Վարդան Ուռուտյանը:

Ռեկտորի անմրցակից ընտրությունները հատուկ էին նախորդ իշխանությունների օրոք կազմակերպվող ընտրություններին, ու դա դարձել էր օրինաչափ երեւույթ: Այս անգամ, փաստորեն, տեղի ունեցավ նույնը: Բայց ի տարբերություն նախկինի, Ագրարային համալսարանի հոգաբարձուների խորհուրդը դա համարեց խնդրահարույց, փորձեց վերլուծել ու հասկանալ պատճառները: Ի դեպ, առաջին անգամ էր նաեւ, որ ռեկտորի թեկնածուին լսելուց եւ հետաքրքրող հարցերը ուղղելուց հետո նրան խնդրեցին հեռանալ նիստերի դահլիճից՝ խորհրդի անդամների միջեւ ավելի անկաշկանդ քննարկում ծավալվելու եւ առկա մտահոգությունների մասին բարձրաձայնելու նպատակով:

Արարատի մարզպետ, Ագրարային համալսարանի հոգաբարձուների խորհրդի անդամ Գարիկ Սարգսյանը հարց տվեց՝ ինչո՞ւ միայն մեկ թեկնածու է: Խորհրդի նախագահ Արմեն Հարությունյանն իրավաբանից հետաքրքրվեց ու հավաստիացում ստացավ, որ թափուր պաշտոնի մրցույթի մասին տեղեկատվությունը տարածվել է պահանջված բոլոր միջոցներով եւ յուրաքանչյուրը ու հատկապես այն մարդիկ, որոնք հետաքրքրված են Ագրարային համալսարանով եւ այնտեղ տեղի ունեցող փոփոխություններով, չէին կարող անտեղյակ լինել:

Խորհրդի անդամ, Կրթության եւ գիտության նախարարի խորհրդական Գոհար Մամիկոնյանը նշեց, որ երբ առավոտյան նախարարին զեկուցել է Ագրարային համալսարանում սպասվող մրցույթի ու միայն մեկ թեկնածու լինելու մասին, դա մտահոգությունների տեղիք է տվել: «Մենք շատ ցանկանում ենք, որ մրցույթը ոչ միայն բաց լինի, այլ լինեն տարբեր թեկնածուներ»,- ասաց Գոհար Մամիկոնյանը: Նախարարությունում մտավախություն է առաջացել, որ հնարավոր է՝ մինչեւ մրցույթը ռեկտորի պաշտոնակատար նշանակելով՝ ստեղծում են ֆավորիտ թեկնածու, եւ պոտենցիալ հավակնորդները անիմաստ են համարում մրցակցության մեջ մտնելը: Նա, միեւնույն ժամանակ, չբացառեց, որ Վարդան Ուռուտյանն ուժեղ մրցակից է եւ դրանով է պայմանավորված այլ թեկածությունների բացակայությունը:

«Իհարկե, միշտ ցանկալի է ունենալ մրցակցություն: Լավ կլիներ լինեին այլ թեկնածուներ, որպեսզի հնարավորություն ունենայինք քննարկել տարբեր կենսագրություններ ու ծրագրեր»,- ասաց հոգաբարձուների խորհրդի նախագահ Արմեն Հարությունյանը: Հետո նաեւ կարծիք հայտնեց. «Առողջ նախապայմաններ ենք ստեղծել՝ այս մրցույթին մասնակցելու համար: Մեր համալսարանի պարագայում թեկնածուն այնքան լավն է, որ այլ թեկնածուներ չեն գալիս»: Նախագահը դիմեց նաեւ խորհրդի անդամ ուսանողներին, որոնք ոչինչ չէին խոսում: Հորդորեց լինել ավելի ակտիվ, քննադատող, հանդես գալ առաջարկներով, որովհետեւ նրանք այդտեղ ներկայացնում են բուհի հիմնական շահառուին՝ ուսանողությանը: «Հաջորդ անգամ ավելի ակտիվ եղեք եւ առաջ քաշեք խնդիրներ, որոնք ձեր հետաքրքրության դաշտում են»,- ասաց նա:

Բայց որքան էլ Ագրարային համալսարանի ռեկտորի թափուր պաշտոնի մրցույթն անցավ առանց մրցակցության, ի սկզբանե հնչել են հնարավոր այլ թեկնածուների անուններ, մասնավորապես՝ պրոռեկտոր, գյուղատնտեսության նախկին փոխնախարար Ռոբերտ Մակարյանի: Նրան հարցրինք՝ եթե իրոք նման մտադրություն ունեցել է, ինչն է ետ պահել առաջադրվելուց, մանավանդ խորհրդի անդամներին էլ հետաքրքիր էին այլ հավակնորդներ չլինելու պատճառները: «Տարբեր մարդկանց անուններ են շրջանառվել: Համենայնդեպս, իմ մասին կարող եմ ասել, որ տեղեկությունը իրականությանը չի համապատասխանել: Ես օգոստոսին դիմում եմ գրել նախարարի տեղակալի պաշտոնից ազատվելու մասին եւ տեղափոխվել եմ համալսարան՝ ուսումնական աշխատանքների գծով պրոռեկտորի պաշտոնում աշխատելու համար»,- պատասխանեց Մակարյանը:

Իսկ առաջադրված միակ թեկնածուն, մինչեւ քվեարկությունը, խորհրդին ներկայացրեց ՀԱԱՀ բարեփոխման եւ զարգացման ծրագիրը՝ սկզբում թվարկելով այն բազմաթիվ խնդիրները, որոնց բախվում է բուհը՝ հեղինակության խիստ անկում կա, Ագրարային համալսարան դիմում են դպրոցների ամենավատ սովորած շրջանավարտները, բուհը մեծապես կախված է ուսանողների վարձավճարներից, շատ թույլ է կապը գործատուների եւ բուհի միջեւ, շրջանավարտները դժվարությամբ են իրենց տեղը գտնում աշխատաշուկայում՝ ներկայացվող խիստ պահանջներին չբավարարելու պատճառով: «Նրանց 50 տոկոսը չի աշխատում, աշխատողների 50 տոկոսն իր մասնագիտությամբ չի աշխատում»,- վիճակագրություն ներկայացրեց Վարդան Ուռուտյանը:

Նա մտադիր է ռեկտորի պաշտոնում իր գործունեության ընթացքում վերացնել գործատուների եւ բուհի ու վերջինիս պատրաստած կադրերի միջեւ առկա անջրպետը, գործատուներին ներգրավել բուհի կյանք, ուսանողների կյանքը ավելի գունավոր դարձնել, իրականացնել ուսանողների կարիքների գնահատում, սահմանել մասնագիտական առաջընթացի գործուն ընթացակարգեր, հոգալ աշխատակիցների վերապատրաստումների խնդիրը, բարձրացնել դասախոսների աշխատավարձերը: Դա, ըստ նրա, հնարավոր կլինի, երբ օրինակ, ուսումնական պլաններից դուրս գան ոչ անհրաժեշտ, հնացած կամ կրկնվող առարկաները: Վարդան Ուռուտյանը կարծում է, որ ուսումնական պլաններն ու առարկայական ծրագրերը ուռճացված են, դասավանդման մեթոդները՝ հաճախ հնացած: Ի դեպ, նրա՝ ռեկտորի պաշտոնակատար նշանակվելուց հետո բուհում խստիվ արգելվել է դասախոսություններ թելադրելը: Դրանք ուսանողին պետք է ներկայացվեն բանավոր: Ֆակուլտետները 7-ից դարձել են հինգը, 42 ամբիոնի փոխարեն գործում է 31-ը: Ուռուտյանը շեշտեց, որ ամեն ինչ արվելու է՝ բուհի նահանջած հեղինակությունը վերականգնելու նպատակով, եւ ուսանողների համար այն պետք է գրավիչ դառնա՝ առաջարկվող որակյալ կրթության շնորհիվ: Ռեկտորի թեկնածուն իր ծրագրում առաջարկել էր նաեւ բակալավրիատի 5 տարվա կրթական ծրագիրը փոխարինել 4 տարվա ծրագրով: Փորձն, ըստ նրա, ցույց է տալիս, որ ավելի երկարատեւ ուսուցումը ավելի լավ արդյունքի չի բերում: «Ամբողջ աշխարհը գնում է արագ մասնագետներ պատրաստելու ճանապարհով»,- ասաց նա:

Ագրարային համալսարանի հոգաբարձուների խորհրդի նիստին ներկա էին 26 անդամներից 22-ը: Բոլորը քվեարկեցին Վարդան Ուռուտյանի օգտին:

Հ.Գ. Ագրարային համալսարանի նախկին ռեկտոր Արշալույս Թարվերդյանը զբաղեցրած պաշտոնից հեռացել էր ամռանը: Հետո նա նշանակվել էր ռեկտորի պաշտոնակար Վարդան Ուռուտյանի խորհրդական: «Հետագայում կառուցվածքային փոփոխությունների արդյունքում ես հարմար չգտա ունենալ խորհրդական, այսինքն՝ խորհրդականի հաստիքը կրճատվել է: Նախկին ռեկտորը հիմա արձակուրդի մեջ է, ինքը դեռ ունի գիտական ծրագրեր, զբաղվում է գիտությամբ, ունի ասպիրանտներ եւ պրոֆեսորի կարգավիճակ»,- մեր հարցին պատասխանելով՝ ասաց Վարդան Ուռուտյանը: Ավելի վաղ բուհում իրականացված ուսումնասիությունների արդյունքում հայտնաբերվել էր 350 միլիոն դրամի չարաշահում, որը նախկին ռեկտորը պարտավորվել էր վերադարձել:

Տպել
4043 դիտում

Զբաղվածության ապահովման ծրագրեր՝ Հայաստանում բնակվող արցախցիների համար. ովքեր և ինչքպես կարող են դիմել

Հնարավոր է՝ Թրամփն այս ամառ հայտարարի ԱՄՆ-ի նախագահի պաշտոնում կրկին առաջադրվելու մտադրության մասին. The Hill

Մահացել է ՕՊԵԿ-ի գլխավոր քարտուղար Մուհամեդ Բարկինդոն

Լարսի անցակետն աշխատում է արտակարգ ռեժիմով

Հայաստան կժամանի Իրանի ազգային անվտանգության գերագույն խորհրդի քարտուղարը

Աշտարակ քաղաքի բանկերից մեկում պայթյուն է տեղի ունեցել. կա 1 զոհ, 5 տուժած (լուսանկարներ)

Կամերային նվագախումբը և «Հովեր» երգչախումբը հանդես կգան համատեղ համերգով

Հուլիսի 3-5-ը Հայաստանի տարբեր բանկավայրերից 7 օձ է վնասազերծվել

Մինչև 6 ժամով կդադարեցվի Երևանի և 7 մարզերի մի շարք հասցեների էլեկտրամատակարարումը

Եգիպտոսի քաղաքացիները Հայաստանի վիզա կստանան պարզեցված կարգով

Հայտնաբերվել են «Ռենջ Ռովեր»՝ կրակոցի բազմաթիվ հետքերով, և «Կալաշնիկով»-ից կրակված 26 պարկուճ

Արցախում աճել է ծնունդների, նվազել՝ մահերի թիվը

2022 թվականի միայն առաջին 6 ամիսների ընթացքում ՀՀ քաղաքացիություն ստանալու համար ներկայացվել է շուրջ 9917 դիմում

Սպիտակ խոշորացված համայնքի ամառային զորակոչի նորակոչիկները մեկնել են պարտադիր ժամկետային զինվորական ծառայության

Հայ մրցավարները կսպասարկեն ՈՒԵՖԱ Եվրոպա Կոնֆերենցիաների լիգայի Գզիրա-Աթլետիկ Էսկալդես հանդիպումը

«Զվարթնոց» պատմամշակութային արգելոց-թանգարանում հետայսու ավելի կխստացվի միջոցառումների կազմակերպման գործընթացը

Սահմանադրականությունն ինքնին անկախ պետականության հիմքն է, ՀՀ-ում իշխանությունը պատկանում է ժողովրդին․ Շիրակի մարզպետ

Դեսպան Հովհաննես Իգիթյանը մասնակցել է Լիտվայի Յոնիշկիս քաղաքի օրվա փառատոնին

«Լեռնային Արցախ» ֆուտբոլային ակումբը հանդես կգա Հայաստանի Պրեմիեր Լիգայում

Հրդեհ Էջմիածին քաղաքում. այրվել է քաղաքի շենքերից մեկին հարակից խորդանոցի տանիքը

Սարգիս Ադամյանը պաշտոնապես «Քյոլն» ակումբի ֆուտբոլիստ է

10 հզր դրամ «տուգանք»՝ 18+ կայք այցելելու համար, դրամաշորթում, որին զոհ են դառնում քաղաքացիները. ինչ անել նման դեպքերում

Արարատ Միրզոյանը հանդիպել է Իսպանիայի կոնգրեսի նախագահին

Քրեակատարողական ծառայության պետ Սերգեյ Ատոմյանին արդարադատության գեներալ-մայորի կոչում է շնորհվել

Երևանի Կենտրոն վարչական շրջանի՝ ՔՊ-ի տարածքային խորհրդի նախագահ է ընտրվել արդարադատության նախարար Կարեն Անդրեասյանը

Նիկոլ Փաշինյանը ներողություն չի խնդրի Հրայր Թովմասյանից. Վերաքննիչը վերացրել է առաջին ատյանի դատարանի որոշումը

Քննարկվել են վիրավոր ազատամարտիկների սոցիալական խնդիրները. հանդիպում Արցախի նախագահի հետ

«Ռոսավիցիա»-ն կրկին երկարաձգել է երկրի հարավում թռիչքների արգելքը

«Արարատ» ֆուտբոլային ակումբն արդեն Սկոպյեում է

Շիրակի մարզի մի շարք համայնքներում ջրամատակարարումը 24 ժամով կդադարեցվի

Մեր բոլորի ձգտումը պետք է լինի Մայր օրենքում ամրագրված արժեքներին հավատարիմ մնալը. ԲԴԽ նախագահի պաշտոնակատար

Սարգիս Ադամյանը պայմանագիր կկնքի «Քյոլն»-ի հետ

Սոցցանցի միջոցով շուրջ 22 հազար եվրո հափշտակելու գործը ԱՀ ՔԿ-ում վարույթ է ընդունվել

Արցախի ԱԳ նախարարը հեռախոսազրույց է ունեցել Մերձդնեստրի իր գործընկերոջ հետ

Ռուսաստանը չի մասնակցի Երևանում կայանալիք «Մանկական Եվրատեսիլ-2022»-ին

Քննարկվել են Եկատերինբուրգում ՀՀ Առևտրի տան ստեղծմանն առնչվող հարցեր

Ֆինլանդիան և Շվեդիան ՆԱՏՕ-ին անդամակցելու մասին արձանագրություններ են ստորագրել

Հնդկաստանի ԱԳՆ Արևմտյան ուղղության քարտուղարն այցելել է Հայոց ցեղասպանության հուշահամալիր

Խոշոր ավտովթար Գեղարքունիքի մարզում․ կա տուժած

27 տարիների փորձն ու ներուժը պետք է նպատակաուղղվեն հանուն պետականության ամրապնդման․ Վճռաբեկ դատարանի նախագահ