Երանոսյանի պաշտպանի պնդմամբ՝ իր պաշտպանյալը 4 նռնակ չի գործադրել. նրա դեմ ցուցմունք տված ոստիկանները հակառակն են պնդել

ՀՀ նախկին փոխոստկանապետ, ՀՀ ոստիկանության ներքին զորքերի նախկին հրամանատար Լեւոն Երանոսյանի գործով նախաքննությունը դեռ շարունակվում է:

Երանոսյանին մի քանի ամիս առաջ ՀՀ քրեական օրենսգրքի 309-րդ հոդվածի 2-րդ եւ 3-րդ մասերով մեղադրանք է առաջադրվել հանրորեն վտանգավոր այն արարքների համար, որ նա հատուկ միջոցների գործադրմամբ դիտավորությամբ կատարել է այնպիսի գործողություններ, որոնք ակնհայտորեն դուրս են եկել իր լիազորությունների շրջանակից եւ էական վնաս են պատճառել քաղաքացիների իրավունքներին ու օրինական շահերին, ինչպես նաեւ անզգուշությամբ առաջացրել են ծանր հետեւանքներ: Ըստ ՀՔԾ-ի՝ Երանոսյանը ապրիլի 16-ին Բաղրամյան պողոտայում եւ ապրիլի 22-ին Արցախի պողոտայի սկզբնամասում տեղի ունեցած դեպքերի ժամանակ հատուկ միջոցներ է կիրառել՝ դրա իրավասությունը չունենալով:

Առաջադրված մեղադրանքում Երանոսյանն իրեն մեղավոր չի ճանաչում, ավելին պնդում է, որ ինքը ոչ թե 4, այլ 1-2 նռնակ է կիրառել, իսկ մյուս նռնակները կիրառել են ոստիկանության այլ ծառայողներ:

Մասնավորապես, պաշտպանական կողմը ներկայացրել է մի տեսանյութ, որտեղ, ըստ նրանց, երեւում է, որ պայթյունների քանակը եղել է ավելի շատ եւ որ լուսաձայնային նռնակ կիրառվել է նաեւ ոստիկանության այլ ծառայողների կողմից: Տեղեկացանք, որ Երանոսյանի դեմ ցուցմունք են տվել ինչպես ներկա, այնպես էլ նախկին ոստիկաններ, որոնք, սակայն, պնդել են, որ լուսաձայնային նռնակ կիրառել է բացառապես Լեւոն Երանոսյանը:

Երանոսյանի պաշտպան Տիգրան Սաֆարյանի հետ մեր զրույցը ստորեւ.

- Պարոն Սաֆարյան, գործով նախաքննությունն ի՞նչ փուլում է:

- Նորություն դեռ չունենք, գիտենք, որ քննություն է ընթանում:

- Պաշտպանական կողմը նախաքննության ընթացքը ինչպե՞ս է գնահատում:

- Լեւոն Երանոսյանին առաջադրված մեղադրանքի վերաբերյալ ունենք դժգոհություն, որը մինչեւ հիմա պահպանվում է: Մասնավորապես, իմ պաշտպանյալին առաջադրված մեղադրանքը թե՛ իրավական, թե փաստական առումով չի համապատասխանում իրականությանը:

- Դուք ավելի վաղ մեր զրույցում նշել էիք, որ որեւէ խնդիր չի եղել հատուկ միջոցի կիրառման իրավաչափության հետ կապված, այնինչ՝ ՀՔԾ-ն հակառակն է պնդում, որ Լեւոն Երանոսյանը, չունենալով հատուկ որակավորում, անձամբ գործադրել է լուսաձայնային նռնակ: Ձեր դիրքորոշումը նո՞ւյնն է:

- Մեր դիրքորոշումն այն է, որ ստեղծված իրավիճակում Լեւոն Երանոսյանը եւ ցանկացած ոստիկանության ծառայող տվյալ օրը իրավունք ուներ կիրառելու լուսաձայնային նռնակ: Փաստական առումով անհամաձայնությունն այն է, որ մեղադրանքի հիմքում դրված էին այն փաստերը, որ ընդամենը մի քանի հատ նռնակ է կիրառվել ու բոլորը կիրառվել են Լեւոն Երանոսյանի կողմից, բայց իրականում դա այդպես չէ, տեսանյութերով կա հերքումը, ոչ բոլոր նռնակներն են նրա կողմից կիրառվել:

Իսկ մյուսները ովքե՞ր կիրառել են, իր հրամա՞նն են կատարել:

- Ոստիկանության ծառայողները հատուկ միջոց կամ զենք կիրառելու համար պարտադիր չի հրաման ստանան, գոյություն ունեն նախապայմաններ, հիմքեր, եթե դրանք առկա են, կիրառվում են: Ու այդ հիմքերի կամ նախապայմանների առկայության դեպքում ոստիկանության ծառայողների համար դառնում է պարտականություն այդ միջոցները կամ զենքը կիրառելը, ոչ թե՝ իրավունք: Երանոսյանը չգիտի՝ ովքեր են եղել կիրառողները, առաջին օրվանից պնդել է, որ ինքը դեպքերի օրը մեկ կամ երկու հատ է կիրառել, խառնաշփոթ է եղել, կոնկրետ չի հիշում՝ մնացածներն ովքեր են կիրառել: Կադրերում երեւում է՝ ովքեր են կիրառել:

- «Զարյա» տեսակի լուսաձայնային նռնակ կիրառելու համար համապատասխան հեռավորություն պետք է պահպանվի, ի վերջո հենց դրա կիրառման հետեւանքով այդ օրերին բազմաթիվ ցուցարարներ տուժեցին, այդ թվում՝ ոստիկաններ:

- Մենք էլ ենք հորդորել, որպեսզի այդ ուղղությամբ քննություն իրականցվի, որովհետեւ ուսումնասիրելով «Զարյայի» տեխնիկական տվյալները՝ կարող եմ ասել, որ նա առողջության համար անվտանգ է, անբեկոր պայթուցիկ սարք է, այսինքն՝ երբ նա պայթում է, պետք է առաջացնի ուժեղ ձայն եւ ուժեղ լուսավորություն՝ իրավախախտներին, կոպիտ ասած, շարքից հանում է: «Զարյան» դրա համար է ստեղծված ու ֆիզիկական վնաս չպետք է պատճառի:

- Պարոն Սաֆարյան, բայց փաստն այն է, որ նռնակի կիրառման հետեւանքով քաղաքացիներին ֆիզիկական վնաս է պատճառվել:

- Դրա համար եմ ասում՝ նախաքննությունն այդ ուղղությամբ լուրջ քննություն պետք է անի, պարզելու՝ «Զարյան» համապատասխանո՞ւմ է իր տվայլներին, թե՝ ոչ, եթե իրականում «Զարյայի» կիրառման արդյունքում ֆիզիկական վնասներ են պատճառվում, ապա իմ անձնական կարծիքով, դա չպետք է լինի ոստիկանության սպառազինության մեջ:

Հստակեցվա՞ծ է, թե կոնկրետ իր գործողությունների հետեւանքով տուժողները քանիսն են:

- Երբ վարույթն իրականացնող մարմինը պնդում էր, որ բոլոր նռանկներն էլ իմ պաշտպանյալն է կիրառել, ավտոմատ դառնում էր, որ դեպքի օրը նման վնասվածք ստացածները իր գործողությունների արդյունք են, բայց քանի որ մեր ներկայացրած տեսանյութերով այլ անձինք են երեւում, քննությունն արդեն պետք է փորձի տարանջատել, որպեսզի հնարավոր լինի նաեւ տուժողների ստացած վնասվածքները տարանջատել՝ ըստ կիրառողների, հետո արդեն հասկանալ իրավաչափությունը, կիրառման անհրաժեշտությունը:

- Այսինքն`ձեր կողմից ներկայացված տեսանյութով, ըստ ձեզ, չի՞ հիմնավորվում Երանոսյանին մեղսագրվող արարքը:

- Այո, այդ տեսանյութում հստակ երեւում է, որ պայթյունների քանակը եղել է ավելի շատ եւ նաեւ ոստիկանության այլ ծառայողներ են կիրառել:

- Ոստիկանության ծառայողների դեմքերը փակվա՞ծ են, թե՞ նրանց հնարավոր է նույնականացնել:

-Ինչքանով որ հիշում եմ՝ փակված չեն,  հնարավոր է նույնականացնել:

- Լեւոն Երանոսյանի մասնակցությամբ ի՞նչ քննչական գործողություններ են իրականացվել, մասնավորապես առերես հարցաքննություններ կատարվե՞լ են:

- Առերես հարցաքննություն չի եղել, փորձաքննությունններ են նշանակվում, դրանց որոշումներին ու եզրակացություններին ենք ծանոթանում:

- Եզրակացություններից մեկը կհրապարակե՞ք:

- Նախաքննության գաղնտնիությունից ելնելով՝ չենք կարող:

- Պարոն Սաֆարյան, տեղեկություն ունե՞ք՝ այս գործով այլ բարձրաստիճան ոստիկաններ անցնո՞ւմ են թե՝ ոչ:

- Տեղեկություն չունենք:

Նշենք, որ «Զարյա» տեսակի լուսաձայնային նռնակը ոչ բեկորային նռնակ է: «Զարյա-2»-ով զինված են լինում ուժային բոլոր կառույցները, այն կիրառելով հակառակորդին կուրացնող լույսի եւ խլացնող ձայնի միջոցով, ինչպես նաեւ թեթեւ վնասվածքներով շարքից հանելու համար։

Ըստ Հայաստանի առողջապահության նախարարի 2012 թվականի ապրիլի 20-ի 09-Ն հրամանի, անբեկոր լուսաձայնային «Զարյա-2»-ի գործարկումը կարելի է միայն բաց տեղանքում, մարդուց նվազագույնը 2,5 մետր հեռավորության վրա: Ըստ ՀՀ հատուկ քննչական ծառայության տարածած հաղորդագրության, Լեւոն Երանոսյանը չունենալով Զարյա» տեսակի լուսաձայնային նռնակներ ստանալու եւ անձամբ գործադրելու լիազորություն, դրանց կիրառման համար թույլատրելի չափանիշների խախտմամբ, այն է՝ չպահպանելով մարդկանցից առնվազն 2,5 մետր հեռավորությունը, 2018 թվականի ապրիլի 16-ին՝ ժամը 15:00-ի սահմաններում, Երեւան քաղաքի Բաղրամյան պողոտայում անցկացվող բողոքի զանգվածային ակցիայի ժամանակ գործադրել է 4 հատ «Զարյա» տեսակի լուսաձայնային նռնակ, ինչի հետեւանքով ցույցի մասնակիցներից ավելի քան 40 հոգի ստացել են տարբեր աստիճանի, այդ թվում` ծանր եւ միջին ծանրության մարմնական վնաս: Նույն գործողություններն, ըստ ՀՔԾ-ի, Երանոսյանը կատարել է ապրիլի 22-ին Արցախի պողոտայում, ինչի հետեւանքով տուժել է 6 քաղաքացի:

Լեւոն Երանոսյանի նկատմամբ որպես խափանման միջոց է ընտրվել երկրից չհեռանալու մասին ստորագրությունը:

Տպել
2591 դիտում

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան