«Իմ քայլը հանուն Լոռու մարզի» ներդրումային-բիզնես ֆորումը տեղի կունենա փետրվարի 23-ին

Փետրվարի 23-ին Լոռու մարզկենտրոն Վանաձորում կանցկացվի «Իմ քայլը հանուն Լոռու մարզի» ներդրումային-բիզնես ֆորումը, որին հրավիրված են Հայաստանի ու արտերկրի հայ և այլազգի մեծաթիվ գործարարներ ու ներդրողներ: Ֆորումին ներկա է գտնվելու ՀՀ վարչապետ Նիկոլ Փաշինյանը՝ կառավարության ներկայացուցչական կազմի հետ: Ֆորումի աշխատանքային խմբի ղեկավարը Լոռու մարզպետ Անդրեյ Ղուկասյանն է:
Բիզնես ֆորումի ընթացքում կներկայացվեն մարզի առաջնահերթություն համարվող 4 (ՏՏ, գյուղատնտեսություն, տուրիզմ, արդյունաբերություն) ոլորտների զարգացմանն ուղղված գրավիչ ու բազմազան նախագծեր, որոնք կարող են դառնալ շահութաբեր բիզնեսի լավագույն առաջարկներ՝ ներդրողների համար:
Լոռիում հնարավոր ներդրումային դաշտը գործարարներին կներկայացվի շուրջ 5 տասնյակ մեծ ու փոքր բիզնես նախագծերի/գաղափարների տեսքով: 
Գործարար միջավայրում փորձի փոխանակումը, ներդրումային ծրագրերի հեղինակների հետ շփումներն ու ակտիվ քննարկումները նոր կապերի ու շուկաների լայն դաշտ կբացեն: Լոռու մարզպետ Անդրեյ Ղուկասյանը ՀԺ-ի հետ զրույցում նշեց, որ բիզնես ֆորումի շրջանակներում փորձելու են ներկայացնել մարզի հնարավորությունները պոտենցիալ ներդրողներին, վստահեցրեց, որ իրենց ու պետության կողմից երբեւէ որեւէ խոչընդոտ չի առաջանա. «Բացի դա, կախված ներդրումների չափից, հնարավոր են նաեւ որոշակի արտոնություններ, շինությունների ու տարածքների տրամադրում, որոնք ներդրողների համար բարենպաստ պայմաններ կստեղծեն»:

Անդրեյ Ղուկասյանի խոսքով՝ առանձնացրել են 4 գերակա ճյուղ. «Տուրիզմ, ՏՏ ոլորտ, գյուղատնտեսություն եւ թեթեւ արդյունաբերություն, բայց դրանով մենք չենք սահմանափակվի, կներկայացնենք նաեւ մարզի բոլոր հնարավորությունները, իսկ կոնկրետ նշված ճյուղերը մեծ պոտենցիալ ունեն»:

Մարզի ղեկավարը հայտնեց, արդեն իսկ հաջողված ծրագրեր կան, որոնք եւս կներկայացվեն ֆորումի ընթացքում. «Ֆորումի նպատակն այն չի, որ հենց այդ օրը ինչ-որ պրոյեկտներ իրականացվեն, այլ դա մի գործընթացի սկիզբ է, որը հետագայում մեծ թափ է հավաքելու»:

Անդրադառնալով ֆորումի նախապատրաստական աշխատանքներին, բիզնեսմենների ու ներդրողների հետաքրքրվածությանը, մարզի ղեկավարն ասաց. «Նախկին արատավոր երեւույթները, որոնք կային մեր իրականության մեջ, բնականաբար ինչ-որ փուլում խոչընդոտել են ներդրողներին…կար 50/50-ը, կար ատկատ ասվածը, փայաբաժին ունենալը…հիմա դրանք վերացված են, ու ոչ ոք գործարարին չի կարող խոչընդոտել թե՛ մարզի ու թե՛ կառավարության մասշտաբով, ու սա նաեւ տեսնում են սփյուռքահայերն ու ներդրողները, ովքեր իսկապես հետաքրքրված են թե՛ ֆորումով, ու թե՛ նոր ներդրումներ անելու ցանկությամբ»:

Լոռիում անցկացվող բիզնես ֆորումը կբացի 2019-ին Հայաստանի տարբեր մարզերում կայանալիք նույնատիպ ֆորումների շարքը՝ հավակնելով առաջինը լինելուց զատ նվաճել նաև լավագույնի կոչումը:

Բիզնես ֆորումին զուգահեռ կանցկացվի մարզի կարևորագույն ոլորտների լավագույն ձեռնարկությունների արտադրանքի EXPO ցուցահանդես, որը նոր գործընկերներ ձեռք բերելու, ընդլայնման կամ արտահանման առումով նոր տեսականու եւ ծավալների փոխշահավետ հնարավորություններ կառաջարկի:

Տպել
3478 դիտում

ՌԴ Պետդումայի պատգամավորներն իրենց մտահոգությունն են հայտնում. հայտարարությունը կփոխանցվի Ադրբեջանին ու ՀՀ-ին

ՀԱՊԿ-ում Հայաստանի ներկայացուցիչը ելույթ է ունեցել. ԱԳՆ-ն հայտարարություն կտարածի

Հակառակորդն այսօրվա ընթացքում արդեն կորցրել է 11 ԱԹՍ, 4 զրահափոխադրիչ 82Ա, 5 տանկ, կենդանի ուժ (տեսանյութ)

Արմենակ Ուրֆանյանի մայրը` տիկին Համեստը եւս արյուն է հանձնել

«Գրադի» 122 մմ-անոց արկ է արձակվել Ստեփանակերտի մանկապարտեզի ու դպրոցի հարեւանությամբ (լուսանկարներ)

Պաշտպանության բանակը շարունակում է փայլուն կատարել իր առջև դրված մարտական խնդիրը. ԱՀ նախագահի խոսնակ

Դեպի Արցախ սննդի, հիգիենիկ պարագաների փոխանցումը անհրաժեշտ է բացառապես իրականացնել պետական կառույցների համակարգմամբ. ԱԱԾ

Oգնությունները պետք է լինեն նպատակային, այս պահին սնունդ հավաքելու իմաստ չկա, զորքը սննդի խնդիր չունի. Ա. Հովհաննիսյան

Հակառակորդը խուճապահար փախչում է՝ թողնելով սպանվածներին ու քարշ տալով վիրավորներին (տեսանյութ) Շ. Ստեփանյան

Վարդենիսի քաղաքացիական բնակչության թիրախավորման հետեւանքով սպանվել է մեկ անձ. ԱԳՆ հայտարարությունը

Իգլա ԴԶՀՀ-ով հայկական կողմը ոչնչացրել է հակառակորդի երկու ուղղաթիռ. նոր տեսանյութ է հրապարակվել

Արցախը թուրքական արժույթը գլորում է անդունդը, եւ Թուրքիան արդեն գրեթե փող չունի. Lenta.ru

ՀՀ-ն ծավալուն նոր փաստեր է ուղարկել ՄԻԵԴ-ին՝ Ադրբեջանի կողմից քաղաքացիական բնակչության թիրախավորման մասին

Մարդու իրավունքների պաշտպանը երեխաներին և ծնողներին կոչ է անում չօգտվել Տիկ-Տոկ սոցիալական ցանցից

Այս պահին հրետակոծվում են Վարդենիսին հարող գյուղերը. Ա. Հովհաննիսյան

Գրագետ աշխատանքի և ճիշտ կողմնորոշվելու արդյունքում Վարդենիսում զոհեր և վիրավորներ չկան. Գեղարքունիքի մարզպետ

Սրանով Թուրքիան և Ադրբեջանը փաստում են՝ իրենց իրական թիրախը հայ ժողովուրդն է. նախարարը ավտոբուսից լուսանկար է հրապարակել

Վարդենիսի ուղղությունը ի սկզբանե թիրախավորված է եղել․ Արծրուն Հովհաննիսյան

Հակառակորդը ինչպես ռազմաճակատում, այնպես էլ տեղեկատվական տիրույթում վերջին ճիգերն է դնում. Ա. Հովհաննիսյան

Արցախի ՄԻՊ-ը հրապարակել է քաղաքացիական չորս զոհերի անունները