«Շիրակի հանրային հեռուստառադիո»-ն լուծարվում է, բայց նպատակ ունենք այդ գոտուց թղթակցային կետ ունենալ․ Ստեփան Զաքարյան

«Շիրակի հանրային հեռուստառադիո» ՓԲԸ-ն, որը ստեղծվել էր 1993-ին՝ ՀՀ կառավարության որոշմամբ, օրերս լուծարվեց՝ կրկին կառավարության որոշմամբ։

Որոշման հիմնավորումն այն է, որ 2016 թվականի հոկտեմբերի 26-ից ՀՀ տարածքում անջատվել է անալոգային հեռարձակումը եւ ամբողջությամբ անցում է կատարվել թվային հեռուստատեսային հեռարձակման: Եւ քանի որ «Շիրակի հանրային հեռուստառադիո» փակ բաժնետիրական ընկերությունը մինչ օրս իրականացնում է անալոգային հեռարձակում, այդ պատճառով չի կարողանում ապահովել լայն լսարան, իսկ թվային հեռարձակում իրականացնելու համար առաջնահերթ կպահանջվի համապատասխան օրենսդրական կարգավորում եւ զգալի ֆինանսական ներդրումներ, ինչը, ըստ կառավարության որոշման, այս պահին անիրատեսական է:

Այս որոշման արդյունքում աշխատանքը կորցրել է մոտ 60 աշխատակից։

«Շիրակ» հանրային հեռուստառադիոընկերության գործադիր տնօրեն Արթուր Ղանդիլյանը, սակայն, «Հայկական ժամանակ»-ի հետ զրույցում կարծիք հայտնեց, որ միանշանակ հնարավոր էր ուրիշ որոշում կայացնել ու այլ ելք գտնել․

«Հնարավոր էր ընկերությունը մասնավորեցնել ու շարունակել աշխատանքները, կամ հիմնադրամ ստեղծել, կամ էլ ուղղակի մի որոշ ժամանակ էլ սպասել՝ մինչեւ հնարավոր լիներ թվայնացնել։ Հիմա էլի ալիքներ կան, որոնք անալոգային հեռարձակում ունեն ու պայքարում են թվայնացման համար, մենք էլ ամեն ինչ անում էինք դիտողականությունը բարձրացնելու համար, ֆեյսբուքով ուղիղ եթեր էինք հեռարձակում, հաղորդումները տեղադրում էինք յութուբում»,-մեկնաբանեց հեռուստառադիոընկերության տնօրենը։

Վերջինս մեր զրույցում ասաց, որ հեռուստառադիոընկերությունն ունի մոտ 60 աշխատակից՝ լրագրողներ, օպերատորներ եւ այլք։ Խնդիրն այն է, որ մարզում աշխատող մի քանի լրատվականներն արդեն ունեն իրենց աշխատանքային թիմը, եւ «Շիրակ»-ի աշխատակիցները դժվար թե կարողանան այլ լրատվամիջոցում ու հեռուստաընկերությունում աշխատանք գտնել, եթե քաղաքից դուրս չեն գալիս։

Ընկերության գործադիր տնօրենի խոսքով՝ ռադիոն թվային հեռարձակման անցնելու խնդիր չունի, սակայն լուծարվել է ոչ միայն հեռուստաընկերությունը, այլ նաեւ ռադիոընկերությունը․

«Եւ բացի այդ՝ մենք նաեւ զանգվածային լրատվամիջոց ենք, մենք անդրադառնում ենք Շիրակի բնակիչներին հուզող խնդիրներին եւ այլն, սա ոչ միայն հեռուստաընկերություն լուծարել է, այլ նաեւ լրատվամիջոց»։

Արթուր Ղանդիլյանն ասաց, որ առաջիկայում հեռուստառադիոընկերության աշխատակիցները քննարկումներ են սկսելու ոլորտի կառույցների, լրատվամիջոցների ներկայացուցիների հետ ու անպայման առաջարկներ են ներկայացնելու կառավարությանը։

«Շիրակի հանրային հեռուստառադիո» ՓԲԸ բաժնետոմսերի կառավարման լիազորությունը վերապահված էր ՀՀ Հանրային հեռուստառադիոընկերության խորհրդին։ Այժմ ՓԲԸ-ի մնացած գույքի սեփականության իրավունքը անցնելու է «Հայաստանի հանրային հեռուստաընկերություն» եւ «Հայաստանի հանրային ռադիոընկերություն» փակ բաժնետիրական ընկերություններին:

«Հայկական ժամանակ»-ը թեմայի շուրջ զրուցեց նաեւ Հանրային հեռուստառադիոընկերության խորհրդի անդամ Ստեփան Զաքարյանի հետ։ Վերջինս եւս մեկ անգամ շեշտեց, որ խնդիրն առաջին հերթին թվայնացումն էր, որը բավականին մեծ ծախսի հարց էր։ Ստեփան Զաքարյանի խոսքով՝ երկրորդ հարցը նպատակահարմարության խնդիրն էր․

«Հանրային առաջին ալիքը՝ Հ1-ը, հեռարձակվում է նաեւ Շիրակում, ու հնարավոր է՝ ավելի քիչ գումարով պահել թղթակցական կետ աղետի գոտում, որը պատրաստվում ենք անել։ Այսինքն՝ Հ1-ի եթերում կշարունակվեն լուսաբանվել աղետի գոտու խնդիրները։ Եթե վերցնում ենք զուտ նպատակահարմարության տեսանկյունից, կրկնում եմ, Հ1-ը հեռարձակվում է նաեւ այդ կետում»,-նշեց Հանրային հեռուստառադիոընկերության խորհրդի անդամը։

Ստեփան Զաքարյանն ասաց, որ, իհարկե, այստեղ կա գործազրկության ծանր խնդիրը, բայց քանի որ օպտիմալացման ծրագիր կա, որոշվել է օգտակարության համար նման որոշում կայացնել, բայց պահել աղետի գոտու թղթակցային կետ․

«Թղթակցային այդ կետում «Շիրակ»-ի աշխատակիցներից կարող են աշխատել մի 4-5 հոգի, հիսունին տեղավորել անհնար է, ցավոք»։

Ինչ վերաբերում է նաեւ ռադիոընկերության լուծարմանը՝ Ստեփան Զաքարյանն ասաց, որ եթե կրկին նայում ենք նպատակահարմարությանը, ապա Շիրակում նաեւ հասանելի ռադիոկայաններ կան, այդ թվում՝ Հանրայինը։

«Շիրակ» ՀՌԸ-ի գործադիր տնօրենը վարչապետ Նիկոլ Փաշինյանին գրած իր նամակում նշել է, որ ընկերության ստեղծումից հետո այն բավարար ուշադրության չի արժանացել ՀՀ կառավարության կողմից, իսկ վերջին տարիներին՝ բացահայտ անտարբեր վերաբերմունքի է արժանացել Հանրային հեռուստառադիոխորհրդի կողմից, եւ ընկերությունում բազմաթիվ խնդիրներ լուծվել են այդտեղ աշխատող մարդկանց ջանքերի շնորհիվ։ Այս հարցի վերաբերյալ հեռուստառադիոընկերության խորհրդի անդամ Ստեփան Զաքարյանն ասաց․

«Եթե օրենքը նայենք, ապա խորհուրդն ինչի՞ն կարող էր ուշադրություն դարձնել․ ծրագրերին ու ֆինանսավորմանը, բայց մենք էլ կախված ենք բյուջեից, մենք չենք կարող ավելին անել, գուցե ավելի մեծ ուշադրություն ենք դարձրել Հ1-ին եւ Հանրային ռադիոյին, որոնք հեռարձակվում են ՀՀ-ի ողջ տարածքում, տրամաբանական է, բայց գուցե թերացել ենք ինչ որ հարցում, դա էլ հնարավորությունների հարց է»։

Ստեփան Զաքարյանը նշեց, որ ընկերությունը հնարավոր է մասնավորեցնել, քանի որ այդ գույքը պատկանում է խորհրդին, եւ կարելի է կառավարության հետ համատեղ մրցույթ անել, իսկ հաղթողը կարող է գնել ու հեռարձակել։

Տպել
3357 դիտում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Վաղվանից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված