Ազատ արձակված ադրբեջանցին երրորդ երկիր կտեղափոխվի. մենք չենք կարող մարդու իրավունքները ոտնահարել. Բաբայան

2019 թվականի փետրվարի 2-ին  Արցախի ընդհանուր իրավասության առաջին ատյանի դատարանի դատավճռով 2 տարի ազատազրկման դատապարտված Էլնուր Էլման օղլի Հուսեյնզադեն Արցախի ոստիկանության քրեակատարողական հիմնարկում պատիժը կրելուց հետո ազատ է արձակվել:

Հուսեյնզադեն մեղադրվում էր այն բանի համար, որ հանդիսանալով Ադրբեջանի Հանրապետության զինված ուժերի 157-րդ  մոտոհրաձգային բրիգադի հետախուզական վաշտի զինծառայող, 2017 թվականի փետրվարի 1-ին, ժամը 15.00-ի  սահմաններում, առանց պատշաճ թույլտվության Մարտակերտի շրջանի Թալիշ համայնքի  ուղղությամբ ապօրինի հատել էր Արցախի Հանրապետության զինված ուժերի կողմից պահպանվող պետական սահմանը, մտել մարտական  դիրքի խրամուղի, որից հետո ձերբակալվել էր` պետական սահմանի հսկողությունն իրականացնող ստորաբաժանման ծառայողների կողմից:

Ըստ տեղեկությունների` Հուսեյնզադեն 3-րդ երկիր պետք է տեղափոխվի:

«Մենք չենք կարող մարդուն բանտում պահել, իրավունքները ոտնահարել, միայն նրա համար, որ ինքն ադրբեջանցի է»,- այս մասին ՀԺ-ի հետ զրույցում ասաց Արցախի նախագահի մամուլի խոսնակ Դավիթ Բաբայանը:

- Պարոն Բաբայան, ճի՞շտ է, որ օրերս ազատ արձակված ադրբեջանցի զինծառայող Հուսեյնզադեն 3-րդ երկիր է տեղափոխվելու:

- Այդ տղան որեւէ ահաբեկչական գործողություն, մարդասպանություն կամ ծանր հանցագործություն չի կատարել: Ի սկզբանե էլ հայտարարել է, որ չի ուզում վերադառնալ Ադրբեջան: Ի վերջո մենք քաղաքակիրթ պետություն ենք եւ նացիզմով առաջնորդվելը մերը չէ: Նացիզմը, որպես ատելություն, որպես բարբարոսության մի ձեւ քայքայում է ոչ միայն հոգին, այլ նաեւ պետությունը: Հետեւաբար նա իր համապատասխան ժամկետը Արցախի բանտում անցկացնելուց հետո ազատ է արձակվել: Նման դեպքերում, ինչպես միջազգային պրակտիկան է եւ ընդունված ձեւն է, այդ մարդիկ գնում են երրորդ երկիր: Այսպիսի նախադեպներ եղել են: Մենք չենք կարող մարդուն բանտում պահել, իրավունքները ոտնահարել միայն նրա համար, որ ինքն ադրբեջանցի է:

Այդ Ադրբեջանն է ֆաշիստ, նացիստ, պիտի հավասարվենք իրե՞նց: Դա՞ է մեր առավելությունը: Ընդհակառակը, մեր ուժը նրա մեջ է, որ մենք ատելությամբ լցված չենք: Իսկ ատելությունը հակառակորդին թույլ չի տալիս օբյեկտիվորեն դիտարկել իրավիճակը: Ադրբեջանը բնական է, որեւէ ձեւով չի հասկանալու այսպիսի գործողությունները: Նրանք նույնիսկ այսօրվա դրությամբ պահում են մեր հայ քաղաքացիներին, չնայած իրավունք չունեն, միջազգային իրավունքներին դեմ է: Ադրբեջանը միայն ուզում է այդ մարդկանց շանտաժի ձեւով փոխարինել այն ահաբեկիչների հետ, ովքեր Արցախում այս պահի դրությամբ իրենց պատիժն են կրում:

- Հուսեյնզադեն գո՞հ էր: Արցախում նրան նորմա՞լ են վերաբերվել:

- Այո, անկախ ամեն ինչից կան օրենքներ: Կարմիր խաչի միջազգային կոմիտեն էլ էր պարբերաբար այցելում:

- Ո՞ր երկիր է տեղափոխվել նա:

- Դա փակ է: Այդպիսի տեղեկությունը չեն ասում՝ նրանց անվտանգության խնդիրներից ելնելով: Որովհետեւ այդ մարդիկ հալածանքների են ենթարկվել Ադրբեջանում եւ եթե իմանան՝ որտեղ են, նրանց կարող են առեւանգել, սպանել:

Տպել
2730 դիտում

Տավուշի մարզում 42-ամյա վարորդը Honda-ով կողաշրջվել է. նա հոսպիտալացվել է

Երկարատև հիվանդությունից հետո մահացավ ՀՀ վաստակավոր արտիստ Ռուդոլֆ Ղևոնդյանը

Աշտարակի ոստիկանները հանգստի գոտուց բերման են ենթարկել երիտասարդների և հայտնաբերել թմրամիջոց (տեսանյութ)

Պաշտպանն այց է իրականացրել «Փրկություն» հաշմանդամ երեխաների և երիտասարդների կենտրոն

Սամվել Կարապետյանի եղբորորդին չի ընդունում մեղադրանքը. նա եւ Վահե Պարազյանը առերեսվել են

Մասիսի գերեզմանատան մոտակայքում ցորենի արտ է այրվում. դեպքի վայր է մեկնել 7 հրշեջ մեքենա

Դավիթ Տոնոյանն ընդունել է ՀՀ-ում ԱՄՆ դեսպանին

ԿԳՄՍ նախարարությունում քննարկվել է բարձրագույն կրթության 3-րդ աստիճանի որակի ապահովումը

Մի քանի ժամ տեւած բողոքի ակցիայից հետո ցուցարարները բացել են Հայաստան-Վրաստան միջպետական ճանապարհը

Սյունիքի մարզի Ծավ համայնքին կից անտառում հրդեհ է բռնկվել. սահմանել են հերթապահություն

Վենետիկի հանձնաժողովը բեղմնավոր է գնահատում ՀՀ իշխանությունների հետ գործակցությունը. հայտարարություն

ԵԽ փորձագիտական խումբը կաջակցի ազգային երիտասարդական ռազմավարության վերանայմանը

Երևանում հեռուստաաշտարակի հարևանությամբ կողաշրջվել է ցեմենտ տեղափոխող բեռնատարը

Գյումրու շուկայում ՍԱՏՄ-ն առանց փորձաքննության մսեղիք է հայտնաբերել (լուսանկարներ)

ԱԱԾ տնօրենի հանձնարարականով աշխատանքային խորհրդակցություն է անցկացվել

«Լուսավոր Հայաստան» խմբակցության քարտուղար Գեւորգ Գորգիսյանին դատի են տվել

«Բանանցի» երկրպագուները նայելու ոչինչ չունեին. խայտառակ պարտություն կրեց, դուրս մնաց ԵԼ-ից

Հուլիսի 4-ից ուռուցքաբանական հիվանդությունների ճառագայթային թերապիայի մասով կատարվել են փոփոխություններ

Այն, ինչ հիմա տեղի է ունենում Հայաստանում, պայքար է հին ու նոր համակարգերի, ապագան կերտելու հին ու նոր մեթոդների միջեւ

2021 թվականին ԱՊՀ զբոսաշրջության խորհրդի նիստը կանցկացվի Հայաստանում