Ռոտերդամում կայացել է Փարաջանովի «Նռան գույնը» ֆիլմում չընդգրկված հատվածների նորարական ձեւաչափով ցուցադրությունը

Ռոտերդամի 48-րդ միջազգային կինոփառատոնի շրջանակում «Արմինիուս» եկեղեցում կայացել է «Կինոյի տաճար» ծրագրի շնորհանդեսը եւ Սերգեյ Փարաջանովի «Նռան գույնը» ֆիլմում չընդգրկված հատվածների նորարական ձեւաչափով ցուցադրությունը։

Շնորհանդեսն անցել է լեփ-լեցուն դահլիճներում: Այս մասին այսօր լրագրողների հետ հանդիպմանը խոսեց Հայաստանի ազգային կինոկենտրոնի տնօրեն Շուշանիկ Միրզախանյանը՝ հավելելով, որ թեմատիկ նյութի ու բովանդակային բաղադրիչների պատրաստումն իրականացվել է իր ղեկավարությամբ եւ ծրագրի հեղինակ՝ Դենիել Բըրդի մասնակցությամբ:

2019 թվականի Ռոտերդամի միջազգային կինոփառատոնի (հունվարի 23-ից փետրվարի 3-ը) հայ դասական եւ ժամանակակից կինոյին նվիրված «Կինոյի տաճար» ծրագիրը ներառել է Ս. Փարաջանովի «Նռան գույնը» ֆիլմի հիմնական մոնտաժում չընդգրկված հատվածներ: Նոր ֆորմատով ցուցադրության շնորհանդեսի ընթացքում Արմինիուս եկեղեցու հատակին տեղադրված 24 էկրանները անընդհատ ցուցադրել են փարաջանովյան կադրեր՝ Տիգրան Մանսուրյանի երաժշտության ներքո։ Ցուցադրությունը գործել է փառատոնի ամբողջ ընթացքում։ Շուշանիկ Միրզախանյանը հայտնեց, որ Տիգրան Մանսուրյանի հետ քննարկել են եւ նա համաձայնվել է եւս մեկ գործ ստեղծել վերականգնվող կադրերի համար. աշխատանքն արդեն ընթացքի մեջ է:

Ազգային կինոկենտրոնի տնօրենը փաստեց, որ ճակատագրի բերումով, Սերգեյ Փարաջանովը առաջին անգամ (ընդհանրապես ոչ միայան փառատոն) արտասահման է մեկնել Ռոտերդամի միջազգային փառատոնի հրավերով՝ 30 տարի առաջ՝ 1988 թվականին։ Իսկ դրանից ուղիղ մեկ տարի առաջ՝ 1987 թվականին Սերգեյ Փարաջանովի «Լեգենդ Սուրամի ամրոցի մասին» ֆիլմը ցուցադրվել է Ռոտերդամի փառատոնում եւ որպես նորարարական ֆիլմ արժանացել է մրցանակի։

Միրզախանյանը հայտնեց, որ Հայաստանի ազգային կինոկենտրոն ու լեհական FIXAFILM ընկերությունը «Կինոյի տաճար» ծրագրի շրջանակում, սկսել են վերականգնել Փարաջանովի «Նռան գույնը» հիմնական ֆիլմից դուրս մնացած կադրերը. «Հայաստանում գտնվեց մասնագետ, որը տեղում սկսեց վերականգնման աշխատանքները։ Արդեն վերականգնվել է կադրերի 1/3-ը։ Ընդհանուր ժապավենը կազմում է 103 տուփ»։ 

Ազգային կինոկենտրոնի տնօրեն Շուշանիկ Միրզախանյանի եւ Դենիել Բըրդի համագործակցությամբ դեռեւս անցյալ տարի սկսվել է հայկական դասական ֆիլմերի թվայնացման ու տարածման երկարաժամկետ ծրագիր։ Առաջինը թվայնացվել է Փարաջանովի «Հակոբ Հովնաթանյան» կարճամետրաժ ֆիլմը։ Վերականգնված տարբերակը Հայաստանում ցուցադրվել է 2018-ի աշնանը, որից հետո Փարաջանովի արդեն վերականգնված աշխատանքը ցուցադրվել է տարբեր մշակութային ձեռնարկների եւ միջազգային կինոփառատոնների շրջանակներում։

«Ամիսների համառ ու շարունակական աշխատանքի շնորհիվ հավաքվել եւ ամբողջացվել է ցուցադրանյութը, իսկ փառատոնի պատասխանատուները ապահովել էին կազմակերպչական հատվածը: Ռոտերդամի փառատոնում մեկ առանձին ընդարձակ ծրագրով հայկական կինոյի նորովի ներկայությունը հրաշալի հնարավորություն է՝ միջազգային հանրությանը ներկայացնելու հայկական կինոմշակույթն ու պատմությունը»,-ասաց Շուշանիկ Միրզախանյանը:

Սերգեյ Փարաջանովի «Նռան գույնը» ֆիլմը նկարահանվել է 1968 թվականին: Այն պատմում է Սայաթ Նովայի կյանքի մասին: Ֆիլմի երաժշտությունը գրել է հայտնի երաժիշտ մաեստրո Տիգրան Մանսուրյանը:

Տպել
449 դիտում

Նորագավիթի գերեզմանատանը դի է հայտնաբերվել. ըստ ահազանգի՝ ինքնասպանություն է գործել

Ամենայն Հայոց Կաթողիկոսի հանդիսապետությամբ Ս. Գայանե վանքում կատարվել է Ոտնլվայի արարողությունը

Ի՞նչ պատահեց աղբահանությանը. նախկինում այդպիսի պարտավորություն դրված էր նաեւ վարչական շրջանների ղեկավարների վրա

Ոստիկանները բացահայտել են Գյումրու թիվ 38 դպրոցի նախկին տնօրենի ապօրինությունները

Արմեն Սարգսյանը հյուրընկալել է ՀՀ ժողովրդական արտիստ, կինոյի մեծ վարպետ Արտավազդ Փելեշյանին

Գարեգին Բաղրամյանն ընտրվեց Հանրային ծառայությունները կարգավորող հանձնաժողովի նախագահ

ՀԺ-ում «Հասարակ» լրագրող աշխատելուս 14 տարիները համարում եմ իմ կենսագրության ամենապայծառ շրջանը․ Վահագն Հովակիմյան

Օրենսդիրն այսօր ընտրելու է Հանրային ծառայությունները կարգավորող հանձնաժողովի նախագահ․ թեկնածուն Գարեգին Բաղրամյանն է

Արարատ Միրզոյանը մասնակցել է ԱՊՀ միջխորհրդարանական վեհաժողովի խորհրդի նիստին

Կոնչիտա Վյուրստը կրկին տղամարդ է դարձել

ՎՏԲ-Հայաստան Բանկը բարելավում է հիփոթեքային վարկավորման պայմանները երիտասարդ ընտանիքների համար

3 անչափահասները հղիացել են 16 տարին լրանալուց հետո. քրեական գործի հարուցումը մերժվել է. Նելլի Դուրյան

Արմեն Սարգսյանը հանդիպել է Հայաստանի մարդու իրավունքների պաշտպանի հետ

Մարդկանց անվտանգությունը, Արցախի կարգավիճակն առաջնային հարցեր են. ԱԳ նախարարի հարցազրույցը «Լը Ֆիգարոյին»

Գյումրիում, նախնական տեղեկությամբ, դպրոցական է դանակահարվել

Վարչապետին առաջարկել եմ հետ կանչել ՏՄՊՊ նախագահի թեկնածու Գեղամ Գևորգյանի թեկնածությունը. Մարուքյան

ՀՀ-ում մնալով դժվար թե կարողանայի Եվրոպական խաղերի ուղեգիր նվաճել. Լիլիթ Պողոսյան

Որևէ ծրագրի հիման վրա բանակցություններ չեն ընթանում. ԱԳՆ-ի պատասխանը Բաքվին

Նոտր-Դամից հետո. Նյու Յորքի Սբ Պատրիկի տաճարում բենզինի տարաներով և մի քանի կրակայրիչով տղամարդ է ձերբակալվել

ՀՀ վարչապետն ու Գագիկ Ծառուկյանը քննարկել են մի շարք հարցեր, այդ թվում՝ «ԱրարատՑեմենտ»-ի հարցը. Կարապետյան