Լեւոն Ջուլֆալակյանը կարծում է՝ որդին կարող է համատեղել պատգամավորի աշխատանքը եւ սպորտը

Օլիմպիական չեմպիոն, ՀՀ հունահռոմեական ոճի ըմբշամարտի հավաքականի գլխավոր մարզիչ Լեւոն Ջուլֆալակյանը կարծում է, որ որդին՝ Արսեն Ջուլֆալակյանը, կարող է համատեղել սպորտը եւ ՀՀ ԱԺ պատգամավորի աշխատանքը: Այս թեմայի շուրջ նա խոսեց այսօր՝ փետրվարի 6-ին, լրագրողների հետ հանդիպման ժամանակ: Օլիմպիական արծաթեմեդալակիր, աշխարհի, Եվրոպայի չեմպիոն 31-ամյա Արսեն Ջուլֆալակյանն «Իմ քայլը» դաշինքից ԱԺ պատգամավոր է ընտրվել 2018 թ. արտահերթ ընտրություններում եւ պատրաստվում է մինչեւ Տոկիո 2020-ը համատեղել, որից հետո կավարտի մարզական կարիերան:

«Երբ սովորում էր դպրոցում, գերազանց էր սովորում, եւ հասցնում էր մրցումներում հաղթել: Համալսարանում նույնպես գերազանց էր սովորում եւ հասցնում էր գերազանց դրսեւորել իրեն սպորտում: Գտնում եմ՝ կկարողանա: Էներգիայով լի անձնավորություն է, չի սիրում ժամանակը պարապ անցկացնել: Ժամանակը ճիշտ է պլանավորում, մարզումներն այնպես է պլանավորվում, որ մեկը մյուսին չի խանգարում: Մենք միշտ էլ իրար հետ քննարկում ենք բոլոր հարցերը: Նորմալ եմ վերաբերվել (խմբ. երբ հայտնել է, որ առաջադրվելու է): Ասել եմ՝ տղա ջան, եթե ընտրություն ես կատարել, կողմ եմ, մնում է հասկանալ՝ կարող ենք սպորտը շարունակել, թե՝ ոչ: Եկել ենք ընդհանուր հայտրարի, որ մեկը մյուսին չի խանգարելու»,- ասաց Լեւոն Ջուլֆալակյանը՝ ավելացնելով, որ, եթե որդին ստիպված լինի բաց թողնել պատգամավորի աշխատանքի հետ կապված որեւէ գործ, դա կլինի հարգելի պատճառով:

Լեւոն Ջույֆալակյանն ինչ-որ առումով չի համակերպվում այլ հարցի հետ: Վերջերս որդու վերաբերյալ հրապարակումներում մամուլն առաջին հերթին նշում է նրա՝ պատգամավոր լինելու փաստի, այլ ոչ թե մարզական նվաճումների մասին: Ցանկանում է, որ լրատվամիջոցները չմոռանան նաեւ սպորտային տիտղոսները նշել:

«Ինձ համար մի քիչ զարմանալի է, որ լրատվամիջոցներն առաջին հերթին գրում են ոչ թե աշխարհի, Եվրոպայի չեմպիոն, օլիմպիական խաղերի մրցանակակիր, այլ պատգամավոր Արսեն Ջուլֆալակյան: Մինչեւ պատգամավոր դառնալը նա անցել է լուրջ սպորտային ճանապարհ, լուրջ ուսումնական ճանապարհ: Ավարտել է համալսարանը, գերազանց է սովորել, լավ տեղյակ ենք, բայց դա չի նշվում: Խնդրում եմ սրանից հետո նշեք Եվրոպայի, աշխարհի չեմպիոն, օլիմպիական խաղերի մրցանակակիր եւ պատգամավոր Արսեն Ջուլֆալակյան: Շատ պատվավոր է պատգամավոր լինելը, եւ, իմ կարծիքով, նման պատգամավորներ շատ են պետք մեր հանրապետությանը, որովհետեւ իր գիտելիքներով եւ նվիրվածությամբ մեր երկրին Արսենը համոզված եմ, որ պետք է օգտակար լինի»,- ասաց նա ժպիտով:

Վերջերս Արսեն Ջուլֆալակյանը պատգամավոր դառնալուց հետո առաջին անգամ միջազգային մրցաշարի մասնակցեց ՀՀ հավաքականի կազմում: Այն անցկացվում էր փետրվարի 1-3-ը Ֆրանսիայի Նիս քաղաքում: Արսեն Ջուլֆալակյանը ոսկե մեդալ նվաճեց 77 կգ քաշային կարգում:

 

Տպել
407 դիտում

Արմեն Սարգսյանը ներկա է գտնվել Սուրբ Զատկի ճրագալույցի պատարագին

Ֆրանսիացի ոստիկանները պարզել են՝ Աստվածամոր տաճարի որ հատվածից է սկսել տարածվել հրդեհը

Զատիկի լավաշն ենք թխում․ Նաիրա Զոհրաբյանը նոր լուսանկարներ է հրապարակել

Աշտարակում Mercedes-ը մի քանի պտույտ անելով՝ գլխիվայր հայտնվել է դաշտում․ զոհեր եւ վիրավորներ չկան

Քրիստոսի հրաշափառ հարության տոնը վերածնում եւ ամրապնդում է հավատը սեփական ուժերի հանդեպ․ Արմեն Սարգսյանի շնորհավորանքը

Հայաստանում առաջիկա օրերին կրկին տեղումներ են սպասվում

ՀՀ ոստիկանության պետը պարգևատրել է հասարակական խորհրդի անդամներին

Երեւանում կտեղադրվեն Հ․ Սայադյանի, Պ․ Զեյթունցյանի, Կ․ Մելիք-Օհանջանյանի եւ Հր․ Թամրազյանի հուշատախտակները

Դ․ Սանասարյանի դեմ իրականացվող քրեական հետապնդումն անհիմն է, նրա դեմ գործ են սարքել․ պաշտպան Ինեսսա Պետրոսյան

Արցախում 10-ամյա եղբոր սպանության մեջ մեղադրվող 18-ամյա երիտասարդը կալանավորվել է

Քրեակատարողական ծառայությունում քննարկվել են ՔԿՀ–ներում տիրող ապօրինությունների վերաբերյալ ստացված հանձնարարականները

ՀՀ ԶՈՒ գլխավոր շտաբի պետը հանդիպել է ՌԴ Հարավային ռազմական շրջանի հրամանատարի հետ

Վալերի Օսիպյանը կրկին սահմանապահ ոստիկանների է ճանապարհել դիրքեր

Մոնտեբելոյում վնասել ու կոտրել են Հայոց ցեղասպանության հուշարձանի մասին ազդարարող ցուցատախտակը

Առողջապահության փոխնախարարի հետ կապված կոռուպցիոն գործը շոկ էր նախարարության անձնակազմի եւ ողջ համակարգի համար․ Թորոսյան

Անբարենպաստ եղանակի պատճառով վթարվել է Իջեւանի հեռուստակայանը սնող էլեկտրահաղորդման գիծը

Հայաստանն ու Ռուսաստանը քննարկում են զինուժի մարտական պատրաստության համատեղ միջոցառումների կազմակերպման հարցեր

Ձյուն է տեղացել նաեւ Հայաստանի ամենատաք վայրում՝ Մեղրիում․ Գագիկ Սուրենյան

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 250 անգամ

ԵՄ-Հայաստան. եկան, քլնգեցին, գնացին