Աղետի հետեւանքով անօթեւան մնացած ընտանիքի բնակարանի սեփականաշնորհման վկայականը տարիներ շարունակ չեն տալիս

2014 թվականին «Գլենդել Հիլզ» ընկերությունը, որը բնակարանաշինություն էր իրականացնում նաեւ Լոռու մարզի Լեռնանցք գյուղում, փաստի առաջ է կանգնեցրել մի քանի ընտանիքների, ում ոչ միայն պայմանագրով սահմանված կարգով կառուցվող ու վերջնական տեսքի բերվող բնակարանը չի հատկացրել, այլ նաեւ՝ սեփականաշնորհման վկայականը:

ՀԺ-ի հետ զրույցում Լեռնանցք գյուղի բնակիչ Արտյոմ Սահակյանը պատմեց. «2014 թվականն էր, «Գլենդել Հիլզ» ընկերությունը իբր սարքում էր, սկզբում ասին՝ բետոնամիշալկեն չի աշխատում, ասեցի՝ ես կբերեմ, իրենք էլ ասին՝ դու արա, մենք փողը կտանք, ես սաղ դրեցի արեցի, էդքանն անելուց հետո ասի՝ արել եմ, տանիքն էլ արագ անեն, իրենք մեկ է փողը տալու են, էնքան որ դոմիկից շուտ դուրս գամ երեխեքիս հետ»,-պատմեց նա՝ նշելով, որ բնակարանը կորցրել են երկրաշարժի հետեւանքով ու ընդգրկվել աղետի հետեւանքով անօթեւան մնացած ընտանիքների բնակարանաշինության ծրագրում. «Մատերիալի կեսը տվին, կեսը՝ չէ, իրենք պետք ա ինձ 4 սենյականոց տուն տային, բայց իրենք տանիքի մատերիալ տվին, պանել տվին, բլոկ տվին, ես սաղ շարեցի, արեցի, դաժե աշխատողի փող պետք ա տային՝ չտվեցին… ասում էին՝ դուք արեք, մենք կփոխհատուցենք… քանդվեց գնաց էդ հիմնարկը»:

Արտյոմի խոսքով, չնայած որ բնակարանի կեսից ավելին իրենց ուժերով է կառուցվել, սակայն մինչ օրս ընկերությունը անգամ սեփականաշնորհման վկայական չի տվել իրենց, ինչի արդյունքում իրենք չեն կարողանում ոչ լույսի, ոչ էլ գազի բաժանորդ դառնալ: Բնակարանը էլեկտրաէներգիա ստանում է հարեւանի հաշվիչից, իսկ հարեւանն այլեւս չի պատրաստվում տալ, ինչի արդյունքում դպրոցահասակ երեխաները կարող են առանց լույսի մնալ. «Նախկին մարզպետին դիմեցինք, ասեց՝ մեր ուժերից վեր է, Գլենդելից անընդհատ ասում էին, թե էսօր կտանք, վաղը կտանք…հիմա էլ ասում են՝ դատի տվեք, բայց ում դատի տանք՝ սնանկ ճանաչված հիմնարկի՞ն»:

«Մարզպետարանին ասում եմ՝ ուր ա իմ սեփականության վկայականը, ոչ մեկ չգիտի տեղը: Էսքան բանն արվեց, բայց ոչ մի հիմք չկա…100 անգամ էլեկտրոցանց եմ գնացել, որ գոնե լույս տվեք, չեն տալիս, սեփականաշնորհման գրքույկ են պահանջում, հիմա մենք ուրիշի հաշվիչից ենք ստանում, իրանք էլ եկել, ուզում են հանեն իրենց հաշվիչը»:

3 տարի շարունակ ընտանիքը հոսանք է ստացել հարեւանների հաշվիչներից: Ընտանիքը դիմել է գրեթե բոլորին, ասում է՝ իր պես գյուղում եւս 6 ընտանիք կա, որոնք միասին դիմել են նաեւ վարչապետ Նիկոլ Փաշինյանին: Պատասխանել են, որ խնդրով զբաղվում են:Տան տերը պետությունից պահանջում է իր բնակարանի սեփականաշնորհման վկայականն ու իր կողմից արված ծախսերի փոխհատուցումը:

Լեռնանցքի գյուղապետ Լեւիկ Աբգարյանը ՀԺ-ի հետ զրույցում հայտնեց, որ ոչ միայն Արտյոմ Սահակյանի, այլ նաեւ նմանատիպ իրավիճակում հայտնված գյուղի 6 ընտանիքների խնդիրը ՏԻՄ իրավասություներից դուրս է. «Բնակարանները կիսակառույց վիճակում են եղել, տան տերերը իրենց ուժերով ավարտին են հասցրել վարկերով ու սեփական միջոցներով, հիմա բնակարանը չի հանձնվում, որ մարդիկ կարողանան հաշվիչներ տեղադրել ու նորմալ ապրել»:Համայնքի ղեկավարի խոսքով՝ խնդրով պետք է զբաղվի կառավարությունը. «Բոլոր մնացած կիսակառույցները պետք է հանձնվեն կառավարությանը, իմ տեղեկություններով՝ մի մասը հանձնվել է, մի մասը՝ ոչ: Մարզի կտրվածքով՝ մոտ 31 բնակարան դեռեւս օդում կախված է, պարզ չէ, թե ում բալանսի վրա է՝ պետության, թե «Գլենդել Հիլզ» ընկերության»:

Մինչ տեղական ու մարզային իշխանությունները շարունակում են պարզել, թե ի վերջո որն է այս ընտանիքների խնդրի լուծումը, երկրաշարժի հետեւանքով բնակարան կորցրած, այնուհետ կիսակառույց ստացած տան տերերը շարունակում են պահանջել արված ծախսերի փոխհատուցում ու սեփականաշնորհման իրենց վկայականները:

Տպել
615 դիտում

Ադրբեջանում հայտնաբերվել է մոտ մեկ ամիս առաջ կործանված ՄիԳ-29-ի օդաչուի մարմինը

Ամեն օր սովորել և ինքնազարգանալ. «Քայլ դեպի տուն» ծրագրի հյուրն էր Մխիթար Հայրապետյանը

Հրշեջ-փրկարարները մարել են ավտոմեքենայում բռնկված հրդեհը

Ոչ շտապբուժօգնությանը վերաբերող կանչերը պետք է ուղղորդվեն դեպի պոլիկլինիկաներ. Արսեն Թորոսյան

Բակո Սահակյանը հանդիպել է ԵԱՀԿ գործող նախագահի անձնական ներկայացուցչի հետ

Գյումրիի բնակարաններից մեկում հայտնաբերվել է բնակչի դին

Հայաստանում Սիբիրյան խոցի դեպք է արձանագրվել. վարակվել է Գեղհովիտ համայնքի 2 բնակիչ

ՊԵԿ-ի դիմաց բողոքի ցույց իրականացրած քաղաքացու ապրանքը չի մաքսազերծվել, քրգործ է հարուցվել. ՊԵԿ

Մեկին աշխատանքից ազատել ենք ոչ կոմպետենտության պատճառով, մյուսին չենք ընդունել աշխատանքի. վարչապետ

ՍԱՏՄ պաշտոնյաները չարաշահել են իրենց լիազորությունները. պետության շահերին էական վնաս է պատճառվել

«Հայկական ժամանակ»-ը խմբագիր է փնտրում

ՎՏԲ-Հայաստան Բանկն իր հաճախորդներին առաջարկում է կատարել բանկային գործարքներ ` Վիդեո Բանկինգի օգնությամբ

Ն. Փաշինյանը ԱՄՀ ներկայացուցչի հետ քննարկել է զարգացման երկարաժամկետ ռազմավարությունների տեսլականը

Ռեստորանում ծագած վիճաբանությունն ավարտվել է դանակահարությամբ. 29-ամյա երիտասարդը խոստովանել է

Ucom-ի ձայնային ծառայության բոլոր բաժանորդները կդիտեն uMediaroom շարժական հեռուստատեսություն՝ չվճարելով ՄԲ-երի համար

Սեփական անցյալից ուշադրությունը շեղելու տրյուկը

Փաշինյանի որոշմամբ Նաիրա Մարգարյանը նշանակվել է ՀՀ էկոնոմիկայի նախարարի տեղակալ

Հայ խաղաղապահները մասնակցել են բազմազգ զորավարժության նախապատրաստական փուլին

Հարկային վարչարարությունից մինչեւ կոռուպցիայի դեմ պայքար. Մհեր Գրիգորյանն ընդունել է ԱՄՀ-ի ներկայացուցչին

Արթուր Գրիգորյանի թույլ տված սխալի և անիմաստ համառության պատճառով «Լիդիանը» դիմել է դատարան. Ավինյանի պատասխանը