ՀՀ-ում որտեղ կարելի է գնել ամենաթանկ եւ ամենաէժան բնակարանները․ անշարժ գույքը թանկացել է

Անշարժ գույքի շուկայում, ինչպես տեղեկանում ենք Ազգային վիճակագրական կոմիտեի հրապարակած հաշվետվությունից,  2018-ին,  2017-ի համեմատությամբ,  գնային որոշակի փոփոխություններ են արձանագրվել՝ անշարժ գույքը թանկացել է։ Մասնավորապես Երեւան քաղաքի տարբեր վարչական շրջաններում բնակարանների 1 քառ. մ մակերեսի հաշվարկով շուկայական միջին գները էականորեն աճել են։

Կենտրոնում, օրինակ, եթե 2017-ին 1 քառ․մ-ի համար պետք էր վճարել 465 հազար 500 դրամ, ապա 2018-ի դեկտեմբերին՝ 569 հազար դրամ։ Արաբկիրում՝ 2017-ին մեկ քառ․մ-ի գինը կազմել է 350 հազար 100 դրամ, 2018-ի դեկտեմբերի դրությամբ՝  388 հազար դրամ,  Քանաքեռ-Զեյթունում՝ 2017-ին՝ 267 հազար 400 դրամ, 2018-ի դեկտեմբերին՝ 286 հազար 200 դրամ։

Մյուս վարչական շրջաններում գնային պատկերը 2018-ի դեկտեմբերի դրությամբ հետեւալն է՝ Նոր-Նորք՝ 250 հազար դրամ, Ավան՝ 260 հազար 500 դրամ, Էրեբունի՝ 258 հազար 500 դրամ, Շենգավիթ՝ 254 հազար 200 դրամ, Դավթաշեն 300 հազար դրամ, Աջափնյակ՝ 264 հազար 500 դրամ, Մալաթիա-Սեբաստիա՝ 247 հազար 50 դրամ։ Անշարժ գույքի շուկայական միջին ամենացածր գինը Նուբարաշենում է արձանագրվել՝ 1 քառ. մ մակերեսի հաշվարկով այն կազմել է 173 հազար 200 դրամ։

Ըստ ՀՀ անշարժ գույքի կադաստրի կոմիտեի հրապարակած՝ անշարժ գույքի շուկայի 2018 թ․ տարեկան վերլուծության, նախորդ տարի Երեւանում բազմաբնակարան շենքերի բնակարանների 1 մ քառ․ հաշվարկով՝ շուկայական միջին գները 2017-ի համեմատ աճել են 7,2  տոկոսով։ Երեւանի Կենտրոն վարչական շրջանում է արձանագրվել նաեւ բազմաբնակարան բնակելի շենքերի բնակարանների առուվաճառքի ամենամեծ տոկոսը՝ 19,2, իսկ ամենացածրը՝ 0,3 տոկոս, Նուբարաշեն ու Նորք-Մարաշ վարչական շրջաններում։ Մասնավորապես Կենտրոնում բնակարանների գինը  մեկ տարվա կտրվածքով աճել է մոտ 18,7 տոկոսով։

Ինչ վերաբերում է մարզերին, ապա այստեղ նույնպես փոփոխություններ են արձանագրվել ինչպես գների աճի, այնպես էլ նվազման առումով։ Նախ նշենք, որ ըստ Կադաստրի կոմիտեի տարեկան վերլուծության՝ մարզերում վաճառվել է բազմաբնակարան բնակելի շենքերի 5349 բնակարան, ընդ որում՝ դրանց  առուվաճառքի գործարքների 6,1 տոկոսը գրանցվել է գյուղական բնակավայրերում։ Այդ գործարքների քանակն էլ 2017-ի համեմատությամբ աճել է  26,6 տոկոսով։

Ամենաթանկ բնակարանները, ըստ ԱՎԿ –ի տվյալների, Կոտայքի մարզի Ծաղկաձոր համայնքում են՝ 1 քառ. մ․ մակերեսի հաշվարկով՝ 283 600 դրամ։ Նկատենք, որ մեկ ամսվա կտրվածքով Ծաղկաձորում բնակարանների գինը մի քանի հազարով նվազել է՝ նոյեմբերի դրությամբ այն 285 հազար դրամ է եղել։ Փաստորեն՝ կուրորտային քաղաք Ծաղկաձորում բնակարանները մոտավորապես նույնքան արժեն, որքան Երեւանի Քանաքեռ-Զեյթուն վարչական շրջանում։ Մինչդեռ մեկ այլ առողջարանային քաղաքում՝ Ջերմուկում, բնակարանները համեմատաբար էժան են, նախորդ տարվա դեկտեմբերի դրությամբ դրանց միջին գինը կազմել է 106 հազար դրամ։ Նկատենք, որ դեկտեմբերին նոյեմբերի համեմատ բնակարանների գինն այս քաղաքում նվազել է 1500 դրամով․ նոյեմբերին այն 107 հազար 500 դրամ էր։ Մարզերի կտրվածքով թանկ բնակարանների շքերթում երկրորդ տեղում կրկին Կոտայքի մարզն է՝ Աբովյան քաղաքով։ Այստեղ 2018-ի նոյեմբերի դրությամբ մեկ քառ․ մ մակերեսի միջին շուկայական գինը եղել է 164 հազար 500 դրամ, դեկտեմբերի դրությամբ գինը 1000 դրամով աճել է եւ կազմել 165 հազար 500 դրամ։

ՀՀ-ում համեմատաբար ամենաէժան բնակարանները հնարավոր էր ձեռք Սյունիքի Դաստակերտ քաղաքում՝ 21 հազար 400 դրամով՝ 1 քառ․մ մակերեսի դիմաց, ինչպես նաեւ Լոռու մարզի Թումանյան քաղաքում, որտեղ մեկ քառ․մ մակերեսի գինը կազմել է 23 հազար 500 դրամ։

Հանրապետության երկրորդ քաղաքում՝ Գյումրիում, ինչպես նաեւ Շիրակի մարզի մյուս խոշոր քաղաքներում, նկատենք, բնակարանները անհամեմատ էժան են՝ ի տարբերություն այլ մարզերի քաղաքների։ Գյումրիում 2018-ի դեկտեմբերի դրությամբ 1 քառ․ մ մակերեսի գինը եղել է 88 հազար, Արթիկում՝ 61 հազար 900, Մարալիկում՝ 51 հազար 500 դրամ։ Բնակարանները համեմատաբար էժան են նաեւ ՀՀ երրորդ քաղաքում՝ Վանաձորում մասնավորապես 2018-ի նոյեմբերի դրությամբ դրանց միջին գինը կազմել է 78 հազար 800 դրամ, մեկ ամսվա ընթացում՝ 2018-ի դեկտեմբերին, գինը որոշակիորեն ընկել է՝ կազմելով 77 հազար 100 դրամ։ Կաթողիկոսանիտ Վաղարշապատում էլ 2018-ի նոյեմբեր-դեկտեբեր ամիսներին գնային որոշակի աճ է արձանագրվել՝ նոյեմբերին 127 հազար 800, դեկտեմբերին՝ 128  հազար 100 դրամ։ Հարկ է նշել, որ սահմանամերձ Տավուշի մարզի քաղաքներում բնակարանների գինը համեմատաբար բարձր է։ Մասնավորապես Իջեւանում՝ վարչապետի ծննդավայրում, անցյալ տարեվերջի դրությամբ գինը կազմել է 117 հազար 200 դրամ, Դիլիջանում՝ 115 հազար դրամ, Բերդում՝ 96 հազար 300 դրամ։

Ինչով է պայմանավորված անշարժ գույքի թանկացումը եւ որոնք են այդ թանկացման վրա ազդող հանգամանքները․ անշարժ գույքի վաճառքով զբաղվող տարբեր մասնագետներ երեւույթը պայմանավորում են մի շարք  հանգամանքներով, որոնց թվում են, ինչպես օրինակ՝ կառուցապատողից եկամտահարկի վերադարձի օրենքի կիրարկումը, այնպես էլ նախորդ տարի տեղի ունեցած հեղափոխությունը, որը մեծացրեց մեր երկրի նկատմամբ հետաքրքրությունը եւ ՀՀ եկած օտարերկրացիները ներդրում կատարեցին՝ անշարժ գույք ձեռք բերելով, դրանք վարձակալության տրամադրելով։ Ըստ մասնագետների տվայլենրի՝ Կենտրոնում  ամենախոշոր վաճառքները հիմնականում տեղի են ունենում Կասկադի շրջակայքում՝ Վերին անտառային փողոցում: Շուկայում, սակայն, նրանց պնդմամբ, այս պահի դրությամբ հարաբերական պասիվ վիճակ է՝ ի տարբերություն նախորդ տարվա՝ ամառանից աշուն ընկած շրջանի աշխուժ վիճակի։

Հեղինե Մանուկյան

Տպել
2824 դիտում

Վիլնյուսի օդանավակայանում տոնածառը զարդարել են ուղեւորներից վերցված իրերով

Խորանաշատ վանքը և կարասը՝ 2020-ի եվրոպական մշակութային ժառանգության ամենավտանգված հուշարձանների ցանկում են

ԱՄՆ-ը արգելափակել է ԿԺԴՀ-ում մարդու իրավունքների հարցերով ՄԱԿ-ի Անվտանգության խորհրդի նիստը

«Նարգիլեի օգտագործումը թերևս ավելի վնասակար է». նախարար Արսեն Թորոսյանը պատասխանել է դպրոցականների հարցերին

Ինչ կապ ունեն TRACECA-ն ու պանթեոնը. Բաքու մեկնած հայ պաշտոնյաները հրաժարվել են մասնակցել ընթրիքի, այցելել գերեզման

Գեղարքունիքի մարզում ձմեռային զորակոչը կմենկնարկի 2019 թվականի դեկտեմբերի 16-ին

Բնապահպանության եւ ընդերքի տեսչական մարմնի ղեկավարի նախկին տեղակալը դատի է տվել վարչապետին

Իրանի խորհրդարանական ընտրություններին ավելի քան 15 հազար 500 թեկնածու է գրացվել

ԱԺ-ում քննարկվել են տեղական ինքնակառավարմանն առնչվող հարցեր

Գյումրիում ձերբակալվել է Շեկոյի ընկերը՝ Զոհրաբ Ե.-ն

Պետության աջակցությամբ Արամուսում հիմնովին կառուցվում է մանկապարտեզի նոր շենք. համայնքը 40 տարի մանկապարտեզ չի ունեցել

ԱՄՆ-ի Ներկայացուցիչների պալատը 2 մեղադրանք է առաջադրել նախագահ Դոնալդ Թրամփին

ՀՀ արդարադատության նախարարության ու IRZ-ի միջեւ հնարավոր է համագործակցություն անչափահասների արդարադատության ոլորտում

Ոստիկանները բացահայտել են Գյումրիում կատարված դանակահարությունը (տեսանյութ)

«Միսս տիեզերք 2019»-ում Հայաստանի ներկայացուցիչն ընկճված է ներկայացրել ազգային հագուստը. զարդերը տրամադրել էր Սիրուշոն

Մալյանին աղբարկղը նետելը միջոցառում էր, որի նպատակը հանրային իրազեկումն էր. Դավիթ Պետրոսյան

«Աջափնյակ» բարեգործական հիմնադրամից յուրացվել է 10 միլիոն դրամից ավելի գումար․ նոր բացահայտում

Մենք շատ ընդհանրություններ ունենք և շատ բան կարող ենք սովորել միմյանցից. Արմեն Սարգսյանն ընդունել է Ֆինլանդիայի դեսպանին

Կխնդրեմ՝ ներողություն խնդրեք ՀՀ քաղաքացիներից. Սուրեն Գրիգորյանը՝ Գևորգ Գորգիսյանին

Ուռուցքաբանության ազգային կենտրոնում հերթական բարդ վիրահատությունն է կատարվել. ԱՆ