Երթուղային ցանցը սպասարկող 900 միկրոավտոբուսից 450-ը հաջորդ տարի կդադարի շահագործվել. Մարության

Երեւանի քաղաքապետ Հայկ Մարությանը այսօր լրագրողների հետ ճեպազրույցում, խոսելով ավտոբուսների մասին, որոնք առաջիկայում դուրս են գալու երթուղիներ, ասել է, որ դրանք շատ լավ վիճակում են ու նոր են: Քաղաքապետարանը երեկ տեղեկացրել էր, որ «Երեւանի ավտոբուս» ՓԲԸ-ում կան 70 ավտոբուսներ, որոնք մինչեւ այժմ չեն շահագործվել: Այդ ավտոբուսներն, ի դեպ, տարիներ առաջ Չինաստանից ստացված նվերի մի մասն են:

Քաղաքապետը չի կարծում, թե ավտոբուսների տեւական այս անգործությունը եղել է վարորդներ չլինելու պատճառով: Նախկին իշխանությունները հենց դրանով էին պատճառաբանում շարժակազմի պարապուրդը: «Մենք պետք է ներգրավենք նոր վարորդներ: Այժմ զբաղված ենք այդ աշխատանքով: Չեմ կարծում, որ դա էր պատճառը: Այստեղ պատճառները կարող են շատ լինել»,- ասաց նա (նկատենք, որ քաղաքապետի առաջին տեղակալ Հրաչյա Սարգսյանը ավելի վաղ վստահեցրել էր, որ վարորդների խնդիր արդեն չկա, եւ նրանք համալրված են):

«Այս պահին քաղաքային իշխանությունների ձեռքերը լրիվ ազատ են, ոչ մի կապվածություն չունեն ոչ մի բիզնեսի հետ ու ոչ որեւէ մեկի հետ որպես անհատ եւ կազմակերպություն: Մենք հանգիստ գործում ենք միայն ի նպաստ մեր քաղաքացիների եւ հանգիստ կարողանում ենք անել այն, ինչ չէին կարողանում անել առաջ»:

Հայկ Մարությանը, ընդգծելով, որ մայրաքաղաքի տրանսպորտային համակարգը գտնվում է սահմանային վատ վիճակում եւ մեծ թիվ են կազմում մաշված մեքենաները, տեղեկացրել է, որ արդեն հաջորդ տարի 450 միկրոավտովբուս պետք է հեռացվեն ցանցից, որովհետեւ այդ մեքենաների շահագործման թույլատրելի առավելագույն ժամկետը 15 տարին է: Եվ սա այն դեպքում, երբ ամբողջ երթուղային ցանցում ընդհանուր առմամբ շահագործվում է 900 միկրոավտոբուս: «Ուղիղ կեսը չեն կարողանա շարունակել աշխատանքները»,- փաստեց Հայկ Մարությանը՝ հավելելով. «Մենք այս պահին հրատապ կերպով փորձում ենք լուծել խնդիրը, հասկանալ՝ ինչ անել, եթե ասում ենք, որ նոր ցանցը կարող է երկու տարի հետո լինել: Խնդիրն այն է, որ պետք է հասկանանք, թե այս երկու տարում ինչ ենք անելու»:

Տպել
2532 դիտում

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)