Ուսուցչին որպես բեռնաձի օգտագործելով՝ կրթության որակ չի ապահովվի. մանկավարժները սպառնում են գործադուլով

Ուսուցչական համայնքի ներկայացուցիչներն այսօր հերթական անգամ բարձրաձայնել են արդեն ավանդական դարձող իրենց պահանջների մասին:

Կրթության ոլորտի պատասխանատուներին նրանք հիշեցրել են, որ աշխատում են գերծանրաբեռնված եւ ցածր վարձատրությամբ: Անհրաժեշտություն են համարել ուսուցչի դրույքաչափի նվազեցումը, որը շաբաթական 22 դասաժամ է, դասարանների խտությունը փոքրացնելը, որովհետեւ այսօր դասարանները կիսելու իրավունք տրվում է միայն 35-ից ավելի աշակերտի առկայության դեպքում: Պահանջել են նաեւ աշխատավարձի բարձրացում՝ ընդգծելով, որ դա վերջին անգամ տեղի է ունեցել 2008 թվականին:

«Ուսուցչի աշխատավարձը օպտիմալացումով բարձրացնել, ուսուցչին ծանրաբեռնել եւ որպես բեռնաձի օգտագործել, ուղղակի չի կարելի: Դրանով մենք կրթության որակ չենք կարող ապահովել: Ծանրաբեռնված ուսուցիչը, ամենամեծ ցանկության դեպքում անգամ, ամենամեծ նվիրումի դեպքում անգամ կրթության որակ ապահովել ուղղակի չի կարող: Ես չեմ ուզում կասկածել նրանց արդար ու բարի մղումներին, ուզում եմ հավատալ, որ մարդիկ եկել են եւ ուզում են ինչ-որ բան փոխել: Իսկապես ուզում եմ հավատալ, բայց մի բան ակնառու է՝ կրթության պատասխանատուները ուղղակիորեն չեն պատկերացնում հանրակրթության ոլորտը: Ես առողջապահության ոլորտում բժշկի հետ խոսում եմ, ասում է՝ բարձրացել է աշխատավարձս, ես դա տեսնում եմ պաշտպանության ոլորտում, ես տեսնում եմ աշխատանքի եւ սոցիալական հարցերի նախ..., ես տեսնում եմ հեղափոխության շունչը այդտեղ: Ես դպրոցում խեղդվում եմ: Կառավարությունը հայտարարում է՝ 220 հազար մարդու աշխատավարձ բարձրացվել է: Բայց այդ 220 հազար մարդու մեջ նրանք չկարողացան բարձրացնել ուսուցչի աշխատավարձը»,- լրագրողների հետ հանդիպման ժամանակ ասել է Երեւանի` Աշոտ Նավասարդյանի անվան N196 հիմնական դպրոցի ուսուցչուհի Սուսաննա Վարդանյանը:  

Ուսուցիչները նաեւ անդրադարձել են ներառական կրթությունը համընդհանուր դառնալու որոշմանը եւ մտահոգություն հայտնել, թե դասարանների այսպիսի խտության պայմաններում ինչպե՞ս են կարողանալու հատուկ ուշադրության կենտրոնում պահել զարգացման առանձնահատկություն ունեցող երեխաներին:

Լրագրողների հետ հանդիպման ընթացքում ուսուցիչները չեն բացառել, որ կարող են գործադուլ հայտարարել: Ինչպես մեզ հետ զրույցում մանրամասնեց ասուլիսի մասնակից «Խարիզմա» երիտասարդական ՀԿ նախագահ Արմինե Դավթյանը, ուսուցիչները մինչ այդ պատրաստվում են օրենքով սահմանված կարգով դիմել արհմիություն, գործադիր իշխանությանը, Մարդու իրավունքների պաշտպանին: Ուսուցիչները հույս են հայտնել, որ իրենց պահանջները կստանան դրական արձագանք եւ գործադուլի անհրաժեշտություն այլեւս չի լինի:

Արմինե Դավթյանը, մեկնաբանելով գործընթացին իր մասնակցությունը, ասաց, որ 7 տարի դասավանդել է դպրոցում, իսկ արդեն 10 տարի դասախոսում է. «Եվ մեծ ցավով պետք է արձանագրեմ, որ Գավառի պետական համալսարանը այս տարի չի ունեցել ոչ մի դիմորդ տարրական կրթության բաժնում: Սա լուրջ խնդիր է պետության ու մարզերի համար»:

Ինչ վերաբերում է հարցին, թե ասուլիսի բանախոսները բոլոր ուսուցիչների՞ անունից են խոսում, վստահություն կա՞, որ գործադուլ հայտարարելու դեպքում նրանց միացողներ են լինելու, Արմինե Դավթյանը պատասխանեց. «Կա «Հայ ուսուցիչների միություն» փակ խումբ՝ 7 000 անդամով: Այստեղ հարցումներ եմ անցկացրել»:

Ինչպե՞ս է մեկնաբանում նախարարը

Մասնավորապես դրուքաչափի ու ծանրաբեռնվածության խնդիրը ուսուցիչները եւ դպրոցների տնօրենները պարբերաբար բարձրաձայնել են նաեւ Կրթության եւ գիտության նախարար Արայիկ Հարությունյանի հետ հանդիպումների ժամանակ, երբ նա դեռ նոր էր նշանակվել այդ պաշտոնում: Նախարարը խոստացել էր, որ հարցը քննության կառնվի: Օրեր առաջ, մինչեւ մանկավարժների ասուլիսը, Արայիկ Հարությունյանից հետաքրքրվել էինք՝ այս առումով փոփոխություններ հնարավո՞ր են:

«Դա ուսուցիչների ներկայացրած հիմնական խնդիրներից է, որը էլի ինչ-որ չափով տեղավորվում է ֆինանսավորման ավելացման համատեքստում, եւ դա կարող ենք անել աշխատավարձերը բարձրացնելուն զուգընթաց: Պատգամավորներից էլ է առաջարկ եղել այս առումով: Կքննարկենք, եթե կոնկրետ լուծումներ ունենանք, կհայտնենք դրա մասին»,- ասաց նա:

Վերջին տարիներին պարբերաբար հայտարարվում է, որ ուսուցիչների թիվը ավելին է, քան պետք է, բայց մյուս կողմից էլ նրանք բողոքում են ծանրաբեռնվածությունից: Դիտարկմանը, թե եթե օպտիմալ ծանրաբեռնվածություն լինի, աշակերտների քանակը դասարաններում նվազեցվի, ուսուցիչների դասաժամերը պակասեցվեն, կարող է վերջիններիս թիվը բոլորովին էլ մեծ չլինել, նախարարը պատասխանեց. «Դե դա զուգընթաց պետք է գնա: Հիմա մենք ունենք այս իրավիճակը՝ դասարանների խտություն, դասացուցակ, առարկայացանկ եւ ունենք, այո՛, ավել հաստիքներ: Եվ այս պահի համար մենք պետք է դրա նպատակահարմարությունը հասկանանք, որովհետեւ դա նաեւ արդյունավետության եւ գիտելիքի մատուցման վրա է ազդում: Մյուս խնդիրները լուծելիս, երբ որ արդեն կգնանք դասարանների խտության փոքրացմանը եւ դրույքների՝ դասաժամերի նվազեցմանը, արդեն ըստ դրա ձեր ասած խնդիրը առաջ կգա, որ կլինեն արդեն նորմալ օպտիմալ դրույքաչափեր, կլինեն նորմալ օպտիմալ հաստիքացուցակներ: Կոնկրետ մենք խոսում ենք այս իրավիճակի մասին»: Նախարարը հավելեց, որ կառավարությունը չի հայտարարում ուսուցիչների թվի կրճատման մասին. «Նախկինում ինչ-ինչ ծառայություններ մատուցելու համար արհեստականորեն ավել հաստիքներ են պահել: Հիմա մենք այդ հաստիքներն ենք մաքրում»:

Տպել
9148 դիտում

Եվրոպական գրանդ ակումբները չեն թերագնահատում Եվրո 2019. նրանց ամենատես սկաուտները Երեւանում են

Աննա Հակոբյանի նախաձեռնությամբ «Իմ քայլը» կաջակցի «Իմ ուղի» ուսումնավերականգնողական կենտրոնի կառուցմանը (լուսանկարներ)

Երեկվա ակցիան ոչ թե ինքնաբուխ հավաք էր, այլ մի քանի անձանց կողմից կազմակերպված սադրանք. Վանեցյան

Դու օրը 10 հազարով կարո՞ղ ես տուն պահել. բողոքի ակցիայի մասնակիցը՝ Պապիկյանին. Իջեւանում կրկին լարված է

Հունիսին «Ժպիտների քաղաք» հիմնադրամը 58 երեխայի և երիտասարդի է օգնել. ամենափոքրերը 1 տարեկան են

Վերապատրաստում են անցել ՀՀ ՊՆ խաղաղապահ բրիգադի կին զինծառայողները

2000-5000-ական դրամ․ ՌՈ-ն բացահայտել է զորացրված զինծառայողներից դրամահավաքի դեպք

Որպես անհետ կորած որոնվող մայրը և դուստրը հայտնաբերվել են

Սխալ է ու հիասթափեցնող․ Ռուսաստանը պատրաստ է Թուրքիային Սու-35 կործանիչներ մատակարարել

Հայաստանի թավշյա հեղափոխությանը նվիրված լուսանկարչական ցուցահանդես է բացվել Վարշավայում

Կարծում եմ, որ այսօր այս հարցի լուծումը վերջնական կտրվի. Արթուր Վանեցյան

Մեկնարկել են Երևան-Երասխ-Գորիս-Մեղրի-հայ-իրանական սահման միջպետական ավտոճանապարհի հիմնանորոգման աշխատանքները

Իջեւանում է գտնվում ԱԱԾ տնօրեն Արթուր Վանեցյանը

Լոռու մարզի Սվերդլով գյուղում գայլերը հոշոտել են 25 մանր եղջերավոր անասուն

Խորհրդարանի ղեկավարը հանդիպումներ է ունեցել ԱՄՆ հայկական կազմակերպությունների ներկայացուցիչների հետ

ՀԴՄ-ները քիչ են. տրամադրվելու են միայն սահմանամերձ գյուղերում հաշվառված եւ գործող հարկ վճարողներին. ՊԵԿ

ՍԴ-ն կասեցնում է Քոչարյանի գործի վարույթները եւ դիմում ՄԻԵԴ-ին ու Վենետիկի հանձնաժողովին․ նոր զարգացում

Հայկական շոու-բիզնեսի ապագա մայրիկները (լուսանկարներ)

Իշխանությունը դատապարտված է դատական համակարգում բարեփոխումներ անել, հակառակ դեպքում 1 մմ իսկ առաջ գնալու շանս չունենք

Մարտունիում տղամարդ աշխատակիցների կարիքը մեծ է. բոլորը արտագնա աշխատանքի են մեկնել