Ես չեմ կարծում, որ սա կունենա սոցիալական վատ հետեւանքներ. Պողոսյանը՝ Պիպոյանի գրառման մասին

27/02/2019 schedule16:10

Երեկ «Իրազեկ եւ պաշտպանված սպառող» ՀԿ նախագահ Բաբկեն Պիպոյանը ֆեյսբուքյան իր էջում գրել էր, որ բոլոր տեսակի գազավորված ըմպելիքների (բացառությամբ հանքային ջրերի) ակցիզային հարկը բարձրանալու է: «Ցավալի է, բայց փաստ` հերթական որոշումը առանց լայն լսումների և հետևանքների հաշվարկի»,- գրել էր Պիպոյանը: Նրա կարծիքով՝ սա ոչ միայն ունենալու է սոցիալական վատ ազդեցություն, այլեւ չի ապահովելու բյուջեի մուտքեր` վնասելու է տնտեսությանն ու նվազեցնելու վաճառքները:

Ֆինանսների փոխնախարար Արման Պողոսյանը, սակայն, լրագրողների հետ զրույցում հայտարարեց, թե համաձայն չէ, որ նախաձեռնությունը չի քննարկվել հասարակության լայն շերտերի հետ:

«Ֆինանսների նախարարության կողմից մշակված Հարկային օրենսգրքում փոփոխություններ նախատեսող նախագիծը դեռեւս անցյալ տարվա նոյեմբերի 15-ին սահմանված կարգով տեղադրվել է «e-draft.am» հարթակում: Դրանից հետո նախագծի լրամշակված տարբերակը մեկ անգամ եւս՝ արդեն 2019 թվականի հունվար ամսին, նորից է տեղադրվել նույն հարթակում: Բացի այդ տարբեր լրատվամիջոցներով, մամուլի ասուլիսներով ներկայացվել են Հարկային օրենսգրքում նախատեսվող փոփոխությունները, այդ թվում՝ խնդրո առարկա փոփոխությունը: Եւ, ի վերջո, բացի այս ամենը խնդրո առարկա նախաձեռնության հետ կապված հարցերը քննարկվել են գազավորված հյութեր, ըմպելիքներ արտադրող եւ ներմուծող ընկերությունների ներկայացուցիչների հետ՝ մի քանի անգամ: Ավելին, երեկ փոխվարչապետ Մհեր Գրիգորյանի մոտ է կազմակերպվել հերթական հանդիպումը, որին ներկա են եղել ոլորտի հիմնական ներկայացուցիչները: Այս ամենը հաշվի առնելով, բնականաբար, մենք չենք կարող համաձայնել այն գնահատականին՝ ըստ որի, այս նախաձեռնությունը պատշաճ չափով չի լուսաբանվում, չի քննարկվում հիմնական շահագրգիռ կողմերի հետ եւ այլն»,- ասաց փոխնախարարը:

Պողոսյանը նշեց նաեւ, թե նախագծում ինչ է փոխվել. «Սկզբում նախագծում նախատեսված էր, որ ակցիզային հարկով հարկման օբյեկտ պետք է լինեն այն գազավորված ըմպելիքները, որոնց 100 գրամ ծավալում պարունակում է 5 եւ ավել գրամ շաքար: Այնուհետեւ, հաշվի առնելով տարբեր կողմերի հետ կազմակերպված քննարկումների արդյունքները, ինչպես նաեւ այն, որ ոչ բոլոր դեպքերում է հյութերի մակնշման մեջ նշվում շաքարի պարունակությունը, ավելին՝ ընդամենը բացառիկ դեպքերում է նկատվել նման շահագրգռություն, որոշվեց, որ հարկային վարչարարության արդյունավետության բարձրացման տեսանկյունից եւ նաեւ հաշվի առնելով այն, որ բոլոր տեսակի գազավորված ըմպելիքները՝ անկախ շաքարի պարունակությունից, վնասակար են, ըստ էության որոշվեց, որ ակցիզային հարկով հարկվող օբյեկտ պետք է լինեն բոլոր գազավորված ըմպելիքները՝ բացառությամբ հանքային ջրերի եւ բացառությամբ ալկոհոլային խմիչքների՝ անկախ շաքարայնությունից»:

Պողոսյանն այն կարծիքին չէ, որ սա կունենա սոցիալական վատ ազեցություն. «Ես չեմ կարծում, որ սա կունենա սոցիալական վատ հետեւանքներ՝ 2 հիմնական պատճառով: Առաջինը, նախ միանշանակ չէ այն պնդումը, որ ակցիզային հարկի նույն գումարի չափով ավելանալու են այս ապրանքների գները: Ինչո՞ւ, որովհետեւ, երբ առհասարակ՝ անուղղակի հարկային բեռ է բարձրացվում, բնականաբար առաջին փուլում՝ շատ կարճ ժամկետում, արտադրողները կամ ներմուծողները կփորձեն այդ հարկն ամբողջությամբ տեղափոխել գնի մեջ եւ այնուհետեւ սպառողի վրա: Բայց, հաշվի առնելով, որ շուկան մրցակցային է եւ հաշվի առնելով, որ հնարավոր է պահանջարկի կրճատում լինի, արտադրողները եւ ներմուծողները մրցակցելու են՝ շուկայում իրենց մասնաբաժինը պահելու համար: Այս առումով ամենայն հավանականությամբ ապրանքների գները չեն բարձրանա այն չափով, ինչքան որ կլինի ակցիզային հարկը: Այսինքն, մեր գնահատմամբ մի մասով արտադրողները կամ ներմուծողները անպայման իրենց վրա կվերցնեն ակցիզային հարկի գծով բեռը:

Երկրորդ պատճառը՝ մենք խոսում ենք ոչ առաջնային անհրաժեշտության ապրանքի մասին: Այսինքն, գազավորված զովացուցիչ ըմպելիքներն առաջին անհրաժեշտության ապրանք չեն, որ մտածենք՝ եթե հանկարծ դրա գները բարձրանան, դա կարող է հանգեցնել սոցիալական ծանր հետեւանքների կամ նմանատիպ երեւույթների»,- ասաց փոխնախարարը:

Պողոսյանը նաեւ նշեց, որ կան հաշվարկներ, եւ իրենց գնահատականներով՝ այս փոփոխության արդյունքում բետական բյուջեն տարեկան կտրվածքով կստանա շուրջ 3 մլրդ դրամ լրացուցիչ ակցիզային հարկ:

Տպել
887 դիտում

28-ամյա վարորդը Mercedes-ով տապալել է ծառն ու բախվել բնակելի շենքի պատին

Նիկոլ Փաշինյանը շնորհավորական ուղերձ է հղել Վրաստանի վարչապետին՝ երկրի ազգային տոնի առթիվ

Վերին Լարսի անցակետը բեռնատար տրանսպորտային միջոցների համար փակ կլինի մինչև 19.00-ն

«Para TV» կայքի աշխատակիցը հավաքի ժամանակ չի դանակահարվել, այլ կենցաղային վեճի արդյունքում. Ջանոյան

Առաջիկա օրերին սպասվում է անձրև եւ ամպրոպ

850 հազար դոլարի ներդրում Կոտայքի մարզում (տեսանյութ)

Դատական համակարգի փոփոխությունը հանրային պահանջ է, հետեւաբար հակառակը լինել չի կարող․ Արթուր Ավագյան

Հրդեհ է բռնկվել Շիրակի մարզի Անուշավան գյուղի տներից մեկում. ամբողջությամբ այրվել է տան տանիքը

Հայաստանի ֆուտբոլի ֆեդերացիայի գործկոմը որոշումներ է ընդունել

Ոստիկանները Վանաձորում չարաշահումներ են բացահայտել․ համայնքին պատճառվել է մոտ 16․9 մլն դրամի վնաս

Հադրութի վարչակազմի ղեկավարն ազատվել է պաշտոնից. Բակո Սահակյանը ներկայացրել է նոր ղեկավարին

ՀՀ գլխավոր շտաբի պետն ընդունել է Կարմիր խաչի միջազգային կոմիտեի պատվիրակությանը

Փամբակ գյուղի բնակիչն ապօրինաբար ծառեր է հատել, օգտագործել տան ջեռուցման համար

Տաշիր համայնքում երեխաները հնարավորություն կունենան բացահայտել իրենց տաղանդները․ Սուրեն Պապիկյան

Վ․ Օսիպյանը խորհրդակցություն է անցկացրել ԿՀԴՊ եւ ՔՀ գլխավոր վարչությունների անձնակազմի հետ. տրվել են հանձնարարականներ

Սա Հայաստանի ժողովրդավարացման ժամանակն է. Լենա Նազարյանի հոդվածը՝ անցումային արդարադատության մասին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 120 անգամ

Երեւանի «Տաշիր Պիցցա» արագ սննդի կենտրոններից մեկում հրդեհ է բռնկվել

Ռոբերտ Քոչարյանն այսօր «Իզմիրլյան» բժշկական կենտրոնում է եղել

Շաբաթ օրը ստացված կարելի է համարել, քանի որ fake news-ի ֆաբրիկայի «հեղինակները» գերազանցեցին իրենց․ Աննա Նաղդալյան