Ովքե՞ր են աշխարհի ամենահարուստ մարդիկ եւ քանի՞ հայ միլիարդատեր կա «Ֆորբս»-ի ցուցակում

Աշխարհի 2019 թվականի ամենահարուստ մարդը՝ «Ամազոն» ընկերության հիմնադիր եւ գործադիր տնօրեն Ջեֆ Բեզոսն է: Նրա կարողությունը գնահատվում է 139.9 մլրդ դոլար: «Հայկական ժամանակ» օրաթերթն ուսումնասիրել է ամերիկյան ֆինանսատնտեսական «Ֆորբս» ամսագրի 2019 թվականի աշխարհի ամենահարուստ մարդկանց ցուցակը:

Բեզոսին հաջորդում է «Մայքրոսոֆթ» ընկերության հիմնադիր Բիլ Գեյթսը: Նրա կարողությունը գնահատվում է 98 մլրդ դոլար: Աշխարհի երրորդ ամենահարուստ մարդը համարվում է «Բերքշիր Հեթուեյ» ընկերության նախագահ Ուորեն Բաֆեթը, ում կարողությունը գնահատվում է 83.3 մլրդ դոլար:

Աշխարհի չորրորդ ամենահարուստ մարդը ֆրանսիացի գործարար Բեռնար Առնոն է: Նա «Լուի Վիտոն» ընկերության նախագահն է: Նրա կարողությունը գնահատվում է 82.8 մլրդ դոլար:

Աշխարհի հինգերորդ ամենահարուստ մարդը «Զառա» ընկերության հիմնադիր Ամանսիո Օրտեգան: Նրա կարողությունը գնահատվում է 68.6 մլրդ դոլար:

Օրտեգային հաջորդում է «Oracle»-ի հիմնադիր Լարի Էլիսոնը: Նրա կարողությունը գնահատվում է 63.4 մլրդ դոլար:

Յոթերորդ ամենահարուստ մարդը «Ֆեյսբուք» սոցիալական ցանցի հիմնադիր Մարկ Ցուկերբերգն է: Նրա կարողությունը գնահատվում է շուրջ 62.3 մլրդ դոլար:

Ութերորդ հորիզոնականում մեքսիկացի Կառլոս Սլիմն է: Նրան է պատկանում «Telefonos de Mexico» հեռահաղորդակցական ընկերությունը: Սլիմի կարողությունը գնահատվում է 60.5 մլրդ դոլար:

Իններորդ հորիզոնականում «Bloomberg» համաշխարհային ֆինանսական եւ մեդիա ընկերության հիմնադիր եւ գործադիր տնօրեն Միքայել Բլումբերգն է: Նրա կարողությունը գնահատվում է 56.3 մլրդ դոլար:

Տասներորդ եւ տասնմեկերորդ ամենահարուստ մարդիկ «Google» ընկերության հիմնադիրներ Լարի Փեյջն ու Սերգեյ Բրինն են: Նրանց կարողությունները համապատասխանաբար գնահատվում են՝ 52.9 մլրդ դոլար եւ 51.8 մլրդ դոլար:

12-րդ եւ 13-րդ տեղն իրար հետ կիսում են Չարլզ եւ Դեյվիդ Կոհ եղբայրները: Նրանք «Koch Industries»-ի սեփականատերերն են: Նրանցից յուրաքանչյուրի կարողությունը գնահատվում է 51.3 մլրդ դոլար:

14-րդ հորիզոնականում է գտնվում աշխարհի ամենահարուստ կինը՝ «L`Oreal» ընկերության ժառանգորդ Ֆրանսուազ Բետանկուր-Մայրեսը: Նրա կարողությունը գնահատվում է շուրջ 50.8 մլրդ դոլար:

15-րդ ամենահարուստ մարդը հնդիկ բիզնեսմեն Մուկեշ Ամբանին է՝  «Reliance Industries Limited» ընկերության նախագահը: Նրա կարողությունը գնահատվում է 48. մլրդ դոլար:

16-րդ, 17-րդ եւ 18-րդ տեղերում մանրածախ առեւտրի ձեռնարկությունների աշխարհում խոշորագույն ցանցի՝ «Ուոլմարտ»-ի սեփականատերեր Ուոլթոններն են: Նրանցից՝ Ջիմ Ուոլթոնի կարողությունը գնահատվում է 45.5 մլրդ դոլար, Ռոբսոն Ուոլթոնի կարողությունը գնահատվում է 45.2 մլրդ դոլար, իսկ Ալիս Ուոլթոնի կարողությունը գնահատվում է 45.3 մլրդ դոլար:

19-րդ հորիզոնականում է «Մայքրոսոֆթ» ընկերության գլխավոր տնօրեն Սթիվ Բալմերը: Նրա կարողությունը գնահատվում է 43.2 մլրդ դոլար:

20-րդ ամենահարուստ մարդն աշխարհում չինացի ձեռնարկատեր Մա Հուատենն է: Նա «Tencent» համացանցային ընկերության հիմնադիրն է: Նրա կարողությունը գնահատվում է 40.4 մլրդ դոլար:

Ֆորբսի 2019 թվականի միլիարդատերերի ցուցակում ներառված են նաեւ 4 հայազգի միլիարդատերեր:

«Տաշիր» ընկերության հիմնադիր եւ նախագահ Սամվել Կարապետյանը գտնվում է ցուցակի 591-րդ հորիզոնականում: Նրա կարողությունը գնահատվում է 3.8 մլրդ դոլար:

Ռուսաստանի «Մագնիտ» մանրածախ առեւտրի խոշոր ցանցի ընկերության հիմնադիր Սերգեյ Գալիցկին ցուցակի 661-րդ տեղում է գտնվում: Նրա կարողությունը գնահատվում է 3.4 մլրդ դոլար:

1516-րդ ամենահարուստ մարդը արգենտինահայ գործարար Էդուարդո Էռնեկյանն է: Նրա կարողությունը գնահատվում է 1.5 մլրդ դոլար: 2001-րդ տեղում հայազգի կին միլիարդատեր՝ Քերոլին Ռաֆաելյանն է: Նա ամերիկյան «Ալեքս եւ Անի» ընկերության հիմնադիրն է: Նրա կարողությունը գնահատվում է 1 մլրդ դոլար:

Տպել
3576 դիտում

Հայաստանի և Ադրբեջանի ԱԳ նախարարները ԼՂ հակամարտության հարցով կհանդիպեն հունվարի 20-ին

Բանաձեւի ընդունումը հարգանքի տուրք է զոհերի հիշատակին և նրանց արժանապատվությանը. Զոհրաբ Մնացականյան

Ցեղասպանության բանաձեւի հեղինակ Մենենդեսը հուզվել է դրա ընդունումից հետո իր խոսքի ավարտին (տեսանյութ)

Մենք ոչ բանակ ունենք, ոչ զենք, ոչ գումար՝ այն գնելու համար. վրաց նախագահի սկանդալային հայտարարությունն ու արձագանքները

Քիմ Քարդաշյանն իր բոլոր հետեւորդներին կոչ էր արել զանգել սենատորներին, խնդրել կողմ քվեարկել Ցեղասպանության բանաձեւին

Պիտակների առկայությունը կփաստի, որ տնտեսվարողը սպառում է միայն անվտանգ մսամթերք

Խորը երախտագիտություն եմ հայտնում Սենատին այս նշանակալի օրենքի համար. Նիկոլ Փաշինյան

Նոր Հայաստանում կանայք և երիտասարդներն ազատ ու անկաշկանդ են ակտիվ ներգրավվելու թե՛ քաղաքականության և թե՛ այլ ոլորտներում

Նախկին վարչապետ Կարեն Կարապետյանը դարձել է ՌԴ Փորձագիտական խորհրդի նախագահության անդամ. ԻՆՏԵՐՖԱՔՍ

ԱՄՆ Սենատն ընդունեց Հայոց ցեղասպանությունը ճանաչող և դատապարտող բանաձևը

Մարզպետ Գնել Սանոսյանը բաց դաս է վարել Գեղարքունիք գյուղի միջնակարգ դպրոցում

Մանվել Գրիգորյանի կալանքի հարցով արդեն 10 միջնորդություն է ներկայացվել. Վերաքննիչում սկսվեց բողոքի քննությունը

Ավտոմեքենան դուրս է եկել ճանապարհի երթեւեկելի հատվածից և գլորվել ձորը. վարորդի վիճակը գնահատվել է ծանր

Էրեբունու ոստիկանները բացահայտել են ատամնաբուժական խանութից արված գողությունը (տեսանյութ)

«Արմավիր» ՔԿՀ-ում կանխվել է 3 գրամ մետամֆետամին տեսակի թմրամիջոցի փոխանցումը

Ֆինլանդիայի բանտում գտնվող հայ երկրպագուն արդարացվել է. 1-2 օրվա ընթացքում նա կլինի Հայաստանում

Բացահայտվել է Կարմիր բլուրում բնակարանային գողությունը. հեղինակը Մաուգլին է (տեսանյութ)

Շովրոյան փողոցի տան հրդեհը մեկուսացվել է. ԱԻՆ

ՃՏՊ Առինջ գյուղում. վնասվել է գազատարը

«SOAR աչքի շարժական կլինիկա»-ն կայցելի ՀՀ խնամքի հաստատություններ, կհետազոտվեն երեխաները