Իրավապահները չեն կարողանում գտնել Վահագն Հարությունյանին, բայց երբ խոսելու կարիք է զգում, մամուլի հետ շփվում է. քննիչ

Մարտի 1-ի քննչական խմբի նախկին ղեկավար, մեղադրյալ Վահագն Հարությունյանի պաշտպանը, դատախազը եւ քննիչը Հարությունյանի նկատմամբ հետախուզում հայտարարելու դեմ բողոքը քննող դատավոր Արտուշ Գաբրիելյանին ինքնաբացարկ չհայտնեցին:

Երեւան քաղաքի ընդհանուր իրավասության դատարանում այսօր քննվում էր Վահագն Հարությունյանին հետախուզում հայտարարելու որոշման դեմ տարված բողոքը:

Հիշեցնենք, որ նախորդ նիստին դատավոր Արտուշ Գաբրիելյանը նշել էր, որ թեեւ առկա են մի շարք փաստական հանգամանքներ, որոնք, ըստ էության, հիմք են իրեն ինքնաբացարկ հայտնելու, սակայն ինքը գտնում է, որ կարող է գործը քննել անկողմնակալ: Նման պայմաններում դատարանը դիմել էր կողմերին՝ իր բացակայության պայմաններում ինքնաբացարկի հիմքերի անտեսման հարցը քննարկելու համար:
Այսօր կողմերը քննարկեցին այդ հարցը եւ ընդհանուր համաձայնության եկան դատավորին ինքնաբացարկ չհայտնելու վերաբերյալ:

Դատախազ Պետրոս Պետրոսյանն ու Մարտի 1-ի քննչական խմբի ներկայիս ղեկավար Հրաչ Մուշեղյանն այն դիրքորոշմանն են, որ ինքնաբացարկի հիմքեր չկան, իսկ Վահագն Հարությունյանի պաշտպան Միհրան Պողոսյանն էլ նշեց, թե ինչն է հանդիսացել իր կողմից ինքնաբացարկի հիմքը անտեսելու մոտիվացիան: Նա ասաց, որ սույն գործով բողոքը դատարան է ներկայացվել 2018 թվականի նոյեմբերի 28-ին եւ մինչ այս պահը բողոքի ըստ էության քննություն չի սկսվել, դատական նիստեր ըստ էության տեղի չեն ունեցել. «Հիմա եթե մենք չանտեսեինք, մենք որեւէ երաշխիք չունեինք, որ եւս 4 ամիս այս գործի քննությունը չի շարունակվի: Այդ իսկ պատճառով մենք դիրքորոշում ենք հայտնում այն մասին, որ անտեսենք դատարանի կողմից մատնանշած հիմքերը եւ սույն գործով գործի քննությունը դուք իրականացնեք»,- հայտարարեց Պողոսյանը:

Այնուհետեւ Պողոսյանը մոտ մեկ ժամ ներկայացրեց իր կողմից բերված բողոքը: Ըստ այդմ՝ ներկայացնելով գործի դատավարական նախապատմությունը՝ Պողոսյանն ասաց, որ 2018թ-ի հոկտեմբերի 30-ին, ժամը 16:00-ին, Վահագն Հարությունյանը որպես վկա հարցաքննության է կանչվել ՀՀ ՀՔԾ վարչության պետի տեղակալ Դավիթ Կոստանդյանի կողմից քննվող քրեական գործով: Ըստ նրա՝ նույն օրը՝ ժամը 17.20-ին Վահագն Հարությունյանի փաստաբանը վարույթն իրականացնող մարմնին է ներկայացրել դիմում, որով հայտնել է, որ Վահագն Հարությունյանը սույն թվականի հուլիսի 17-ից առողջական վիճակի հետազոտությունների եւ բուժման նպատակով գտնվում է ՌԴ Մոսկվա քաղաքում, որի պատճառով չի կարող ներկայանալ հարցաքննության, սակայն անհրաժեշտության դեպքում պատրաստ է հայտնել իր գտնվելու կոնկրետ հասցեն: Դիմումին կից վարույթն իրականացնող մարմնին է ներկայացվել Վահագն Հարությունյանի վերաբերյալ Մոսկվայի «Կլինիկական հիվանդանոց» բժշկական կենտրոնի կողմից 10.10.2018թ. տրված էպիկրիզի պատճենը, համաձայն որի՝ Վահագն Հարությունյանը պետք է սրտի կորոնոգրաֆիկ հետազոտություն անցի, որպեսզի հստակեցվի ստենտավորման անհրաժեշտությունը կամ բացակայությունը:

Պողոսյանն ասաց, որ հարցաքննության կանչվելու նույն օրը՝ 2018թ-ին հոկտեմբերի 30-ին որոշում է կայացվել Վահագն Հարությունյանին ՀՀ քրեական օրենսգրքի 38-349-րդ հոդվածի 3-րդ մասի 1-ին կետով որպես մեղադրյալ ներգրավելու մասին: Նույն օրը քննիչի կողմից որոշում է կայացվել Հարությունյանի նկատմամբ հետախուզում հայտարարելու մասին:

Ըստ Պողոսյանի՝ թեեւ հետագայում Վերաքննիչ քրեական դատարանը երկու անգամ վերացրել է Հարությունյանին կալանավորելու որոշումները ՝ նրա նկատմամբ ապօրինի հետախուզումը հայտարարման պահից առ այսօր չի դադարեցվել:

Վահագն Հարությունյանի նկատմամբ հետախուզում հայտարարելու մասին որոշումը պաշտպանն ակնհայտ անհիմն եւ չպատճառաբանված որակեց: Նա ասաց, որ ըստ քննիչի կողմից կայացված որոշման պատճառաբանական մասի՝ նախաքննության ընթացքում Վահագն Հարությունյանի գտնվելու վայրը չի պարզվել։ «Վահագն Հարությունյանը, համաձայն ՀՀ սահմանային էլեկտրոնային համակարգի տվյալների, 2018 թվականի հուլիսի 17-ին մեկնել է ՀՀ տարածքից։ Մեկ անգամ՝ 2018 թվականի հոկտեմբերի 30-ին, նա ծանուցագրով կանչվել է հարցաքննության, սակայն որդու հայտարարության համաձայն՝ նա մեկնել է ՌԴ։ Այսինքն՝ մեղադրյալ Վահագն Հարությունյանի գտնվելու վայրը պարզ չէ եւ նա թաքնվում է քննությունից»,- քննիչի որոշումից մեջբերեց Պողոսյանը: Այնինչ, նրա  պնդմամբ՝ Վահագն Հարությունյանի գտնվելու տեղը նախաքննական մարմնին քաջ հայտնի էր, քանի որ, ըստ նրա, դեռեւս 2018թ-ի սեպտեմբերի 12-ին Վահագն Հարությունյանի կողմից այդ մասին դիմում էր ներկայացվել ՀՀ հատուկ քննչական ծառայության պետին։ Ըստ այդմ՝ Հարությունյանի փաստաբանը նշել է, որ իր վստահորդը բուժման նպատակով գտնվում է ՌԴ Մոսկվա քաղաքում, որի պատճառով չի կարող ներկայանալ հարցաքննության, սակայն անհրաժեշտության դեպքում պատրաստ է հայտնել իր գտնվելու կոնկրետ հասցեն: Չնայած դրան պաշտպանական կողմը բուժման ժամկետների վերաբերյալ հստակ տեղեկություններ չի նշել՝ առկա չլինելու պատճառով, սակայն նշել է, որ Հայաստանի Հանրապետություն վերադառնալուն պես Վահագն Հարությունյանը պարտավորվում է այդ մասին տեղեկացնել վարույթն իրականացնող մարմնին: «Դեռ ավելին, Վահագն Հարությունյանը չի վարանել եւ հեռախոսազանգով անձամբ վարույթն իրականացնող մարմնին՝ հարցաքննության կանչած քննիչին հայտնել է, որ բուժման նպատակով գտնվում է ՌԴ Մոսկվա քաղաքում, բնակվում համապա­տաս­խան հասցեով՝ տրամադրելով իր գտնվելու վայրի կոնկրետ հասցեն եւ հեռախոսահամարը, ինչը չի հերքել նույնիսկ նախաքննա­կան մարմնի ղեկավարը՝ զանգվածային լրատվա­միջոցների մոտ հրապարակայնորեն հայտարա­րելով այդ մասին»,- ասաց Պողոսյանը: Ըստ նրա՝ քննիչը հաստատապես տեղեկացված լինելով, որ Վահագն Հարությունյանը առողջական խնդիրների պատճառով բացակայում է ՀՀ-ից, նրա հստակ գտնվելու վայրը պարզելու համար ունենալով գործուն միջոցներ եւ հնարավորություններ՝ որեւէ միջոց չի ձեռնարկել, այլ Պողոսյանի խոսքով՝ սահմանափակվելով միմիայն սահամանահատումների մասին տեղեկություններով՝ հետախուզում հայտարարելու մասին որոշում է կայացրել։ «Այս մասին է խոսում նաև այն հանգամանքը, որ քննիչը նույնիսկ մինչ այդ Վ. Հարությունյանի գտնվելու վայրի մասին տեղեկություններ հայտնած փաստաբանին պաշտոնապես չի դիմել, ինչպես նաեւ չի իրականացրել Վահագն Հարությունյանի որդու հարցաքննությունը, որը մինչ այդ հայտնել է մեղադրյալի գտնվելու վայրի մասին տեղեկություններ»,- հավելեց բողոքաբերը: Ըստ նրա՝ վարույթն իրականացնող մարմինը նախքան հետախուզում հայտարարելը պարտավոր էր որեւէ կերպ հերքել Հարութ­յունյանի՝ բուժման մեջ առհասարակ չգտնվելու հանգամանքը, որից հետո միայն հանգեր այն հետեւության, որ նա թաքնվում է վարույթն իրականացնող մարմնից. «Ինչը չի կա­տարվել եւ կամայա­կանորեն, առանց բավարար հիմքերի եւ անհրաժեշտության փաստել է, թե Վահագն Հարությունյանը, չվերադառնալով ՀՀ եւ չներկայանալով նախաքննա­կան մարմին, իբր թաքնվում է»,- հավալեց Միհրան Պողոսյանը: Վերջինս նաեւ ասաց, որ Վահագն Հարությունյանի կալանքի միջնորդությունը քննած դատավորը 2018 թվականի նոյեմբերի 2-ի իր որոշման մեջ նշել է, որ առկա չեն հիմքեր՝ հետեւություն անելու, որ Վահագն Հարությունյանը թաքնվում է վարույթն իրականացնող մարմնից:

Բողոքի հիմքերն ու հիմնավորումները ներկայացնելուց հետո պաշտպանը դատարանին խնդրեց վերացնել իր պաշտպանյալի նկատմամբ հայտարարված հետախուզման որոշումը:

Մեղադրող դատախազ Պետրոս Պետրոսյանը առարկեց բերված բողոքի դեմ: Նա, անդրադառնալով պաշտպան Պողոսյանի հայտնած դիրքորոշմանը, թե վարույթն իրականացնող մարմինը քայլեր չի ձեռնարկել ստուգելու համար Վահագն Հարությունյանի՝ հիվանդանոցում գտնվելու, առհասարակ հիվանդ լինելու եւ այլ հանգամանքներ, հիշեցրեց, որ Հարությունյանը գտնվելիս չի եղել Հայաստանի Հանրապետության տարածքում:

Ըստ Պետրոս Պետրոսյանի՝ վարույթն իրականացնող մարմինն օբյեկտիվորեն հանգել է այն հետևության, որ Հարությունյանն իսկապես թաքնվել է:

«Շուրջ 5 ամիս քննություն է իրականացվում: Հետախուզվող մեղադրյալը երկու անգամ լրատվամիջոցներով կարծիք է հայտնել իր վերաբերյալ կայացվող որոշումների եւ կատարվող քրեադատավարական ընթացակարգերի վերաբերյալ: Վերջինս երբեւէ ուղիղ հարցերին չի պատասխանել, թե երբ է պատրաստվում վերադառնալ»,- հավելեց Պետրոս Պետրոսյանը: Նրա խոսքով՝ շուրջ 5 ամիս տեղի ունեցած իրադարձությունները վկայում են այն մասին, որ Վահագն Հարությունյանը թաքնվում է, իսկ նրա գտնվելու վայրը պարզ չէ: «Շուրջ 5 ամիս է՝ նրան հայտնաբերելն ուղղակի անհնար է դարձել»,- նշեց Պետրոս Պետրոսյանը:

Անդրադառնալով պաշտպանի նշած հանգամանքին, որ առաջին ատյանի դատարանը Հարությունյանի կալանավորման միջնորդության որոշման մեջ նշել է, թե «առկա չեն հիմքեր հետեւության հանգելու, որ Վահագն Հարությունյանը թաքնվել է վարույթն իրականացնող մարմնից», Պետրոսյանը նշեց, որ այդ դատական ակտի ստուգման ընթացքում Վերաքննիչ քրեական դատարանը ուղիղ արձանագրել է թե՛ թաքնվելու, թե՛ խոչընդոտելու հիմքերը: Այսպիսով՝ Պետրոսյանը բողոքը անհիմն համարեց եւ խնդրեց դատարանին մերժել:

Գործով քննիչ, Մարտի 1-ի գործով քննչական խմբի ղեկավար Հրաչ Մուշեղյանն էլ ասաց, որ Վահագն Հարությունյանի հեռախոսահամարը, հասցեն, գտնվելու վայրի մասին տեղեկությունները նախաքննական մարմինը փոխանցել է հետաքննության մարմնին: «Փաստն այն է, որ չեն գտել...: Ցավոք բաց նիստ է, թե չէ ավելի պարզ կխոսեի հարգելի դատարան»,- ասաց Մուշեղյանը, ապա դիտարկեց, որ հետախուզմամբ զբաղվող մարմինները չեն կարողանում գտնել Վահագն Հարությունյանին, բայց նրան երբ պետք է, երբ խոսելու կարիք է զգում, մամուլի հետ կարողանում է կապվել:

Սույն գործով հաջորդ նիստը տեղի կունենա մարտի 11-ին:

Տպել
3757 դիտում

Ավտոմեքենաների համարանիշների հափշտակությունը կքրեականացվի. միայն Երեւանում արձանագրվել է 306 դեպք

Հանվել է երկարօրյա ծառայությունների եւ արտաուսումնական խմբակների կազմակերպման արգելքը, բայց սահմանվել են նոր կանոններ

Անահիտ Ավանեսյանն ընդունել է Չինաստանի դեսպան Ֆան Յունին․ կողմերն անդրադարձել են պատվաստումային գործընթացին

Աննա Հակոբյանը և Լենա Նազարյանը ներկա են գտնվել Վանաձորի N25 հիմնական դպրոցի նորոգված մարզադահլիճի բացման արարողությանը

Դժվար է լինելու, բայց ոչ անհնարին. հունահռոմեականների վիճակահանությունը օլիմպիական վարկանիշային մրցաշարում

Տեր-Պետրոսյանի հրապարակած հայտարարության տեքստը Սարգսյանը տեսնում է առաջին անգամ․ Սերժ Սարգսյանի գրասենյակի արձագանքը

ԱԺ-ն երկրորդ ընթերցմամբ ընդունեց «Ընտրական օրենսգրքի» փոփոխությունների փաթեթը

Կորոնավիրուսային հիվանդության դեմ պատվաստումների շեմն անցել է 10 հազարը

Հայաստանի տարբեր մարզերում ընթանում են ճանապարհների բարեկարգման աշխատանքներ (տեսանյութ)

Գերիների ազատ արձակման հարցում ուժեղացող միջազգային ճնշման ներքո Ադրբեջանը փորձում է առաջ քաշել կեղծ օրակարգեր․ ԱԳՆ

Ստեփանակերտ-Ասկերան ճանապարհին ավտոմեքենան գլորվել է և հայտնվել Կարկառ գետում․ վարորդը մահացել է

Արմեն Սարգսյանը մայիսի 8-ից կգտնվի կարճատեւ արձակուրդում, որը կանցկացնի Մոսկվայում

«Նախապես ասեմ՝ մերժելու ենք...». Նիկոլ Փաշինյանի խորհրդականի հումորային արձագանքը՝ Տեր-Պետրոսյանի առաջարկների շարքին

Մոդուլային դպրոցներ կկառուցվեն Մեդովկա և Հագվի համայնքներում, նաեւ մոդուլային մանկապարտեզ՝ Սպիտակ համայնքում

Վահրամ Դումանյանը Շուշիի Ղազանչեցոց մայր տաճարի վերաբերյալ նամակ է հղել ՅՈՒՆԵՍԿՕ-ի գլխավոր տնօրենին

Լեւոն Տեր-Պետրոսյանը օրեր առաջ հանդիպել է Սերժ Սարգսյանին եւ առաջարկել ՀԱԿ-ՀՀԿ դաշինք ստեղծել

Ոչ նախկիններին ենք սպասարկել, ոչ ներկաներին ենք սպասարկում, ոչ էլ ապագաներին ենք սպասարկելու. Վազգեն Ռշտունի

Գեղամ Հովեյանը ընտրվեց Հաշվեքննիչ պալատի անդամ

Տեղի է ունեցել Անասնաբույժների ազգային ասոցիացիայի տարեկան հաշվետու ժողովը

Վերականգնվում է Մ-1-Ներքին Սասնաշեն-Մեծաձոր մոտ 9.8 կմ երկարությամբ ճանապարհահատվածը

Արմեն Սարգսյանը հյուրընկալել է Հայրենական մեծ պատերազմի մի խումբ վետերանների

Ունեմ հիմքեր կարծելու՝ սա միջամտություն է իմ ազատությանը. դատավորը՝ իր դեմ հարուցված կարգապահական վարույթի մասին

Մանկապարտեզներում սահմանափակումները հանվում են. նախարարի հրամանն ուժի մեջ կմտնի վաղվանից

Ցուցակների 1-ին համարների միջև հեռուստաբանավեճը պարտադիր կլինի. այլ կարևոր փոփոխություններ ևս «Ընտրական օրենսգրքում» կան

Սակրավորներն այսօր աշխատում են Ստեփանակերտի և Մարտունիի տարածքներում. պայթեցումներ կլինեն այլ համայնքներում

Ուժեղ իմունային համակարգը կարևոր է. Դավիթ Բաբայանը պատվաստվել է կորոնավիրուսի դեմ

Վերականգնվում է Ներքին Սասնաշեն-Մեծաձոր մոտ 9.8 կմ երկարությամբ ճանապարհահատվածը. Պապիկյան

Օրիգինալն է, այնքան էլ ծանր չէ, ես եմ բերել. Արամ Խաչատրյանի հետմահու դիմակն արդեն Երեւանում է՝ իր տուն-թանգարանում

Կոմանդոսի ողջ կյանքը հայրենիքին անմնացորդ նվիրվելու օրինակ էր. նախագահն ընդունել է նրա անվամբ ՀԿ-ի նախագահին

Դեռահասների շրջանում կախվածությունների թվի ավելացումը անհանգստացնող է. դասընթացներ Երևանի դպրոցներում

Հակամարտությունից տուժած Հայաստանում գտնվող ընտանիքները կստանան Համաշխարհային բանկի աջակցությունը

Պատգամավորները ԱԺ-ում պատվաստվում են կորոնավիրուսի դեմ

Պատերազմից հետո անհրաժեշտ է փոխել մոտեցումները գյուղատնտեսական ոլորտի խնդիրների լուծման նկատմամբ. ԱՀ նախագահ

Բարի ճանապարհ եմ մաղթում, իրենք ինձ կհետաքրքրեն, երբ իմ լիազորությունների տիրույթում հայտնվեն. Դավթյանը՝ Վանեցյանի մասին

Այսօր ու առաջիկա օրերին անձրևն ու ամպրոպը կշարունակվեն. հնարավոր է կարկուտ

Ձերբակալվել է «օրենքով գողի»՝ քրեական աստիճանակարգության բարձրագույն կարգավիճակ ունեցող անձ. դատախազություն

Համայնքներում կարող են ծառայողական Range Rover կամ Lexus գնել, ոչ ոք չի կարող ասել՝ ինչո՞ւ ես գնել. Գեղամ Հովեյան

Կանադայի ԱԳՆ-ն երկրորդ անգամ կոչ է անում Ադրբեջանին ազատ արձակել բոլոր հայ գերիներին

Սյունիքի դեպքերով քաղաքական որոշումը բացառված է. ամեն ինչ տեղի է ունեցել հրապարակային, կարող են նայել. գլխավոր դատախազ

Հայտնաբերվել է Ադրբեջանի ՊՆ-ի հետ կապ ունեցող մեծ ֆեյքերի խումբ. ոչնչացվել են հարյուրավոր կեղծ էջեր