Երևան
28 °C
searchclose
today
menuclose
Երևան
28 °C
Մեր տեղեկություններով՝ Ազգային ժողովը նոր գլխավոր դատախազի ընտրությունները կկազմակերպի եկող երեքշաբթի կամ չորեքշաբթի օրը:
Հիշեցնենք, որ Սերժ Սարգսյանը գլխավոր դատախազի թեկնածու է առաջադրել գլխավոր դատախազի տեղակալ Արթուր Դավթյանին, որը երեկ խորհրդարանում հանդիպում էր խմբակցությունների հետ: Վերջինս, սակայն, երկու՝ ՀԱԿ եւ ԲՀԿ խմբակցությունների հետ դեռ չի հանդիպել: Ամեն դեպքում Դավթյանը երեքշաբթի օրը նիստերի դահլիճում պատգամավորներին կներկայացնի իր ծրագրերը կամ պատկերացումները ապագա պաշտոնավարման վերաբերյալ ու ինչպես երեւում է երեկվա հանդիպումներից, մեծամասնության կողմից լուրջ ճնշումների չի ենթարկվի: Համենայնդեպս, խորհրդարանական ոչ իշխանական ուժերի ներկայացուցիչները երեկ նրա հետ առանձին հանդիպումներից հետո լրագրողների հետ զրույցում սիրազեղումներով են արտահայտվել ապագա գլխավոր դատախազի հասցեին՝ նրան որակելով որպես երիտասարդ, բանիմաց անձնավորություն:
«Երիտասարդ կադրերը, որ նշանակվում են, դա ակնկալիք ու հույս ներշնչող է միշտ, մանավանդ ինքը ճանապարհ է անցել, մասնագիտական առումով որեւէ խոսք չկա՝ խոստումնալից կադր է»,- Դավթյանի հետ հանդիպումից հետո ասաց ՀՅԴ խմբակցության ղեկավար Արմեն Ռուստամյանը:
ՕԵԿ խմբակցության ղեկավար Հեղինե Բիշարյանը խոսեց գլխավոր դատախազի թեկնածուի բարձր կրթական աստիճանի մասին: «Ամենակարեւորը, որ կուզենամ շեշտել, իր անցած ճանապարհն է, համակարգի վերաբերյալ խորը իմացությունը եւ նաեւ այն, որ նա շատ սիրում է իր աշխատանքը: Սա կարծես թե տալիս է վստահություն, որ ինքը լավ է աշխատելու. առաջին տպավորությունս սա է, եւ վստահ եմ, որ նա շատ լավ կաշխատի, ինչու չէ՝ հաճելի անձնավորություն է, որն իր արտաքինով կարող է դրական տպավորություն թողնել քաղաքացիների վրա, որոնք դիմում են դատախազությանը, եւ իր իմացությունը, որով պետք է ճանապարհի քաղաքացիներին»,-ասաց Բիշարյանը Սերժ Սարգսյանի ներկայացրած թեկնածուի մասին:
«Ժառանգություն» խմբակցության հետ հանդիպմանը Զարուհի Փոստանջյանը ներկա չէր: Լրագրողների հետ զրուցեց խմբակցության նախկին ղեկավար, ապա խմբակցության ղեկավարի պաշտոնից հրաժարված Ռուբիկ Հակոբյանը: «Երիտասարդ, պատրաստակամ, տիրապետում է բոլոր հարցերի պատասխաններին, բավական զրուցեցինք, ուղղակի մեր հորդորը, խնդրանքն այն է, որ այդ գիտելիքները կարողանա տեղայնացնել իր մասնագիտական ոլորտում»,- ասաց նա:
ՀՀ գլխավոր դատախազի թեկնածու Արթուր Դավթյանից լրագրողները հետաքրքրվեցին քաղաքական հայացքների համար անազատության մեջ հայտնված քաղաքացիների մասին, ինչին Դավթյանը պատասխանեց. «Նման մարդիկ Հայաստանում չկան։ Ցանկացած ձերբակալում կամ կալանավորում իրականացվում է քրեական դատավարության օրենքով նախատեսված հիմքերով»:
Ճշտող հարցին՝ պնդո՞ւմ է, որ Հայաստանում քաղբանտարկյալներ չկան, Դավթյանը պաշտոնապես պատասխանեց. «Իհարկե, պնդում եմ, չկան քաղբանտարկյալներ»: Լրագրողների դիտարկմանը, որ հասարակության լայն զանգվածների պնդմամբ՝ ՀՀ-ում քաղբանտարկյալներ կան, որոնց ազատ արձակվելու համար ակցիաներ են անում, ինչպես՝ Շանթ Հարությունյան, Գեւորգ Սաֆարյան, Վոլոդյա Ավետիսյան, Դավթյանը պատասխանեց. «Ես չեմ կարող վստահ լինել, որ որեւէ մեկիդ ներկայացրածն ամբողջ հանրության կարծիքն է: Ես մասնագիտական առումով կարող եմ ասել, որ իմ աշխատանքային գործունեությամբ ներառված եմ եղել այդ որոշումների կայացման փուլում, այդ որոշումները կայացվել են բացառապես օրենքով նախատեսված կարգով»:
Լրագրողները հետաքրքրվեցին նաեւ, թե արդյոք կլինի՞ համաներում ոստիկանության Էրեբունու ՊՊԾ գունդը գրաված «Սասնա ծռեր» խմբավորման անդամների նկատմամբ, Արթուր Դավթյանը պատասխանեց, որ դեռեւս չի կարող ասել, որովհետեւ համաներման ակտ չկա այս պահին: Դիտարկմանը, որ նախկին գլխավոր դատախազը հայտարարել էր, թե խմբավորման անդամների հանձնվելը մեղմացուցիչ հանգամանք կհամարվի, Դավթյանն արձագանքեց. «Քննությամբ պետք է պարզվի՝ արդյոք մենք ունեցե՞լ ենք կամովին պատանդների ազատում, կամովին շենք-շինությունների հանձնում, թե ոչ»: Ինչ վերաբերում է ՊՊԾ տարածքում սպանված երեք ոստիկանների մահվան գործով հարուցված քրեական գործերի քննությանը, Դավթյանն ասաց, որ քննությունն այս առումով օպերատիվ եւ լայնածավալ իրականացվում է. «Ես չեմ կարող նախաքննության գաղտնիք հանդիսացող տեղեկություն հրապարակել, բայց ունենք որոշակի արդյունքներ այս առումով: Երբ օրենքով սահմանված կարգով կհավաքվեն բավարար չափով ապացույցներ, կոնկրետ անձանց մեղադրանքներ կառաջադրվեն»: Անդրադարձ եղավ նաեւ «Սասնա ծռեր» խմբավորման անդամներին հաց տանող Արթուր Սարգսյանին:
Գլխավոր դատախազի տեղակալը հիշեցրեց, որ վերջինիս մեղադրանք է առաջադրվել զինված խմբի անդամներին աջակցություն ցուցաբերելու համար: «Նրա մեղադրանքի հիմքերը չեն արտացոլում հաց տանելը: Նա օրեր շարունակ գտնվել է զինված խմբի հետ եւ տեղում իր համապատասխան գործունեությամբ ապահովել զինված խմբի հանցավորության արդյունավետությունը»:
Ինչ վերաբերում է նախկին դատախազ Գեւորգ Կոստանյանի հրաժարականին, Արթուր Դավթյանը վստահեցրեց, որ Կոստանյանն առողջական խնդիրներ ունի եւ առաջարկեց առողջություն մաղթել նրան: Հիշեցնենք, որ Գեւորգ Կոստանյանը գլխավոր դատախազի պաշտոնից հրաժարականի դիմում է ներկայացրել օգոստոսի 4-ին:
Հարյուրավոր դիակներ են թողել առաջնագծում եւ շատ անտարբեր են իրենց կորուստների հանդեպ. Արցախի նախագահ
Նիկոլ Փաշինյանը հեռախոսազրույց է ունեցել Եվրոպական խորհրդի նախագահ Շարլ Միշելի հետ
Վալերի Դանելին. վերջին թռիչքը՝ դեպի անմահություն (տեսանյութ)
Ադրբեջանական ագրեսիան հետ մղելու ընթացքում զոհվել է եւս 23 զինծառայող. ԱՀ ՊՆ
Գորիսում քաղաքացին նետվել է «Մինա» հյուրանոցի տանիքից
Հավաքված սննդի ու պարագաների ծավալն այնքան մեծ է, որ մի մասը պահեստավորվում է (տեսանյութ)
Ադրբեջանի ռազմաքաղաքական ղեկավարության՝ շփման գծում ռազմական հանցագործություններ սանձազերծելու դեպքով հարուցվել է քրգործ
Ուղերձներ կհղվեն Ադրբեջանի ազգային փոքրամասնությունները ներկայացնող հանրային կառույցներին. ՀՀ հանրային խորհուրդ
Ընկերներս այսօր խոցել են թշնամու 1 զրահատեխնիկա, իսկ 3-ն առգրավել. Արցախի նախագահը տեսանյութ է հրապարակել
ՌԴ-ն կոչ է անում անհապաղ դուրս բերել Սիրիայից ու Լիբիայից բերված վարձկաններին ու ահաբեկիչներին հակամարտ գոտուց. ՌԴ ԱԳՆ
«Արարատ-Արմենիա» - «Ցրվենա Զվեզդա». սպորտային հաղթանակի սպասումով
Հայկ Գրիգորյանը աշխատանքային հանդիպումներ է ունեցել Արցախի նախագահ Արայիկ Հարությունյանի, ՔԿ նախագահի, ԱԱԾ տնօրենի հետ
Արցախին հարվածող «Բայրաքթարները» Էրդողանի ընտանեկան բիզնեսն են. mediamax
Մանրամասն ուսումնասիրել ենք, գիտենք՝ ինչի է ունակ «Արարատ-Արմենիան». Դեյան Ստանկովիչ
«Նոր Զովք» սուպերմարկետների ցանցը դադարեցնում է թուրքական ապրանքների վաճառքը
Վարչապետի գլխավորությամբ կայացել է Անվտանգության խորհրդի արտահերթ նիստ
Հաշմանդամություն ունեցող տատիկը 5000 դրամ է նվիրաբերել մեր զինվորներին. Հայակակ Արշամյանը հրապարակել է նրա նամակը
Սահակաշվիլին պետք է զրկվի ԵՊՀ պատվավոր դոկտորի կոչումից. Արայիկ Հարությունյան
Զոհրաբ Մնացականյանը շվեդ գոծընկերոջը ներկայացրել է Ադրբեջանի սանձազերծած ագրեսիայի հետևանքով ստեղծված իրադրությունը
Եվրոպայի հայերի համագումարը դիմում է ԵՄ-ին, ՄԱԿ-ին, միջազգային հանրությանը
