ՀՀ ֆուտբոլի հավաքականի տնային խաղերի տոմսերը կարող են հասնել մինչեւ 12 հազար դրամի

Հայաստանի ֆուտբոլի ազգային հավաքականի տնային հանդիպումների տոմսերը կարող են հասնել մինչեւ 12 հազար դրամի: Հայաստանի ֆուտբոլի ֆեդերացիան ներկայացրել է գնային նոր քաղաքականությունը: Նախկինում պաշտոնական խաղերի տոմսերը հիմնականում վաճառվում էին 4-10 հազար դրամով, ընկերական խաղերինը՝ ավելի էժան:

Հիմա տոմսերի արժեքները սահմանվելու են՝ ըստ դասակարգման: Նշվում է, որ աշխարհի կամ Եվրոպայի առաջնության ընտրական յուրաքանչյուր մրցաշրջանից առաջ կատարվելու է խաղերի դասակարգում՝ համաձայն ՈՒԵՖԱ-ի՝ ազգային հավաքականների ներքին շրջանառության դասակարգման:

Եվրո 2020-ի ընտրական փուլում J խմբում ընդգրկված ՀՀ ընտրանու խաղերը բաժանվել են A, B եւ C կարգերի: Իտալիայի հավաքականի դեմ տնային հանդիպումը կունենա A, Բոսնիա եւ Հերցեգովինայի, Ֆինլանդիայի եւ Հունաստանի հավաքականների դեմ տնային հանդիպումները՝ B, իսկ Լիխտեյնշտեյնի դեմ հանդիպումը՝ C կարգ:

Ամենաբարձր արժեքը կունենան A կարգի խաղերի տոմսերը: Գները կարող են փոփխվել այն պարագայում, եթե տվյալ խաղը որոշիչ լինի խմբից դուրս գալու հարցում:

Առանձնացվել են 1, 2, 3, 4, 5 եւ VIP կատեգորիաների տոմսեր: 5-րդ կատեգորիայի տոմսերը տեղաբաշխվում են հյուսիսային եւ հարավային տրիբունաներում ամբողջապես: 4-րդ կատեգորիայի տոմսերն արեւելյան տրիբունայի անկյունային 2 սեկտորների համար են: 3-րդ կատեգորիայի տոմսերը զբաղեցնում են արեւելյան տրիբունայի կենտրոնական հատվածը, 2-րդինը՝ արեւմտյան տրիբունայի ծայրամասային 2 սեկտորները:

1-ին կատեգորիայի տոմսերն արեւմտյան տրիբունայի կենտրոնական հատվածի համար են դրանք չեն ներառում VIP կատեգորիան: VIP տոմսերն արեւմտյան տրիբունայի կենտրոնական հատվածում են՝ առանձնացված սեւ, կաշվե թիկնաթոռներով: Դրանք չեն վաճառվում:

Ամենաէժանը 5-րդ կատեգորիայի՝ հյուսիսային եւ հարավային տրիբունաների տոմսերն են: Բոլոր կարգի խաղերում կարժենան 1000 դրամ: Մյուս տեղերի տոմսերի գները կտարբերվեն: A կարգի խաղերի 1-ին կատեգորիայի տոմսերը կվաճառվեն 12 հազար, 2-րդ կատեգորիայի տոմսերը՝ 10 հազար, 3-րդ կատեգորիայի տոմսերը՝ 6 հազար, 4-րդ կատեգորիայինը՝ 3 հազար դրամով:

B կարգի խաղերում 1-ին կարգի տոմսերը կարժենան 9 հազար, 2-րդ կատեգորիայի տոմսերը՝ 7 հազար, 3-րդ կատեգորիայինը՝ 5 հազար, 4-րդ կատեգորաիայինը՝ 3 հազար դրամ:

C կարգի խաղերի 1-ին կատեգորիայի տոմսերը կվաճառվեն 6 հազար, 2-րդ կատեգորիայինը՝ 5 հազար, 3-րդ կատեգորիայինը՝ 4 հազար, 4-րդ կատեգորիայինը՝ 2 հազար դրամով:

Կորպորատիվ դիմումների դեպքում տոմսերը հնարավոր է գնել նաեւ զեղչով: 11-30 տոմսի համար սահմանվում է 10%, 31-50 տոմսի համար՝ 20%, 51-100 տոմսի համար՝ 30%, 101-150 տոմսի համար՝ 40%, 50-ից ավելի տոմսի համար՝ 50% զեղչ: Հյուսիսային եւ հարավային տրիբունաների տոմսերը կորպորատիվ վաճառքի ենթակա չեն: Ֆան-ակումբները չեն կարող դիմել կորպորատիվ գնման համար: ՀՖՖ-ի կողմից անհատույց տրամադրված կամ կորպորատիվ դիմումներով՝ գնված տոմսերը չի կարելի վերավաճառել:

Տնային հանդիպումների համար ֆան-ակումբների համար առանձնացվել է արեւելյան տրիբունայի 1-ին եւ 2-րդ սեկցիաների կենտրոնական 2 սեկտորների 1-7 կարգերի բոլոր տեղերը: Ֆան-ակումբները նաեւ պարտավոր են գնել 8-10 կարգերի տոմսերը եւ դրանք թողնել դատարկ, որպեսզի կանգնած երկրպագելու դեպքում անհարմարություն չստեղծեն 10-րդ կարգից վերեւ նստողների համար:

Հյուրընկալվող ֆեդերացիայի պաշտոնատար անձանց համար ՀՖՖ-ն կարող է հատկացնել առավելագույնը 20 VIP տոմս: ՀՖՖ-ն հյուրերին նաեւ պետք է տրամադրի 100 անվճար տոմս արեւմտյան տրիբունայում, իսկ ցանկության դեպքում նաեւ նույն հատվածում եւս 200 տոմս գնելու հնարավորություն:

Բացի անվճար տոմսերից՝ ՀՖՖ-ն պարտավոր է տրիբունա առանձնացնել հյուրընկալվող թիմի երկրպագուների համար եւ տոմսեր վաճառել այդ տեղերի համար: Դա պետք է լինի մարզադաշտի նստատեղերի ընդհանուր 5%-ը: Հյուսիսային տրիբունայի 2-րդ սեկցիայի աջ թեւը համարվում է հյուր երկրպագուների սեկտոր: Այն ունի 905 նստատեղ: Այս տոմսերը տեղացիների չեն վաճառվում: ՀՖՖ-ն կարող է վաճառել այս տոմսերը խաղից մի քանի օր առաջ, եթե հյուրընկալվող կողմից հայտ չի ստացել:

Տպել
795 դիտում

Վթար Երևան-Սևան ավտոճանապարհին.մեկ մարդ զոհվել է, մյուսի վիճակը միջին ծանրության է

Շիրակի մարզում իրականացվել է հատուկ «Ջութակ» օպերացիան. կան բերման ենթարկվածներ

Հանրապետության տարբեր հատվածներում ներգործության է ենթարկվել կարկտավտանգ 22 ամպ

Նիդերլանդների ներկայացուցիչը՝ «Եվրատեսիլ 2019»-ի հաղթող. երգիչը խոստովանել է, որ նույնասեռական է

Արմավիրում կանխվել է ավտոլվացման կետի աշխատակցի ինքնասպանությունը

Դատարանն այսօր ապացուցեց, որ ինքը անկախ է գործադիր եւ օրենսդիր մարմիններից, բայց հարցեր առաջացրեց․ Վահագն Թեւոսյան

Ապրում ենք նոր Հայաստանում՝ հին դատական համակարգով. Արեն Մկրտչյան

«5-րդ ալիքի» սեփականատեր Արմեն Թավադյանը չկալանավորվեց

Դատախազությունը կարող է բողոքարկել Քոչարյանին կալանքից ազատելու որոշումը. դատախազության պատասխանը՝ Քոչարյանի փաստաբանին

Կառավարությունում քննարկվել է Արտաքին տնտեսական գործունեության իրականացման սպասարկման կենտրոնների ներդրման նախագիծը

Վարչապետին զեկուցել են տրված հանձնարարականների կատարման ընթացքի մասին (լուսանկարներ)

ՃՈ տուգանքը 5 օրվա ընթացքում մուծելու դեպքում 30% զեղչ. «Իմ քայլ»-ի պատգամավորը միտք ունի նման նախագիծ մշակել

Դատական իշխանությունն օգտվում է լիակատար ազատությունից, մեկը մյուսին հաջորդող վճիռները դրա վկայությունն են․ Կարապետյան

Հայաստանի տարածքում երկրաշարժ է գրանցվել

Ռոբերտ Քոչարյանը դուրս է եկել «Երևան-Կենտրոն» քրեակատարողական հիմնարկից

Արմեն Սարգսյանը հեռախոսազրույց է ունեցել ԲԴԽ նախագահ Գագիկ Հարությունյանի հետ

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 80 անգամ

Դատախազները կբողոքարկեն Քոչարյանին կալանքից ազատելու դատարանի որոշումը

Որոշումը բավարարեց այնքանով, որ հայրս դրսում կլինի․ Լեւոն Քոչարյանը՝ Ռոբերտ Քոչարյանին կալանքից ազատելու մասին

Ռոբերտ Քոչարյանին կալանքից ազատելուց հետո դատարանի բակում լարված իրավիճակ է