Արթուր Դավթյանը 5 ոսկե մեդալ նվաճեց ՀՀ մարմնամարզության 2019 թ. առաջնությունում

Եվրոպայի փոխչեմպիոն Արթուր Դավթյանը 5 ոսկե մեդալ նվաճեց ՀՀ մարմնամարզության 2019 թ. առաջնությունում: Այսօր՝ մարտի 14-ին, Ալբերտ Ազարյանի անվան մարմնամարզության օլիմպիական հերթափոխի մանկապատանեկան մարզադպրոցում կայացան առանձին գործիքների եզրափակիչները: Օրեր առաջ Դավթյանը մեծ առավելությամբ չեմպիոն էր դարձել բազմամարտում: Այսօր առաջին տեղը զբաղեցրեց ազատ վարժությունում, զուգափայտում, հենացատկում եւ պտտաձողում:

Ազատ վարժությունում 2-րդը Վիգեն Խաչատրյանն էր, 3-րդը՝ Գագիկ Խաչիկյանը: Զուգափայտերում 2-րդը կրկին Վիգեն Խաչատրյանն էր, 3-րդը Եվրոպայի երիտասարդների առաջնության արծաթեմեդալակիր Արթուր Ավետիսյանն էր: Հենացատկում եւս 2-րդը Վիգեն Խաչատրյանն էր, 3-րդը՝ Արթուր Ավետիսյանը: Պտտաձողում 2-րդը Էրիկ Բաղդասարյանն էր, 3-րդը՝ Վիգեն Խաչատրյանը:

Նժույգթափերի վրա վարժությունում չեմպիոն դարձավ Եվրոպայի չեմպիոն, աշխարհի բրոնզեմեդալակիր Հարություն Մերդինյանը: Այստեղ Արթուր Դավթյանը բավարարվեց արծաթով, իսկ 3-րդ տեղը զբաղեցրեց Գագիկ Խաչիկյանը: Օղակների վրա վարժությունում առաջինը համաշխարհային ուսանողական խաղերի հաղթող Արթուր Թովմասյանն էր: 2-րդ տեղում վնասվածքից նոր ապաքինված եւ մարզավիճակ հավաքող Եվրոպայի փոխչեմպիոն Վահագն Դավթյանն էր: Եռյակը եզրափակեց Արթուր Ավետիսյանը:

ՀՀ առաջնությունից հետո մարմնամարզիկները մարտի 18-ին մեկնելու է Դոհա՝ աշխարհի գավաթի խաղարկությանը մասնակցելու: Այն կայանալու է մարտի 22-24-ը: Հետո մարզիկները վերադառնալու են Հայաստան ու մարտի 28-ին 5 երիտասարդների հետ մեկնեն Թբիլիսի՝ 10-օրյա ուսումնամարզական հավաքի: Ապրիլի 7-ին երիտասարդները կվերադառնան Հայաստան, մյուսները կմեկնեն Լեհաստան, որտեղ ապրիլի 10-14-ը տեղի է ունենալու Եվրոպայի առաջնությունը:

Աշխարհի գավաթի խաղարկությանը մասնակցելու են Հարություն Մերդինյանը, Արթուր Դավթյանը, Վահագն Դավթյանը եւ Արթուր Թովմասյանը: Եվրոպայի առաջնությունում այս 4 մարզիկներին միանալու են Վիգեն Խաչատրյանը եւ Արթուր Ավետիսյանը:

Տպել
596 դիտում

Փոխվարչապետ Ավինյանն Ուրբասեր ընկերության պատվիրակության հետ քննարկել է բիզնես և ներդրումային միջավայրի հարցեր

ՀՀ պաշտպանության նախարարն ընդունել է Բելառուսի զինված ուժերի գլխավոր շտաբի պետին

Հայաստանի ազատ ոճի ըմբիշները ձեռնունայն կվերադառնան Աշխարհի առաջնությունից

Ադրբեջանում գտնվող Ղազարյանները պետք է վերադարձվեն Հայաստանին. Զոհրաբ Մնացականյան

Ծանրամարտի Աշխարհի առաջնություն. Իզաբելա Յայլյանը 6-րդն է B խմբում

Վարչապետը շնորհավորական ուղերձ է հղել Մալթայի վարչապետին Անկախության օրվա կապակցությամբ

Գյումրիում տոնը շարունակվում է (լուսանկարներ)

ՀՀ վարչապետի գլխավորած պատվիրակությունը Գյումրիից մեկնել է ԱՄՆ

Ամենօրյա պայքար հանուն անկախության

Իմ դեմ կեղծ ցուցմունք են տվել. Վայոց ձորի մարզպետը՝ իր օգնականի մասնակցությամբ միջադեպի մասին

Քաջարան-Մեղրի ավտոճանապարհին մառախուղ է՝ տեսանելիությունը 1-2 մետր

Միայն հարգանքից ելնելով է առաջարկվել Վանեցյանի եւ Օսիպյանի ազատումը ձևակերպել հրաժարականի դիմումներով. ԱԺ նախագահ

«Մուլտի Գրուպ» կոնցեռնի տնօրենին մեղադրանք է առաջադրվել նաև առանձնապես խոշոր չափի փողերի լվացման համար. ՔԿ

Մենք ունենք 2 պետություն, բայց 1 հայրենիք եւ մեր նպատակը 1 պետություն, 1 հայրենիք ունենալն է. Դավիթ Բաբայան

Հայաստան է ժամանել Բելառուսի Զինված ուժերի գլխավոր շտաբի պետը

Ես Արցախ եմ հրավիրելու այս բոլոր մրցանակակիրներին և նորից մեծարելու եմ նրանց. Բակո Սահակյան

Հայ ժողովուրդը ոչ միայն դարձել է ավելի ուժեղ, այլ ավելի ամուր է կանգնել իր ոտքերի վրա. վարչապետ

Անցնող շաբաթ Ադրբեջանի հետ շփման գծում հայ դիրքապահների ուղղությամբ արձակել է շուրջ 1000 կրակոց

«Մեր ժամանակների հերոսը» մրցանակաբաշխության գլխավոր մրցանակակրի անունը կարդաց ՀՀ վարչապետը

Նիկոլ Փաշինյանը շարունակում է շնորհավորական ուղերձներ ստանալ Անկախության օրվա առթիվ