«Red Eagles» ֆան-ակումբը 3 պահանջ է ներկայացնում Հայաստանի ֆուտբոլի ֆեդերացիայի, որոնցից մեկը գլխավոր քարտուղար, գործկոմի տնօրեն Արմեն Մելիքբեկյանի հրաժարականն է: Այս մասին այսօր՝ մարտի 19-ին, լրագրողների հետ հանդիպման ժամանակ ասացին ֆան-ակումբի ղեկավարներ Դենիս Սարգսյանը (լուսանկարում՝ ձախից) եւ Դավիթ Թորոսյանը: Նրանք նշում են, որ այն պահից, ինչ ֆեդերացիան նոր ղեկավարություն ունի, իրենց խանգարող որոշումներ են կայացվում, եւ դա ուղղորդվում է Մելքբեկյանի կողմից:

«Նոր ֆեդերացիան հենց առաջին օրվանից ֆան-շարժումների մեջ սկսեց տարբերություններ դնել. առավելություն տալ մեկին (խմբ. նկատի ունի ՖԱՖ-ին), մյուսի՝ մեզ համար ավելի շատ խոչըդոտներ ստեղծել: Դեռ ֆեդերացիան չէր ձեւավորվել, հանդիպում եղավ Վանեցյան-հայկական ֆուտբոլային աշխարհ, մեզ որեւէ մեկը չէր հրավիրել, բայց մյուս շարժումը ներկա էր»,- պատմեց Սարգսյանը:

Նա կողմնակալություն է տեսնում այն աոումով, որ գործկոմի կազմում կա ՖԱՖ-ի հետ կապ ունեցող 2 անդամ (Կարեն Շաբոյան, Խաչատուր Ադումյան): Նշում է, որ գումարած դրան ֆեդերացիայում ֆան-շարժումների, երկրպագուների հարցերով պատասխանատուն նույնպես ՖԱՖ-ի անդամ է: Ըստ Red Eagles-ի՝ այս պարագայում Մելիքբեկյանի հեռացումով ու ֆան-ակումբների միջեւ հավասարություն պահպանելով է հնարավոր լուծել առաջացած խնդիրները:  

«Մեզ մնում է 1 բան, պայքարել նմանատիպ երեւույթների դեմ: 3 պահանջ ունենք ֆեդերացիայի դեմ, եւ այդ պահանջների համար սկսելու ենք գործողություներ: Պահանջներն ենք Արմեն Մելիքբեկյանի հեռացումը ֆեդերացիայի գործադիր տնօրենի պաշտոնից, ՀՖՖ գործկոմի բալանսավորում. կա՛մ 2 ֆան-ակումբներից են լինելու ներկայացուցիչներ, կա՛մ ոչ մեկից չի լինելու: Իմիջայլոց մենք հակված չենք լինել, քանի որ այդպես քչանում է անկախությունը: 3-րդը, երկրպագուների գծով պատասխանատուն որեւէ ֆան-շարժումից չպետք է լինի»,- ասաց Սարգսյանը:

Red Eagles-ի ներկայացուցիչները նաեւ պատմեցին՝ ինչպես են խնդիրներ ունեցել հավաքականի տնային խաղերի տոմսեր ձեռք բերելու հարցում: Սարգսյանի օրինակներից մեկն այն է, որ Ազգերի լիգայի խմբային փուլի Ջիբրալթարի դեմ խաղում իրենք կարողացել են նստելու տեղ գտել, սակայն հաջորդ հանդիպման ժամանակ պարզել են, որ այդ տոմսերը չեն կարող գնել: Երբ փորձել են բացատրություն ստանալ, իրենցասել են, թե թյուրիմացաբար այդ տեղերը տվել են հայ մրցավարներին:

Սարգսյանը նշում է նաեւ, որ ամիսներ առաջ հանդիպում են ունեցել ՀՖՖ նախագահ Արթուր Վանեցյանի հետ: Քննարկել են ֆան-ակումբների տեղերը մարզադաշտում: Հաստատել են, որ արեւելյան տրիբունայում մի հատված հատկացված է լինելու նրանց, երբ սկսվել է Եվրո 2020-ի ընտրական փուլի Ֆինլանդիա-Հայաստան հանդիպման տոմսերի վաճառքը, պարզվել է, որ այդ տեղերը ու որոշ հատված էլ ավելի տրվել է ՖԱՖ-ին: Մելքիբեկյանը Red Eagles-ին պարզաբանում է տվել, ըստ որի, ՖԱՖ-ը 2000 տոմսի հայտ է ներկայացրել, այդ պատճառով է այդպես ստացվել, սակայն, ըստ Սարգսյանի, իրականում 1000 տոմսի հայտ է եղել: Սարգսայի խոսքով՝ ՀՀ առաջնության հանդիպումներից մեկի ժամանակ այս հարցի շուրջ Մելքիբեկյանի հետ խոսելուց հետո իրենց մոտեցել են ՀՖՖ ներկայացուցիչներ ու քաշքշուկ սկսել, ինչին Մելքիբեկյանը չի արձագանքել:

Ինչ վերաբերում է առաջիկա խաղի տոմսերին, ապա, Սարգսյանը կրկնում է օրեր առաջ արված պաշտոնական հայտարարությունը, որ տոմսարկղում իրենց ասել են, որ հրահանգված է Red Eagles-ին տոմսեր չվաճառել: Այդ պատճառով իրենք ստիպված են եղել այլ կերպ դրանք ձեռք բերել: Նշում է, որ իրենց փոխարեն ուրիշներն են գնում կատարել, արդեն մոտ 200 տոմս ունեն, ու մարզադաշտ գնալու են:

Red Eagles-ի ղեկավարներն ընդգծում են, որ իրենց ու ՖԱՖ-ի միջեւ ոչ մի խնդիր չկա ու այս հարցում ամենեւին մյուս ֆան-ակումբին չեն մեղադրում: Սա, ըստ նրանց, բացառապես ֆեդերացիայի վերաբերմունքն է, ինչի պատճառն այն է, որ Մելիքբեկյանն անձնական համակրանք ունի ՖԱՖ-ի նկատմամբ:

«Պատճառն այն է, որ մյուս ֆան շարժման ստեղծման ակունքներում կանգնած է Մելիքբեկյանը: ՖԱՖ-ի 4-ամյակին, եթե ձեզանից որեւէ մեկը ներկա է եղել, նույն Մելքիբեկյանը շատ հպարտորեն ասում էր. «Ես շատ հպարտ եմ, որ ՖԱՖ-ի ստեղծման ակունքներում եմ կանգնած»»,- ասաց Սարգսյանը:

«Հայկական ժամանակ»-ի հետ զրույցում ՀՖՖ-ից ասել էին, որ Red Eagles-ին մերժել են տոմսեր վաճառել, միայն այն պատճառով, որ նրանք հրաժարվել են անվտանգության եւ վարքի նորմերի վերաբերյալ համաձայնագիր կնքել: Red Eagles-ն ընդգծում է, որ համաձայնագրում կան կետեր, որոնք անընդունելի են: Դրանցից մեկը այն է, որ ՀՖՖ-ն պահանջում է, որպեսզի ֆան-ակումբը, բացի այն տեղերից, որտեղ իր անդամները նստելու են, գնի եւս 3 շարքի տոմսեր ու դրանք թողնի ազատ: Սարգսյանը նշում է, որ դա մեծ գումար է: Ասում է, որ իրենք դժգոհ են նաեւ այն փաստից, որ բոլոր կազմակերպությունները, բացի ֆան-ակումբներից, իրավուքն ունեն կորպորատիվ հայտերով զեղչեր ստանալ:

«Ֆան-ակումբը ՀՖՖ-ի զեղչերից չի օգտվում: Մեզ հատկացված տեղերն արժեն 5 հազար դրամ: Մեզ ասում են, եթե նստում ես այդտեղ, պետք է վերեւի է 3 շարքերն էլ գնես, որպեսզի մնացածին չխանգարես: Հարց ենք տալիս՝ ինչ սկզբունքով է որոշվում, որ ֆան-ակումբները պետք է զեղչերից չօգտվեն, մյուս կազմակերպությունները օգտվեն: Ֆանտաստիկ պատասխան են մեզ տալիս, թե գիտեք՝ ի՞նչ, դուք միեւնույն է գալու եք, մեր գլխավոր նպատակը մնացածի գալն է: Սա ասել է քարտուղարի տեղակալ Արթուր Ազարյանը: Եթե վատագույն դեպքում գնանք 150 հոգով՝ 105 հավելյալ տոմս պետք է գնենք: 105 հավելյալ տոմսն արժե 525 հազար դրամ: Ստացվում է՝ կազմակերպությունների համար զեղչ է, իսկ ֆան-ակումբի համար ոչ միայն զեղչ չէ, այլ մոտ 50%-ով թանկ է»,- ասաց նա:

Մյուս կետն այն է, որ ՀՖՖ-ն պահանջում է խաղերից առաջ համաձայնեցնել այն ակցիաները, որոնք ֆան-ակումբը պատրաստվում է իրականացնել հանդիպման ժամանակ, ու այն, ինչ գրված է լինելու պաստառների վրա: Սա «Red Eagles»-ի համար նույնպես ընդունելի չէ: Սարգսյանը նշում է, որ սա անհարկի միջամտություն է իրենց գործերին:

««Red Eagles» ֆան-ակումբն ամբողջությամբ անկախ է եւ չի կարող թույլ տալ, որ ֆեդերացիան խառնվի իր որոշումներին: Բնականաբար չէինք կարող ստորագրել այդ թուղթը, որովհետեւ ինչպե՞ս եք պատկերացնում, որ գնանք քննարկենք, թե ինչ ակցիա պետք է անենք: Պատկերացրեք՝ բողոքի ակցիա ենք անում, գնանք հարցնենք՝ կարելի՞ է ձեզ դեմ բողոքել, թե՝ չէ: Գլխավոր պայմանը դա է եղել, որ չենք ստորագրել»,- ասաց նա:

«Red Eagles»-ին զարմացրել է ՀՖՖ-ի եւս մեկ պահանջ: Համաձայնագրի կետերից մեկն այն մասին է, որ իրենք պետք է վճարեն ֆեդերացիայի նկատմամբ միջազգային ֆեդերացիաներից եկած այն տուգանքները, որոնք կլինեն հանդիպումների ընթացքում ֆան-ակումբների գործողությունների հետեւանքով:

«Աշխարհում կա՞ այդպիսի պարակտիկա, որ ֆան-ակումբը պետք է վճարի տուգանքի համար»,- ասաց նա, իսկ Դավիթ Թորոսյանն ավելացրեց, որ եղել է դեպք, որ ՀՖՖ-ն տուգանվել է, քանի որ ոստիկանության անփութության պատճառով թերություններ են եղել, եւ ինքը չի կարծում, որ այդ տուգանքը վճարել է ոստիկանությունը:

«Red Eagles»-ը չի պատրաստվում բողոքի որեւէ ակցիա անել Եվրո 2020-ի որակավորման փուլի հավաքականի առաջին տնային հանդիպման ժամանակ, որի շրջանակներում մարտի 26-ին ՀՀ-ն ընդունելու է Ֆինլանդիային: Սակայն հետագայում քայլեր են ձեռնարկելու: Բողոքի գործողություններ են լինելու ՀՀ առաջնության, հավաքականի խաղերի ընթացքում եւ այլ տարբերակներով:

Տպել
620 դիտում

Թիմի աշխատանքից լիարժեք գոհ չեմ, իմ աշխատանքից էլ լիարժեք գոհ չեմ. Նիկոլ Փաշինյան

Հանձնարարականը պոզով-պոչո՞վ է լինում, արդեն 10 ամիս ուշացել եք. վարչապետը՝ ոստիկանությանը

Ունենք կառավարություն, որտեղ ընդգրկված հաշմանդամություն ունեցող մարդիկ ի զորու են խնդիրներ լուծել. վարչապետ

Երևանը պետք է ունենա գրադարանների կառավարման նոր համակարգ, և այն պետք է բխի հասարակության շահերից. փոխքաղաքապետ

Աննա՞, էդքան անհետաքրքիր ա՞. վարչապետի կնոջ «աչքը կպել էր» ֆեյսբուքյան ուղիղ եթերի ընթացքում

Ն. Փաշինյանը խոստացավ անձամբ զբաղվել ծնողազուրկ զինվորին Արցախ չտեղափոխելու խնդրանքով

Գործ հարուցելու համար պարտադիր պետք են հիմքեր. վարչապետը՝ Սերժ Սարգսյանի նկատմամբ քրգործ հարուցելու մասին

Շատ եմ վերլուծել այդ օրվա իմ գործողությունները. վարչապետը՝ մաքսատան աշխատակցի ազատման մասին

Մենք այժմ մշակում ենք մի ծրագիր, որով պետք է պատանիներին ներգրավենք մշակութային միջոցառումների մեջ. Փաշինյան

«Պապ, բա Աշոտը ե՞րբ ա գալու». փոքրիկ Արփին ուղիղ եթերում դիմեց Նիկոլ Փաշինյանին

Սաշիկի արգաչափերը, կոռուպցիան, բյուջեն ու կադրային ջարդը. վարչապետը՝ կետ առ կետ իր խոստումների մասին

«Հենց քուչի մեջն էլ մորթեք». Երեւան քաղաքի դատախազը հրապարկեց քրեական հեղինակությունների գաղտնալսումները

«ՀԺ»-ի ֆոտոլրագրողը՝ ոստիկանության՝ «Մակարով» տեսակի ատրճանակից հրաձգության առաջնության հաղթող

Տավուշի մարզպետարանը պարզաբանում է Դիլիջանի խմելու ջրի որակի ուսումնասիրությունների արդյունքները

Փաստը, որ ՊՎԾ պետն ԱԱԾ-ին մեղադրում է «շինծու» փաստեր ներկայացնելու մեջ, լրացուցիչ հնչեղություն է տալիս միջադեպին

2020 թվականից Հայաստանը կունենա նաեւ կանանց ֆուտբոլի ազգային հավաքական

ԱԺ նախագահը գոհ է ԱՊՀ ՄԽՎ 49-րդ լիագումար նստաշրջանի աշխատանքներից

Գարեգին Բաղրամյանն ազատվել է էներգետիկ ենթակառուցվածքների և բնական պաշարների փոխնախարարի պաշտոնից

Երթևեկության կանոնների խախտումների ծանուցումների մասին գործընթացի հետ կապված պարզաբանումներ՝ ոստիկանությունից

Մեզ բացարձակ չի հետաքրքրում, թե որ տնտեսվարողի հետեւում ով է կանգնած. ՊԵԿ 1-ին տեղակալ Ռաֆիկ Մաշադյան