Թատերական գործիչներից ովքեր պարգեւատրվեցին ոսկե մեդալներով, ովքեր` պատվոգրերով

Այսօր Թատրոնի միջազգային օրվա կապակցությամբ, թատերարվեստի ոլորտում ցուցաբերած բարեխիղճ աշխատանքի համար ՀՀ մշակույթի նախարարությունը ոսկե մեդալներով եւ պատվոգրերով պարգեւատրեց մի խումբ թատերական գործիչների:

Հանդիսությունը տեղի ունեցավ Գաբրիել Սունդուկյանի անվան ազգային ակադեմիական թատրոնում` գեղարվեստական ղեկավար Արմեն Էլբակյանի բացման խոսքով: Էլբակյանը հայտնեց, որ այն մարդիկ, որոնք աշխատում են թատրոնում, մարդիկ, են որ իրենց ամբողջ կյանքը նվիրել են թատրոնին եւ սպասարկել ստեղծագործական ընթացքը, նրանց բոլորի համար այսօր տոն է:

«Առանց թատրոնի, առանց մշակույթի անհնար է ապրել: Բազմիցս եմ ասել ու կասեմ, որ թատրոնն աշխարհի փոքր մոդելն է, եւ ինչպիսի գեղեցկությամբ, որ Աստված ստեղծել է աշխարհը, նույն գեղեցկությամբ, նույն սիրով պետք է ներկայանա թատրոնը, որ վաղվա օրն ավելի գեղեցիկ ու լուսավոր դառնա»,- նկատեց նա:

Ոսկե մեդալների արժանացան`

Գ. Սունդուկյանի անվան ազգային ակադեմիական թատրոնի դերասան Արմեն Մարությանը

Կ. Ստանիսլավսկու անվան պետական ռուսական դրամատիկական թատրոնի դերասանուհի Աննա Շամցյանը

Հ. Մալյանի անվան կինոդերասանի թատրոնի դերասան Սամվել Թոփալյանը

Երեւանի կամերային պետական թատրոնի դերասանուհի Լուիզա Ներսիսյանը

Ա. Սպենդիարյանի անվան օպերայի եւ բալետի ազգային ակադեմիական թատրոնի նվագախմբի գլխավոր կոնցերտմայստեր Գայանե Աբրահամյանը

Գյումրու Վ. Աճեմյանի անվան պետական դրամատիկական թատրոնի դերասան Սամվել Գրիգորյանը

Ա. Մազմանյանի անվան բեմարվեստի ազգային փորձարարական «Գոյ» թատրոնի դերասան Տրդատ Մակարյանը

Գորիսի Վ. Վաղարշյանի անվան պետական դրամատիկական թատրոնի տնօրեն և դերասան Շանթ Հովհաննիսյանը

Արտաշատի Ա. Խարազյանի անվան պետական դրամատիկական թատրոնի դերասան Գագիկ Թովմասյանը

Վանաձորի Հ. Աբելյանի անվան պետական դրամատիկական թատրոնի դերասանուհի Արմինե Վերմիշյանը

Ս. Սարգսյանի անվան համազգային թատրոնի դերասանուհի Տաթևիկ Ղազարյանը, Երևանի պատանի հանդիսատեսի թատրոնի դերասան Սամվել Օհանյանը:

Պատվոգրերով պարգեւատրվեցին`

Ա. Մազմանյանի անվան բեմարվեստի ազգային փորձարարական «Գոյ» թատրոնի դերասան Հայկ Կլեկչյանը

Երեւանի խամաճիկների պետական թատրոնի նկարիչ-կատարող Սուսաննա Տոնոյանը

Պետական կամերային երաժշտական թատրոնի պարուսույց բալետմայստեր Նարինե Միրզոյանը

Հ. Պարոնյանի անվան երաժշտական կոմեդիայի պետական թատրոնի դերասանուհի Արև Հակոբյանը

Երեւանի մնջախաղի պետական թատրոնի դերասան Մանվել Սարգսյանը

Հ. Թումանյանի անվան պետական տիկնիկային թատրոնի լուսային ծառայությունների պետ Արամ Աղաջանյանը

Պետական կամերային երաժշտական թատրոնի դերասանուհի Անահիտ Կիրակոսյանը և դերասան Ներսես Մարկոսյանը

Կ. Ստանիսլավսկու անվան պետական դրամատիկական թատրոնի դերասան Վյաչեսլավ Շամիրյանը

Մայր թատրոնի դերասանուհի Լուսինե Կոստանյանը

Գորիսի թատրոնի դերասանուհի Փեհիմնա Աբրահամյանը

Գյումրու Վ. Աճեմյանի անվան դրամատիկական թատրոնի դերասան Արսեն Սաղաթելյանը

Համազգային թատրոնի դերասանուհի Արմինե Անդրեասյանը

Արտաշատի թատրոնի դերասանուհի Սառա Ռուշանյանը

Կապանի Ա. Շիրվանզադեի անվան պետական դրամատիկական թատրոնի դերասանուհի Աիդա Սահակյանը

Գեղարքունիքի Լ. Քալանթարի անվան պետական դրամատիկական թատրոնի դերասանուհի Ռուզաննա Պողոսյանը

Հ. Ղափլանյանի անվան դրամատիկական թատրոնի դերասանուհի Նարինե Պետրոսյանը

Վանձորի Հ. Աբելյանի անվան պետական դրամատիկական թատրոնի դերասան Հակոբ Դեմիրճյանը

Երեւանի պատանի հանդիսատեսի թատրոնի դերասան Կոնստանտին Կոզմանովը

Կապանի թատրոնի դերասան Տիգրան Ղուկասյանը

Տիկնիկային թատրոնի դերասանուհի Վարդուհի Թովմասյանը

Գեղարքունիքի Լ. Քալանթարի անվան պետական դրամատիկական թատրոնի դերասան Մարտուն Ղևոնդյանը

«Մհեր Մկրտչյան» արտիստական թատրոնի դերասան Լեվսիր Դավթյանը:

Դերասան Շանթ Հովհաննիսյանի կարծիքով՝ այս միջոցառումներին մասնակցելը հատկապես երիտասարդնրին շատ կոգեւորի, նոր թափ կտա նրանց աշխատանքին:

«Մարզային թատրոնները գործում են, պետք է գործեն եւ նոր ասելիքով ներկայանան հանդիսատեսին: Թատրոնում լինում են հաջողված գործեր, երբեմն` ոչ այնքան, բայց թատրոնն ունի իր թատերասերը»,-ասաց Հովհաննիսյանը:

Միջոցառման ընթացքում ՀՀ մշակույթի փոխնախարար Վահե Բուդումյանը ընթերցեց ՀՀ մշակույթի նախարարի պարտականությունները կատարող Նազենի Ղարիբյանի ուղերձը, որում Ղարիբյանը շնորհավորում էր բոլորին թատրոնի միջազգային օրվա առթիվ:

«Ամեն տարի այս օրը ևս մեկ անգամ հնարավորություն ունենք գնահատելու, վերարժևորելու թատրոնի ոլորտի նվիրյալների անասելի աշխատանքը, հպարտանալու մեր թատերարվեստի ձեռքբերումներով: Թատրոնը մշակութային օջախ է, որտեղ ներկայացվում են գեղեցիկն ու իրականը, կարեւորվում է յուրաքանչյուր ժեստ, դիմախաղ, խոսք: Համարվում է, որ թատրոնը նույնքան հին է, որքան քաղաքակրթության պատմությունը: Այն խտացնում է ոչ միայն հազարամյակներով թրծված խաղի ծիսական հոգին, այլև արվեստի տարբեր դրսևորումները` գրավելով հանդիսատեսին իր ազդեցիկ անմիջականությամբ: Նախարարությունն արժևորում է հայ բեմի ավանդույթների սերնդեսերունդ փոխանցումն ու միևնույն ժամանակ նորարարություններից չխուսափելու միտումը»,-ասվում էր ուղերձում:

Տպել
1757 դիտում

30-ն անց աղջիկներին տանջող հարցերից է՝ «Տանը մնացի՞». Թամարա Պետրոսյանը նոր մոնո ներկայացմամբ հանդես կա

Ըմբշամարտի Աշխարհի առաջնություն. Արթուր Ալեքսանյանը հաղթեց թուրք ըմբիշին և դուրս եկավ 1/4

Հայ Առաքելական եկեղեցին այսօր նշում է Խաչվերացի տոնը

Ըմբշամարտի ԱԱ. Կարեն Ասլանյանը 10:1 հաշվով հաղթեց տաջիկ ըմբիշին ու դուրս եկավ 1/8

Երևանի Ծիծեռնակաբերդի խճուղում 4 մեքենա է բախվել. կա 7 տուժած, այդ թվում՝ երեխաներ

Երեւանում, Քասախ գյուղում և Կապան քաղաքում փրկարարները հայտնաբերել եւ տեղափոխել են օձերի

Բեզոարյան այծը հայտնվել է թակարդում եւ ոտքը կոտրել. Տեսչական մարմնի աշխատակիցները չեն կարողացել օգնել

Եթե զգամ, որ խորհրդականի կարիք կա՝ որոշում կկայացնեմ՝ դեռ չեմ կողմնորոշվում. ՀՌՀ խորհրդի նախագահ

Երեկ Շիրակի մարզի Բավրա գյուղից 12 կմ արևելք եւս մեկ երկրաշարժ է գրանցվել

Սեպտեմբերի 16-ին էլեկտրաէներգիայի մինչեւ 6-ժամյա անջատումներ կլինեն Երևանում և 8 մարզում

Մեղրիի բնակարաններից մեկում գազի արտահոսք է եղել՝ հրդեհի բռնկմամբ

Ըմբշամարտի աշխարհի առաջնություն. Արթուր Ալեքսանյանը 5:0 հաշվով հաղթանակ է տարել

«Մաեստրո Մանսուրյան-80». Գյումրիում կայացավ մեծ համերգ՝ կարեւոր առաքելությամբ

Չանկախություն. «Գազպրոմի» ֆորպոստը

Աղմկահարույց սպանության հետքերով. իրավապահները լռում են, որ շատ բան իմանան

«Հայամերիկյան» օպտիկական խաբկանք. անվճար վճարովի ակնոցներ

Արագած լեռան վրա արջի հարձակումից տուժած Լեհաստանի քաղաքացին մահացել է

Վարչապետն ընտանիքի հետ ներկա է գտնվել Սեւանի թերակղզում կազմակերպված ձկան փառատոնի բացմանը (լուսանկարներ)

Փաշինյանն ընդդեմ նախկինների. հաշիվն այսօր 10:3 է՝ հօգուտ Փաշինյանի․ Կարեն Անդրեասյան

ԱԺ նախագահն ընդունել է Ֆրանսիա-Հայաստան բարեկամական խմբի փոխնախագահի գլխավորած պատվիրակությանը