80 միլիոնանոց շուկան բացում ենք մեզ համար ու ասում, թե մեր 3 միլիոնանոց շուկան կարող է գրավեն․ վարչապետ

Իրանի եւ ԵԱՏՄ երկրների միջեւ կնքված ազատ առեւտրի գոտու ձեւավորմանն ուղղված համաձայնագիրը բխում է մեր երկրի շահերից: Իսկ տեղական արտադրության ապրանքատեսակները չեն կարող զիջել ցածր մաքսատուրքերով ներմուծվող ապրանքատեսակներին, եթե արտադրողները, գյուղացիներն իսկապես լավ աշխատանք կատարեն: Այս մասին այսօր Ազգային ժողովում ասաց ՀՀ վարչապետ Նիկոլ Փաշինյանը՝ ի պատասխան «Իմ քայլը» խմբակցության պատգամավոր Լիլիթ Ստեփանյանի հարցի։

Ստեփանյանը, մասնավորապես, վարչապետին հարցրեց, թե վերոնշյալ համաձայնագրով հնարավո՞ր է որոշ ռիսկեր ստեղծվեն Հայաստանում գյուղատնտեսության եւ ջերմոցային ոլորտի տնտեսավարողների համար․

«Արդյոք համաձայնագրի հիմքում կա՞ն կոնկրետ հաշվարկներ, թե, օրինակ, ինչ կարժենա 1 կգ կարտոֆիլը, եթե այն Իրանից հասնի Հայաստան, եւ այս համաձայնագիրը շահավետ է տնտեսակա՞ն, թե՞ քաղաքական տեսանկյունից»:

Գործադիրի ղեկավարն ասաց, որ ազատ առեւտրի համաձայնագիրը ոչ միայն այն մասին է, որ Իրանից կարող են ապրանք ներմուծել Հայաստան, այլեւ Հայաստանից արտահանել Իրան․

«Հետաքրքիրն այն է, որ 3 միլիոնանոց շուկան պայմանագիր է կնքում պայմանականորեն 80-միլիոնանոց շուկայի հետ, եւ մեր մոտ առաջին ռեակցիան այն է, որ կարող է այնտեղից կարտոֆիլ բերեն, ու մեր կարտոֆիլի գինը էժանանա: Ես երեկ ասացի, որ մենք կարտոֆիլ արտահանելու պոտենցիալ ունենք, բայց չենք կարողանում արտահանել, եւ մեր մտածողությունը մնում ա էն, որ մենք կարտոֆիլը պետքա Կոմիտասի պողոտայի վրա շարենք, վաճառենք։ Մենք տարեկան 100 հազար տոննա կարտոֆիլ արտահանելու պոտենցիալ ունենք, որը չենք կարողանում արտահանել: 80 միլիոնանոց շուկան բացում ենք մեզ համար ու ասում, թե մեր 3 միլիոնանոց շուկան կարող է գրավեն: Եթե չաշխատենք, այո, կարող են գրավել»,-ասաց Փաշինյանը` հավելելով, որ գյուղատնտեսության ոլորտում մտավոր աշխատանքի բաղադրիչը պետք է մեծանա եւ ֆիզիկական աշխատանքի բաղադրիչը` փոքրանա։ Վարչապետն ընդգծեց, որ այդ պայմանագիրը ձեռնտու է Հայաստանին եւ բխում է ՀՀ շահերից: 

Տպել
4056 դիտում

«Մալաթիա մոլի» շենքում բռնկված հրդեհը մարվել է

Գյումրու օրվա տոնական միջոցառումներին է միացել վարչապետ Նիկոլ Փաշինյանը (լուսանկարներ, տեսանյութ)

Գյումրին բոլոր հարցերում յուրահատուկ տեղ ունի․ ԱԺ փոխնախագահ Ալեն Սիմոնյանը մասնակցում է «Քաղաքի օր» միջոցառմանը

Չապնի եւ Սեւաքար գյուղերում անօդաչու թռչող սարքերով հետազոտվել են հրդեհի օջախները․ 110 բնակիչ տարհանվել է

Գյումրիում մեծ տոնախմբություն է. նշվում է քաղաքի օրը (լուսանկարներ)

Երեւանյան բնակարանում հայտնաբերվել է ԱԱԾ նախկին աշխատակցի դին, կողքին՝ ատրճանակ. Shamshyan.com

Էստոնիայի հավաքականի պաշտպանը տեղափոխվեց Ալաշկերտ

«Մալաթիա մոլ»-ի շենքում բռնկված հրդեհի հետեւանքով տուժած բոլոր քաղաքացիները դուրս են գրվել հիվանդանոցներից

Փաշինյանը հրապարակել է իր եւ տիկնոջ լուսանկարը՝ գովազդելով հայկական արտադրության վերնաշապիկները

Հունան Պողոսյանը արտահերթ խորհրդակցություն է հրավիրել՝ Սյունիքի մարզում աննախադեպ հրդեհների առնչությամբ

Արայի լեռան ստորոտում հրդեհաշիջման աշխատանքները շարունակվում են. առկա է 5 ծխացող օջախ

ՊԵԿ-ը 1 մլն 938 հազար դրամով տուգանել է «Ֆլեշ» ընկերությանը

«Պրծնենք, սաղիդ տանելու եմ «Փարվանա», պատիվ տամ». Սամվել Ալեքսանյանը գոհ է հրշեջների աշխատանքից

Մեկ օրում ՀՀ տարածքում գրանցվել է խոտածածկ տարածքներում բռնկված 75 հրդեհ

G7-ի ղեկավարները դեմ են Իրանի՝ միջուկային զենք ունենալուն

Գյումրին պատրաստ է քաղաքի տոնին. միջոցառմանը ներկա է լինելու նաեւ վարչապետ Նիկոլ Փաշինյանը

«Մալաթիա մոլ»-ի շենքում բռնկված հրդեհը մեկուսացվել է. հրդեհաշիջման աշխատանքներին մասնակցում է 13 մարտական հաշվարկ

ԱԻ նախարարը հրդեհի վայրում է. ձևավորվել է 30 հոգուց կազմված աշխատանքային խումբ, աշխատում է 19 մարտական հաշվարկ

Հրդեհի հետևանքով Հանրապետական հիվանդանոց տեղափոխված 2 քաղաքացիները դուրս են գրվել

Վայոց Ձորում վթարի հետևանքով զոհվել է 3 քաղաքացի, եւս 3-ը հիվանդանոցում են